| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౧. తణ్హాసుత్తం
11. Taṇhāsuttaṃ
౧౦౬. ‘‘తిస్సో ఇమా, భిక్ఖవే, తణ్హా పహాతబ్బా, తయో చ మానా. కతమా తిస్సో తణ్హా పహాతబ్బా? కామతణ్హా, భవతణ్హా, విభవతణ్హా – ఇమా తిస్సో తణ్హా పహాతబ్బా. కతమే తయో మానా పహాతబ్బా? మానో, ఓమానో, అతిమానో – ఇమే తయో మానా పహాతబ్బా. యతో ఖో, భిక్ఖవే, భిక్ఖునో ఇమా తిస్సో తణ్హా పహీనా హోన్తి, ఇమే చ తయో మానా; అయం వుచ్చతి, భిక్ఖవే, భిక్ఖు అచ్ఛేచ్ఛి తణ్హం, వివత్తయి సంయోజనం, సమ్మా మానాభిసమయా అన్తమకాసి దుక్ఖస్సా’’తి. ఏకాదసమం.
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
తస్సుద్దానం –
Tassuddānaṃ –
పాతుభావో ఆనిసంసో, అనిచ్చదుక్ఖఅనత్తతో;
Pātubhāvo ānisaṃso, aniccadukkhaanattato;
నిబ్బానం అనవత్థి, ఉక్ఖిత్తాసి అతమ్మయో;
Nibbānaṃ anavatthi, ukkhittāsi atammayo;
భవా తణ్హాయేకా దసాతి.
Bhavā taṇhāyekā dasāti.
దుతియపణ్ణాసకం సమత్తం.
Dutiyapaṇṇāsakaṃ samattaṃ.
Footnotes:
Related texts:
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౧. పాతుభావసుత్తాదివణ్ణనా • 1-11. Pātubhāvasuttādivaṇṇanā
