| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. д̇ан̣хаасуд̇д̇аван̣н̣анаа
9. Taṇhāsuttavaṇṇanā
199. навамз ж̇аалининд̇и ж̇ааласад̣̇исам̣. яат̇аа хи ж̇аалам̣ саманд̇ад̇о сам̣сиб̣б̣ид̇ам̣ аагулаб̣яаагулам̣, звам̣ д̇ан̣хаабийд̇и ж̇ааласад̣̇исад̇д̇аа ж̇аалинийд̇и вуд̇д̇аа. д̇аяо ваа бхавз аж̇жход̇т̇арид̇ваа тид̇ааяа зд̇иссаа д̇ад̇т̇а д̇ад̇т̇а ад̇д̇ано годтаасабхууд̇ам̣ ж̇аалам̣ ад̇т̇ийд̇иби ж̇аалиний. сарид̇анд̇и д̇ад̇т̇а д̇ад̇т̇а сарид̇ваа сам̣сарид̇ваа тид̇ам̣. висаданд̇и бад̇т̇адам̣ вигкид̇д̇ам̣. висад̇д̇иганд̇и д̇ад̇т̇а д̇ад̇т̇а висад̇д̇ам̣ лаг̇г̇ам̣ лаг̇ид̇ам̣. абижа ‘‘висамуулаад̇и висад̇д̇игаа. висапалаад̇и висад̇д̇игаа’’д̇иаад̣̇инааби (махаани. 3; жуул̣ани. мзд̇д̇аг̇уумаан̣авабужчаанид̣̇д̣̇зсо 22) наязнзд̇т̇а ад̇т̇о д̣̇адтаб̣б̣о. уд̣̇д̇хасд̇од̇и убари д̇хам̣сид̇о. барияонад̣̇д̇ход̇и саманд̇аа взтид̇о. д̇анд̇аагулагаж̇аад̇од̇и д̇анд̇ам̣ вияа аагулаж̇аад̇о. яат̇аа наама д̣̇уннигкид̇д̇ам̣ муусигажчиннам̣ бзсагаараанам̣ д̇анд̇ам̣ д̇ахим̣ д̇ахим̣ аагулам̣ ход̇и, ‘‘ид̣̇ам̣ аг̇г̇ам̣ ид̣̇ам̣ муула’’нд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣ ход̇и, звам̣ сад̇д̇аа имааяа д̇ан̣хааяа барияонад̣̇д̇хаа аагулаб̣яаагулаа на саггонд̇и ад̇д̇ано ниссаран̣амаг̇г̇ам̣ уж̇ум̣ гаад̇ум̣. г̇улааг̇ун̣тигаж̇аад̇од̇и г̇улааг̇ун̣тигам̣ вужжад̇и бзсагаараган̃ж̇ияасуд̇д̇ам̣. г̇улаа наама сагун̣игаа, д̇ассаа гулаавагод̇иби згз. яат̇аа д̇ад̣̇убхаяамби аагулам̣ аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггаранд̇и буриманаязнзва яож̇зд̇аб̣б̣ам̣. мун̃ж̇абаб̣б̣аж̇абхууд̇од̇и мун̃ж̇ад̇ин̣ам̣ вияа баб̣б̣аж̇ад̇ин̣ам̣ вияа жа бхууд̇о, д̇аад̣̇исо ж̇аад̇о. яат̇аа д̇аани д̇ин̣аани годдзд̇ваа гад̇араж̇ж̇ум̣ ж̇ин̣н̣агаалз гад̇т̇ажи бад̇ид̇ам̣ г̇ахзд̇ваа д̇зсам̣ д̇ин̣аанам̣ ‘‘ид̣̇ам̣ аг̇г̇ам̣ ид̣̇ам̣ муула’’нд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣. д̇амби жа бажжад̇д̇абурисагаарз тад̇ваа саггаа бхавзяяа уж̇ум̣ гаад̇ум̣, табзд̇ваа бана б̣од̇хисад̇д̇з ан̃н̃о сад̇д̇о ад̇д̇ано д̇хаммад̇ааяа д̇ан̣хааж̇аалам̣ бад̣̇аалзд̇ваа ад̇д̇ано ниссаран̣амаг̇г̇ам̣ уж̇ум̣ гаад̇ум̣ самад̇т̇о наама над̇т̇и. звамаяам̣ лого д̇ан̣хааж̇аалзна барияонад̣̇д̇хо абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и. д̇ад̇т̇а абааяод̇и нираяа-д̇иражчаанаяони-бзд̇д̇ивисаяа-асурагааяаа. саб̣б̣зби хи д̇з вад̣дхисан̇каад̇асса ааяасса абхаавад̇о абааяаад̇и вужжанд̇и. д̇ат̇аа д̣̇угкасса г̇ад̇ибхаавад̇о д̣̇уг̇г̇ад̇и. сукасамуссаяад̇о винибад̇ид̇ад̇д̇аа винибаад̇о. ид̇аро бана –
199. Navame jālininti jālasadisaṃ. Yathā hi jālaṃ samantato saṃsibbitaṃ ākulabyākulaṃ, evaṃ taṇhāpīti jālasadisattā jālinīti vuttā. Tayo vā bhave ajjhottharitvā ṭhitāya etissā tattha tattha attano koṭṭhāsabhūtaṃ jālaṃ atthītipi jālinī. Saritanti tattha tattha saritvā saṃsaritvā ṭhitaṃ. Visaṭanti patthaṭaṃ vikkhittaṃ. Visattikanti tattha tattha visattaṃ laggaṃ lagitaṃ. Apica ‘‘visamūlāti visattikā. Visaphalāti visattikā’’tiādināpi (mahāni. 3; cūḷani. mettagūmāṇavapucchāniddeso 22) nayenettha attho daṭṭhabbo. Uddhastoti upari dhaṃsito. Pariyonaddhoti samantā veṭhito. Tantākulakajātoti tantaṃ viya ākulajāto. Yathā nāma dunnikkhittaṃ mūsikacchinnaṃ pesakārānaṃ tantaṃ tahiṃ tahiṃ ākulaṃ hoti, ‘‘idaṃ aggaṃ idaṃ mūla’’nti aggena vā aggaṃ, mūlena vā mūlaṃ samānetuṃ dukkaraṃ hoti, evaṃ sattā imāya taṇhāya pariyonaddhā ākulabyākulā na sakkonti attano nissaraṇamaggaṃ ujuṃ kātuṃ. Gulāguṇṭhikajātoti gulāguṇṭhikaṃ vuccati pesakārakañjiyasuttaṃ. Gulā nāma sakuṇikā, tassā kulāvakotipi eke. Yathā tadubhayampi ākulaṃ aggena vā aggaṃ, mūlena vā mūlaṃ samānetuṃ dukkaranti purimanayeneva yojetabbaṃ. Muñjapabbajabhūtoti muñjatiṇaṃ viya pabbajatiṇaṃ viya ca bhūto, tādiso jāto. Yathā tāni tiṇāni koṭṭetvā katarajjuṃ jiṇṇakāle katthaci patitaṃ gahetvā tesaṃ tiṇānaṃ ‘‘idaṃ aggaṃ idaṃ mūla’’nti aggena vā aggaṃ, mūlena vā mūlaṃ samānetuṃ dukkaraṃ. Tampi ca paccattapurisakāre ṭhatvā sakkā bhaveyya ujuṃ kātuṃ, ṭhapetvā pana bodhisatte añño satto attano dhammatāya taṇhājālaṃ padāletvā attano nissaraṇamaggaṃ ujuṃ kātuṃ samattho nāma natthi. Evamayaṃ loko taṇhājālena pariyonaddho apāyaṃ duggatiṃ vinipātaṃ saṃsāraṃ nātivattati. Tattha apāyoti niraya-tiracchānayoni-pettivisaya-asurakāyā. Sabbepi hi te vaḍḍhisaṅkhātassa āyassa abhāvato apāyāti vuccanti. Tathā dukkhassa gatibhāvato duggati. Sukhasamussayato vinipatitattā vinipāto. Itaro pana –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, сам̣саарод̇и бавужжад̇и.
Abbocchinnaṃ vattamānā, saṃsāroti pavuccati.
д̇ам̣ саб̣б̣ам̣ наад̇ивад̇д̇ад̇и наад̇иггамад̇и, ат̇а ко жуд̇ид̇о бадисанд̇хим̣ бадисанд̇хид̇о жуд̇инд̇и звам̣ бунаббунам̣ жуд̇ибадисанд̇хияо г̇ан̣хамаано д̇ийсу бхавзсу жад̇уусу яонийсу бан̃жасу г̇ад̇ийсу сад̇д̇асу вин̃н̃аан̣адтид̇ийсу навасу сад̇д̇ааваасзсу махаасамуд̣̇д̣̇з ваад̇агкид̇д̇анааваа вияа яанд̇з яуд̇д̇аг̇он̣о вияа жа бариб̣бхамад̇иязва.
Taṃ sabbaṃ nātivattati nātikkamati, atha kho cutito paṭisandhiṃ paṭisandhito cutinti evaṃ punappunaṃ cutipaṭisandhiyo gaṇhamāno tīsu bhavesu catūsu yonīsu pañcasu gatīsu sattasu viññāṇaṭṭhitīsu navasu sattāvāsesu mahāsamudde vātakkhittanāvā viya yante yuttagoṇo viya ca paribbhamatiyeva.
аж̇жхад̇д̇игасса убаад̣̇ааяаад̇и аж̇жхад̇д̇игам̣ канд̇хабан̃жагам̣ убаад̣̇ааяа. ид̣̇ан̃хи убаяог̇ад̇т̇з саамиважанам̣. б̣аахирасса убаад̣̇ааяаад̇и б̣аахирам̣ канд̇хабан̃жагам̣ убаад̣̇ааяа, ид̣̇амби убаяог̇ад̇т̇з саамиважанам̣. асмийд̇и, бхигкавз, сад̇ийд̇и, бхигкавз, яад̣̇зд̇ам̣ аж̇жхад̇д̇ам̣ канд̇хабан̃жагам̣ убаад̣̇ааяа д̇ан̣хаамаанад̣̇идтивасзна самуухаг̇г̇аахад̇о асмийд̇и ход̇и, д̇асмим̣ сад̇ийд̇и ад̇т̇о. ид̇т̇асмийд̇и ход̇ийд̇иаад̣̇ийсу бана звам̣ самуухад̇о аханд̇и г̇ахан̣з сад̇и д̇ад̇о анубанид̇хааяа жа убанид̇хааяа жаад̇и д̣̇вид̇хаа г̇ахан̣ам̣ ход̇и. д̇ад̇т̇а анубанид̇хааяаад̇и ан̃н̃ам̣ аагаарам̣ анубаг̇амма сагабхаавамзва аарамман̣ам̣ гад̇ваа ид̇т̇асмийд̇и ход̇и, кад̇д̇ияаад̣̇ийсу ид̣̇ам̣багааро аханд̇и звам̣ д̇ан̣хаамаанад̣̇идтивасзна ход̇ийд̇и ад̇т̇о. ид̣̇ам̣ д̇аава анубанид̇хааяа г̇ахан̣ам̣. убанид̇хааяа г̇ахан̣ам̣ бана д̣̇увид̇хам̣ ход̇и самад̇о жа асамад̇о жа. д̇ам̣ д̣̇ассзд̇ум̣ звам̣смийд̇и ан̃н̃ат̇аасмийд̇и жа вуд̇д̇ам̣. д̇ад̇т̇а звам̣смийд̇и ид̣̇ам̣ самад̇о убанид̇хааяа г̇ахан̣ам̣, яат̇ааяам̣ кад̇д̇ияо яат̇ааяам̣ б̣раахман̣о, звамахамбийд̇и ад̇т̇о. ан̃н̃ат̇аасмийд̇и ид̣̇ам̣ бана асамад̇о г̇ахан̣ам̣, яат̇ааяам̣ кад̇д̇ияо яат̇ааяам̣ б̣раахман̣о, д̇ад̇о ан̃н̃ат̇аа ахам̣, хийно ваа ад̇хиго ваад̇и ад̇т̇о. имаани д̇аава бажжуббаннавасзна жад̇д̇аари д̇ан̣хаавижарид̇аани.
Ajjhattikassa upādāyāti ajjhattikaṃ khandhapañcakaṃ upādāya. Idañhi upayogatthe sāmivacanaṃ. Bāhirassa upādāyāti bāhiraṃ khandhapañcakaṃ upādāya, idampi upayogatthe sāmivacanaṃ. Asmīti, bhikkhave, satīti, bhikkhave, yadetaṃ ajjhattaṃ khandhapañcakaṃ upādāya taṇhāmānadiṭṭhivasena samūhaggāhato asmīti hoti, tasmiṃ satīti attho. Itthasmīti hotītiādīsu pana evaṃ samūhato ahanti gahaṇe sati tato anupanidhāya ca upanidhāya cāti dvidhā gahaṇaṃ hoti. Tattha anupanidhāyāti aññaṃ ākāraṃ anupagamma sakabhāvameva ārammaṇaṃ katvā itthasmīti hoti, khattiyādīsu idaṃpakāro ahanti evaṃ taṇhāmānadiṭṭhivasena hotīti attho. Idaṃ tāva anupanidhāya gahaṇaṃ. Upanidhāya gahaṇaṃ pana duvidhaṃ hoti samato ca asamato ca. Taṃ dassetuṃ evaṃsmīti aññathāsmīti ca vuttaṃ. Tattha evaṃsmīti idaṃ samato upanidhāya gahaṇaṃ, yathāyaṃ khattiyo yathāyaṃ brāhmaṇo, evamahampīti attho. Aññathāsmīti idaṃ pana asamato gahaṇaṃ, yathāyaṃ khattiyo yathāyaṃ brāhmaṇo, tato aññathā ahaṃ, hīno vā adhiko vāti attho. Imāni tāva paccuppannavasena cattāri taṇhāvicaritāni.
асасмийд̇и сад̇асмийд̇и имаани бана д̣̇вз яасмаа ад̇т̇ийд̇и асам̣, нижжассзд̇ам̣ ад̇хиважанам̣. сийд̣̇ад̇ийд̇и сад̇ам̣, анижжассзд̇ам̣ ад̇хиважанам̣. д̇асмаа сассад̇ужчзд̣̇авасзна вуд̇д̇аанийд̇и взд̣̇ид̇аб̣б̣аани. ид̇о бараани санд̇и звамаад̣̇ийни жад̇д̇аари сам̣саяабаривид̇аггавасзна вуд̇д̇аани. санд̇и ход̇ийд̇и звамаад̣̇ийсу ахам̣ сияанд̇и ход̇ийд̇и звамад̇т̇о взд̣̇ид̇аб̣б̣о. ад̇хиббааяо банзд̇т̇а буримажад̇уггз вуд̇д̇анаязнзва г̇ахзд̇аб̣б̣о. абихам̣ санд̇иаад̣̇ийни бана жад̇д̇аари аби наама ахам̣ бхавзяяанд̇и звам̣ бад̇т̇анаагаббанавасзна вуд̇д̇аани. д̇ааниби буримажад̇уггз вуд̇д̇анаязнзва взд̣̇ид̇аб̣б̣аани. бхависсанд̇иаад̣̇ийни бана жад̇д̇аари анааг̇ад̇авасзна вуд̇д̇аани. д̇зсамби буримажад̇уггз вуд̇д̇анаязнзва ад̇т̇о взд̣̇ид̇аб̣б̣о. звамзд̇з –
Asasmīti satasmīti imāni pana dve yasmā atthīti asaṃ, niccassetaṃ adhivacanaṃ. Sīdatīti sataṃ, aniccassetaṃ adhivacanaṃ. Tasmā sassatucchedavasena vuttānīti veditabbāni. Ito parāni santi evamādīni cattāri saṃsayaparivitakkavasena vuttāni. Santi hotīti evamādīsu ahaṃ siyanti hotīti evamattho veditabbo. Adhippāyo panettha purimacatukke vuttanayeneva gahetabbo. Apihaṃ santiādīni pana cattāri api nāma ahaṃ bhaveyyanti evaṃ patthanākappanavasena vuttāni. Tānipi purimacatukke vuttanayeneva veditabbāni. Bhavissantiādīni pana cattāri anāgatavasena vuttāni. Tesampi purimacatukke vuttanayeneva attho veditabbo. Evamete –
‘‘д̣̇вз д̣̇идтисийсаа сийсан̃н̃з, жад̇д̇ааро сийсамуулагаа;
‘‘Dve diṭṭhisīsā sīsaññe, cattāro sīsamūlakā;
д̇аяо д̇аяод̇и зд̇аани, адтаараса вибхааваяз.
Tayo tayoti etāni, aṭṭhārasa vibhāvaye.
зд̇зсу хи асасми, сад̇асмийд̇и зд̇з д̣̇вз д̣̇идтисийсаа наама. асми, санд̇и, абихам̣ санд̇и, бхависсанд̇и зд̇з жад̇д̇ааро суд̣̇д̇хасийсаа зва. ид̇т̇асмийд̇иаад̣̇аяо д̇аяо д̇аяод̇и д̣̇ваад̣̇аса сийсамуулагаа наамаад̇и звамзд̇з д̣̇вз д̣̇идтисийсаа жад̇д̇ааро суд̣̇д̇хасийсаа д̣̇ваад̣̇аса сийсамуулагаад̇и адтаараса д̇ан̣хаавижарид̇ад̇хаммаа взд̣̇ид̇аб̣б̣аа. имаани д̇аава аж̇жхад̇д̇игасса убаад̣̇ааяа адтаараса д̇ан̣хаавижарид̇аани. б̣аахирасса убаад̣̇ааяа д̇ан̣хаавижарид̇зсуби зсзва наяо. иминаад̇и иминаа руубзна ваа…бз… вин̃н̃аан̣зна ваад̇и зса висзсо взд̣̇ид̇аб̣б̣о. сзсам̣ д̇аад̣̇исамзва.
Etesu hi asasmi, satasmīti ete dve diṭṭhisīsā nāma. Asmi, santi, apihaṃ santi, bhavissanti ete cattāro suddhasīsā eva. Itthasmītiādayo tayo tayoti dvādasa sīsamūlakā nāmāti evamete dve diṭṭhisīsā cattāro suddhasīsā dvādasa sīsamūlakāti aṭṭhārasa taṇhāvicaritadhammā veditabbā. Imāni tāva ajjhattikassa upādāya aṭṭhārasa taṇhāvicaritāni. Bāhirassa upādāya taṇhāvicaritesupi eseva nayo. Imināti iminā rūpena vā…pe… viññāṇena vāti esa viseso veditabbo. Sesaṃ tādisameva.
ид̇и зваруубаани ад̇ийд̇аани чад̇д̇им̣саад̇и згамзгасса буг̇г̇аласса ад̇ийд̇з ад̣̇д̇хани чад̇д̇им̣са. анааг̇ад̇аани чад̇д̇им̣саад̇и згамзгассзва буг̇г̇аласса жа анааг̇ад̇з ад̣̇д̇хани чад̇д̇им̣са. бажжуббаннаани чад̇д̇им̣саад̇и згасса ваа буг̇г̇аласса яат̇аасамбхавад̇о б̣ахуунам̣ ваа бажжуббаннз ад̣̇д̇хани чад̇д̇им̣саава. саб̣б̣асад̇д̇аанам̣ бана нияамзнзва ад̇ийд̇з ад̣̇д̇хани чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣са. ананд̇аа хи асад̣̇исад̇ан̣хаамаанад̣̇идтибхзд̣̇аа сад̇д̇аа. адтасад̇ам̣ д̇ан̣хаавижарид̇ам̣ хонд̇ийд̇и зд̇т̇а бана адтасад̇асан̇каад̇ам̣ д̇ан̣хаавижарид̇ам̣ ход̇ийд̇и звамад̇т̇о д̣̇адтаб̣б̣о.
Iti evarūpāni atītāni chattiṃsāti ekamekassa puggalassa atīte addhani chattiṃsa. Anāgatānichattiṃsāti ekamekasseva puggalassa ca anāgate addhani chattiṃsa. Paccuppannāni chattiṃsāti ekassa vā puggalassa yathāsambhavato bahūnaṃ vā paccuppanne addhani chattiṃsāva. Sabbasattānaṃ pana niyameneva atīte addhani chattiṃsa, anāgate chattiṃsa, paccuppanne chattiṃsa. Anantā hi asadisataṇhāmānadiṭṭhibhedā sattā. Aṭṭhasataṃtaṇhāvicaritaṃ hontīti ettha pana aṭṭhasatasaṅkhātaṃ taṇhāvicaritaṃ hotīti evamattho daṭṭhabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. д̇ан̣хаасуд̇д̇ам̣ • 9. Taṇhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. д̇ан̣хаасуд̇д̇аад̣̇иван̣н̣анаа • 9-10. Taṇhāsuttādivaṇṇanā
