| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. தண்ஹாஸுத்தங்
10. Taṇhāsuttaṃ
170. ‘‘திஸ்ஸோ இமா, பி⁴க்க²வே, தண்ஹா. கதமா திஸ்ஸோ? காமதண்ஹா, ப⁴வதண்ஹா, விப⁴வதண்ஹா – இமா கோ², பி⁴க்க²வே, திஸ்ஸோ தண்ஹா. இமாஸங் கோ², பி⁴க்க²வே, திஸ்ஸன்னங் தண்ஹானங் அபி⁴ஞ்ஞாய பரிஞ்ஞாய பரிக்க²யாய பஹானாய…பே॰… அயங் அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே , பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். இமாஸங் கோ², பி⁴க்க²வே, திஸ்ஸன்னங் தண்ஹானங் அபி⁴ஞ்ஞாய பரிஞ்ஞாய பரிக்க²யாய பஹானாய…பே॰… அயங் அரியோ அட்ட²ங்கி³கோ மக்³கோ³ பா⁴வேதப்³போ³’’தி. த³ஸமங்.
170. ‘‘Tisso imā, bhikkhave, taṇhā. Katamā tisso? Kāmataṇhā, bhavataṇhā, vibhavataṇhā – imā kho, bhikkhave, tisso taṇhā. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Idha, bhikkhave , bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-11. விதா⁴ஸுத்தாதி³வண்ணனா • 2-11. Vidhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-11. விதா⁴ஸுத்தாதி³வண்ணனா • 2-11. Vidhāsuttādivaṇṇanā
