| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. д̇ан̣хаасуд̇д̇ам̣
9. Taṇhāsuttaṃ
199. бхаг̇аваа зд̇ад̣̇авожа – ‘‘д̇ан̣хам̣ во, бхигкавз, д̣̇зсзссаами ж̇аалиним̣ сарид̇ам̣ висадам̣ висад̇д̇игам̣, яааяа аяам̣ лого уд̣̇д̇хасд̇о барияонад̣̇д̇хо д̇анд̇аагулагаж̇аад̇о г̇улааг̇ун̣тигаж̇аад̇о 1 мун̃ж̇абаб̣б̣аж̇абхууд̇о абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
199. Bhagavā etadavoca – ‘‘taṇhaṃ vo, bhikkhave, desessāmi jāliniṃ saritaṃ visaṭaṃ visattikaṃ, yāya ayaṃ loko uddhasto pariyonaddho tantākulakajāto gulāguṇṭhikajāto 2 muñjapabbajabhūto apāyaṃ duggatiṃ vinipātaṃ saṃsāraṃ nātivattati. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амаа жа саа, бхигкавз, д̇ан̣хаа ж̇аалиний сарид̇аа висадаа висад̇д̇игаа, яааяа аяам̣ лого уд̣̇д̇хасд̇о барияонад̣̇д̇хо д̇анд̇аагулагаж̇аад̇о г̇улааг̇ун̣тигаж̇аад̇о мун̃ж̇абаб̣б̣аж̇абхууд̇о абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и ? адтаараса ко банимаани, бхигкавз, д̇ан̣хаавижарид̇аани аж̇жхад̇д̇игасса убаад̣̇ааяа, адтаараса д̇ан̣хаавижарид̇аани б̣аахирасса убаад̣̇ааяа.
‘‘Katamā ca sā, bhikkhave, taṇhā jālinī saritā visaṭā visattikā, yāya ayaṃ loko uddhasto pariyonaddho tantākulakajāto gulāguṇṭhikajāto muñjapabbajabhūto apāyaṃ duggatiṃ vinipātaṃ saṃsāraṃ nātivattati ? Aṭṭhārasa kho panimāni, bhikkhave, taṇhāvicaritāni ajjhattikassa upādāya, aṭṭhārasa taṇhāvicaritāni bāhirassa upādāya.
‘‘гад̇амаани адтаараса д̇ан̣хаавижарид̇аани аж̇жхад̇д̇игасса убаад̣̇ааяа? асмийд̇и, бхигкавз, сад̇и ид̇т̇асмийд̇и ход̇и, звам̣смийд̇и 3 ход̇и, ан̃н̃ат̇аасмийд̇и ход̇и, асасмийд̇и ход̇и, сад̇асмийд̇и ход̇и, санд̇и ход̇и, ид̇т̇ам̣ санд̇и ход̇и, звам̣ санд̇и ход̇и, ан̃н̃ат̇аа санд̇и ход̇и, абихам̣ 4 санд̇и ход̇и, абихам̣ 5 ид̇т̇ам̣ санд̇и ход̇и, абихам̣ 6 звам̣ санд̇и ход̇и, абихам̣ 7 ан̃н̃ат̇аа санд̇и ход̇и , бхависсанд̇и ход̇и, ид̇т̇ам̣ бхависсанд̇и ход̇и, звам̣ бхависсанд̇и ход̇и, ан̃н̃ат̇аа бхависсанд̇и ход̇и. имаани адтаараса д̇ан̣хаавижарид̇аани аж̇жхад̇д̇игасса убаад̣̇ааяа.
‘‘Katamāni aṭṭhārasa taṇhāvicaritāni ajjhattikassa upādāya? Asmīti, bhikkhave, sati itthasmīti hoti, evaṃsmīti 8 hoti, aññathāsmīti hoti, asasmīti hoti, satasmīti hoti, santi hoti, itthaṃ santi hoti, evaṃ santi hoti, aññathā santi hoti, apihaṃ 9 santi hoti, apihaṃ 10 itthaṃ santi hoti, apihaṃ 11 evaṃ santi hoti, apihaṃ 12 aññathā santi hoti , bhavissanti hoti, itthaṃ bhavissanti hoti, evaṃ bhavissanti hoti, aññathā bhavissanti hoti. Imāni aṭṭhārasa taṇhāvicaritāni ajjhattikassa upādāya.
‘‘гад̇амаани адтаараса д̇ан̣хаавижарид̇аани б̣аахирасса убаад̣̇ааяа? иминаасмийд̇и, бхигкавз, сад̇и иминаа ид̇т̇асмийд̇и ход̇и, иминаа звам̣смийд̇и ход̇и, иминаа ан̃н̃ат̇аасмийд̇и ход̇и, иминаа асасмийд̇и ход̇и, иминаа сад̇асмийд̇и ход̇и, иминаа санд̇и ход̇и, иминаа ид̇т̇ам̣ санд̇и ход̇и, иминаа звам̣ санд̇и ход̇и, иминаа ан̃н̃ат̇аа санд̇и ход̇и, иминаа абихам̣ санд̇и ход̇и, иминаа абихам̣ ид̇т̇ам̣ санд̇и ход̇и, иминаа абихам̣ звам̣ санд̇и ход̇и, иминаа абихам̣ ан̃н̃ат̇аа санд̇и ход̇и, иминаа бхависсанд̇и ход̇и, иминаа ид̇т̇ам̣ бхависсанд̇и ход̇и, иминаа звам̣ бхависсанд̇и ход̇и, иминаа ан̃н̃ат̇аа бхависсанд̇и ход̇и. имаани адтаараса д̇ан̣хаавижарид̇аани б̣аахирасса убаад̣̇ааяа.
‘‘Katamāni aṭṭhārasa taṇhāvicaritāni bāhirassa upādāya? Imināsmīti, bhikkhave, sati iminā itthasmīti hoti, iminā evaṃsmīti hoti, iminā aññathāsmīti hoti, iminā asasmīti hoti, iminā satasmīti hoti, iminā santi hoti, iminā itthaṃ santi hoti, iminā evaṃ santi hoti, iminā aññathā santi hoti, iminā apihaṃ santi hoti, iminā apihaṃ itthaṃ santi hoti, iminā apihaṃ evaṃ santi hoti, iminā apihaṃ aññathā santi hoti, iminā bhavissanti hoti, iminā itthaṃ bhavissanti hoti, iminā evaṃ bhavissanti hoti, iminā aññathā bhavissanti hoti. Imāni aṭṭhārasa taṇhāvicaritāni bāhirassa upādāya.
‘‘ид̇и адтаараса д̇ан̣хаавижарид̇аани аж̇жхад̇д̇игасса убаад̣̇ааяа, адтаараса д̇ан̣хаавижарид̇аани б̣аахирасса убаад̣̇ааяа. имаани вужжанд̇и, бхигкавз, чад̇д̇им̣са д̇ан̣хаавижарид̇аани. ид̇и зваруубаани ад̇ийд̇аани чад̇д̇им̣са д̇ан̣хаавижарид̇аани, анааг̇ад̇аани чад̇д̇им̣са д̇ан̣хаавижарид̇аани , бажжуббаннаани чад̇д̇им̣са д̇ан̣хаавижарид̇аани. звам̣ адтасад̇ам̣ д̇ан̣хаавижарид̇ам̣ хонд̇и.
‘‘Iti aṭṭhārasa taṇhāvicaritāni ajjhattikassa upādāya, aṭṭhārasa taṇhāvicaritāni bāhirassa upādāya. Imāni vuccanti, bhikkhave, chattiṃsa taṇhāvicaritāni. Iti evarūpāni atītāni chattiṃsa taṇhāvicaritāni, anāgatāni chattiṃsa taṇhāvicaritāni , paccuppannāni chattiṃsa taṇhāvicaritāni. Evaṃ aṭṭhasataṃ taṇhāvicaritaṃ honti.
‘‘аяам̣ ко саа, бхигкавз, д̇ан̣хаа ж̇аалиний сарид̇аа висадаа висад̇д̇игаа, яааяа аяам̣ лого уд̣̇д̇хасд̇о барияонад̣̇д̇хо д̇анд̇аагулагаж̇аад̇о г̇улааг̇ун̣тигаж̇аад̇о мун̃ж̇абаб̣б̣аж̇абхууд̇о абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇ий’’д̇и. навамам̣.
‘‘Ayaṃ kho sā, bhikkhave, taṇhā jālinī saritā visaṭā visattikā, yāya ayaṃ loko uddhasto pariyonaddho tantākulakajāto gulāguṇṭhikajāto muñjapabbajabhūto apāyaṃ duggatiṃ vinipātaṃ saṃsāraṃ nātivattatī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. д̇ан̣хаасуд̇д̇аван̣н̣анаа • 9. Taṇhāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. д̇ан̣хаасуд̇д̇аад̣̇иван̣н̣анаа • 9-10. Taṇhāsuttādivaṇṇanā
