| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. তণ্হাসুত্তং
10. Taṇhāsuttaṃ
১৭০. ‘‘তিস্সো ইমা, ভিক্খৰে, তণ্হা। কতমা তিস্সো? কামতণ্হা, ভৰতণ্হা, ৰিভৰতণ্হা – ইমা খো, ভিক্খৰে, তিস্সো তণ্হা। ইমাসং খো, ভিক্খৰে, তিস্সন্নং তণ্হানং অভিঞ্ঞায পরিঞ্ঞায পরিক্খযায পহানায…পে॰… অযং অরিযো অট্ঠঙ্গিকো মগ্গো ভাৰেতব্বো। কতমো অরিযো অট্ঠঙ্গিকো মগ্গো? ইধ, ভিক্খৰে , ভিক্খু সম্মাদিট্ঠিং ভাৰেতি ৰিৰেকনিস্সিতং ৰিরাগনিস্সিতং নিরোধনিস্সিতং ৰোস্সগ্গপরিণামিং…পে॰… সম্মাসমাধিং ভাৰেতি ৰিৰেকনিস্সিতং ৰিরাগনিস্সিতং নিরোধনিস্সিতং ৰোস্সগ্গপরিণামিং। ইমাসং খো, ভিক্খৰে, তিস্সন্নং তণ্হানং অভিঞ্ঞায পরিঞ্ঞায পরিক্খযায পহানায…পে॰… অযং অরিযো অট্ঠঙ্গিকো মগ্গো ভাৰেতব্বো’’তি। দসমং।
170. ‘‘Tisso imā, bhikkhave, taṇhā. Katamā tisso? Kāmataṇhā, bhavataṇhā, vibhavataṇhā – imā kho, bhikkhave, tisso taṇhā. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Idha, bhikkhave , bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Dasamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-১১. ৰিধাসুত্তাদিৰণ্ণনা • 2-11. Vidhāsuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-১১. ৰিধাসুত্তাদিৰণ্ণনা • 2-11. Vidhāsuttādivaṇṇanā
