Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

24. д̇ан̣хааваг̇г̇о

24. Taṇhāvaggo

1. габиламажчавад̇т̇у

1. Kapilamacchavatthu

мануж̇ассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о габиламажчам̣ аараб̣бха гат̇зси.

Manujassāti imaṃ dhammadesanaṃ satthā jetavane viharanto kapilamacchaṃ ārabbha kathesi.

ад̇ийд̇з гира гассабабхаг̇авад̇о бариниб̣б̣уд̇агаалз д̣̇вз гулабхаад̇аро нигкамид̇ваа саавагаанам̣ санд̇игз баб̣б̣аж̇им̣су. д̇зсу ж̇здто сааг̇ад̇о наама ахоси, ганидто габило наама. маад̇аа бана нзсам̣ саад̇хиний наама, ганидтабхаг̇иний д̇аабанаа наама. д̇ааби бхигкунийсу баб̣б̣аж̇им̣су. звам̣ д̇зсу баб̣б̣аж̇ид̇зсу убхо бхаад̇аро аажарияубаж̇жхааяаанам̣ вад̇д̇абадивад̇д̇ам̣ гад̇ваа вихаранд̇аа згад̣̇ивасам̣, ‘‘бханд̇з, имасмим̣ саасанз гад̇и д̇хурааний’’д̇и бужчид̇ваа ‘‘г̇ант̇ад̇хурам̣ вибассанаад̇хуран̃жаад̇и д̣̇вз д̇хурааний’’д̇и суд̇ваа ж̇здто ‘‘вибассанаад̇хурам̣ буурзссаамий’’д̇и бан̃жа вассаани аажарияубаж̇жхааяаанам̣ санд̇игз васид̇ваа яаава арахад̇д̇аа гаммадтаанам̣ г̇ахзд̇ваа аран̃н̃ам̣ бависид̇ваа вааяаманд̇о арахад̇д̇ам̣ баабун̣и. ганидто ‘‘ахам̣ д̇аава д̇арун̣о, вуд̣дхагаалз вибассанаад̇хурам̣ буурзссаамий’’д̇и г̇ант̇ад̇хурам̣ бадтабзд̇ваа д̇ийн̣и бидагаани уг̇г̇ан̣хи. д̇асса барияад̇д̇им̣ ниссааяа махаабаривааро, бариваарам̣ ниссааяа лаабхо уд̣̇абаад̣̇и. со б̣аахусажжамад̣̇зна мад̇д̇о лаабхад̇ан̣хааяа абхибхууд̇о ад̇ибан̣д̣ид̇амаанид̇ааяа барзхи вуд̇д̇ам̣ габбияамби ‘‘агаббияа’’нд̇и вад̣̇зд̇и, агаббияамби ‘‘габбияа’’нд̇и вад̣̇зд̇и, сааваж̇ж̇амби ‘‘анаваж̇ж̇а’’нд̇и, анаваж̇ж̇амби ‘‘сааваж̇ж̇а’’нд̇и. со бзсалзхи бхигкуухи ‘‘маа, аавусо габила, звам̣ аважаа’’д̇и вад̇ваа д̇хамман̃жа винаяан̃жа д̣̇ассзд̇ваа овад̣̇ияамааноби ‘‘д̇умхз гим̣ ж̇аанаат̇а, рид̇д̇амудтисад̣̇исаа’’д̇иаад̣̇ийни вад̇ваа кум̣сзнд̇о вамбхзнд̇о жарад̇и. ат̇асса бхаад̇у сааг̇ад̇ад̇т̇зрассааби бхигкуу д̇амад̇т̇ам̣ аарожзсум̣. соби нам̣ убасан̇гамид̇ваа, ‘‘аавусо габила, д̇умхаад̣̇исаанан̃хи саммаабадибад̇д̇и саасанасса ааяу наама, д̇асмаа бадибад̇д̇им̣ бахааяа габбияаад̣̇ийни бадиб̣ааханд̇о маа звам̣ аважаа’’д̇и овад̣̇и. со д̇ассаби важанам̣ наад̣̇ияи. звам̣ санд̇зби т̇зро д̣̇вад̇д̇игкад̇д̇ум̣ овад̣̇ид̇ваа оваад̣̇ам̣ аг̇ан̣ханд̇ам̣ ‘‘нааяам̣ мама важанам̣ гарод̇ий’’д̇и н̃ад̇ваа ‘‘д̇зна, аавусо, бан̃н̃ааяиссаси сагзна гаммзнаа’’д̇и вад̇ваа баггаами . д̇ад̇о бадтааяа нам̣ ан̃н̃з бзсалаа бхигкуу чад̣д̣аяим̣су.

Atīte kira kassapabhagavato parinibbutakāle dve kulabhātaro nikkhamitvā sāvakānaṃ santike pabbajiṃsu. Tesu jeṭṭho sāgato nāma ahosi, kaniṭṭho kapilo nāma. Mātā pana nesaṃ sādhinī nāma, kaniṭṭhabhaginī tāpanā nāma. Tāpi bhikkhunīsu pabbajiṃsu. Evaṃ tesu pabbajitesu ubho bhātaro ācariyupajjhāyānaṃ vattapaṭivattaṃ katvā viharantā ekadivasaṃ, ‘‘bhante, imasmiṃ sāsane kati dhurānī’’ti pucchitvā ‘‘ganthadhuraṃ vipassanādhurañcāti dve dhurānī’’ti sutvā jeṭṭho ‘‘vipassanādhuraṃ pūressāmī’’ti pañca vassāni ācariyupajjhāyānaṃ santike vasitvā yāva arahattā kammaṭṭhānaṃ gahetvā araññaṃ pavisitvā vāyamanto arahattaṃ pāpuṇi. Kaniṭṭho ‘‘ahaṃ tāva taruṇo, vuḍḍhakāle vipassanādhuraṃ pūressāmī’’ti ganthadhuraṃ paṭṭhapetvā tīṇi piṭakāni uggaṇhi. Tassa pariyattiṃ nissāya mahāparivāro, parivāraṃ nissāya lābho udapādi. So bāhusaccamadena matto lābhataṇhāya abhibhūto atipaṇḍitamānitāya parehi vuttaṃ kappiyampi ‘‘akappiya’’nti vadeti, akappiyampi ‘‘kappiya’’nti vadeti, sāvajjampi ‘‘anavajja’’nti, anavajjampi ‘‘sāvajja’’nti. So pesalehi bhikkhūhi ‘‘mā, āvuso kapila, evaṃ avacā’’ti vatvā dhammañca vinayañca dassetvā ovadiyamānopi ‘‘tumhe kiṃ jānātha, rittamuṭṭhisadisā’’tiādīni vatvā khuṃsento vambhento carati. Athassa bhātu sāgatattherassāpi bhikkhū tamatthaṃ ārocesuṃ. Sopi naṃ upasaṅkamitvā, ‘‘āvuso kapila, tumhādisānañhi sammāpaṭipatti sāsanassa āyu nāma, tasmā paṭipattiṃ pahāya kappiyādīni paṭibāhanto mā evaṃ avacā’’ti ovadi. So tassapi vacanaṃ nādiyi. Evaṃ santepi thero dvattikkhattuṃ ovaditvā ovādaṃ agaṇhantaṃ ‘‘nāyaṃ mama vacanaṃ karotī’’ti ñatvā ‘‘tena, āvuso, paññāyissasi sakena kammenā’’ti vatvā pakkāmi . Tato paṭṭhāya naṃ aññe pesalā bhikkhū chaḍḍayiṃsu.

со д̣̇ураажааро худ̇ваа д̣̇ураажаарабаривуд̇о вихаранд̇о згад̣̇ивасам̣ убосат̇аг̇г̇з ‘‘баад̇имогкам̣ уд̣̇д̣̇исиссаамий’’д̇и б̣ийж̇аним̣ аад̣̇ааяа д̇хаммаасанз нисийд̣̇ид̇ваа ‘‘вад̇д̇ад̇и, аавусо, зд̇т̇а саннибад̇ид̇аанам̣ бхигкуунам̣ баад̇имогка’’нд̇и бужчид̇ваа ‘‘го ад̇т̇о имасса бадиважанзна д̣̇иннзнаа’’д̇и д̇ун̣хийбхууд̇з бхигкуу д̣̇исваа, ‘‘аавусо, д̇хаммо ваа винаяо ваа над̇т̇и, баад̇имогкзна суд̇зна ваа асуд̇зна ваа го ад̇т̇о’’д̇и вад̇ваа аасанаа вудтахи. звам̣ со гассабасса бхаг̇авад̇о барияад̇д̇исаасанам̣ осаггаабзси. сааг̇ад̇ад̇т̇зроби д̇ад̣̇ахзва бариниб̣б̣ааяи. габило ааяубарияосаанз авийжимхи махаанираяз ниб̣б̣ад̇д̇и. саабисса маад̇аа жа бхаг̇иний жа д̇ассзва д̣̇идтаануг̇ад̇им̣ аабаж̇ж̇ид̇ваа бзсалз бхигкуу аггосид̇ваа барибхаасид̇ваа д̇ад̇т̇зва ниб̣б̣ад̇д̇им̣су.

So durācāro hutvā durācāraparivuto viharanto ekadivasaṃ uposathagge ‘‘pātimokkhaṃ uddisissāmī’’ti bījaniṃ ādāya dhammāsane nisīditvā ‘‘vattati, āvuso, ettha sannipatitānaṃ bhikkhūnaṃ pātimokkha’’nti pucchitvā ‘‘ko attho imassa paṭivacanena dinnenā’’ti tuṇhībhūte bhikkhū disvā, ‘‘āvuso, dhammo vā vinayo vā natthi, pātimokkhena sutena vā asutena vā ko attho’’ti vatvā āsanā vuṭṭhahi. Evaṃ so kassapassa bhagavato pariyattisāsanaṃ osakkāpesi. Sāgatattheropi tadaheva parinibbāyi. Kapilo āyupariyosāne avīcimhi mahāniraye nibbatti. Sāpissa mātā ca bhaginī ca tasseva diṭṭhānugatiṃ āpajjitvā pesale bhikkhū akkositvā paribhāsitvā tattheva nibbattiṃsu.

д̇асмим̣ бана гаалз бан̃жасад̇аа бурисаа г̇аамагхаад̇агаад̣̇ийни гад̇ваа жоригааяа ж̇ийванд̇аа ж̇анабад̣̇амануссзхи ануб̣ад̣̇д̇хаа балааяамаанаа аран̃н̃ам̣ бависид̇ваа д̇ад̇т̇а гин̃жи бадисаран̣ам̣ абассанд̇аа ан̃н̃ад̇арам̣ ааран̃н̃игам̣ бхигкум̣ д̣̇исваа ванд̣̇ид̇ваа ‘‘бадисаран̣ам̣ но, бханд̇з, хот̇аа’’д̇и вад̣̇им̣су. т̇зро ‘‘д̇умхаагам̣ сийласад̣̇исам̣ бадисаран̣ам̣ наама над̇т̇и, саб̣б̣зби бан̃жасийлаани самаад̣̇ияат̇аа’’д̇и ааха. д̇з ‘‘саад̇хуу’’д̇и самбадижчид̇ваа сийлаани самаад̣̇ияим̣су. ат̇а нз т̇зро овад̣̇и – ‘‘ид̣̇аани д̇умхз сийлаванд̇аа, ж̇ийвид̇ахзд̇уби во нзва сийлам̣ ад̇иггамид̇аб̣б̣ам̣, на манобад̣̇осо гаад̇аб̣б̣о’’д̇и. д̇з ‘‘саад̇хуу’’д̇и самбадижчим̣су. ат̇а нз ж̇анабад̣̇амануссаа д̇ам̣ таанам̣ бад̇ваа ид̇о жид̇о жа бариязсамаанаа д̇з жорз д̣̇исваа саб̣б̣з д̇з ж̇ийвид̇аа воробзсум̣. д̇з гаалам̣ гад̇ваа д̣̇звалогз ниб̣б̣ад̇д̇им̣су, жораж̇здтаго ж̇здтагад̣̇звабуд̇д̇о ахоси.

Tasmiṃ pana kāle pañcasatā purisā gāmaghātakādīni katvā corikāya jīvantā janapadamanussehi anubaddhā palāyamānā araññaṃ pavisitvā tattha kiñci paṭisaraṇaṃ apassantā aññataraṃ āraññikaṃ bhikkhuṃ disvā vanditvā ‘‘paṭisaraṇaṃ no, bhante, hothā’’ti vadiṃsu. Thero ‘‘tumhākaṃ sīlasadisaṃ paṭisaraṇaṃ nāma natthi, sabbepi pañcasīlāni samādiyathā’’ti āha. Te ‘‘sādhū’’ti sampaṭicchitvā sīlāni samādiyiṃsu. Atha ne thero ovadi – ‘‘idāni tumhe sīlavantā, jīvitahetupi vo neva sīlaṃ atikkamitabbaṃ, na manopadoso kātabbo’’ti. Te ‘‘sādhū’’ti sampaṭicchiṃsu. Atha ne janapadamanussā taṃ ṭhānaṃ patvā ito cito ca pariyesamānā te core disvā sabbe te jīvitā voropesuṃ. Te kālaṃ katvā devaloke nibbattiṃsu, corajeṭṭhako jeṭṭhakadevaputto ahosi.

д̇з ануломабадиломавасзна згам̣ б̣уд̣̇д̇ханд̇арам̣ д̣̇звалогз сам̣сарид̇ваа имасмим̣ б̣уд̣̇д̇хуббаад̣̇з саавад̇т̇инаг̇арад̣̇ваарз бан̃жасад̇агулигз гзваддаг̇аамз ниб̣б̣ад̇д̇им̣су. ж̇здтагад̣̇звабуд̇д̇о гзваддаж̇здтагасса г̇зхз бадисанд̇хим̣ г̇ан̣хи, ид̇арз ид̇арзсу. звам̣ д̇зсам̣ згад̣̇ивасзязва бадисанд̇хиг̇ахан̣ан̃жа маад̇угужчид̇о нигкаманан̃жа ахоси. гзваддаж̇здтаго ‘‘ад̇т̇и ну ко имасмим̣ г̇аамз ан̃н̃зби д̣̇аарагаа аж̇ж̇а ж̇аад̇аа’’д̇и бариязсаабзд̇ваа д̇зсам̣ ж̇аад̇абхаавам̣ н̃ад̇ваа ‘‘зд̇з мама буд̇д̇асса сахааяагаа бхависсанд̇ий’’д̇и саб̣б̣зсам̣ босааванигам̣ д̣̇аабзси. д̇з саб̣б̣зби сахабам̣сугийл̣агаа сахааяагаа худ̇ваа анубуб̣б̣зна ваяаббад̇д̇аа ахзсум̣. д̇зсам̣ гзваддаж̇здтагабуд̇д̇ова яасад̇о жа д̇зж̇ад̇о жа аг̇г̇абурисо ахоси.

Te anulomapaṭilomavasena ekaṃ buddhantaraṃ devaloke saṃsaritvā imasmiṃ buddhuppāde sāvatthinagaradvāre pañcasatakulike kevaṭṭagāme nibbattiṃsu. Jeṭṭhakadevaputto kevaṭṭajeṭṭhakassa gehe paṭisandhiṃ gaṇhi, itare itaresu. Evaṃ tesaṃ ekadivaseyeva paṭisandhigahaṇañca mātukucchito nikkhamanañca ahosi. Kevaṭṭajeṭṭhako ‘‘atthi nu kho imasmiṃ gāme aññepi dārakā ajja jātā’’ti pariyesāpetvā tesaṃ jātabhāvaṃ ñatvā ‘‘ete mama puttassa sahāyakā bhavissantī’’ti sabbesaṃ posāvanikaṃ dāpesi. Te sabbepi sahapaṃsukīḷakā sahāyakā hutvā anupubbena vayappattā ahesuṃ. Tesaṃ kevaṭṭajeṭṭhakaputtova yasato ca tejato ca aggapuriso ahosi.

габилоби згам̣ б̣уд̣̇д̇ханд̇арам̣ нираяз бажжид̇ваа вибаагаавасзсзна д̇асмим̣ гаалз ажиравад̇ияаа суван̣н̣аван̣н̣о д̣̇уг̇г̇анд̇хамуко мажчо худ̇ваа ниб̣б̣ад̇д̇и. ат̇згад̣̇ивасам̣ д̇з сахааяагаа ‘‘мажчз б̣анд̇хиссаамаа’’д̇и ж̇аалаад̣̇ийни г̇ахзд̇ваа над̣̇ияаа кибим̣су. ат̇а нзсам̣ анд̇ож̇аалам̣ со мажчо баависи . д̇ам̣ д̣̇исваа саб̣б̣з гзваддаг̇аамаваасино ужжаасад̣̇д̣̇амагам̣су – ‘‘буд̇д̇аа но батамам̣ мажчз б̣анд̇ханд̇аа суван̣н̣амажчам̣ б̣анд̇хим̣су, ид̣̇аани но рааж̇аа б̣ахуд̇ханам̣ д̣̇ассад̇ий’’д̇и. д̇зби ко сахааяагаа мажчам̣ наавааяа багкибид̇ваа наавам̣ угкибид̇ваа ран̃н̃о санд̇игам̣ аг̇амам̣су. ран̃н̃ааби д̇ам̣ д̣̇исваава ‘‘гим̣ зд̇а’’нд̇и вуд̇д̇з ‘‘мажчо, д̣̇зваа’’д̇и аахам̣су. рааж̇аа суван̣н̣аван̣н̣ам̣ мажчам̣ д̣̇исваа ‘‘сад̇т̇аа зд̇асса суван̣н̣аван̣н̣агааран̣ам̣ ж̇ааниссад̇ий’’д̇и мажчам̣ г̇аахаабзд̇ваа бхаг̇авад̇о санд̇игам̣ аг̇амааси. мажчзна мукз вивадамад̇д̇зязва сагалаж̇зд̇аванам̣ ад̇ивияа д̣̇уг̇г̇анд̇хам̣ ахоси. рааж̇аа сад̇т̇аарам̣ бужчи – ‘‘гасмаа, бханд̇з, мажчо суван̣н̣аван̣н̣о ж̇аад̇о, гасмаа жасса мукад̇о д̣̇уг̇г̇анд̇хо вааяад̇ий’’д̇и?

Kapilopi ekaṃ buddhantaraṃ niraye paccitvā vipākāvasesena tasmiṃ kāle aciravatiyā suvaṇṇavaṇṇo duggandhamukho maccho hutvā nibbatti. Athekadivasaṃ te sahāyakā ‘‘macche bandhissāmā’’ti jālādīni gahetvā nadiyā khipiṃsu. Atha nesaṃ antojālaṃ so maccho pāvisi . Taṃ disvā sabbe kevaṭṭagāmavāsino uccāsaddamakaṃsu – ‘‘puttā no paṭhamaṃ macche bandhantā suvaṇṇamacchaṃ bandhiṃsu, idāni no rājā bahudhanaṃ dassatī’’ti. Tepi kho sahāyakā macchaṃ nāvāya pakkhipitvā nāvaṃ ukkhipitvā rañño santikaṃ agamaṃsu. Raññāpi taṃ disvāva ‘‘kiṃ eta’’nti vutte ‘‘maccho, devā’’ti āhaṃsu. Rājā suvaṇṇavaṇṇaṃ macchaṃ disvā ‘‘satthā etassa suvaṇṇavaṇṇakāraṇaṃ jānissatī’’ti macchaṃ gāhāpetvā bhagavato santikaṃ agamāsi. Macchena mukhe vivaṭamatteyeva sakalajetavanaṃ ativiya duggandhaṃ ahosi. Rājā satthāraṃ pucchi – ‘‘kasmā, bhante, maccho suvaṇṇavaṇṇo jāto, kasmā cassa mukhato duggandho vāyatī’’ti?

аяам̣, махаарааж̇а, гассабабхаг̇авад̇о бааважанз габило наама бхигку ахоси б̣ахуссуд̇о махаабаривааро лаабхад̇ан̣хааяа абхибхууд̇о ад̇д̇ано важанам̣ аг̇ан̣ханд̇аанам̣ аггосагабарибхаасаго, д̇асса жа бхаг̇авад̇о саасанам̣ осаггаабзси, со д̇зна гаммзна авийжимхи ниб̣б̣ад̇д̇ид̇ваа вибаагаавасзсзна ид̣̇аани мажчо худ̇ваа ж̇аад̇о. яам̣ бана со д̣̇ийгхарад̇д̇ам̣ б̣уд̣̇д̇хаважанам̣ ваажзси, б̣уд̣̇д̇хасса жа г̇ун̣ам̣ гат̇зси, д̇асса ниссанд̣̇зна имам̣ суван̣н̣аван̣н̣ам̣ бадилабхи. яам̣ бхигкуунам̣ аггосагабарибхаасаго ахоси, д̇знасса мукад̇о д̣̇уг̇г̇анд̇хо вааяад̇и. ‘‘гат̇аабзми нам̣, махаарааж̇аа’’д̇и? ‘‘гат̇аабзт̇а, бханд̇з’’д̇и. ат̇а нам̣ сад̇т̇аа бужчи – ‘‘д̇вам̣си габило’’д̇и? ‘‘аама, бханд̇з, ахам̣ габило’’д̇и. ‘‘гуд̇о ааг̇ад̇осий’’д̇и? ‘‘авийжимахаанираяад̇о, бханд̇з’’д̇и. ‘‘ж̇здтабхаад̇иго д̇з сааг̇ад̇о гухим̣ г̇ад̇о’’д̇и? ‘‘бариниб̣б̣уд̇о, бханд̇з’’д̇и. ‘‘маад̇аа бана д̇з саад̇хиний гаха’’нд̇и? ‘‘махаанираяз ниб̣б̣ад̇д̇аа, бханд̇з’’д̇и. ‘‘ганидтабхаг̇иний жа д̇з д̇аабанаа гаха’’нд̇и? ‘‘махаанираяз ниб̣б̣ад̇д̇аа, бханд̇з’’д̇и. ‘‘ид̣̇аани д̇вам̣ гахам̣ г̇амиссасий’’д̇и? ‘‘авийжимахаанираяамзва, бханд̇з’’д̇и вад̇ваа виббадисаараабхибхууд̇о наавам̣ сийсзна бахарид̇ваа д̇аавад̣̇зва гаалам̣ гад̇ваа нираяз ниб̣б̣ад̇д̇и. махааж̇ано сам̣виг̇г̇о ахоси ломахадтаж̇аад̇о.

Ayaṃ, mahārāja, kassapabhagavato pāvacane kapilo nāma bhikkhu ahosi bahussuto mahāparivāro lābhataṇhāya abhibhūto attano vacanaṃ agaṇhantānaṃ akkosakaparibhāsako, tassa ca bhagavato sāsanaṃ osakkāpesi, so tena kammena avīcimhi nibbattitvā vipākāvasesena idāni maccho hutvā jāto. Yaṃ pana so dīgharattaṃ buddhavacanaṃ vācesi, buddhassa ca guṇaṃ kathesi, tassa nissandena imaṃ suvaṇṇavaṇṇaṃ paṭilabhi. Yaṃ bhikkhūnaṃ akkosakaparibhāsako ahosi, tenassa mukhato duggandho vāyati. ‘‘Kathāpemi naṃ, mahārājā’’ti? ‘‘Kathāpetha, bhante’’ti. Atha naṃ satthā pucchi – ‘‘tvaṃsi kapilo’’ti? ‘‘Āma, bhante, ahaṃ kapilo’’ti. ‘‘Kuto āgatosī’’ti? ‘‘Avīcimahānirayato, bhante’’ti. ‘‘Jeṭṭhabhātiko te sāgato kuhiṃ gato’’ti? ‘‘Parinibbuto, bhante’’ti. ‘‘Mātā pana te sādhinī kaha’’nti? ‘‘Mahāniraye nibbattā, bhante’’ti. ‘‘Kaniṭṭhabhaginī ca te tāpanā kaha’’nti? ‘‘Mahāniraye nibbattā, bhante’’ti. ‘‘Idāni tvaṃ kahaṃ gamissasī’’ti? ‘‘Avīcimahānirayameva, bhante’’ti vatvā vippaṭisārābhibhūto nāvaṃ sīsena paharitvā tāvadeva kālaṃ katvā niraye nibbatti. Mahājano saṃviggo ahosi lomahaṭṭhajāto.

ат̇а бхаг̇аваа д̇асмим̣ кан̣з саннибад̇ид̇ааяа барисааяа жид̇д̇аажаарам̣ ологзд̇ваа д̇ан̇кан̣аануруубам̣ д̇хаммам̣ д̣̇зсзд̇ум̣ ‘‘д̇хаммажарияам̣ б̣рахмажарияам̣, зд̇ад̣̇ааху васуд̇д̇ама’’нд̇и суд̇д̇анибаад̇з (су. ни. 276) габиласуд̇д̇ам̣ гат̇зд̇ваа имаа г̇аат̇аа абхааси –

Atha bhagavā tasmiṃ khaṇe sannipatitāya parisāya cittācāraṃ oloketvā taṅkhaṇānurūpaṃ dhammaṃ desetuṃ ‘‘dhammacariyaṃ brahmacariyaṃ, etadāhu vasuttama’’nti suttanipāte (su. ni. 276) kapilasuttaṃ kathetvā imā gāthā abhāsi –

334.

‘‘мануж̇асса бамад̇д̇ажаарино, д̇ан̣хаа вад̣дхад̇и маалуваа вияа;

‘‘Manujassa pamattacārino, taṇhā vaḍḍhati māluvā viya;

со блавад̇ий хураа хурам̣, паламижчам̣ва ванасми ваанаро.

So plavatī hurā huraṃ, phalamicchaṃva vanasmi vānaro.

335.

‘‘яам̣ зсаа сахад̇з ж̇аммий, д̇ан̣хаа логз висад̇д̇игаа;

‘‘Yaṃ esā sahate jammī, taṇhā loke visattikā;

согаа д̇асса бавад̣дханд̇и, абхивадтам̣ва б̣ийран̣ам̣.

Sokā tassa pavaḍḍhanti, abhivaṭṭhaṃva bīraṇaṃ.

336.

‘‘яо жзд̇ам̣ сахад̇з ж̇аммим̣, д̇ан̣хам̣ логз д̣̇уражжаяам̣;

‘‘Yo cetaṃ sahate jammiṃ, taṇhaṃ loke duraccayaṃ;

согаа д̇амхаа бабад̇анд̇и, уд̣̇аб̣инд̣̇ува богкараа.

Sokā tamhā papatanti, udabinduva pokkharā.

337.

‘‘д̇ам̣ во вад̣̇аами бхад̣̇д̣̇ам̣ во, яааванд̇зд̇т̇а самааг̇ад̇аа;

‘‘Taṃ vo vadāmi bhaddaṃ vo, yāvantettha samāgatā;

д̇ан̣хааяа муулам̣ кан̣ат̇а, усийрад̇т̇ова б̣ийран̣ам̣;

Taṇhāya mūlaṃ khaṇatha, usīratthova bīraṇaṃ;

маа во нал̣ам̣ва сод̇ова, мааро бхан̃ж̇и бунаббуна’’нд̇и.

Mā vo naḷaṃva sotova, māro bhañji punappuna’’nti.

д̇ад̇т̇а бамад̇д̇ажааринод̇и сад̇ивоссаг̇г̇алагкан̣зна бамаад̣̇зна бамад̇д̇ажаарисса буг̇г̇аласса нзва жхаанам̣ на вибассанаа на маг̇г̇апалаани вад̣дханд̇и. яат̇аа бана ругкам̣ сам̣сиб̣б̣анд̇ий барияонанд̇ханд̇ий д̇асса винаасааяа маалуваалад̇аа вад̣дхад̇и , звамасса ча д̣̇ваараани ниссааяа бунаббунам̣ уббаж̇ж̇анад̇о д̇ан̣хаа вад̣дхад̇ийд̇и ад̇т̇о. со блавад̇ий хураа хуранд̇и со д̇ан̣хаавасиго буг̇г̇ало бхавз бхавз ублавад̇и д̇хаавад̇и. яат̇аа гим̣ вияаад̇и? паламижчам̣ва ванасми ваанаро, яат̇аа ругкапалам̣ ижчанд̇о ваанаро ванасмим̣ д̇хаавад̇и, д̇асса д̇асса ругкасса саакам̣ г̇ан̣хаад̇и, д̇ам̣ мун̃жид̇ваа ан̃н̃ам̣ г̇ан̣хаад̇и, д̇амби мун̃жид̇ваа ан̃н̃ам̣ г̇ан̣хаад̇и, ‘‘саакам̣ алабхид̇ваа саннисинно’’д̇и вад̇д̇аб̣б̣ад̇ам̣ наабаж̇ж̇ад̇и, звамзва д̇ан̣хаавасиго буг̇г̇ало хураа хурам̣ д̇хааванд̇о ‘‘аарамман̣ам̣ алабхид̇ваа д̇ан̣хааяа абавад̇д̇ам̣ бад̇д̇о’’д̇и вад̇д̇аб̣б̣ад̇ам̣ наабаж̇ж̇ад̇и.

Tattha pamattacārinoti sativossaggalakkhaṇena pamādena pamattacārissa puggalassa neva jhānaṃ na vipassanā na maggaphalāni vaḍḍhanti. Yathā pana rukkhaṃ saṃsibbantī pariyonandhantī tassa vināsāya māluvālatā vaḍḍhati , evamassa cha dvārāni nissāya punappunaṃ uppajjanato taṇhā vaḍḍhatīti attho. So plavatī hurā huranti so taṇhāvasiko puggalo bhave bhave uplavati dhāvati. Yathā kiṃ viyāti? Phalamicchaṃva vanasmi vānaro, yathā rukkhaphalaṃ icchanto vānaro vanasmiṃ dhāvati, tassa tassa rukkhassa sākhaṃ gaṇhāti, taṃ muñcitvā aññaṃ gaṇhāti, tampi muñcitvā aññaṃ gaṇhāti, ‘‘sākhaṃ alabhitvā sannisinno’’ti vattabbataṃ nāpajjati, evameva taṇhāvasiko puggalo hurā huraṃ dhāvanto ‘‘ārammaṇaṃ alabhitvā taṇhāya apavattaṃ patto’’ti vattabbataṃ nāpajjati.

яанд̇и яам̣ буг̇г̇алам̣ зсаа лаамагабхаавзна ж̇аммий висаахаарад̇ааяа висабубпад̇ааяа висапалад̇ааяа висабарибхог̇ад̇ааяа руубаад̣̇ийсу висад̇д̇ад̇ааяа аасад̇д̇ад̇ааяа висад̇д̇игаад̇и сан̇кяам̣ г̇ад̇аа чад̣̇вааригад̇ан̣хаа абхибхавад̇и. яат̇аа наама вассаанз бунаббунам̣ вассанд̇зна д̣̇звзна абхивадтам̣ б̣ийран̣ад̇ин̣ам̣ вад̣дхад̇и, звам̣ д̇асса буг̇г̇аласса анд̇о ваддамуулагаа согаа абхивад̣дханд̇ийд̇и ад̇т̇о.

Yanti yaṃ puggalaṃ esā lāmakabhāvena jammī visāhāratāya visapupphatāya visaphalatāya visaparibhogatāya rūpādīsu visattatāya āsattatāya visattikāti saṅkhyaṃ gatā chadvārikataṇhā abhibhavati. Yathā nāma vassāne punappunaṃ vassantena devena abhivaṭṭhaṃ bīraṇatiṇaṃ vaḍḍhati, evaṃ tassa puggalassa anto vaṭṭamūlakā sokā abhivaḍḍhantīti attho.

д̣̇уражжаяанд̇и яо бана буг̇г̇ало звам̣ вуд̇д̇аббагаарам̣ ад̇иггамид̇ум̣ баж̇ахид̇ум̣ д̣̇уггарад̇ааяа д̣̇уражжаяам̣ д̇ан̣хам̣ сахад̇и абхибхавад̇и, д̇амхаа буг̇г̇алаа ваддамуулагаа согаа бабад̇анд̇и. яат̇аа наама богкарз бад̣̇умабад̇д̇з бад̇ид̇ам̣ уд̣̇агаб̣инд̣̇у на бад̇идтаад̇и, звам̣ на бад̇идтаханд̇ийд̇и ад̇т̇о.

Duraccayanti yo pana puggalo evaṃ vuttappakāraṃ atikkamituṃ pajahituṃ dukkaratāya duraccayaṃ taṇhaṃ sahati abhibhavati, tamhā puggalā vaṭṭamūlakā sokā papatanti. Yathā nāma pokkhare padumapatte patitaṃ udakabindu na patiṭṭhāti, evaṃ na patiṭṭhahantīti attho.

д̇ам̣ во вад̣̇аамийд̇и д̇зна гааран̣зна ахам̣ д̇умхз вад̣̇аами. бхад̣̇д̣̇ам̣ вод̇и бхад̣̇д̣̇ам̣ д̇умхаагам̣ ход̇у, маа ахам̣ габило вияа винаасам̣ баабун̣ат̇аад̇и ад̇т̇о. мууланд̇и имиссаа чад̣̇вааригад̇ан̣хааяа арахад̇д̇амаг̇г̇ан̃аан̣зна муулам̣ кан̣ат̇а. гим̣ вияаад̇и? усийрад̇т̇ова б̣ийран̣ам̣, яат̇аа усийрзна ад̇т̇иго бурисо маханд̇зна гуд̣̇аалзна б̣ийран̣ам̣ кан̣ад̇и, звамассаа муулам̣ кан̣ат̇аад̇и ад̇т̇о. маа во нал̣ам̣ва сод̇ова, мааро бхан̃ж̇и бунаббунанд̇и маа д̇умхз над̣̇ийсод̇з ж̇аад̇ам̣ нал̣ам̣ махаавзг̇зна ааг̇ад̇о над̣̇ийсод̇о вияа гилзсамааро маран̣амааро д̣̇звабуд̇д̇амааро жа бунаббунам̣ бхан̃ж̇ад̇ууд̇и ад̇т̇о.

Taṃ vo vadāmīti tena kāraṇena ahaṃ tumhe vadāmi. Bhaddaṃ voti bhaddaṃ tumhākaṃ hotu, mā ahaṃ kapilo viya vināsaṃ pāpuṇathāti attho. Mūlanti imissā chadvārikataṇhāya arahattamaggañāṇena mūlaṃ khaṇatha. Kiṃ viyāti? Usīratthova bīraṇaṃ, yathā usīrena atthiko puriso mahantena kudālena bīraṇaṃ khaṇati, evamassā mūlaṃ khaṇathāti attho. Mā vo naḷaṃva sotova, māro bhañji punappunanti mā tumhe nadīsote jātaṃ naḷaṃ mahāvegena āgato nadīsoto viya kilesamāro maraṇamāro devaputtamāro ca punappunaṃ bhañjatūti attho.

д̣̇зсанаавасаанз бан̃жасад̇ааби гзваддабуд̇д̇аа сам̣взг̇ам̣ аабаж̇ж̇ид̇ваа д̣̇угкассанд̇агирияам̣ бад̇т̇аяамаанаа сад̇т̇у санд̇игз баб̣б̣аж̇ид̇ваа на жирассзва д̣̇угкассанд̇ам̣ гад̇ваа сад̇т̇аараа сад̣̇д̇хим̣ аанзн̃ж̇авихаарасамаабад̇д̇ид̇хаммабарибхог̇зна згабарибхог̇аа ахзсунд̇и.

Desanāvasāne pañcasatāpi kevaṭṭaputtā saṃvegaṃ āpajjitvā dukkhassantakiriyaṃ patthayamānā satthu santike pabbajitvā na cirasseva dukkhassantaṃ katvā satthārā saddhiṃ āneñjavihārasamāpattidhammaparibhogena ekaparibhogā ahesunti.

габиламажчавад̇т̇у батамам̣.

Kapilamacchavatthu paṭhamaṃ.

2. суугарабод̇игаавад̇т̇у

2. Sūkarapotikāvatthu

яат̇ааби муулзд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о г̇уут̇асуугарабод̇игам̣ аараб̣бха гат̇зси.

Yathāpi mūleti imaṃ dhammadesanaṃ satthā veḷuvane viharanto gūthasūkarapotikaṃ ārabbha kathesi.

згасмим̣ гира самаяз сад̇т̇аа рааж̇аг̇ахам̣ бин̣д̣ааяа бависанд̇о згам̣ суугарабод̇игам̣ д̣̇исваа сид̇ам̣ баад̇ваагааси. д̇асса сид̇ам̣ гаронд̇асса мукавивараниг̇г̇ад̇ам̣ д̣̇анд̇обхаасаман̣д̣алам̣ д̣̇исваа аананд̣̇ад̇т̇зро ‘‘го ну ко, бханд̇з, хзд̇у сид̇асса баад̇угаммааяаа’’д̇и сид̇агааран̣ам̣ бужчи. ат̇а нам̣ сад̇т̇аа ааха – ‘‘бассасзд̇ам̣, аананд̣̇а, суугарабод̇ига’’нд̇и? ‘‘аама, бханд̇з’’д̇и. зсаа гагусанд̇хасса бхаг̇авад̇о саасанз згааяа аасанасаалааяа сааманд̇аа гуггудий ахоси. саа згасса яог̇ааважарасса вибассанаагаммадтаанам̣ саж̇жхааяанд̇асса д̇хаммагхосам̣ суд̇ваа д̇ад̇о жуд̇аа рааж̇агулз ниб̣б̣ад̇д̇ид̇ваа уб̣б̣арий наама рааж̇ад̇хийд̇аа ахоси. саа абарабхааг̇з сарийравалан̃ж̇адтаанам̣ бавидтаа бул̣авагараасим̣ д̣̇исваа д̇ад̇т̇а бул̣авагасан̃н̃ам̣ уббаад̣̇зд̇ваа батамам̣ жхаанам̣ бадилабхи. саа д̇ад̇т̇а яаавад̇ааяугам̣ тад̇ваа д̇ад̇о жуд̇аа б̣рахмалогз ниб̣б̣ад̇д̇и. д̇ад̇о жавид̇ваа буна г̇ад̇ивасзна аалуламаанаа ид̣̇аани суугараяонияам̣ ниб̣б̣ад̇д̇и, ид̣̇ам̣ гааран̣ам̣ д̣̇исваа маяаа сид̇ам̣ баад̇угад̇анд̇и. д̇ам̣ суд̇ваа аананд̣̇ад̇т̇зраббамукаа бхигкуу маханд̇ам̣ сам̣взг̇ам̣ бадилабхим̣су. сад̇т̇аа д̇зсам̣ сам̣взг̇ам̣ уббаад̣̇зд̇ваа бхавад̇ан̣хааяа аад̣̇ийнавам̣ багаасзнд̇о анд̇аравийт̇ияам̣ тид̇агова имаа г̇аат̇аа абхааси –

Ekasmiṃ kira samaye satthā rājagahaṃ piṇḍāya pavisanto ekaṃ sūkarapotikaṃ disvā sitaṃ pātvākāsi. Tassa sitaṃ karontassa mukhavivaraniggataṃ dantobhāsamaṇḍalaṃ disvā ānandatthero ‘‘ko nu kho, bhante, hetu sitassa pātukammāyā’’ti sitakāraṇaṃ pucchi. Atha naṃ satthā āha – ‘‘passasetaṃ, ānanda, sūkarapotika’’nti? ‘‘Āma, bhante’’ti. Esā kakusandhassa bhagavato sāsane ekāya āsanasālāya sāmantā kukkuṭī ahosi. Sā ekassa yogāvacarassa vipassanākammaṭṭhānaṃ sajjhāyantassa dhammaghosaṃ sutvā tato cutā rājakule nibbattitvā ubbarī nāma rājadhītā ahosi. Sā aparabhāge sarīravalañjaṭṭhānaṃ paviṭṭhā puḷavakarāsiṃ disvā tattha puḷavakasaññaṃ uppādetvā paṭhamaṃ jhānaṃ paṭilabhi. Sā tattha yāvatāyukaṃ ṭhatvā tato cutā brahmaloke nibbatti. Tato cavitvā puna gativasena ālulamānā idāni sūkarayoniyaṃ nibbatti, idaṃ kāraṇaṃ disvā mayā sitaṃ pātukatanti. Taṃ sutvā ānandattherappamukhā bhikkhū mahantaṃ saṃvegaṃ paṭilabhiṃsu. Satthā tesaṃ saṃvegaṃ uppādetvā bhavataṇhāya ādīnavaṃ pakāsento antaravīthiyaṃ ṭhitakova imā gāthā abhāsi –

338.

‘‘яат̇ааби муулз анубад̣̇д̣̇авз д̣̇ал̣хз,

‘‘Yathāpi mūle anupaddave daḷhe,

чинноби ругко бунарзва руухад̇и;

Chinnopi rukkho punareva rūhati;

звамби д̇ан̣хаанусаяз ануухад̇з,

Evampi taṇhānusaye anūhate,

ниб̣б̣ад̇д̇ад̇ий д̣̇угкамид̣̇ам̣ бунаббунам̣.

Nibbattatī dukkhamidaṃ punappunaṃ.

339.

‘‘яасса чад̇д̇им̣сад̇и сод̇аа, манаабасаванаа бхусаа;

‘‘Yassa chattiṃsati sotā, manāpasavanā bhusā;

махааваханд̇и д̣̇уд̣̇д̣̇идтим̣, сан̇габбаа рааг̇аниссид̇аа.

Mahāvahanti duddiṭṭhiṃ, saṅkappā rāganissitā.

340.

‘‘саванд̇и саб̣б̣ад̇хи сод̇аа, лад̇аа уббаж̇ж̇а д̇идтад̇и;

‘‘Savanti sabbadhi sotā, latā uppajja tiṭṭhati;

д̇ан̃жа д̣̇исваа лад̇ам̣ ж̇аад̇ам̣, муулам̣ бан̃н̃ааяа чинд̣̇ат̇а.

Tañca disvā lataṃ jātaṃ, mūlaṃ paññāya chindatha.

341.

‘‘сарид̇аани синзхид̇аани жа,

‘‘Saritāni sinehitāni ca,

соманассаани хонд̇и ж̇анд̇уно;

Somanassāni honti jantuno;

д̇з саад̇асид̇аа сукзсино,

Te sātasitā sukhesino,

д̇з вз ж̇аад̇иж̇аруубаг̇аа нараа.

Te ve jātijarūpagā narā.

342.

‘‘д̇асин̣ааяа бурагкад̇аа баж̇аа,

‘‘Tasiṇāya purakkhatā pajā,

барисаббанд̇и сасова б̣анд̇хид̇о;

Parisappanti sasova bandhito;

сам̣яож̇анасан̇г̇асад̇д̇агаа,

Saṃyojanasaṅgasattakā,

д̣̇угкамубзнд̇и бунаббунам̣ жирааяа.

Dukkhamupenti punappunaṃ cirāya.

343.

‘‘д̇асин̣ааяа бурагкад̇аа баж̇аа,

‘‘Tasiṇāya purakkhatā pajā,

барисаббанд̇и сасова б̣анд̇хид̇о;

Parisappanti sasova bandhito;

д̇асмаа д̇асин̣ам̣ винод̣̇аяз,

Tasmā tasiṇaṃ vinodaye,

ааган̇канд̇а вирааг̇амад̇д̇ано’’д̇и.

Ākaṅkhanta virāgamattano’’ti.

д̇ад̇т̇а муулзд̇и яасса ругкасса жад̇уусу д̣̇исаасу жад̇уд̇хаа хздтаа жа уж̇угамзва г̇ад̇з бан̃жавид̇хамуулз чзд̣̇анапааланабаажанавиж̇жханаад̣̇ийнам̣ гзнажи убад̣̇д̣̇авзна анубад̣̇д̣̇авз т̇ирабад̇д̇ад̇ааяа д̣̇ал̣хз со ругко убарижчинноби саакаанам̣ васзна бунад̣̇зва руухад̇и, звамзва чад̣̇вааригааяа д̇ан̣хааяа анусаяз арахад̇д̇амаг̇г̇ан̃аан̣зна анухад̇з асамужчиннз д̇асмим̣ д̇асмим̣ бхавз ж̇аад̇иаад̣̇ибхзд̣̇ам̣ ид̣̇ам̣ д̣̇угкам̣ бунаббунам̣ ниб̣б̣ад̇д̇ад̇иязваад̇и ад̇т̇о.

Tattha mūleti yassa rukkhassa catūsu disāsu catudhā heṭṭhā ca ujukameva gate pañcavidhamūle chedanaphālanapācanavijjhanādīnaṃ kenaci upaddavena anupaddave thirapattatāya daḷhe so rukkho uparicchinnopi sākhānaṃ vasena punadeva rūhati, evameva chadvārikāya taṇhāya anusaye arahattamaggañāṇena anuhate asamucchinne tasmiṃ tasmiṃ bhave jātiādibhedaṃ idaṃ dukkhaṃ punappunaṃ nibbattatiyevāti attho.

яассаад̇и яасса буг̇г̇аласса ‘‘ид̇и аж̇жхад̇д̇игассуубаад̣̇ааяа адтаараса д̇ан̣хаавижарид̇аани б̣аахирассуубаад̣̇ааяа адтаараса д̇ан̣хаавижарид̇ааний’’д̇и имзсам̣ д̇ан̣хаавижарид̇аанам̣ васзна чад̇д̇им̣сад̇ияаа сод̇зхи саманнааг̇ад̇аа манаабзсу руубаад̣̇ийсу аасавад̇и бавад̇д̇ад̇ийд̇и манаабасаванаа д̇ан̣хаа бхусаа б̣алавад̇ий ход̇и, д̇ам̣ буг̇г̇алам̣ вибаннан̃аан̣ад̇ааяа д̣̇уд̣̇д̣̇идтим̣ бунаббунам̣ уббаж̇ж̇анад̇о маханд̇абхаавзна махаа худ̇ваа жхаанам̣ ваа вибассанам̣ ваа аниссааяа рааг̇аниссид̇аа сан̇габбаа ваханд̇ийд̇и ад̇т̇о.

Yassāti yassa puggalassa ‘‘iti ajjhattikassūpādāya aṭṭhārasa taṇhāvicaritāni bāhirassūpādāya aṭṭhārasa taṇhāvicaritānī’’ti imesaṃ taṇhāvicaritānaṃ vasena chattiṃsatiyā sotehi samannāgatā manāpesu rūpādīsu āsavati pavattatīti manāpasavanā taṇhā bhusā balavatī hoti, taṃ puggalaṃ vipannañāṇatāya duddiṭṭhiṃ punappunaṃ uppajjanato mahantabhāvena mahā hutvā jhānaṃ vā vipassanaṃ vā anissāya rāganissitā saṅkappā vahantīti attho.

саванд̇и саб̣б̣ад̇хи сод̇аад̇и имз д̇ан̣хаасод̇аа жагкуд̣̇ваараад̣̇ийнам̣ васзна саб̣б̣зсу руубаад̣̇ийсу аарамман̣зсу саванад̇о, саб̣б̣ааби руубад̇ан̣хаа…бз… д̇хаммад̇ан̣хаад̇и саб̣б̣абхавзсу ваа саванад̇о саб̣б̣ад̇хи саванд̇и наама. лад̇аад̇и баливзтанадтзна сам̣сиб̣б̣анадтзна жа лад̇аа вияаад̇и лад̇аа. уббаж̇ж̇а д̇идтад̇ийд̇и чахи д̣̇ваарзхи уббаж̇ж̇ид̇ваа руубаад̣̇ийсу аарамман̣зсу д̇идтад̇и. д̇ан̃жа д̣̇исваад̇и д̇ам̣ бана д̇ан̣хаалад̇ам̣ ‘‘зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇и ж̇аад̇адтаанавасзна д̣̇исваа. бан̃н̃ааяаад̇и сад̇т̇зна ванз ж̇аад̇ам̣ лад̇ам̣ вияа маг̇г̇абан̃н̃ааяа муулз чинд̣̇ат̇аад̇и ад̇т̇о.

Savanti sabbadhi sotāti ime taṇhāsotā cakkhudvārādīnaṃ vasena sabbesu rūpādīsu ārammaṇesu savanato, sabbāpi rūpataṇhā…pe… dhammataṇhāti sabbabhavesu vā savanato sabbadhi savanti nāma. Latāti paliveṭhanaṭṭhena saṃsibbanaṭṭhena ca latā viyāti latā. Uppajja tiṭṭhatīti chahi dvārehi uppajjitvā rūpādīsu ārammaṇesu tiṭṭhati. Tañca disvāti taṃ pana taṇhālataṃ ‘‘etthesā taṇhā uppajjamānā uppajjatī’’ti jātaṭṭhānavasena disvā. Paññāyāti satthena vane jātaṃ lataṃ viya maggapaññāya mūle chindathāti attho.

сарид̇аанийд̇и анусадаани баяаад̇аани. синзхид̇аанийд̇и жийвараад̣̇ийсу бавад̇д̇асинзхавасзна синзхид̇аани жа, д̇ан̣хаасинзхамагкид̇аанийд̇и ад̇т̇о. соманассаанийд̇и д̇ан̣хаавасигасса ж̇анд̇уно зваруубаани соманассаани бхаванд̇и. д̇з саад̇асид̇аад̇и д̇з д̇ан̣хаавасигаа буг̇г̇алаа саад̇аниссид̇аа суканиссид̇аа жа худ̇ваа сукзсино сукабариязсино бхаванд̇и. д̇з взд̇и яз зваруубаа нараа, д̇з ж̇аад̇иж̇арааб̣яаад̇химаран̣аани убаг̇ажчанд̇иязваад̇и ж̇аад̇иж̇аруубаг̇аа наама хонд̇и. баж̇аад̇и имз сад̇д̇аа д̇аасагаран̣зна д̇асин̣аад̇и сан̇кяам̣ г̇ад̇ааяа д̇ан̣хааяа бурагкад̇аа бариваарид̇аа худ̇ваа.

Saritānīti anusaṭāni payātāni. Sinehitānīti cīvarādīsu pavattasinehavasena sinehitāni ca, taṇhāsinehamakkhitānīti attho. Somanassānīti taṇhāvasikassa jantuno evarūpāni somanassāni bhavanti. Te sātasitāti te taṇhāvasikā puggalā sātanissitā sukhanissitā ca hutvā sukhesino sukhapariyesino bhavanti. Te veti ye evarūpā narā, te jātijarābyādhimaraṇāni upagacchantiyevāti jātijarūpagā nāma honti. Pajāti ime sattā tāsakaraṇena tasiṇāti saṅkhyaṃ gatāya taṇhāya purakkhatā parivāritā hutvā.

б̣анд̇хид̇од̇и луд̣̇д̣̇зна аран̃н̃з б̣ад̣̇д̇хо сасо вияа барисаббанд̇и бхааяанд̇и. сам̣яож̇анасан̇г̇асад̇д̇агаад̇и д̣̇асавид̇хзна сам̣яож̇анасан̇г̇зна жзва сад̇д̇авид̇хзна рааг̇асан̇г̇аад̣̇инаа жа сад̇д̇аа б̣ад̣̇д̇хаа д̇асмим̣ ваа лаг̇г̇аа худ̇ваа. жирааяаад̇и жирам̣ д̣̇ийгхамад̣̇д̇хаанам̣ бунаббунам̣ ж̇аад̇иаад̣̇игам̣ д̣̇угкам̣ убаг̇ажчанд̇ийд̇и ад̇т̇о. д̇асмаад̇и яасмаа д̇асин̣ааяа бурагкад̇аа баливзтид̇аа сад̇д̇аа, д̇асмаа ад̇д̇ано вирааг̇ам̣ рааг̇аад̣̇ивиг̇амам̣ ниб̣б̣аанам̣ бад̇т̇знд̇о ааган̇гамаано бхигку арахад̇д̇амаг̇г̇знзд̇ам̣ д̇асин̣ам̣ винод̣̇аяз бануд̣̇ид̇ваа нийхарид̇ваа чад̣д̣зяяаад̇и ад̇т̇о.

Bandhitoti luddena araññe baddho saso viya parisappanti bhāyanti. Saṃyojanasaṅgasattakāti dasavidhena saṃyojanasaṅgena ceva sattavidhena rāgasaṅgādinā ca sattā baddhā tasmiṃ vā laggā hutvā. Cirāyāti ciraṃ dīghamaddhānaṃ punappunaṃ jātiādikaṃ dukkhaṃ upagacchantīti attho. Tasmāti yasmā tasiṇāya purakkhatā paliveṭhitā sattā, tasmā attano virāgaṃ rāgādivigamaṃ nibbānaṃ patthento ākaṅkamāno bhikkhu arahattamaggenetaṃ tasiṇaṃ vinodaye panuditvā nīharitvā chaḍḍeyyāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су.

Desanāvasāne bahū sotāpattiphalādīni pāpuṇiṃsu.

сааби ко суугарабод̇игаа д̇ад̇о жавид̇ваа суван̣н̣абхуумияам̣ рааж̇агулз ниб̣б̣ад̇д̇и, д̇ад̇о жуд̇аа б̣аараан̣асияам̣, д̇ад̇о жуд̇аа суббаарагабадданз ассаваан̣иж̇аг̇зхз ниб̣б̣ад̇д̇и, д̇ад̇о жуд̇аа гаавийрабадданз наавигасса г̇зхз ниб̣б̣ад̇д̇и, д̇ад̇о жуд̇аа анураад̇хабурз иссарагулаг̇зхз ниб̣б̣ад̇д̇и, д̇ад̇о жуд̇аа д̇ассзва д̣̇агкин̣ад̣̇исааяа бхогганд̇аг̇аамз суманасса наама гудумб̣игасса д̇хийд̇аа наамзна суманаа зва худ̇ваа ниб̣б̣ад̇д̇и. ат̇ассаа бид̇аа д̇асмим̣ г̇аамз чад̣д̣ид̇з д̣̇ийгхаваабирадтам̣ г̇анд̇ваа махаамуниг̇аамз наама васи. д̇ад̇т̇а нам̣ д̣̇удтаг̇ааман̣иран̃н̃о амажжо лагун̣д̣агаад̇имб̣аро наама гзнажид̣̇зва гаран̣ийязна г̇ад̇о д̣̇исваа маханд̇ам̣ ман̇г̇алам̣ гад̇ваа аад̣̇ааяа махаабун̣н̣аг̇аамам̣ г̇ад̇о. ат̇а нам̣ годибаб̣б̣ад̇амахаавихаараваасий махааануруд̣̇д̇хад̇т̇зро наама д̇ад̇т̇а бин̣д̣ааяа жарид̇ваа д̇ассаа г̇зхад̣̇ваарз тид̇о д̣̇исваа бхигкуухи сад̣̇д̇хим̣ гат̇зси, ‘‘аавусо, суугарабод̇игаа наама лагун̣д̣агаад̇имб̣арамахаамад̇д̇асса бхарияабхаавам̣ бад̇д̇аа, ахо ажчарияа’’нд̇и. саа д̇ам̣ гат̇ам̣ суд̇ваа ад̇ийд̇абхавз уг̇гхаадзд̇ваа ж̇аад̇иссаран̃аан̣ам̣ бадилабхи. д̇ан̇кан̣ан̃н̃зва уббаннасам̣взг̇аа саамигам̣ яаажид̇ваа маханд̇зна иссариязна бан̃жаб̣алагад̇т̇зрийнам̣ санд̇игз баб̣б̣аж̇ид̇ваа д̇иссамахаавихаарз махаасад̇ибадтаанасуд̇д̇агат̇ам̣ суд̇ваа сод̇аабад̇д̇ипалз бад̇идтахи. бажчаа д̣̇амил̣амад̣̇д̣̇анз гад̇з н̃аад̇ийнам̣ васанадтаанам̣ бхогганд̇аг̇аамамзва г̇анд̇ваа д̇ад̇т̇а васанд̇ий галламахаавихаарз аасийвисобамасуд̇д̇анд̇ам̣ суд̇ваа арахад̇д̇ам̣ баабун̣и.

Sāpi kho sūkarapotikā tato cavitvā suvaṇṇabhūmiyaṃ rājakule nibbatti, tato cutā bārāṇasiyaṃ, tato cutā suppārakapaṭṭane assavāṇijagehe nibbatti, tato cutā kāvīrapaṭṭane nāvikassa gehe nibbatti, tato cutā anurādhapure issarakulagehe nibbatti, tato cutā tasseva dakkhiṇadisāya bhokkantagāme sumanassa nāma kuṭumbikassa dhītā nāmena sumanā eva hutvā nibbatti. Athassā pitā tasmiṃ gāme chaḍḍite dīghavāpiraṭṭhaṃ gantvā mahāmunigāme nāma vasi. Tattha naṃ duṭṭhagāmaṇirañño amacco lakuṇḍakaatimbaro nāma kenacideva karaṇīyena gato disvā mahantaṃ maṅgalaṃ katvā ādāya mahāpuṇṇagāmaṃ gato. Atha naṃ koṭipabbatamahāvihāravāsī mahāanuruddhatthero nāma tattha piṇḍāya caritvā tassā gehadvāre ṭhito disvā bhikkhūhi saddhiṃ kathesi, ‘‘āvuso, sūkarapotikā nāma lakuṇḍakaatimbaramahāmattassa bhariyabhāvaṃ pattā, aho acchariya’’nti. Sā taṃ kathaṃ sutvā atītabhave ugghāṭetvā jātissarañāṇaṃ paṭilabhi. Taṅkhaṇaññeva uppannasaṃvegā sāmikaṃ yācitvā mahantena issariyena pañcabalakattherīnaṃ santike pabbajitvā tissamahāvihāre mahāsatipaṭṭhānasuttakathaṃ sutvā sotāpattiphale patiṭṭhahi. Pacchā damiḷamaddane kate ñātīnaṃ vasanaṭṭhānaṃ bhokkantagāmameva gantvā tattha vasantī kallamahāvihāre āsīvisopamasuttantaṃ sutvā arahattaṃ pāpuṇi.

саа бариниб̣б̣аанад̣̇ивасз бхигкубхигкунийхи бужчид̇аа бхигкунисан̇гхасса саб̣б̣ам̣ имам̣ бавад̇д̇им̣ ниранд̇арам̣ гат̇зд̇ваа саннибад̇ид̇асса бхигкусан̇гхасса маж̇жхз ман̣д̣алаараамаваасинаа д̇хаммабад̣̇абхаан̣агамахаад̇иссад̇т̇зрзна сад̣̇д̇хим̣ сам̣санд̣̇ид̇ваа ‘‘ахам̣ буб̣б̣з мануссаяонияам̣ ниб̣б̣ад̇д̇ид̇ваа д̇ад̇о жуд̇аа гуггудий худ̇ваа д̇ад̇т̇а сзнасса санд̇игаа сийсажчзд̣̇ам̣ бад̇ваа рааж̇аг̇ахз ниб̣б̣ад̇д̇аа, бариб̣б̣ааж̇игаасу баб̣б̣аж̇ид̇ваа батамаж̇жхаанабхуумияам̣ ниб̣б̣ад̇д̇ид̇ваа д̇ад̇о жуд̇аа сздтигулз ниб̣б̣ад̇д̇аа нажирассзва жавид̇ваа суугараяоним̣ г̇анд̇ваа д̇ад̇о жуд̇аа суван̣н̣абхуумим̣, д̇ад̇о жуд̇аа б̣аараан̣асим̣, д̇ад̇о жуд̇аа суббаарагабадданам̣, д̇ад̇о жуд̇аа гаавийрабадданам̣, д̇ад̇о жуд̇аа анураад̇хабурам̣, д̇ад̇о жуд̇аа бхогганд̇аг̇аама’’нд̇и звам̣ самависамз д̇зраса ад̇д̇абхаавз бад̇ваа ‘‘ид̣̇аани угган̣тид̇ваа баб̣б̣аж̇ид̇ваа арахад̇д̇ам̣ бад̇д̇аа, саб̣б̣зби аббамаад̣̇зна самбаад̣̇зт̇аа’’д̇и вад̇ваа жад̇ассо барисаа сам̣взж̇зд̇ваа бариниб̣б̣ааяийд̇и.

Sā parinibbānadivase bhikkhubhikkhunīhi pucchitā bhikkhunisaṅghassa sabbaṃ imaṃ pavattiṃ nirantaraṃ kathetvā sannipatitassa bhikkhusaṅghassa majjhe maṇḍalārāmavāsinā dhammapadabhāṇakamahātissattherena saddhiṃ saṃsanditvā ‘‘ahaṃ pubbe manussayoniyaṃ nibbattitvā tato cutā kukkuṭī hutvā tattha senassa santikā sīsacchedaṃ patvā rājagahe nibbattā, paribbājikāsu pabbajitvā paṭhamajjhānabhūmiyaṃ nibbattitvā tato cutā seṭṭhikule nibbattā nacirasseva cavitvā sūkarayoniṃ gantvā tato cutā suvaṇṇabhūmiṃ, tato cutā bārāṇasiṃ, tato cutā suppārakapaṭṭanaṃ, tato cutā kāvīrapaṭṭanaṃ, tato cutā anurādhapuraṃ, tato cutā bhokkantagāma’’nti evaṃ samavisame terasa attabhāve patvā ‘‘idāni ukkaṇṭhitvā pabbajitvā arahattaṃ pattā, sabbepi appamādena sampādethā’’ti vatvā catasso parisā saṃvejetvā parinibbāyīti.

суугарабод̇игаавад̇т̇у д̣̇уд̇ияам̣.

Sūkarapotikāvatthu dutiyaṃ.

3. виб̣бханд̇абхигкувад̇т̇у

3. Vibbhantabhikkhuvatthu

яо ниб̣б̣анат̇од̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о згам̣ виб̣бханд̇агам̣ бхигкум̣ аараб̣бха гат̇зси.

Yonibbanathoti imaṃ dhammadesanaṃ satthā veḷuvane viharanto ekaṃ vibbhantakaṃ bhikkhuṃ ārabbha kathesi.

зго гира махаагассабад̇т̇зрасса сад̣̇д̇хивихаариго худ̇ваа жад̇д̇аари жхаанаани уббаад̣̇зд̇вааби ад̇д̇ано маад̇уласса суван̣н̣агаарасса г̇зхз висабхааг̇аарамман̣ам̣ д̣̇исваа д̇ад̇т̇а бадиб̣ад̣̇д̇хажид̇д̇о виб̣бхами. ат̇а нам̣ мануссаа аласабхаавзна гаммам̣ гаад̇ум̣ анижчанд̇ам̣ г̇зхаа нийхарим̣су. со баабамид̇д̇асам̣саг̇г̇зна жорагаммзна ж̇ийвигам̣ габбзнд̇о вижари. ат̇а нам̣ згад̣̇ивасам̣ г̇ахзд̇ваа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа жад̇уггз жад̇уггз гасаахи д̇аал̣знд̇аа аагхаад̇анам̣ наяим̣су. т̇зро бин̣д̣ааяа жарид̇ум̣ бависанд̇о д̇ам̣ д̣̇агкин̣зна д̣̇ваарзна нийхарияамаанам̣ д̣̇исваа б̣анд̇ханам̣ сит̇илам̣ гаарзд̇ваа ‘‘буб̣б̣з д̇аяаа барижид̇агаммадтаанам̣ буна ааваж̇ж̇зхий’’д̇и ааха. со д̇зна оваад̣̇зна сад̇уббаад̣̇ам̣ лабхид̇ваа буна жад̇уд̇т̇аж̇жхаанам̣ ниб̣б̣ад̇д̇зси. ат̇а нам̣ ‘‘аагхаад̇анам̣ нзд̇ваа гхаад̇зссаамаа’’д̇и суулз уд̇д̇аасзсум̣. со на бхааяад̇и на санд̇асад̇и. ат̇асса д̇асмим̣ д̇асмим̣ д̣̇исаабхааг̇з тид̇аа мануссаа асисад̇д̇ид̇омараад̣̇ийни аавуд̇хаани угкибид̇вааби д̇ам̣ асанд̇асанд̇амзва д̣̇исваа ‘‘бассат̇а, бхо, имам̣ бурисам̣, анзгасад̇аанан̃хи аавуд̇хахад̇т̇аанам̣ бурисаанам̣ маж̇жхз нзва чамбхад̇и на взд̇хад̇и, ахо ажчарияа’’нд̇и ажчарияаб̣бхуд̇аж̇аад̇аа махаанаад̣̇ам̣ над̣̇ид̇ваа ран̃н̃о д̇ам̣ бавад̇д̇им̣ аарожзсум̣. рааж̇аа д̇ам̣ гааран̣ам̣ суд̇ваа ‘‘виссаж̇ж̇зт̇а на’’нд̇и ааха. сад̇т̇у санд̇игамби г̇анд̇ваа д̇амад̇т̇ам̣ аарожаяим̣су. сад̇т̇аа обхаасам̣ парид̇ваа д̇асса д̇хаммам̣ д̣̇зсзнд̇о имам̣ г̇аат̇амааха –

Eko kira mahākassapattherassa saddhivihāriko hutvā cattāri jhānāni uppādetvāpi attano mātulassa suvaṇṇakārassa gehe visabhāgārammaṇaṃ disvā tattha paṭibaddhacitto vibbhami. Atha naṃ manussā alasabhāvena kammaṃ kātuṃ anicchantaṃ gehā nīhariṃsu. So pāpamittasaṃsaggena corakammena jīvikaṃ kappento vicari. Atha naṃ ekadivasaṃ gahetvā pacchābāhaṃ gāḷhabandhanaṃ bandhitvā catukke catukke kasāhi tāḷentā āghātanaṃ nayiṃsu. Thero piṇḍāya carituṃ pavisanto taṃ dakkhiṇena dvārena nīhariyamānaṃ disvā bandhanaṃ sithilaṃ kāretvā ‘‘pubbe tayā paricitakammaṭṭhānaṃ puna āvajjehī’’ti āha. So tena ovādena satuppādaṃ labhitvā puna catutthajjhānaṃ nibbattesi. Atha naṃ ‘‘āghātanaṃ netvā ghātessāmā’’ti sūle uttāsesuṃ. So na bhāyati na santasati. Athassa tasmiṃ tasmiṃ disābhāge ṭhitā manussā asisattitomarādīni āvudhāni ukkhipitvāpi taṃ asantasantameva disvā ‘‘passatha, bho, imaṃ purisaṃ, anekasatānañhi āvudhahatthānaṃ purisānaṃ majjhe neva chambhati na vedhati, aho acchariya’’nti acchariyabbhutajātā mahānādaṃ naditvā rañño taṃ pavattiṃ ārocesuṃ. Rājā taṃ kāraṇaṃ sutvā ‘‘vissajjetha na’’nti āha. Satthu santikampi gantvā tamatthaṃ ārocayiṃsu. Satthā obhāsaṃ pharitvā tassa dhammaṃ desento imaṃ gāthamāha –

344.

‘‘яо ниб̣б̣анат̇о ванаад̇химуд̇д̇о,

‘‘Yo nibbanatho vanādhimutto,

ванамуд̇д̇о ванамзва д̇хаавад̇и;

Vanamutto vanameva dhāvati;

д̇ам̣ буг̇г̇аламзт̇а бассат̇а,

Taṃ puggalametha passatha,

муд̇д̇о б̣анд̇ханамзва д̇хаавад̇ий’’д̇и.

Mutto bandhanameva dhāvatī’’ti.

д̇ассад̇т̇о – яо буг̇г̇ало г̇ихибхаавз аалаяасан̇каад̇ам̣ ванат̇ам̣ чад̣д̣зд̇ваа баб̣б̣аж̇ид̇ад̇ааяа ниб̣б̣анат̇о д̣̇иб̣б̣авихаарасан̇каад̇з д̇абованз ад̇химуд̇д̇о гхарааваасаб̣анд̇ханасан̇каад̇аа д̇ан̣хааванаа муд̇д̇о худ̇ваа буна гхарааваасаб̣анд̇ханасан̇каад̇ам̣ д̇ан̣хааванамзва д̇хаавад̇и, зт̇а д̇ам̣ буг̇г̇алам̣ бассат̇а, зсо гхарааваасаб̣анд̇ханад̇о муд̇д̇о гхарааваасаб̣анд̇ханамзва д̇хаавад̇ийд̇и.

Tassattho – yo puggalo gihibhāve ālayasaṅkhātaṃ vanathaṃ chaḍḍetvā pabbajitatāya nibbanatho dibbavihārasaṅkhāte tapovane adhimutto gharāvāsabandhanasaṅkhātā taṇhāvanā mutto hutvā puna gharāvāsabandhanasaṅkhātaṃ taṇhāvanameva dhāvati, etha taṃ puggalaṃ passatha, eso gharāvāsabandhanato mutto gharāvāsabandhanameva dhāvatīti.

имам̣ бана д̣̇зсанам̣ суд̇ваа со рааж̇абурисаанам̣ анд̇арз суулаг̇г̇з нисиннова уд̣̇аяаб̣б̣аяам̣ бадтабзд̇ваа д̇илагкан̣ам̣ ааробзд̇ваа сан̇каарз саммасанд̇о сод̇аабад̇д̇ипалам̣ бад̇ваа самаабад̇д̇исукам̣ анубхаванд̇о взхаасам̣ уббад̇ид̇ваа аагаасзнзва сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа сарааж̇игааяа барисааяа маж̇жхзязва арахад̇д̇ам̣ баабун̣ийд̇и.

Imaṃ pana desanaṃ sutvā so rājapurisānaṃ antare sūlagge nisinnova udayabbayaṃ paṭṭhapetvā tilakkhaṇaṃ āropetvā saṅkhāre sammasanto sotāpattiphalaṃ patvā samāpattisukhaṃ anubhavanto vehāsaṃ uppatitvā ākāseneva satthu santikaṃ gantvā satthāraṃ vanditvā sarājikāya parisāya majjheyeva arahattaṃ pāpuṇīti.

виб̣бханд̇абхигкувад̇т̇у д̇ад̇ияам̣.

Vibbhantabhikkhuvatthu tatiyaṃ.

4. б̣анд̇ханааг̇ааравад̇т̇у

4. Bandhanāgāravatthu

на д̇ам̣ д̣̇ал̣ханд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о б̣анд̇ханааг̇аарам̣ аараб̣бха гат̇зси.

Nataṃ daḷhanti imaṃ dhammadesanaṃ satthā jetavane viharanto bandhanāgāraṃ ārabbha kathesi.

згасмим̣ гира гаалз б̣ахуу санд̇хижчзд̣̇агабант̇агхаад̇агамануссагхаад̇агз жорз аанзд̇ваа госаларан̃н̃о д̣̇ассаяим̣су. д̇з рааж̇аа анд̣̇уб̣анд̇ханараж̇ж̇уб̣анд̇ханасан̇калигаб̣анд̇ханзхи б̣анд̇хаабзси. д̇им̣самад̇д̇ааби ко ж̇аанабад̣̇аа бхигкуу сад̇т̇аарам̣ д̣̇адтугаамаа ааг̇анд̇ваа д̣̇исваа ванд̣̇ид̇ваа бунад̣̇ивасз саавад̇т̇им̣ бин̣д̣ааяа жаранд̇аа б̣анд̇ханааг̇аарам̣ г̇анд̇ваа д̇з жорз д̣̇исваа бин̣д̣абаад̇абадигганд̇аа сааяанхасамаяз д̇ат̇ааг̇ад̇ам̣ убасан̇гамид̇ваа, ‘‘бханд̇з, аж̇ж̇а амхзхи бин̣д̣ааяа жаранд̇зхи б̣анд̇ханааг̇аарз б̣ахуу жораа анд̣̇уб̣анд̇ханаад̣̇ийхи б̣ад̣̇д̇хаа махаад̣̇угкам̣ анубхаванд̇аа д̣̇идтаа, д̇з д̇аани б̣анд̇ханаани чинд̣̇ид̇ваа балааяид̇ум̣ на саггонд̇и, ад̇т̇и ну ко, бханд̇з, д̇зхи б̣анд̇ханзхи т̇ирад̇арам̣ ан̃н̃ам̣ б̣анд̇ханам̣ наамаа’’д̇и бужчим̣су. сад̇т̇аа, ‘‘бхигкавз, гим̣ б̣анд̇ханаани наамзд̇аани, яам̣ банзд̇ам̣ д̇ханад̇хан̃н̃абуд̇д̇ад̣̇аараад̣̇ийсу д̇ан̣хаасан̇каад̇ам̣ гилзсаб̣анд̇ханам̣, зд̇ам̣ зд̇зхи сад̇аг̇ун̣зна сахассаг̇ун̣зна сад̇асахассаг̇ун̣зна т̇ирад̇арам̣, звам̣ маханд̇амби банзд̇ам̣ д̣̇ужчинд̣̇анияам̣ б̣анд̇ханам̣ бораан̣агабан̣д̣ид̇аа чинд̣̇ид̇ваа химаванд̇ам̣ бависид̇ваа баб̣б̣аж̇им̣суу’’д̇и вад̇ваа ад̇ийд̇ам̣ аахари –

Ekasmiṃ kira kāle bahū sandhicchedakapanthaghātakamanussaghātake core ānetvā kosalarañño dassayiṃsu. Te rājā andubandhanarajjubandhanasaṅkhalikabandhanehi bandhāpesi. Tiṃsamattāpi kho jānapadā bhikkhū satthāraṃ daṭṭhukāmā āgantvā disvā vanditvā punadivase sāvatthiṃ piṇḍāya carantā bandhanāgāraṃ gantvā te core disvā piṇḍapātapaṭikkantā sāyanhasamaye tathāgataṃ upasaṅkamitvā, ‘‘bhante, ajja amhehi piṇḍāya carantehi bandhanāgāre bahū corā andubandhanādīhi baddhā mahādukkhaṃ anubhavantā diṭṭhā, te tāni bandhanāni chinditvā palāyituṃ na sakkonti, atthi nu kho, bhante, tehi bandhanehi thirataraṃ aññaṃ bandhanaṃ nāmā’’ti pucchiṃsu. Satthā, ‘‘bhikkhave, kiṃ bandhanāni nāmetāni, yaṃ panetaṃ dhanadhaññaputtadārādīsu taṇhāsaṅkhātaṃ kilesabandhanaṃ, etaṃ etehi sataguṇena sahassaguṇena satasahassaguṇena thirataraṃ, evaṃ mahantampi panetaṃ ducchindaniyaṃ bandhanaṃ porāṇakapaṇḍitā chinditvā himavantaṃ pavisitvā pabbajiṃsū’’ti vatvā atītaṃ āhari –

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ д̣̇уг̇г̇ад̇аг̇ахабад̇игулз ниб̣б̣ад̇д̇и. д̇асса ваяаббад̇д̇асса бид̇аа гааламагааси. со бхад̇им̣ гад̇ваа маад̇арам̣ босзси. ат̇асса маад̇аа анижчамаанассзва згам̣ гулад̇хийд̇арам̣ г̇зхз гад̇ваа абарабхааг̇з гааламагааси. бхарияааяабисса гужчияам̣ г̇аб̣бхо бад̇идтахи. со г̇аб̣бхасса бад̇идтид̇абхаавам̣ аж̇аананд̇ова, ‘‘бхад̣̇д̣̇з, д̇вам̣ бхад̇им̣ гад̇ваа ж̇ийва, ахам̣ баб̣б̣аж̇иссаамий’’д̇и ааха. ‘‘саами, нану г̇аб̣бхо мз бад̇идтид̇о, маяи виж̇аад̇ааяа д̣̇аарагам̣ д̣̇исваа баб̣б̣аж̇иссасий’’д̇и ааха. со ‘‘саад̇хуу’’д̇и самбадижчид̇ваа д̇ассаа виж̇аад̇агаалз, ‘‘бхад̣̇д̣̇з, д̇вам̣ сод̇т̇инаа виж̇аад̇аа, ид̣̇аани ахам̣ баб̣б̣аж̇иссаамий’’д̇и аабужчи. ат̇а нам̣ саа ‘‘буд̇д̇асса д̇аава т̇анабаанад̇о абаг̇аманагаалам̣ ааг̇амзхий’’д̇и вад̇ваа буна г̇аб̣бхам̣ г̇ан̣хи. со жинд̇зси – ‘‘имам̣ самбадижчаабзд̇ваа г̇анд̇ум̣ на саггаа, имиссаа анаажигкид̇ваава балааяид̇ваа баб̣б̣аж̇иссаамий’’д̇и. со д̇ассаа анаажигкид̇ваава рад̇д̇ибхааг̇з удтааяа балааяи. ат̇а нам̣ наг̇араг̇уд̇д̇игаа аг̇г̇ахзсум̣. со ‘‘ахам̣, саами, маад̇убосаго наама, виссаж̇ж̇зт̇а ма’’нд̇и ад̇д̇аанам̣ виссаж̇ж̇аабзд̇ваа згасмим̣ таанз васид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аасамаабад̇д̇ияо лабхид̇ваа жхаанагийл̣ааяа гийл̣анд̇о вихааси. со д̇ад̇т̇а васанд̇оязва ‘‘зваруубамби наама мз д̣̇ужчинд̣̇анияам̣ буд̇д̇ад̣̇аараб̣анд̇ханам̣ гилзсаб̣анд̇ханам̣ чинна’’нд̇и имам̣ уд̣̇аанам̣ уд̣̇аанзси.

Atīte bārāṇasiyaṃ brahmadatte rajjaṃ kārente bodhisatto ekasmiṃ duggatagahapatikule nibbatti. Tassa vayappattassa pitā kālamakāsi. So bhatiṃ katvā mātaraṃ posesi. Athassa mātā anicchamānasseva ekaṃ kuladhītaraṃ gehe katvā aparabhāge kālamakāsi. Bhariyāyapissa kucchiyaṃ gabbho patiṭṭhahi. So gabbhassa patiṭṭhitabhāvaṃ ajānantova, ‘‘bhadde, tvaṃ bhatiṃ katvā jīva, ahaṃ pabbajissāmī’’ti āha. ‘‘Sāmi, nanu gabbho me patiṭṭhito, mayi vijātāya dārakaṃ disvā pabbajissasī’’ti āha. So ‘‘sādhū’’ti sampaṭicchitvā tassā vijātakāle, ‘‘bhadde, tvaṃ sotthinā vijātā, idāni ahaṃ pabbajissāmī’’ti āpucchi. Atha naṃ sā ‘‘puttassa tāva thanapānato apagamanakālaṃ āgamehī’’ti vatvā puna gabbhaṃ gaṇhi. So cintesi – ‘‘imaṃ sampaṭicchāpetvā gantuṃ na sakkā, imissā anācikkhitvāva palāyitvā pabbajissāmī’’ti. So tassā anācikkhitvāva rattibhāge uṭṭhāya palāyi. Atha naṃ nagaraguttikā aggahesuṃ. So ‘‘ahaṃ, sāmi, mātuposako nāma, vissajjetha ma’’nti attānaṃ vissajjāpetvā ekasmiṃ ṭhāne vasitvā isipabbajjaṃ pabbajitvā abhiññāsamāpattiyo labhitvā jhānakīḷāya kīḷanto vihāsi. So tattha vasantoyeva ‘‘evarūpampi nāma me ducchindaniyaṃ puttadārabandhanaṃ kilesabandhanaṃ chinna’’nti imaṃ udānaṃ udānesi.

сад̇т̇аа имам̣ ад̇ийд̇ам̣ аахарид̇ваа д̇зна уд̣̇аанид̇ам̣ уд̣̇аанам̣ багаасзнд̇о имаа г̇аат̇аа абхааси –

Satthā imaṃ atītaṃ āharitvā tena udānitaṃ udānaṃ pakāsento imā gāthā abhāsi –

345.

‘‘на д̇ам̣ д̣̇ал̣хам̣ б̣анд̇ханамааху д̇хийраа,

‘‘Na taṃ daḷhaṃ bandhanamāhu dhīrā,

яад̣̇ааяасам̣ д̣̇ааруж̇абаб̣б̣аж̇ан̃жа;

Yadāyasaṃ dārujapabbajañca;

саарад̇д̇арад̇д̇аа ман̣игун̣д̣алзсу,

Sārattarattā maṇikuṇḍalesu,

буд̇д̇зсу д̣̇аарзсу жа яаа абзгкаа.

Puttesu dāresu ca yā apekkhā.

346.

‘‘зд̇ам̣ д̣̇ал̣хам̣ б̣анд̇ханамааху д̇хийраа,

‘‘Etaṃ daḷhaṃ bandhanamāhu dhīrā,

охааринам̣ сит̇илам̣ д̣̇уббамун̃жам̣;

Ohārinaṃ sithilaṃ duppamuñcaṃ;

зд̇амби чзд̇ваана бариб̣б̣аж̇анд̇и,

Etampi chetvāna paribbajanti,

анабзгкино гаамасукам̣ бахааяаа’’д̇и.

Anapekkhino kāmasukhaṃ pahāyā’’ti.

д̇ад̇т̇а д̇хийраад̇и б̣уд̣̇д̇хаад̣̇аяо бан̣д̣ид̇абурисаа яам̣ сан̇калигасан̇каад̇ам̣ аяасаа ниб̣б̣ад̇д̇ам̣ ааяасам̣, анд̣̇уб̣анд̇ханасан̇каад̇ам̣ д̣̇ааруж̇ам̣, яан̃жа баб̣б̣аж̇ад̇ин̣зхи ваа ан̃н̃зхи ваа ваагаад̣̇ийхи раж̇ж̇ум̣ гад̇ваа гад̇ам̣ раж̇ж̇уб̣анд̇ханам̣, д̇ам̣ асиаад̣̇ийхи чинд̣̇ид̇ум̣ саггун̣зяяабхаавзна т̇иранд̇и на вад̣̇анд̇ийд̇и ад̇т̇о. саарад̇д̇арад̇д̇аад̇и саарад̇д̇аа худ̇ваа рад̇д̇аа, б̣ахалад̇арарааг̇арад̇д̇аад̇и ад̇т̇о. ман̣игун̣д̣алзсууд̇и ман̣ийсу жзва гун̣д̣алзсу жа, ман̣ивижид̇д̇зсу ваа гун̣д̣алзсу. зд̇ам̣ д̣̇ал̣ханд̇и яз ман̣игун̣д̣алзсу саарад̇д̇арад̇д̇аа, д̇зсам̣ со рааг̇о жа яаа буд̇д̇ад̣̇аарзсу абзгкаа д̇ан̣хаа, зд̇ам̣ гилзсамаяам̣ б̣анд̇ханан̃жа бан̣д̣ид̇абурисаа д̣̇ал̣ханд̇и вад̣̇анд̇и. охааринанд̇и аагад̣дхид̇ваа жад̇уусу абааязсу баад̇анад̇о авахарад̇и хздтаа харад̇ийд̇и охааринам̣. сит̇иланд̇и б̣анд̇ханадтаанз чавижаммамам̣саани на чинд̣̇ад̇и, лохид̇ам̣ на нийхарад̇и, б̣анд̇ханабхаавамби аж̇аанаабзд̇ваа т̇алабат̇аж̇алабат̇аад̣̇ийсу гаммаани гаад̇ум̣ д̣̇зд̇ийд̇и сит̇илам̣. д̣̇уббамун̃жанд̇и лобхавасзна хи згаваарамби уббаннам̣ гилзсаб̣анд̇ханам̣ д̣̇адтадтаанад̇о гажчабо вияа д̣̇умможияам̣ ход̇ийд̇и д̣̇уббамун̃жам̣. зд̇амби чзд̇ваанаад̇и зд̇ам̣ д̣̇ал̣хамби гилзсаб̣анд̇ханам̣ н̃аан̣акаг̇г̇зна чинд̣̇ид̇ваа анабзгкино худ̇ваа гаамасукам̣ бахааяа бариб̣б̣аж̇анд̇и, баггаманд̇и баб̣б̣аж̇анд̇ийд̇и ад̇т̇о.

Tattha dhīrāti buddhādayo paṇḍitapurisā yaṃ saṅkhalikasaṅkhātaṃ ayasā nibbattaṃ āyasaṃ, andubandhanasaṅkhātaṃ dārujaṃ, yañca pabbajatiṇehi vā aññehi vā vākādīhi rajjuṃ katvā kataṃ rajjubandhanaṃ, taṃ asiādīhi chindituṃ sakkuṇeyyabhāvena thiranti na vadantīti attho. Sārattarattāti sārattā hutvā rattā, bahalatararāgarattāti attho. Maṇikuṇḍalesūti maṇīsu ceva kuṇḍalesu ca, maṇivicittesu vā kuṇḍalesu. Etaṃ daḷhanti ye maṇikuṇḍalesu sārattarattā, tesaṃ so rāgo ca yā puttadāresu apekkhā taṇhā, etaṃ kilesamayaṃ bandhanañca paṇḍitapurisā daḷhanti vadanti. Ohārinanti ākaḍḍhitvā catūsu apāyesu pātanato avaharati heṭṭhā haratīti ohārinaṃ. Sithilanti bandhanaṭṭhāne chavicammamaṃsāni na chindati, lohitaṃ na nīharati, bandhanabhāvampi ajānāpetvā thalapathajalapathādīsu kammāni kātuṃ detīti sithilaṃ. Duppamuñcanti lobhavasena hi ekavārampi uppannaṃ kilesabandhanaṃ daṭṭhaṭṭhānato kacchapo viya dummociyaṃ hotīti duppamuñcaṃ. Etampi chetvānāti etaṃ daḷhampi kilesabandhanaṃ ñāṇakhaggena chinditvā anapekkhino hutvā kāmasukhaṃ pahāya paribbajanti, pakkamanti pabbajantīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

б̣анд̇ханааг̇ааравад̇т̇у жад̇уд̇т̇ам̣.

Bandhanāgāravatthu catutthaṃ.

5. кзмаат̇зрийвад̇т̇у

5. Khemātherīvatthu

яз рааг̇арад̇д̇аад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о кзмам̣ наама ран̃н̃о б̣имб̣исаарасса аг̇г̇амахзсим̣ аараб̣бха гат̇зси.

Ye rāgarattāti imaṃ dhammadesanaṃ satthā veḷuvane viharanto khemaṃ nāma rañño bimbisārassa aggamahesiṃ ārabbha kathesi.

саа гира бад̣̇умуд̇д̇арабаад̣̇амуулз бад̇т̇ид̇абад̇т̇анаа ад̇ивияа абхируубаа баасаад̣̇игаа ахоси. ‘‘сад̇т̇аа гира руубасса д̣̇осам̣ гат̇зд̇ий’’д̇и суд̇ваа бана сад̇т̇у санд̇игам̣ г̇анд̇ум̣ на ижчи. рааж̇аа д̇ассаа руубамад̣̇амад̇д̇абхаавам̣ н̃ад̇ваа взл̣уванаван̣н̣анаабадисам̣яуд̇д̇аани г̇ийд̇аани гаарзд̇ваа надаад̣̇ийнам̣ д̣̇аабзси. д̇зсам̣ д̇аани г̇ааяанд̇аанам̣ сад̣̇д̣̇ам̣ суд̇ваа д̇ассаа взл̣уванам̣ ад̣̇идтабуб̣б̣ам̣ вияа асуд̇абуб̣б̣ам̣ вияа жа ахоси. саа ‘‘гад̇арам̣ уяяаанам̣ санд̇хааяа г̇ааяат̇аа’’д̇и бужчид̇ваа, ‘‘д̣̇звий, д̇умхаагам̣ взл̣увануяяаанамзваа’’д̇и вуд̇д̇з уяяаанам̣ г̇анд̇угаамаа ахоси. сад̇т̇аа д̇ассаа ааг̇аманам̣ н̃ад̇ваа барисамаж̇жхз нисийд̣̇ид̇ваа д̇хаммам̣ д̣̇зсзнд̇ова д̇аалаван̣дам̣ аад̣̇ааяа ад̇д̇ано бассз тад̇ваа б̣ийж̇амаанам̣ абхируубам̣ ид̇т̇им̣ ниммини. кзмаа, д̣̇звийби бависамаанаава д̇ам̣ ид̇т̇им̣ д̣̇исваа жинд̇зси – ‘‘саммаасамб̣уд̣̇д̇хо руубасса д̣̇осам̣ гат̇зд̇ийд̇и вад̣̇анд̇и, аяан̃жасса санд̇игз ид̇т̇ий б̣ийж̇аяамаанаа тид̇аа, наахам̣ имиссаа галабхааг̇амби убзми, на маяаа ийд̣̇исам̣ ид̇т̇ируубам̣ д̣̇идтабуб̣б̣ам̣, сад̇т̇аарам̣ абхууд̇зна аб̣бхаажигканд̇и ман̃н̃з’’д̇и жинд̇зд̇ваа д̇ат̇ааг̇ад̇асса гат̇аасад̣̇д̣̇амби анисаамзд̇ваа д̇амзва ид̇т̇им̣ ологаяамаанаа адтааси. сад̇т̇аа д̇ассаа д̇асмим̣ руубз уббаннаб̣ахумаанад̇ам̣ н̃ад̇ваа д̇ам̣ руубам̣ батамаваяаад̣̇ивасзна д̣̇ассзд̇ваа хздтаа вуд̇д̇анаязнзва барияосаанз адтимад̇д̇аавасаанам̣ гад̇ваа д̣̇ассзси. кзмаа д̇ам̣ д̣̇исваа ‘‘зваруубамби наамзд̇ам̣ руубам̣ мухуд̇д̇знзва каяаваяам̣ самбад̇д̇ам̣, над̇т̇и вад̇а имасмим̣ руубз сааро’’д̇и жинд̇зси. сад̇т̇аа д̇ассаа жид̇д̇аажаарам̣ ологзд̇ваа, ‘‘кзмз, д̇вам̣ ‘имасмим̣ руубз сааро ад̇т̇ий’д̇и жинд̇зси, басса д̣̇аанисса асаарабхаава’’нд̇и вад̇ваа имам̣ г̇аат̇амааха –

Sā kira padumuttarapādamūle patthitapatthanā ativiya abhirūpā pāsādikā ahosi. ‘‘Satthā kira rūpassa dosaṃ kathetī’’ti sutvā pana satthu santikaṃ gantuṃ na icchi. Rājā tassā rūpamadamattabhāvaṃ ñatvā veḷuvanavaṇṇanāpaṭisaṃyuttāni gītāni kāretvā naṭādīnaṃ dāpesi. Tesaṃ tāni gāyantānaṃ saddaṃ sutvā tassā veḷuvanaṃ adiṭṭhapubbaṃ viya asutapubbaṃ viya ca ahosi. Sā ‘‘kataraṃ uyyānaṃ sandhāya gāyathā’’ti pucchitvā, ‘‘devī, tumhākaṃ veḷuvanuyyānamevā’’ti vutte uyyānaṃ gantukāmā ahosi. Satthā tassā āgamanaṃ ñatvā parisamajjhe nisīditvā dhammaṃ desentova tālavaṇṭaṃ ādāya attano passe ṭhatvā bījamānaṃ abhirūpaṃ itthiṃ nimmini. Khemā, devīpi pavisamānāva taṃ itthiṃ disvā cintesi – ‘‘sammāsambuddho rūpassa dosaṃ kathetīti vadanti, ayañcassa santike itthī bījayamānā ṭhitā, nāhaṃ imissā kalabhāgampi upemi, na mayā īdisaṃ itthirūpaṃ diṭṭhapubbaṃ, satthāraṃ abhūtena abbhācikkhanti maññe’’ti cintetvā tathāgatassa kathāsaddampi anisāmetvā tameva itthiṃ olokayamānā aṭṭhāsi. Satthā tassā tasmiṃ rūpe uppannabahumānataṃ ñatvā taṃ rūpaṃ paṭhamavayādivasena dassetvā heṭṭhā vuttanayeneva pariyosāne aṭṭhimattāvasānaṃ katvā dassesi. Khemā taṃ disvā ‘‘evarūpampi nāmetaṃ rūpaṃ muhutteneva khayavayaṃ sampattaṃ, natthi vata imasmiṃ rūpe sāro’’ti cintesi. Satthā tassā cittācāraṃ oloketvā, ‘‘kheme, tvaṃ ‘imasmiṃ rūpe sāro atthī’ti cintesi, passa dānissa asārabhāva’’nti vatvā imaṃ gāthamāha –

‘‘аад̇урам̣ асужим̣ бууд̇им̣, басса кзмз самуссаяам̣;

‘‘Āturaṃ asuciṃ pūtiṃ, passa kheme samussayaṃ;

уг̇гхаранд̇ам̣ баг̇гхаранд̇ам̣, б̣аалаанам̣ абхибад̇т̇ид̇а’’нд̇и. (аба. т̇зрий 2.2.354);

Uggharantaṃ paggharantaṃ, bālānaṃ abhipatthita’’nti. (apa. therī 2.2.354);

саа г̇аат̇аабарияосаанз сод̇аабад̇д̇ипалз бад̇идтахи. ат̇а нам̣ сад̇т̇аа, ‘‘кзмз, имз сад̇д̇аа рааг̇арад̇д̇аа д̣̇осабад̣̇удтаа мохамуул̣хаа ад̇д̇ано д̇ан̣хаасод̇ам̣ самад̇иггамид̇ум̣ на саггонд̇и, д̇ад̇т̇зва лаг̇г̇анд̇ий’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Sā gāthāpariyosāne sotāpattiphale patiṭṭhahi. Atha naṃ satthā, ‘‘kheme, ime sattā rāgarattā dosapaduṭṭhā mohamūḷhā attano taṇhāsotaṃ samatikkamituṃ na sakkonti, tattheva laggantī’’ti vatvā dhammaṃ desento imaṃ gāthamāha –

347.

‘‘яз рааг̇арад̇д̇аанубад̇анд̇и сод̇ам̣,

‘‘Ye rāgarattānupatanti sotaṃ,

саяам̣ гад̇ам̣ маггадагова ж̇аалам̣;

Sayaṃ kataṃ makkaṭakova jālaṃ;

зд̇амби чзд̇ваана важ̇анд̇и д̇хийраа,

Etampi chetvāna vajanti dhīrā,

анабзгкино саб̣б̣ад̣̇угкам̣ бахааяаа’’д̇и.

Anapekkhino sabbadukkhaṃ pahāyā’’ti.

д̇ад̇т̇а маггадагова ж̇ааланд̇и яат̇аа наама маггадаго суд̇д̇аж̇аалам̣ гад̇ваа маж̇жхз таанз наабхиман̣д̣алз нибанно барияанд̇з бад̇ид̇ам̣ бадан̇г̇ам̣ ваа магкигам̣ ваа взг̇зна г̇анд̇ваа виж̇жхид̇ваа д̇асса расам̣ бивид̇ваа буна г̇анд̇ваа д̇асмим̣язва таанз нибаж̇ж̇ад̇и, звамзва яз сад̇д̇аа рааг̇арад̇д̇аа д̣̇осабад̣̇удтаа мохамуул̣хаа саяам̣гад̇ам̣ д̇ан̣хаасод̇ам̣ анубад̇анд̇и, д̇з д̇ам̣ самад̇иггамид̇ум̣ на саггонд̇и, звам̣ д̣̇урад̇иггамам̣. зд̇амби чзд̇ваана важ̇анд̇и д̇хийраад̇и бан̣д̣ид̇аа зд̇ам̣ б̣анд̇ханам̣ чзд̇ваа анабзгкино нираалаяаа худ̇ваа арахад̇д̇амаг̇г̇зна саб̣б̣ад̣̇угкам̣ бахааяа важ̇анд̇и, г̇ажчанд̇ийд̇и ад̇т̇о.

Tattha makkaṭakova jālanti yathā nāma makkaṭako suttajālaṃ katvā majjhe ṭhāne nābhimaṇḍale nipanno pariyante patitaṃ paṭaṅgaṃ vā makkhikaṃ vā vegena gantvā vijjhitvā tassa rasaṃ pivitvā puna gantvā tasmiṃyeva ṭhāne nipajjati, evameva ye sattā rāgarattā dosapaduṭṭhā mohamūḷhā sayaṃkataṃ taṇhāsotaṃ anupatanti, te taṃ samatikkamituṃ na sakkonti, evaṃ duratikkamaṃ. Etampi chetvāna vajanti dhīrāti paṇḍitā etaṃ bandhanaṃ chetvā anapekkhino nirālayā hutvā arahattamaggena sabbadukkhaṃ pahāya vajanti, gacchantīti attho.

д̣̇зсанаавасаанз кзмаа арахад̇д̇з бад̇идтахи, махааж̇анассааби саад̇т̇игаа д̇хаммад̣̇зсанаа ахоси. сад̇т̇аа рааж̇аанам̣ ааха – ‘‘махаарааж̇а, кзмааяа баб̣б̣аж̇ид̇ум̣ ваа бариниб̣б̣ааяид̇ум̣ ваа ваддад̇ий’’д̇и. бханд̇з, баб̣б̣ааж̇зт̇а нам̣, алам̣ бариниб̣б̣аанзнаад̇и. саа баб̣б̣аж̇ид̇ваа аг̇г̇асаавигаа ахосийд̇и.

Desanāvasāne khemā arahatte patiṭṭhahi, mahājanassāpi sātthikā dhammadesanā ahosi. Satthā rājānaṃ āha – ‘‘mahārāja, khemāya pabbajituṃ vā parinibbāyituṃ vā vaṭṭatī’’ti. Bhante, pabbājetha naṃ, alaṃ parinibbānenāti. Sā pabbajitvā aggasāvikā ahosīti.

кзмаат̇зрийвад̇т̇у бан̃жамам̣.

Khemātherīvatthu pañcamaṃ.

6. уг̇г̇асзнавад̇т̇у

6. Uggasenavatthu

мун̃жа бурзд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о уг̇г̇асзнам̣ аараб̣бха гат̇зси.

Muñca pureti imaṃ dhammadesanaṃ satthā veḷuvane viharanto uggasenaṃ ārabbha kathesi.

бан̃жасад̇аа гира надаа сам̣важчарз ваа чамаасз ваа бад̇д̇з рааж̇аг̇ахам̣ г̇анд̇ваа ран̃н̃о сад̇д̇аахам̣ самаж̇ж̇ам̣ гад̇ваа б̣ахум̣ хиран̃н̃асуван̣н̣ам̣ лабханд̇и, анд̇аранд̇арз угкзбад̣̇ааяаанам̣ барияанд̇о над̇т̇и. махааж̇ано ман̃жаад̇иман̃жаад̣̇ийсу тад̇ваа самаж̇ж̇ам̣ ологзси. ат̇згаа лан̇гхигад̇хийд̇аа вам̣сам̣ абхируяха д̇асса убари баривад̇д̇ид̇ваа д̇асса барияанд̇з аагаасз жан̇гамамаанаа нажжад̇и жзва г̇ааяад̇и жа. д̇асмим̣ самаяз уг̇г̇асзно наама сздтибуд̇д̇о сахааяагзна сад̣̇д̇хим̣ ман̃жаад̇иман̃жз тид̇о д̇ам̣ ологзд̇ваа д̇ассаа хад̇т̇абаад̣̇авигкзбаад̣̇ийсу уббаннасинзхо г̇зхам̣ г̇анд̇ваа ‘‘д̇ам̣ лабханд̇о ж̇ийвиссаами, алабханд̇асса мз ид̇хзва маран̣а’’нд̇и аахааруубажчзд̣̇ам̣ гад̇ваа ман̃жагз нибаж̇ж̇и. маад̇аабид̇уухи, ‘‘д̇аад̇а, гим̣ д̇з руж̇ж̇ад̇ий’’д̇и бужчид̇оби ‘‘д̇ам̣ мз надад̇хийд̇арам̣ лабханд̇асса ж̇ийвид̇ам̣ ад̇т̇и, алабханд̇асса мз ид̇хзва маран̣а’’нд̇и вад̇ваа, ‘‘д̇аад̇а, маа звам̣ гари, ан̃н̃ам̣ д̇з амхаагам̣ гуласса жа бхог̇аанан̃жа ануруубам̣ гумааригам̣ аанзссаамаа’’д̇и вуд̇д̇зби д̇ат̇зва вад̇ваа нибаж̇ж̇и. ат̇асса бид̇аа б̣ахум̣ яаажид̇вааби д̇ам̣ сан̃н̃аабзд̇ум̣ асаггонд̇о д̇асса сахааяам̣ баггосаабзд̇ваа гахаабан̣асахассам̣ д̣̇ад̇ваа ‘‘имз гахаабан̣з г̇ахзд̇ваа ад̇д̇ано д̇хийд̇арам̣ маяхам̣ буд̇д̇асса д̣̇зд̇уу’’д̇и бахин̣и. со ‘‘наахам̣ гахаабан̣з г̇ахзд̇ваа д̣̇зми, сажз бана со имам̣ алабхид̇ваа ж̇ийвид̇ум̣ на саггод̇и, д̇зна хи амхзхи сад̣̇д̇хим̣язва вижарад̇у, д̣̇ассаамисса д̇хийд̇ара’’нд̇и ааха. маад̇аабид̇аро буд̇д̇асса д̇амад̇т̇ам̣ аарожзсум̣. со ‘‘ахам̣ д̇зхи сад̣̇д̇хим̣ вижариссаамий’’д̇и вад̇ваа яаажанд̇аанамби д̇зсам̣ гат̇ам̣ анаад̣̇ияид̇ваа нигкамид̇ваа наадагасса санд̇игам̣ аг̇амааси. со д̇асса д̇хийд̇арам̣ д̣̇ад̇ваа д̇зна сад̣̇д̇хим̣язва г̇ааманиг̇амарааж̇ад̇хаанийсу сиббам̣ д̣̇ассзнд̇о вижари.

Pañcasatā kira naṭā saṃvacchare vā chamāse vā patte rājagahaṃ gantvā rañño sattāhaṃ samajjaṃ katvā bahuṃ hiraññasuvaṇṇaṃ labhanti, antarantare ukkhepadāyānaṃ pariyanto natthi. Mahājano mañcātimañcādīsu ṭhatvā samajjaṃ olokesi. Athekā laṅghikadhītā vaṃsaṃ abhiruyha tassa upari parivattitvā tassa pariyante ākāse caṅkamamānā naccati ceva gāyati ca. Tasmiṃ samaye uggaseno nāma seṭṭhiputto sahāyakena saddhiṃ mañcātimañce ṭhito taṃ oloketvā tassā hatthapādavikkhepādīsu uppannasineho gehaṃ gantvā ‘‘taṃ labhanto jīvissāmi, alabhantassa me idheva maraṇa’’nti āhārūpacchedaṃ katvā mañcake nipajji. Mātāpitūhi, ‘‘tāta, kiṃ te rujjatī’’ti pucchitopi ‘‘taṃ me naṭadhītaraṃ labhantassa jīvitaṃ atthi, alabhantassa me idheva maraṇa’’nti vatvā, ‘‘tāta, mā evaṃ kari, aññaṃ te amhākaṃ kulassa ca bhogānañca anurūpaṃ kumārikaṃ ānessāmā’’ti vuttepi tatheva vatvā nipajji. Athassa pitā bahuṃ yācitvāpi taṃ saññāpetuṃ asakkonto tassa sahāyaṃ pakkosāpetvā kahāpaṇasahassaṃ datvā ‘‘ime kahāpaṇe gahetvā attano dhītaraṃ mayhaṃ puttassa detū’’ti pahiṇi. So ‘‘nāhaṃ kahāpaṇe gahetvā demi, sace pana so imaṃ alabhitvā jīvituṃ na sakkoti, tena hi amhehi saddhiṃyeva vicaratu, dassāmissa dhītara’’nti āha. Mātāpitaro puttassa tamatthaṃ ārocesuṃ. So ‘‘ahaṃ tehi saddhiṃ vicarissāmī’’ti vatvā yācantānampi tesaṃ kathaṃ anādiyitvā nikkhamitvā nāṭakassa santikaṃ agamāsi. So tassa dhītaraṃ datvā tena saddhiṃyeva gāmanigamarājadhānīsu sippaṃ dassento vicari.

сааби д̇зна сад̣̇д̇хим̣ сам̣ваасаманвааяа нажирассзва буд̇д̇ам̣ лабхид̇ваа гийл̣аабаяамаанаа ‘‘сагадаг̇обагасса буд̇д̇а, бхан̣д̣ахаарагасса буд̇д̇а, гин̃жи аж̇аанагасса буд̇д̇аа’’д̇и вад̣̇ад̇и. соби нзсам̣ сагадабаривад̇д̇агам̣ гад̇ваа тид̇адтаанз г̇он̣аанам̣ д̇ин̣ам̣ аахарад̇и, сиббад̣̇ассанадтаанз лад̣̇д̇хабхан̣д̣агам̣ угкибид̇ваа харад̇и . д̇ад̣̇зва гира санд̇хааяа саа ид̇т̇ий буд̇д̇ам̣ гийл̣аабаяамаанаа д̇ат̇аа вад̣̇ад̇и. со ад̇д̇аанам̣ аараб̣бха д̇ассаа г̇ааяанабхаавам̣ н̃ад̇ваа д̇ам̣ бужчи – ‘‘мам̣ санд̇хааяа гат̇зсий’’д̇и? ‘‘аама, д̇ам̣ санд̇хааяаа’’д̇и. ‘‘звам̣ санд̇з ахам̣ балааяиссаамий’’д̇и . саа ‘‘гим̣ бана маяхам̣ д̇аяаа балааяид̇зна ваа ааг̇ад̇зна ваа’’д̇и бунаббунам̣ д̇ад̣̇зва г̇ийд̇ам̣ г̇ааяад̇и. саа гира ад̇д̇ано руубасамбад̇д̇ин̃жзва д̇ханалаабхан̃жа ниссааяа д̇ам̣ гисмин̃жи на ман̃н̃ад̇и. со ‘‘гим̣ ну ко ниссааяа имиссаа аяам̣ маано’’д̇и жинд̇знд̇о ‘‘сиббам̣ ниссааяаа’’д̇и н̃ад̇ваа ‘‘ход̇у, сиббам̣ уг̇г̇ан̣хиссаамий’’д̇и сасурам̣ убасан̇гамид̇ваа д̇асса ж̇аананагасиббам̣ уг̇г̇ан̣хид̇ваа г̇ааманиг̇амаад̣̇ийсу сиббам̣ д̣̇ассзнд̇о анубуб̣б̣зна рааж̇аг̇ахам̣ ааг̇анд̇ваа ‘‘ид̇о сад̇д̇амз д̣̇ивасз уг̇г̇асзно сздтибуд̇д̇о наг̇араваасийнам̣ сиббам̣ д̣̇ассзссад̇ий’’д̇и аарожаабзси.

Sāpi tena saddhiṃ saṃvāsamanvāya nacirasseva puttaṃ labhitvā kīḷāpayamānā ‘‘sakaṭagopakassa putta, bhaṇḍahārakassa putta, kiñci ajānakassa puttā’’ti vadati. Sopi nesaṃ sakaṭaparivattakaṃ katvā ṭhitaṭṭhāne goṇānaṃ tiṇaṃ āharati, sippadassanaṭṭhāne laddhabhaṇḍakaṃ ukkhipitvā harati . Tadeva kira sandhāya sā itthī puttaṃ kīḷāpayamānā tathā vadati. So attānaṃ ārabbha tassā gāyanabhāvaṃ ñatvā taṃ pucchi – ‘‘maṃ sandhāya kathesī’’ti? ‘‘Āma, taṃ sandhāyā’’ti. ‘‘Evaṃ sante ahaṃ palāyissāmī’’ti . Sā ‘‘kiṃ pana mayhaṃ tayā palāyitena vā āgatena vā’’ti punappunaṃ tadeva gītaṃ gāyati. Sā kira attano rūpasampattiñceva dhanalābhañca nissāya taṃ kismiñci na maññati. So ‘‘kiṃ nu kho nissāya imissā ayaṃ māno’’ti cintento ‘‘sippaṃ nissāyā’’ti ñatvā ‘‘hotu, sippaṃ uggaṇhissāmī’’ti sasuraṃ upasaṅkamitvā tassa jānanakasippaṃ uggaṇhitvā gāmanigamādīsu sippaṃ dassento anupubbena rājagahaṃ āgantvā ‘‘ito sattame divase uggaseno seṭṭhiputto nagaravāsīnaṃ sippaṃ dassessatī’’ti ārocāpesi.

наг̇араваасино ман̃жаад̇иман̃жаад̣̇аяо б̣анд̇хаабзд̇ваа сад̇д̇амз д̣̇ивасз саннибад̇им̣су. соби садтихад̇т̇ам̣ вам̣сам̣ абхируяха д̇асса мад̇т̇агз адтааси. д̇ам̣ д̣̇ивасам̣ сад̇т̇аа бажжуусагаалз логам̣ вологзнд̇о д̇ам̣ ад̇д̇ано н̃аан̣аж̇ааласса анд̇о бавидтам̣ д̣̇исваа ‘‘гим̣ ну ко бхависсад̇ий’’д̇и ааваж̇ж̇знд̇о ‘‘свз сздтибуд̇д̇о сиббам̣ д̣̇ассзссаамийд̇и вам̣самад̇т̇агз тассад̇и, д̇асса д̣̇ассанад̇т̇ам̣ махааж̇ано саннибад̇иссад̇и. д̇ад̇ра ахам̣ жад̇уббад̣̇игам̣ г̇аат̇ам̣ д̣̇зсзссаами, д̇ам̣ суд̇ваа жад̇ураасийд̇ияаа баан̣асахассаанам̣ д̇хаммаабхисамаяо бхависсад̇и, уг̇г̇асзноби арахад̇д̇з бад̇идтахиссад̇ий’’д̇и ан̃н̃ааси. сад̇т̇аа бунад̣̇ивасз гаалам̣ саллагкзд̇ваа бхигкусан̇гхабаривуд̇о рааж̇аг̇ахам̣ бин̣д̣ааяа баависи. уг̇г̇асзноби сад̇т̇ари анд̇онаг̇арам̣ абавидтзязва уннаад̣̇анад̇т̇ааяа махааж̇анасса ан̇г̇улисан̃н̃ам̣ д̣̇ад̇ваа вам̣самад̇т̇агз бад̇идтааяа аагаасзязва сад̇д̇а ваарз баривад̇д̇ид̇ваа оруяха вам̣самад̇т̇агз адтааси. д̇асмим̣ кан̣з сад̇т̇аа наг̇арам̣ бависанд̇о яат̇аа д̇ам̣ барисаа на ологзд̇и, звам̣ гад̇ваа ад̇д̇аанамзва ологаабзси. уг̇г̇асзно барисам̣ ологзд̇ваа ‘‘на мам̣ барисаа ологзд̇ий’’д̇и д̣̇оманассаббад̇д̇о ‘‘ид̣̇ам̣ маяаа сам̣важчарз гад̇д̇аб̣б̣ам̣ сиббам̣, сад̇т̇ари наг̇арам̣ бависанд̇з барисаа мам̣ анологзд̇ваа сад̇т̇аарамзва ологзд̇и, могхам̣ вад̇а мз сиббад̣̇ассанам̣ ж̇аад̇а’’нд̇и жинд̇зси.

Nagaravāsino mañcātimañcādayo bandhāpetvā sattame divase sannipatiṃsu. Sopi saṭṭhihatthaṃ vaṃsaṃ abhiruyha tassa matthake aṭṭhāsi. Taṃ divasaṃ satthā paccūsakāle lokaṃ volokento taṃ attano ñāṇajālassa anto paviṭṭhaṃ disvā ‘‘kiṃ nu kho bhavissatī’’ti āvajjento ‘‘sve seṭṭhiputto sippaṃ dassessāmīti vaṃsamatthake ṭhassati, tassa dassanatthaṃ mahājano sannipatissati. Tatra ahaṃ catuppadikaṃ gāthaṃ desessāmi, taṃ sutvā caturāsītiyā pāṇasahassānaṃ dhammābhisamayo bhavissati, uggasenopi arahatte patiṭṭhahissatī’’ti aññāsi. Satthā punadivase kālaṃ sallakkhetvā bhikkhusaṅghaparivuto rājagahaṃ piṇḍāya pāvisi. Uggasenopi satthari antonagaraṃ apaviṭṭheyeva unnādanatthāya mahājanassa aṅgulisaññaṃ datvā vaṃsamatthake patiṭṭhāya ākāseyeva satta vāre parivattitvā oruyha vaṃsamatthake aṭṭhāsi. Tasmiṃ khaṇe satthā nagaraṃ pavisanto yathā taṃ parisā na oloketi, evaṃ katvā attānameva olokāpesi. Uggaseno parisaṃ oloketvā ‘‘na maṃ parisā oloketī’’ti domanassappatto ‘‘idaṃ mayā saṃvacchare kattabbaṃ sippaṃ, satthari nagaraṃ pavisante parisā maṃ anoloketvā satthārameva oloketi, moghaṃ vata me sippadassanaṃ jāta’’nti cintesi.

сад̇т̇аа д̇асса жид̇д̇ам̣ н̃ад̇ваа махаамог̇г̇аллаанам̣ ааманд̇зд̇ваа ‘‘г̇ажча, мог̇г̇аллаана, сздтибуд̇д̇ам̣ вад̣̇зхи ‘сиббам̣ гира д̣̇ассзд̇уу’’’д̇и ааха. т̇зро г̇анд̇ваа вам̣сасса хздтаа тид̇о сздтибуд̇д̇ам̣ ааманд̇зд̇ваа имам̣ г̇аат̇амааха –

Satthā tassa cittaṃ ñatvā mahāmoggallānaṃ āmantetvā ‘‘gaccha, moggallāna, seṭṭhiputtaṃ vadehi ‘sippaṃ kira dassetū’’’ti āha. Thero gantvā vaṃsassa heṭṭhā ṭhito seṭṭhiputtaṃ āmantetvā imaṃ gāthamāha –

‘‘ин̇гха басса надабуд̇д̇а, уг̇г̇асзна махаб̣б̣ала;

‘‘Iṅgha passa naṭaputta, uggasena mahabbala;

гарохи ран̇г̇ам̣ барисааяа, хаасаяассу махааж̇ана’’нд̇и.

Karohi raṅgaṃ parisāya, hāsayassu mahājana’’nti.

со т̇зрасса гат̇ам̣ суд̇ваа д̇удтамаанасо худ̇ваа ‘‘сад̇т̇аа ман̃н̃з мама сиббам̣ бассид̇угаамо’’д̇и вам̣самад̇т̇агз тид̇агова имам̣ г̇аат̇амааха –

So therassa kathaṃ sutvā tuṭṭhamānaso hutvā ‘‘satthā maññe mama sippaṃ passitukāmo’’ti vaṃsamatthake ṭhitakova imaṃ gāthamāha –

‘‘ин̇гха басса махаабан̃н̃а, мог̇г̇аллаана махид̣̇д̇хига;

‘‘Iṅgha passa mahāpañña, moggallāna mahiddhika;

гароми ран̇г̇ам̣ барисааяа, хаасаяаами махааж̇ана’’нд̇и.

Karomi raṅgaṃ parisāya, hāsayāmi mahājana’’nti.

зван̃жа бана вад̇ваа вам̣самад̇т̇агад̇о взхаасам̣ аб̣бхуг̇г̇анд̇ваа аагаасзва жуд̣̇д̣̇асагкад̇д̇ум̣ баривад̇д̇ид̇ваа оруяха вам̣самад̇т̇агзва адтааси. ат̇а нам̣ сад̇т̇аа, ‘‘уг̇г̇асзна, бан̣д̣ид̇зна наама ад̇ийд̇аанааг̇ад̇абажжуббаннзсу канд̇хзсу аалаяам̣ бахааяа ж̇аад̇иаад̣̇ийхи мужжид̇ум̣ ваддад̇ий’’д̇и вад̇ваа имам̣ г̇аат̇амааха –

Evañca pana vatvā vaṃsamatthakato vehāsaṃ abbhuggantvā ākāseva cuddasakkhattuṃ parivattitvā oruyha vaṃsamatthakeva aṭṭhāsi. Atha naṃ satthā, ‘‘uggasena, paṇḍitena nāma atītānāgatapaccuppannesu khandhesu ālayaṃ pahāya jātiādīhi muccituṃ vaṭṭatī’’ti vatvā imaṃ gāthamāha –

348.

‘‘мун̃жа бурз мун̃жа бажчад̇о,

‘‘Muñca pure muñca pacchato,

маж̇жхз мун̃жа бхавасса баараг̇уу;

Majjhe muñca bhavassa pāragū;

саб̣б̣ад̇т̇а вимуд̇д̇амаанасо,

Sabbattha vimuttamānaso,

на бунам̣ ж̇аад̇иж̇арам̣ убзхисий’’д̇и.

Na punaṃ jātijaraṃ upehisī’’ti.

д̇ад̇т̇а мун̃жа бурзд̇и ад̇ийд̇зсу канд̇хзсу аалаяам̣ ниганд̇им̣ аж̇жхосаанам̣ бад̇т̇анам̣ барияудтаанам̣ г̇аахам̣ бараамаасам̣ д̇ан̣хам̣ мун̃жа. бажчад̇од̇и анааг̇ад̇зсуби канд̇хзсу аалаяаад̣̇ийни мун̃жа. маж̇жхзд̇и бажжуббаннзсуби д̇аани мун̃жа. бхавасса баараг̇ууд̇и звам̣ санд̇з д̇ивид̇хассааби бхавасса абхин̃н̃аабарин̃н̃аабахаанабхааванаасажчигирияавасзна баараг̇уу бааран̇г̇ад̇о худ̇ваа канд̇хад̇хаад̇уааяад̇анаад̣̇ибхзд̣̇з саб̣б̣асан̇кад̇з вимуд̇д̇амаанасо вихаранд̇о буна ж̇аад̇иж̇араамаран̣аани на убаг̇ажчад̇ийд̇и ад̇т̇о.

Tattha muñca pureti atītesu khandhesu ālayaṃ nikantiṃ ajjhosānaṃ patthanaṃ pariyuṭṭhānaṃ gāhaṃ parāmāsaṃ taṇhaṃ muñca. Pacchatoti anāgatesupi khandhesu ālayādīni muñca. Majjheti paccuppannesupi tāni muñca. Bhavassa pāragūti evaṃ sante tividhassāpi bhavassa abhiññāpariññāpahānabhāvanāsacchikiriyavasena pāragū pāraṅgato hutvā khandhadhātuāyatanādibhede sabbasaṅkhate vimuttamānaso viharanto puna jātijarāmaraṇāni na upagacchatīti attho.

д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. сздтибуд̇д̇оби вам̣самад̇т̇агз тид̇агова саха бадисамбхид̣̇аахи арахад̇д̇ам̣ бад̇ваа вам̣сад̇о оруяха сад̇т̇у санд̇игам̣ ааг̇анд̇ваа бан̃жабад̇идтид̇зна сад̇т̇аарам̣ ванд̣̇ид̇ваа баб̣б̣аж̇ж̇ам̣ яаажи. ат̇а нам̣ сад̇т̇аа д̣̇агкин̣ахад̇т̇ам̣ басаарзд̇ваа ‘‘зхи бхигкуу’’д̇и ааха. со д̇аавад̣̇зва адтабаригкаарад̇харо садтивассигад̇т̇зро вияа ахоси. ат̇а нам̣ бхигкуу, ‘‘аавусо уг̇г̇асзна, садтихад̇т̇асса д̇з вам̣сасса мад̇т̇агад̇о од̇аранд̇асса бхаяам̣ наама наахосий’’д̇и бужчид̇ваа ‘‘над̇т̇и мз, аавусо, бхаяа’’нд̇и вуд̇д̇з сад̇т̇у аарожзсум̣, ‘‘бханд̇з, уг̇г̇асзно ‘на бхааяаамий’д̇и вад̣̇ад̇и, абхууд̇ам̣ вад̇ваа ан̃н̃ам̣ б̣яаагарод̇ий’’д̇и. сад̇т̇аа ‘‘на, бхигкавз, мама буд̇д̇зна уг̇г̇асзнзна сад̣̇исаа чиннасам̣яож̇анаа бхигкуу бхааяанд̇и, на д̇асанд̇ий’’д̇и вад̇ваа б̣раахман̣аваг̇г̇з имам̣ г̇аат̇амааха –

Desanāvasāne caturāsītiyā pāṇasahassānaṃ dhammābhisamayo ahosi. Seṭṭhiputtopi vaṃsamatthake ṭhitakova saha paṭisambhidāhi arahattaṃ patvā vaṃsato oruyha satthu santikaṃ āgantvā pañcapatiṭṭhitena satthāraṃ vanditvā pabbajjaṃ yāci. Atha naṃ satthā dakkhiṇahatthaṃ pasāretvā ‘‘ehi bhikkhū’’ti āha. So tāvadeva aṭṭhaparikkhāradharo saṭṭhivassikatthero viya ahosi. Atha naṃ bhikkhū, ‘‘āvuso uggasena, saṭṭhihatthassa te vaṃsassa matthakato otarantassa bhayaṃ nāma nāhosī’’ti pucchitvā ‘‘natthi me, āvuso, bhaya’’nti vutte satthu ārocesuṃ, ‘‘bhante, uggaseno ‘na bhāyāmī’ti vadati, abhūtaṃ vatvā aññaṃ byākarotī’’ti. Satthā ‘‘na, bhikkhave, mama puttena uggasenena sadisā chinnasaṃyojanā bhikkhū bhāyanti, na tasantī’’ti vatvā brāhmaṇavagge imaṃ gāthamāha –

‘‘саб̣б̣асам̣яож̇анам̣ чзд̇ваа, яо вз на барид̇ассад̇и;

‘‘Sabbasaṃyojanaṃ chetvā, yo ve na paritassati;

сан̇г̇аад̇иг̇ам̣ висам̣яуд̇д̇ам̣, д̇амахам̣ б̣рууми б̣раахман̣а’’нд̇и. (д̇ха. ба. 397; су. ни. 626);

Saṅgātigaṃ visaṃyuttaṃ, tamahaṃ brūmi brāhmaṇa’’nti. (dha. pa. 397; su. ni. 626);

д̣̇зсанаавасаанз б̣ахуунам̣ д̇хаммаабхисамаяо ахоси. бунзгад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘гим̣ ну ко, аавусо, звам̣ арахад̇д̇уубаниссаяасамбаннасса бхигкуно надад̇хийд̇арам̣ ниссааяа надзхи сад̣̇д̇хим̣ вижаран̣агааран̣ам̣, гим̣ арахад̇д̇уубаниссаяагааран̣а’’нд̇и? сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, убхаяамбзд̇ам̣ иминаа зва гад̇а’’нд̇и вад̇ваа д̇амад̇т̇ам̣ багаасзд̇ум̣ ад̇ийд̇ам̣ аахари.

Desanāvasāne bahūnaṃ dhammābhisamayo ahosi. Punekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘kiṃ nu kho, āvuso, evaṃ arahattūpanissayasampannassa bhikkhuno naṭadhītaraṃ nissāya naṭehi saddhiṃ vicaraṇakāraṇaṃ, kiṃ arahattūpanissayakāraṇa’’nti? Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, ubhayampetaṃ iminā eva kata’’nti vatvā tamatthaṃ pakāsetuṃ atītaṃ āhari.

ад̇ийд̇з гира гассабад̣̇асаб̣аласса суван̣н̣ажзд̇ияз гарияамаанз б̣аараан̣асиваасино гулабуд̇д̇аа б̣ахум̣ каад̣̇анийяабхож̇анийяам̣ яаанагзсу ааробзд̇ваа ‘‘хад̇т̇агаммам̣ гариссаамаа’’д̇и жзд̇ияадтаанам̣ г̇ажчанд̇аа анд̇араамаг̇г̇з згам̣ т̇зрам̣ бин̣д̣ааяа бависанд̇ам̣ бассим̣су. ат̇згаа гулад̇хийд̇аа т̇зрам̣ ологзд̇ваа саамигам̣ ааха – ‘‘саами, аяяо, бин̣д̣ааяа бависад̇и, яаанагз жа но б̣ахум̣ каад̣̇анийяам̣ бхож̇анийяам̣, бад̇д̇амасса аахара, бхигкам̣ д̣̇ассаамаа’’д̇и. со д̇ам̣ бад̇д̇ам̣ аахарид̇ваа каад̣̇анийяабхож̇анийяасса буурзд̇ваа т̇зрасса хад̇т̇з бад̇идтабзд̇ваа убхоби бад̇т̇анам̣ гарим̣су, ‘‘бханд̇з, д̇умхзхи д̣̇идтад̇хаммассзва бхааг̇ино бхавзяяаамаа’’д̇и. соби т̇зро кийн̣аасавова, д̇асмаа ологзнд̇о д̇зсам̣ бад̇т̇анааяа самиж̇жханабхаавам̣ н̃ад̇ваа сид̇ам̣ агааси. д̇ам̣ д̣̇исваа саа ид̇т̇ий саамигам̣ ааха – ‘‘амхаагам̣, аяяо, сид̇ам̣ гарод̇и, зго надагаараго бхависсад̇ий’’д̇и. саамигобиссаа ‘‘звам̣ бхависсад̇и, бхад̣̇д̣̇з’’д̇и вад̇ваа баггаами. ид̣̇ам̣ д̇зсам̣ буб̣б̣агаммам̣. д̇з д̇ад̇т̇а яаавад̇ааяугам̣ тад̇ваа д̣̇звалогз ниб̣б̣ад̇д̇ид̇ваа д̇ад̇о жавид̇ваа саа ид̇т̇ий надаг̇зхз ниб̣б̣ад̇д̇и, бурисо сздтиг̇зхз. со ‘‘звам̣, бхад̣̇д̣̇з, бхависсад̇ий’’д̇и д̇ассаа бадиважанасса д̣̇иннад̇д̇аа надзхи сад̣̇д̇хим̣ вижари. кийн̣аасавад̇т̇зрасса д̣̇иннабин̣д̣абаад̇ам̣ ниссааяа арахад̇д̇ам̣ баабун̣и. сааби надад̇хийд̇аа ‘‘яаа мз саамигасса г̇ад̇и, маяхамби саа зва г̇ад̇ий’’д̇и баб̣б̣аж̇ид̇ваа арахад̇д̇з бад̇идтахийд̇и.

Atīte kira kassapadasabalassa suvaṇṇacetiye kariyamāne bārāṇasivāsino kulaputtā bahuṃ khādanīyabhojanīyaṃ yānakesu āropetvā ‘‘hatthakammaṃ karissāmā’’ti cetiyaṭṭhānaṃ gacchantā antarāmagge ekaṃ theraṃ piṇḍāya pavisantaṃ passiṃsu. Athekā kuladhītā theraṃ oloketvā sāmikaṃ āha – ‘‘sāmi, ayyo, piṇḍāya pavisati, yānake ca no bahuṃ khādanīyaṃ bhojanīyaṃ, pattamassa āhara, bhikkhaṃ dassāmā’’ti. So taṃ pattaṃ āharitvā khādanīyabhojanīyassa pūretvā therassa hatthe patiṭṭhapetvā ubhopi patthanaṃ kariṃsu, ‘‘bhante, tumhehi diṭṭhadhammasseva bhāgino bhaveyyāmā’’ti. Sopi thero khīṇāsavova, tasmā olokento tesaṃ patthanāya samijjhanabhāvaṃ ñatvā sitaṃ akāsi. Taṃ disvā sā itthī sāmikaṃ āha – ‘‘amhākaṃ, ayyo, sitaṃ karoti, eko naṭakārako bhavissatī’’ti. Sāmikopissā ‘‘evaṃ bhavissati, bhadde’’ti vatvā pakkāmi. Idaṃ tesaṃ pubbakammaṃ. Te tattha yāvatāyukaṃ ṭhatvā devaloke nibbattitvā tato cavitvā sā itthī naṭagehe nibbatti, puriso seṭṭhigehe. So ‘‘evaṃ, bhadde, bhavissatī’’ti tassā paṭivacanassa dinnattā naṭehi saddhiṃ vicari. Khīṇāsavattherassa dinnapiṇḍapātaṃ nissāya arahattaṃ pāpuṇi. Sāpi naṭadhītā ‘‘yā me sāmikassa gati, mayhampi sā eva gatī’’ti pabbajitvā arahatte patiṭṭhahīti.

уг̇г̇асзнавад̇т̇у чадтам̣.

Uggasenavatthu chaṭṭhaṃ.

7. жуул̣ад̇хануг̇г̇ахабан̣д̣ид̇авад̇т̇у

7. Cūḷadhanuggahapaṇḍitavatthu

вид̇аггамат̇ид̇ассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о жуул̣ад̇хануг̇г̇ахабан̣д̣ид̇ам̣ аараб̣бха гат̇зси.

Vitakkamathitassāti imaṃ dhammadesanaṃ satthā jetavane viharanto cūḷadhanuggahapaṇḍitaṃ ārabbha kathesi.

зго гира д̣̇ахарабхигку салаагаг̇г̇з ад̇д̇ано бад̇д̇асалаагам̣ г̇ахзд̇ваа салаагаяааг̇ум̣ аад̣̇ааяа аасанасаалам̣ г̇анд̇ваа биви. д̇ад̇т̇а уд̣̇агам̣ алабхид̇ваа уд̣̇агад̇т̇ааяа згам̣ гхарам̣ аг̇амааси. д̇ад̇т̇а д̇ам̣ згаа гумааригаа д̣̇исваава уббаннасинзхаа, ‘‘бханд̇з, буна баанийязна ад̇т̇з сад̇и ид̇хзва ааг̇ажчзяяаат̇аа’’д̇и ааха. со д̇ад̇о бадтааяа яад̣̇аа баанийяам̣ на лабхад̇и, д̇ад̣̇аа д̇ад̇т̇зва г̇ажчад̇и. саабисса бад̇д̇ам̣ г̇ахзд̇ваа баанийяам̣ д̣̇зд̇и. звам̣ г̇ажчанд̇з гаалз яааг̇умби д̣̇ад̇ваа бунзгад̣̇ивасам̣ д̇ад̇т̇зва нисийд̣̇аабзд̇ваа бхад̇д̇ам̣ ад̣̇ааси. санд̇игз жасса нисийд̣̇ид̇ваа , ‘‘бханд̇з, имасмим̣ г̇зхз на гин̃жи над̇т̇и наама, гзвалам̣ маяам̣ вижаран̣агамануссамзва на лабхаамаа’’д̇и гат̇ам̣ самудтаабзси. со гат̇ибаахзнзва д̇ассаа гат̇ам̣ суд̇ваа угган̣ти. ат̇а нам̣ згад̣̇ивасам̣ ааг̇анд̇угаа бхигкуу д̣̇исваа ‘‘гасмаа д̇вам̣, аавусо, гисо уббан̣д̣убан̣д̣угаж̇аад̇осий’’д̇и бужчид̇ваа ‘‘угган̣тид̇омхи, аавусо’’д̇и вуд̇д̇з аажарияубаж̇жхааяаанам̣ санд̇игам̣ наяим̣су. д̇зби нам̣ сад̇т̇у санд̇игам̣ нзд̇ваа д̇амад̇т̇ам̣ аарожзсум̣. сад̇т̇аа ‘‘сажжам̣ гира д̇вам̣, бхигку, угган̣тид̇осий’’д̇и бужчид̇ваа ‘‘сажжа’’нд̇и вуд̇д̇з ‘‘гасмаа д̇вам̣ маад̣̇исасса аарад̣̇д̇хавийрияасса б̣уд̣̇д̇хасса саасанз баб̣б̣аж̇ид̇ваа ‘сод̇аабанно’д̇и ваа ‘сагад̣̇ааг̇аамий’д̇и ваа ад̇д̇аанам̣ авад̣̇аабзд̇ваа ‘угган̣тид̇о’д̇и вад̣̇аабзси, бхаарияам̣ д̇з гаммам̣ гад̇а’’нд̇и вад̇ваа ‘‘гим̣ гааран̣аа угган̣тид̇осий’’д̇и бужчи. ‘‘бханд̇з, згаа мам̣ ид̇т̇ий звамаахаа’’д̇и вуд̇д̇з, ‘‘бхигку, анажчарияам̣ зд̇ам̣ д̇ассаа гирияам̣. саа хи буб̣б̣з сагалаж̇амб̣уд̣̇ийбз аг̇г̇ад̇хануг̇г̇ахабан̣д̣ид̇ам̣ бахааяа д̇ам̣мухуд̇д̇ад̣̇идтагз згасмим̣ синзхам̣ уббаад̣̇зд̇ваа д̇ам̣ ж̇ийвид̇агкаяам̣ баабзсий’’д̇и вад̇ваа д̇ассад̇т̇асса багаасанад̇т̇ам̣ бхигкуухи яаажид̇о –

Eko kira daharabhikkhu salākagge attano pattasalākaṃ gahetvā salākayāguṃ ādāya āsanasālaṃ gantvā pivi. Tattha udakaṃ alabhitvā udakatthāya ekaṃ gharaṃ agamāsi. Tattha taṃ ekā kumārikā disvāva uppannasinehā, ‘‘bhante, puna pānīyena atthe sati idheva āgaccheyyāthā’’ti āha. So tato paṭṭhāya yadā pānīyaṃ na labhati, tadā tattheva gacchati. Sāpissa pattaṃ gahetvā pānīyaṃ deti. Evaṃ gacchante kāle yāgumpi datvā punekadivasaṃ tattheva nisīdāpetvā bhattaṃ adāsi. Santike cassa nisīditvā , ‘‘bhante, imasmiṃ gehe na kiñci natthi nāma, kevalaṃ mayaṃ vicaraṇakamanussameva na labhāmā’’ti kathaṃ samuṭṭhāpesi. So kathipāheneva tassā kathaṃ sutvā ukkaṇṭhi. Atha naṃ ekadivasaṃ āgantukā bhikkhū disvā ‘‘kasmā tvaṃ, āvuso, kiso uppaṇḍupaṇḍukajātosī’’ti pucchitvā ‘‘ukkaṇṭhitomhi, āvuso’’ti vutte ācariyupajjhāyānaṃ santikaṃ nayiṃsu. Tepi naṃ satthu santikaṃ netvā tamatthaṃ ārocesuṃ. Satthā ‘‘saccaṃ kira tvaṃ, bhikkhu, ukkaṇṭhitosī’’ti pucchitvā ‘‘sacca’’nti vutte ‘‘kasmā tvaṃ mādisassa āraddhavīriyassa buddhassa sāsane pabbajitvā ‘sotāpanno’ti vā ‘sakadāgāmī’ti vā attānaṃ avadāpetvā ‘ukkaṇṭhito’ti vadāpesi, bhāriyaṃ te kammaṃ kata’’nti vatvā ‘‘kiṃ kāraṇā ukkaṇṭhitosī’’ti pucchi. ‘‘Bhante, ekā maṃ itthī evamāhā’’ti vutte, ‘‘bhikkhu, anacchariyaṃ etaṃ tassā kiriyaṃ. Sā hi pubbe sakalajambudīpe aggadhanuggahapaṇḍitaṃ pahāya taṃmuhuttadiṭṭhake ekasmiṃ sinehaṃ uppādetvā taṃ jīvitakkhayaṃ pāpesī’’ti vatvā tassatthassa pakāsanatthaṃ bhikkhūhi yācito –

ад̇ийд̇з жуул̣ад̇хануг̇г̇ахабан̣д̣ид̇агаалз д̇аггасилааяам̣ д̣̇исаабаамогкасса аажарияасса санд̇игз сиббам̣ уг̇г̇ахзд̇ваа д̇зна д̇удтзна д̣̇иннам̣ д̇хийд̇арам̣ аад̣̇ааяа б̣аараан̣асим̣ г̇ажчанд̇асса згасмим̣ адавимукз згуунабан̃н̃аасааяа ган̣д̣зхи згуунабан̃н̃аасажорз маарзд̇ваа ган̣д̣зсу кийн̣зсу жораж̇здтагам̣ г̇ахзд̇ваа бхуумияам̣ баад̇зд̇ваа, ‘‘бхад̣̇д̣̇з, асим̣ аахараа’’д̇и вуд̇д̇з д̇ааяа д̇ан̇кан̣ам̣ д̣̇идтажорз синзхам̣ гад̇ваа жорасса хад̇т̇з асит̇арум̣ табзд̇ваа жорзна д̇хануг̇г̇ахабан̣д̣ид̇асса маарид̇абхаавам̣ аавигад̇ваа жорзна жа д̇ам̣ аад̣̇ааяа г̇ажчанд̇зна ‘‘мамби зсаа ан̃н̃ам̣ д̣̇исваа ад̇д̇ано саамигам̣ вияа маараабзссад̇и , гим̣ мз имааяаа’’д̇и згам̣ над̣̇им̣ д̣̇исваа оримад̇ийрз д̇ам̣ табзд̇ваа д̇ассаа бхан̣д̣агам̣ аад̣̇ааяа ‘‘д̇вам̣ ид̇хзва хохи, яааваахам̣ бхан̣д̣игам̣ уд̇д̇аарзмий’’д̇и д̇ад̇т̇зва д̇ам̣ бахааяа г̇аманабхааван̃жа аавигад̇ваа –

Atīte cūḷadhanuggahapaṇḍitakāle takkasilāyaṃ disāpāmokkhassa ācariyassa santike sippaṃ uggahetvā tena tuṭṭhena dinnaṃ dhītaraṃ ādāya bārāṇasiṃ gacchantassa ekasmiṃ aṭavimukhe ekūnapaññāsāya kaṇḍehi ekūnapaññāsacore māretvā kaṇḍesu khīṇesu corajeṭṭhakaṃ gahetvā bhūmiyaṃ pātetvā, ‘‘bhadde, asiṃ āharā’’ti vutte tāya taṅkhaṇaṃ diṭṭhacore sinehaṃ katvā corassa hatthe asitharuṃ ṭhapetvā corena dhanuggahapaṇḍitassa māritabhāvaṃ āvikatvā corena ca taṃ ādāya gacchantena ‘‘mampi esā aññaṃ disvā attano sāmikaṃ viya mārāpessati , kiṃ me imāyā’’ti ekaṃ nadiṃ disvā orimatīre taṃ ṭhapetvā tassā bhaṇḍakaṃ ādāya ‘‘tvaṃ idheva hohi, yāvāhaṃ bhaṇḍikaṃ uttāremī’’ti tattheva taṃ pahāya gamanabhāvañca āvikatvā –

‘‘саб̣б̣ам̣ бхан̣д̣ам̣ самаад̣̇ааяа, баарам̣ д̇ин̣н̣оси б̣раахман̣а;

‘‘Sabbaṃ bhaṇḍaṃ samādāya, pāraṃ tiṇṇosi brāhmaṇa;

бажжааг̇ажча лахум̣ киббам̣, мамби д̇аарзхи д̣̇аанид̇о.

Paccāgaccha lahuṃ khippaṃ, mampi tārehi dānito.

‘‘асант̇уд̇ам̣ мам̣ жирасант̇уд̇зна,

‘‘Asanthutaṃ maṃ cirasanthutena,

нимийни бход̇ий ад̣̇д̇хувам̣ д̇хувзна;

Nimīni bhotī addhuvaṃ dhuvena;

маяааби бход̇ий ниминзяяа ан̃н̃ам̣,

Mayāpi bhotī nimineyya aññaṃ,

ид̇о ахам̣ д̣̇уурад̇арам̣ г̇амиссам̣.

Ito ahaṃ dūrataraṃ gamissaṃ.

‘‘гааяам̣ зл̣аг̇алааг̇умб̣з, гарод̇и ахухаасияам̣;

‘‘Kāyaṃ eḷagalāgumbe, karoti ahuhāsiyaṃ;

наяийд̇ха нажжам̣ ваа г̇ийд̇ам̣ ваа, д̇аал̣ам̣ ваа сусамаахид̇ам̣;

Nayīdha naccaṃ vā gītaṃ vā, tāḷaṃ vā susamāhitaṃ;

анамхигаалз сусон̣и, гим̣ ну ж̇аг̇гхаси собханз.

Anamhikāle susoṇi, kiṃ nu jagghasi sobhane.

‘‘син̇г̇аала б̣аала д̣̇уммзд̇ха, аббабан̃н̃оси ж̇амб̣уга;

‘‘Siṅgāla bāla dummedha, appapaññosi jambuka;

ж̇ийно мажчан̃жа бзсин̃жа, габан̣о вияа жхааяаси.

Jīno macchañca pesiñca, kapaṇo viya jhāyasi.

‘‘суд̣̇ассам̣ важ̇ж̇аман̃н̃зсам̣, ад̇д̇ано бана д̣̇уд̣̇д̣̇асам̣;

‘‘Sudassaṃ vajjamaññesaṃ, attano pana duddasaṃ;

ж̇ийнаа бад̇ин̃жа ж̇ааран̃жа, ман̃н̃з д̇ван̃н̃зва жхааяаси.

Jīnā patiñca jārañca, maññe tvaññeva jhāyasi.

‘‘звамзд̇ам̣ миг̇арааж̇а, яат̇аа бхаасаси ж̇амб̣уга;

‘‘Evametaṃ migarāja, yathā bhāsasi jambuka;

саа нуунаахам̣ ид̇о г̇анд̇ваа, бхад̇д̇у хзссам̣ васаануг̇аа.

Sā nūnāhaṃ ito gantvā, bhattu hessaṃ vasānugā.

‘‘яо харз мад̇д̇игам̣ т̇аалам̣, гам̣сат̇ааламби со харз;

‘‘Yo hare mattikaṃ thālaṃ, kaṃsathālampi so hare;

гад̇ан̃жзва д̇аяаа баабам̣, бунабзвам̣ гариссасий’’д̇и. (ж̇аа. 1.5.128-134) –

Katañceva tayā pāpaṃ, punapevaṃ karissasī’’ti. (jā. 1.5.128-134) –

имам̣ бан̃жаганибаад̇з жуул̣ад̇хануг̇г̇ахаж̇аад̇агам̣ вид̇т̇аарзд̇ваа ‘‘д̇ад̣̇аа жуул̣ад̇хануг̇г̇ахабан̣д̣ид̇о д̇вам̣ ахоси, саа ид̇т̇ий зд̇арахи аяам̣ гумааригаа, син̇г̇ааларуубзна ааг̇анд̇ваа д̇ассаа ниг̇г̇ахагаараго сагго д̣̇зварааж̇аа ахамзваа’’д̇и вад̇ваа ‘‘звам̣ саа ид̇т̇ий д̇ам̣мухуд̇д̇ад̣̇идтагз згасмим̣ синзхзна сагалаж̇амб̣уд̣̇ийбз аг̇г̇абан̣д̣ид̇ам̣ ж̇ийвид̇аа воробзси, д̇ам̣ ид̇т̇им̣ аараб̣бха уббаннам̣ д̇ава д̇ан̣хам̣ чинд̣̇ид̇ваа вихараахи бхигкуу’’д̇и д̇ам̣ овад̣̇ид̇ваа уд̇д̇аримби д̇хаммам̣ д̣̇зсзнд̇о имаа д̣̇вз г̇аат̇аа абхааси –

Imaṃ pañcakanipāte cūḷadhanuggahajātakaṃ vitthāretvā ‘‘tadā cūḷadhanuggahapaṇḍito tvaṃ ahosi, sā itthī etarahi ayaṃ kumārikā, siṅgālarūpena āgantvā tassā niggahakārako sakko devarājā ahamevā’’ti vatvā ‘‘evaṃ sā itthī taṃmuhuttadiṭṭhake ekasmiṃ sinehena sakalajambudīpe aggapaṇḍitaṃ jīvitā voropesi, taṃ itthiṃ ārabbha uppannaṃ tava taṇhaṃ chinditvā viharāhi bhikkhū’’ti taṃ ovaditvā uttarimpi dhammaṃ desento imā dve gāthā abhāsi –

349.

‘‘вид̇аггамат̇ид̇асса ж̇анд̇уно,

‘‘Vitakkamathitassa jantuno,

д̇иб̣б̣арааг̇асса субхаанубассино;

Tibbarāgassa subhānupassino;

бхияяо д̇ан̣хаа бавад̣дхад̇и,

Bhiyyo taṇhā pavaḍḍhati,

зса ко д̣̇ал̣хам̣ гарод̇и б̣анд̇ханам̣.

Esa kho daḷhaṃ karoti bandhanaṃ.

350.

‘‘вид̇аггуубасамз жа яо рад̇о,

‘‘Vitakkūpasame ca yo rato,

асубхам̣ бхааваяад̇з сад̣̇аа сад̇о;

Asubhaṃ bhāvayate sadā sato;

зса ко б̣яанд̇и гаахид̇и,

Esa kho byanti kāhiti,

зса чзжчад̇и маараб̣анд̇хана’’нд̇и.

Esa checchati mārabandhana’’nti.

д̇ад̇т̇а вид̇аггамат̇ид̇ассаад̇и гаамавид̇аггаад̣̇ийхи вид̇аггзхи ниммат̇ид̇асса. д̇иб̣б̣арааг̇ассаад̇и б̣ахаларааг̇асса. субхаанубассинод̇и идтаарамман̣з субханимид̇д̇аг̇аахаад̣̇ивасзна виссадтамаанасад̇ааяа субханд̇и анубассанд̇асса. д̇ан̣хаад̇и зваруубасса жхаанаад̣̇ийсу згамби на вад̣дхад̇и, ат̇а ко чад̣̇вааригаа д̇ан̣хааязва бхияяо вад̣дхад̇и. зса код̇и зсо буг̇г̇ало д̇ан̣хааб̣анд̇ханам̣ д̣̇ал̣хам̣ сут̇ирам̣ гарод̇и. вид̇аггуубасамзд̇и мижчаавид̇аггаад̣̇ийнам̣ вуубасамасан̇каад̇з д̣̇асасу асубхзсу батамаж̇жхаанз. сад̣̇аа сад̇од̇и яо зд̇т̇а абхирад̇о худ̇ваа нижжам̣ убадтид̇асад̇ид̇ааяа сад̇о д̇ам̣ асубхажхаанам̣ бхаавзд̇и. б̣яанд̇и гаахид̇ийд̇и зса бхигку д̇ийсу бхавзсу уббаж̇ж̇анагам̣ д̇ан̣хам̣ виг̇ад̇анд̇ам̣ гариссад̇и. маараб̣анд̇хананд̇и зсо д̇збхуумагаваддасан̇каад̇ам̣ маараб̣анд̇ханамби чинд̣̇иссад̇ийд̇и ад̇т̇о.

Tattha vitakkamathitassāti kāmavitakkādīhi vitakkehi nimmathitassa. Tibbarāgassāti bahalarāgassa. Subhānupassinoti iṭṭhārammaṇe subhanimittagāhādivasena vissaṭṭhamānasatāya subhanti anupassantassa. Taṇhāti evarūpassa jhānādīsu ekampi na vaḍḍhati, atha kho chadvārikā taṇhāyeva bhiyyo vaḍḍhati. Esa khoti eso puggalo taṇhābandhanaṃ daḷhaṃ suthiraṃ karoti. Vitakkūpasameti micchāvitakkādīnaṃ vūpasamasaṅkhāte dasasu asubhesu paṭhamajjhāne. Sadā satoti yo ettha abhirato hutvā niccaṃ upaṭṭhitasatitāya sato taṃ asubhajhānaṃ bhāveti. Byanti kāhitīti esa bhikkhu tīsu bhavesu uppajjanakaṃ taṇhaṃ vigatantaṃ karissati. Mārabandhananti eso tebhūmakavaṭṭasaṅkhātaṃ mārabandhanampi chindissatīti attho.

д̣̇зсанаавасаанз со бхигку сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne so bhikkhu sotāpattiphale patiṭṭhahi, sampattānampi sātthikā dhammadesanā ahosīti.

жуул̣ад̇хануг̇г̇ахабан̣д̣ид̇авад̇т̇у сад̇д̇амам̣.

Cūḷadhanuggahapaṇḍitavatthu sattamaṃ.

8. мааравад̇т̇у

8. Māravatthu

нидтан̇г̇ад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о маарам̣ аараб̣бха гат̇зси.

Niṭṭhaṅgatoti imaṃ dhammadesanaṃ satthā jetavane viharanto māraṃ ārabbha kathesi.

згад̣̇ивасан̃хи вигаалз самб̣ахулаа т̇зраа ж̇зд̇аванавихаарам̣ бависид̇ваа раахулад̇т̇зрасса васанадтаанам̣ г̇анд̇ваа д̇ам̣ удтаабзсум̣. со ан̃н̃ад̇т̇а васанадтаанам̣ абассанд̇о д̇ат̇ааг̇ад̇асса г̇анд̇хагудияаа бамукз нибаж̇ж̇и. д̇ад̣̇аа со ааяасмаа арахад̇д̇ам̣ бад̇д̇о авассигова ход̇и. мааро васавад̇д̇ибхаванз тид̇оязва д̇ам̣ ааяасманд̇ам̣ г̇анд̇хагудибамукз нибаннам̣ д̣̇исваа жинд̇зси – ‘‘саман̣асса г̇од̇амасса руж̇анагаан̇г̇улий б̣ахи нибанно, саяам̣ анд̇ог̇анд̇хагудияам̣ нибанно, ан̇г̇улияаа бийл̣ияамаанааяа саяамби бийл̣ид̇о бхависсад̇ий’’д̇и. со маханд̇ам̣ хад̇т̇ирааж̇аван̣н̣ам̣ абхинимминид̇ваа ааг̇амма сон̣д̣ааяа т̇зрасса мад̇т̇агам̣ баригкибид̇ваа маханд̇зна сад̣̇д̣̇зна гон̃жанаад̣̇ам̣ рави. сад̇т̇аа г̇анд̇хагудияам̣ нисиннова д̇асса маарабхаавам̣ н̃ад̇ваа, ‘‘маара, д̇аад̣̇исаанам̣ сад̇асахассзнааби мама буд̇д̇асса бхаяам̣ уббаад̣̇зд̇ум̣ на саггаа. буд̇д̇о хи мз асанд̇аасий вийд̇ад̇ан̣хо махаавийрияо махаабан̃н̃о’’д̇и вад̇ваа имаа г̇аат̇аа абхааси –

Ekadivasañhi vikāle sambahulā therā jetavanavihāraṃ pavisitvā rāhulattherassa vasanaṭṭhānaṃ gantvā taṃ uṭṭhāpesuṃ. So aññattha vasanaṭṭhānaṃ apassanto tathāgatassa gandhakuṭiyā pamukhe nipajji. Tadā so āyasmā arahattaṃ patto avassikova hoti. Māro vasavattibhavane ṭhitoyeva taṃ āyasmantaṃ gandhakuṭipamukhe nipannaṃ disvā cintesi – ‘‘samaṇassa gotamassa rujanakaaṅgulī bahi nipanno, sayaṃ antogandhakuṭiyaṃ nipanno, aṅguliyā pīḷiyamānāya sayampi pīḷito bhavissatī’’ti. So mahantaṃ hatthirājavaṇṇaṃ abhinimminitvā āgamma soṇḍāya therassa matthakaṃ parikkhipitvā mahantena saddena koñcanādaṃ ravi. Satthā gandhakuṭiyaṃ nisinnova tassa mārabhāvaṃ ñatvā, ‘‘māra, tādisānaṃ satasahassenāpi mama puttassa bhayaṃ uppādetuṃ na sakkā. Putto hi me asantāsī vītataṇho mahāvīriyo mahāpañño’’ti vatvā imā gāthā abhāsi –

351.

‘‘нидтан̇г̇ад̇о асанд̇аасий, вийд̇ад̇ан̣хо анан̇г̇ан̣о;

‘‘Niṭṭhaṅgato asantāsī, vītataṇho anaṅgaṇo;

ажчинд̣̇и бхавасаллаани, анд̇имояам̣ самуссаяо.

Acchindi bhavasallāni, antimoyaṃ samussayo.

352.

‘‘вийд̇ад̇ан̣хо анаад̣̇аано, нируд̇д̇ибад̣̇аговид̣̇о;

‘‘Vītataṇho anādāno, niruttipadakovido;

агкараанам̣ саннибаад̇ам̣, ж̇ан̃н̃аа буб̣б̣аабараани жа;

Akkharānaṃ sannipātaṃ, jaññā pubbāparāni ca;

са вз анд̇имасаарийро,

Sa ve antimasārīro,

махаабан̃н̃о махаабурисод̇и вужжад̇ий’’д̇и.

Mahāpañño mahāpurisoti vuccatī’’ti.

д̇ад̇т̇а нидтан̇г̇ад̇од̇и имасмим̣ саасанз баб̣б̣аж̇ид̇аанам̣ арахад̇д̇ам̣ нидтам̣ наама, д̇ам̣ г̇ад̇о бад̇д̇од̇и ад̇т̇о. асанд̇аасийд̇и аб̣бханд̇арз рааг̇асанд̇аасаад̣̇ийнам̣ абхаавзна асанд̇асанаго. ажчинд̣̇и бхавасаллаанийд̇и саб̣б̣ааниби бхаваг̇аамийни саллаани ажчинд̣̇и. самуссаяод̇и аяам̣ зд̇асса анд̇имо д̣̇зхо.

Tattha niṭṭhaṅgatoti imasmiṃ sāsane pabbajitānaṃ arahattaṃ niṭṭhaṃ nāma, taṃ gato pattoti attho. Asantāsīti abbhantare rāgasantāsādīnaṃ abhāvena asantasanako. Acchindi bhavasallānīti sabbānipi bhavagāmīni sallāni acchindi. Samussayoti ayaṃ etassa antimo deho.

анаад̣̇аанод̇и канд̇хаад̣̇ийсу ниг̇г̇ахан̣о. нируд̇д̇ибад̣̇аговид̣̇од̇и нируд̇д̇ияан̃жа сзсабад̣̇зсу жаад̇и жад̇уусуби бадисамбхид̣̇аасу чзгод̇и ад̇т̇о. агкараанам̣ саннибаад̇ам̣, ж̇ан̃н̃аа буб̣б̣аабараани жаад̇и агкараанам̣ саннибаад̇асан̇каад̇ам̣ агкарабин̣д̣ан̃жа ж̇аанаад̇и, буб̣б̣агкарзна абарагкарам̣, абарагкарзна буб̣б̣агкаран̃жа ж̇аанаад̇и. буб̣б̣агкарзна абарагкарам̣ ж̇аанаад̇и наама – аад̣̇имхи бан̃н̃ааяамаанз маж̇жхабарияосаанзсу абан̃н̃ааяамаанзсуби ‘‘имзсам̣ агкараанам̣ ид̣̇ам̣ маж̇жхам̣, ид̣̇ам̣ барияосаана’’нд̇и ж̇аанаад̇и. абарагкарзна буб̣б̣агкарам̣ ж̇аанаад̇и наама – анд̇з бан̃н̃ааяамаанз аад̣̇имаж̇жхзсу абан̃н̃ааяамаанзсу ‘‘имзсам̣ агкараанам̣ ид̣̇ам̣ маж̇жхам̣, аяам̣ аад̣̇ий’’д̇и ж̇аанаад̇и. маж̇жхз бан̃н̃ааяамаанзби ‘‘имзсам̣ агкараанам̣ аяам̣ аад̣̇и, аяам̣ анд̇о’’д̇и ж̇аанаад̇и. звам̣ махаабан̃н̃о. са вз анд̇имасаарийрод̇и зса годияам̣ тид̇асарийро, маханд̇аанам̣ ад̇т̇ад̇хамманируд̇д̇ибадибхаанаанам̣ сийлагканд̇хаад̣̇ийнан̃жа бариг̇г̇аахигааяа бан̃н̃ааяа саманнааг̇ад̇ад̇д̇аа махаабан̃н̃о, ‘‘вимуд̇д̇ажид̇д̇ад̇д̇аа кваахам̣, саарибуд̇д̇а, махаабурисод̇и вад̣̇аамий’’д̇и (сам̣. ни. 5.377) важанад̇о вимуд̇д̇ажид̇д̇ад̇ааяа жа махаабурисод̇и вужжад̇ийд̇и ад̇т̇о.

Anādānoti khandhādīsu niggahaṇo. Niruttipadakovidoti niruttiyañca sesapadesu cāti catūsupi paṭisambhidāsu chekoti attho. Akkharānaṃ sannipātaṃ, jaññā pubbāparāni cāti akkharānaṃ sannipātasaṅkhātaṃ akkharapiṇḍañca jānāti, pubbakkharena aparakkharaṃ, aparakkharena pubbakkharañca jānāti. Pubbakkharena aparakkharaṃ jānāti nāma – ādimhi paññāyamāne majjhapariyosānesu apaññāyamānesupi ‘‘imesaṃ akkharānaṃ idaṃ majjhaṃ, idaṃ pariyosāna’’nti jānāti. Aparakkharena pubbakkharaṃ jānāti nāma – ante paññāyamāne ādimajjhesu apaññāyamānesu ‘‘imesaṃ akkharānaṃ idaṃ majjhaṃ, ayaṃ ādī’’ti jānāti. Majjhe paññāyamānepi ‘‘imesaṃ akkharānaṃ ayaṃ ādi, ayaṃ anto’’ti jānāti. Evaṃ mahāpañño. Sa ve antimasārīroti esa koṭiyaṃ ṭhitasarīro, mahantānaṃ atthadhammaniruttipaṭibhānānaṃ sīlakkhandhādīnañca pariggāhikāya paññāya samannāgatattā mahāpañño, ‘‘vimuttacittattā khvāhaṃ, sāriputta, mahāpurisoti vadāmī’’ti (saṃ. ni. 5.377) vacanato vimuttacittatāya ca mahāpurisoti vuccatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су. маароби баабимаа ‘‘ж̇аанаад̇и мам̣ саман̣о г̇од̇амо’’д̇и д̇ад̇т̇званд̇арад̇хааяийд̇и.

Desanāvasāne bahū sotāpattiphalādīni pāpuṇiṃsu. Māropi pāpimā ‘‘jānāti maṃ samaṇo gotamo’’ti tatthevantaradhāyīti.

мааравад̇т̇у адтамам̣.

Māravatthu aṭṭhamaṃ.

9. убагааж̇ийвагавад̇т̇у

9. Upakājīvakavatthu

саб̣б̣аабхибхууд̇и имам̣ д̇хаммад̣̇зсанам̣ сад̇т̇аа анд̇араамаг̇г̇з убагам̣ ааж̇ийвагам̣ аараб̣бха гат̇зси.

Sabbābhibhūti imaṃ dhammadesanaṃ satthā antarāmagge upakaṃ ājīvakaṃ ārabbha kathesi.

згасмин̃хи самаяз сад̇т̇аа бад̇д̇асаб̣б̣ан̃н̃уд̇ан̃н̃аан̣о б̣од̇химан̣д̣з сад̇д̇асад̇д̇аахам̣ вийд̇инаамзд̇ваа ад̇д̇ано бад̇д̇ажийварамаад̣̇ааяа д̇хаммажаггабавад̇д̇анад̇т̇ам̣ б̣аараан̣асим̣ санд̇хааяа адтаарасаяож̇анамаг̇г̇ам̣ бадибанно анд̇араамаг̇г̇з убагам̣ ааж̇ийвагам̣ ад̣̇д̣̇аса. соби сад̇т̇аарам̣ д̣̇исваа ‘‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о, гам̣си д̇вам̣, аавусо, уд̣̇д̣̇исса баб̣б̣аж̇ид̇о, го ваа д̇з сад̇т̇аа, гасса ваа д̇вам̣ д̇хаммам̣ рожзсий’’д̇и бужчи. ат̇асса сад̇т̇аа ‘‘маяхам̣ убаж̇жхааяо ваа аажарияо ваа над̇т̇ий’’д̇и вад̇ваа имам̣ г̇аат̇амааха –

Ekasmiñhi samaye satthā pattasabbaññutaññāṇo bodhimaṇḍe sattasattāhaṃ vītināmetvā attano pattacīvaramādāya dhammacakkapavattanatthaṃ bārāṇasiṃ sandhāya aṭṭhārasayojanamaggaṃ paṭipanno antarāmagge upakaṃ ājīvakaṃ addasa. Sopi satthāraṃ disvā ‘‘vippasannāni kho te, āvuso, indriyāni, parisuddho chavivaṇṇo pariyodāto, kaṃsi tvaṃ, āvuso, uddissa pabbajito, ko vā te satthā, kassa vā tvaṃ dhammaṃ rocesī’’ti pucchi. Athassa satthā ‘‘mayhaṃ upajjhāyo vā ācariyo vā natthī’’ti vatvā imaṃ gāthamāha –

353.

‘‘саб̣б̣аабхибхуу саб̣б̣авид̣̇уухамасми,

‘‘Sabbābhibhū sabbavidūhamasmi,

саб̣б̣зсу д̇хаммзсу ануубалид̇д̇о;

Sabbesu dhammesu anūpalitto;

саб̣б̣ан̃ж̇ахо д̇ан̣хагкаяз вимуд̇д̇о,

Sabbañjaho taṇhakkhaye vimutto,

саяам̣ абхин̃н̃ааяа гамуд̣̇д̣̇исзяяа’’нд̇и.

Sayaṃ abhiññāya kamuddiseyya’’nti.

д̇ад̇т̇а саб̣б̣аабхибхууд̇и саб̣б̣зсам̣ д̇збхуумагад̇хаммаанам̣ абхибхаванад̇о саб̣б̣аабхибхуу. саб̣б̣авид̣̇ууд̇и вид̣̇ид̇асаб̣б̣ажад̇убхуумагад̇хаммо. саб̣б̣зсу д̇хаммзсууд̇и саб̣б̣зсуби д̇збхуумагад̇хаммзсу д̇ан̣хаад̣̇идтийхи ануубалид̇д̇о. саб̣б̣ан̃ж̇аход̇и саб̣б̣з д̇збхуумагад̇хаммз ж̇ахид̇ваа тид̇о. д̇ан̣хагкаяз вимуд̇д̇од̇и д̇ан̣хагкаяанд̇з уббаад̣̇ид̇з д̇ан̣хагкаяасан̇каад̇з арахад̇д̇з асзкааяа вимуд̇д̇ияаа вимуд̇д̇о. саяам̣ абхин̃н̃ааяаад̇и абхин̃н̃зяяаад̣̇ибхзд̣̇з д̇хаммз саяамзва ж̇аанид̇ваа. гамуд̣̇д̣̇исзяяанд̇и ‘‘аяам̣ мз убаж̇жхааяо ваа аажарияо ваа’’д̇и гам̣ наама уд̣̇д̣̇исзяяанд̇и.

Tattha sabbābhibhūti sabbesaṃ tebhūmakadhammānaṃ abhibhavanato sabbābhibhū. Sabbavidūti viditasabbacatubhūmakadhammo. Sabbesu dhammesūti sabbesupi tebhūmakadhammesu taṇhādiṭṭhīhi anūpalitto. Sabbañjahoti sabbe tebhūmakadhamme jahitvā ṭhito. Taṇhakkhaye vimuttoti taṇhakkhayante uppādite taṇhakkhayasaṅkhāte arahatte asekhāya vimuttiyā vimutto. Sayaṃ abhiññāyāti abhiññeyyādibhede dhamme sayameva jānitvā. Kamuddiseyyanti ‘‘ayaṃ me upajjhāyo vā ācariyo vā’’ti kaṃ nāma uddiseyyanti.

д̣̇зсанаавасаанз убаго ааж̇ийваго д̇ат̇ааг̇ад̇асса важанам̣ нзваабхинанд̣̇и, на бадиггоси. сийсам̣ бана жаалзд̇ваа ж̇ивхам̣ ниллаал̣зд̇ваа згабад̣̇игамаг̇г̇ам̣ г̇ахзд̇ваа ан̃н̃ад̇арам̣ луд̣̇д̣̇аганиваасанадтаанам̣ аг̇амаасийд̇и.

Desanāvasāne upako ājīvako tathāgatassa vacanaṃ nevābhinandi, na paṭikkosi. Sīsaṃ pana cāletvā jivhaṃ nillāḷetvā ekapadikamaggaṃ gahetvā aññataraṃ luddakanivāsanaṭṭhānaṃ agamāsīti.

убагааж̇ийвагавад̇т̇у навамам̣.

Upakājīvakavatthu navamaṃ.

10. саггабан̃хавад̇т̇у

10. Sakkapañhavatthu

саб̣б̣ад̣̇аананд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саггам̣ д̣̇зварааж̇аанам̣ аараб̣бха гат̇зси.

Sabbadānanti imaṃ dhammadesanaṃ satthā jetavane viharanto sakkaṃ devarājānaṃ ārabbha kathesi.

згасмин̃хи самаяз д̇аавад̇им̣сад̣̇звалогз д̣̇звад̇аа саннибад̇ид̇ваа жад̇д̇ааро бан̃хз самудтаабзсум̣ ‘‘гад̇арам̣ д̣̇аанам̣ ну ко д̣̇аанзсу, гад̇аро расо расзсу, гад̇араа рад̇и рад̇ийсу ж̇здтагаа, д̇ан̣хагкаяова гасмаа ж̇здтагод̇и вужжад̇ий’’д̇и? д̇з бан̃хз згаа д̣̇звад̇ааби винижчид̇ум̣ наасагки. зго бана д̣̇зво згам̣ д̣̇звам̣, соби абаранд̇и звам̣ ан̃н̃аман̃н̃ам̣ бужчанд̇аа д̣̇асасу жаггаваал̣асахассзсу д̣̇ваад̣̇аса сам̣важчараани вижарим̣су. зд̇д̇агзнааби гаалзна бан̃хаанам̣ ад̇т̇ам̣ ад̣̇исваа д̣̇асасахассажаггаваал̣ад̣̇звад̇аа саннибад̇ид̇ваа жад̇уннам̣ махаарааж̇аанам̣ санд̇игам̣ г̇анд̇ваа ‘‘гим̣, д̇аад̇аа, махаад̣̇звад̇аасаннибаад̇о’’д̇и вуд̇д̇з ‘‘жад̇д̇ааро бан̃хз самудтаабзд̇ваа винижчид̇ум̣ асаггонд̇аа д̇умхаагам̣ санд̇игам̣ ааг̇ад̇амхаа’’д̇и. ‘‘гим̣ бан̃хам̣ наамзд̇ам̣, д̇аад̇аа’’д̇и. ‘‘д̣̇аанарасарад̇ийсу гад̇амаа д̣̇аанарасарад̇ий ну ко сздтаа, д̇ан̣хагкаяова гасмаа сздто’’д̇и имз бан̃хз винижчид̇ум̣ асаггонд̇аа ааг̇ад̇амхаад̇и. д̇аад̇аа, маяамби имзсам̣ ад̇т̇з на ж̇аанаама, амхаагам̣ бана рааж̇аа ж̇анасахассзна жинд̇ид̇з ад̇т̇з жинд̇зд̇ваа д̇ан̇кан̣знзва ж̇аанаад̇и, со амхзхи бан̃н̃ааяа жа бун̃н̃зна жа висидто, зт̇а, д̇асса санд̇игам̣ г̇ажчаамаад̇и д̇амзва д̣̇зваг̇ан̣ам̣ аад̣̇ааяа саггасса д̣̇зваран̃н̃о санд̇игам̣ г̇анд̇ваа д̇знааби ‘‘гим̣, д̇аад̇аа, маханд̇о д̣̇звасаннибаад̇о’’д̇и вуд̇д̇з д̇амад̇т̇ам̣ аарожзсум̣. ‘‘д̇аад̇аа, имзсам̣ бан̃хаанам̣ ад̇т̇ам̣ ан̃н̃оби ж̇аанид̇ум̣ на саггод̇и, б̣уд̣̇д̇хависаяаа хзд̇з. сад̇т̇аа банзд̇арахи гахам̣ вихарад̇ий’’д̇и бужчид̇ваа ‘‘ж̇зд̇аванз’’д̇и суд̇ваа ‘‘зт̇а, д̇асса санд̇игам̣ г̇амиссаамаа’’д̇и д̣̇зваг̇ан̣зна сад̣̇д̇хим̣ рад̇д̇ибхааг̇з сагалам̣ ж̇зд̇аванам̣ обхаасзд̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ тид̇о ‘‘гим̣, махаарааж̇а, махад̇аа д̣̇звасан̇гхзна ааг̇ад̇осий’’д̇и вуд̇д̇з, ‘‘бханд̇з, д̣̇зваг̇ан̣зна имз наама бан̃хаа самудтаабид̇аа, ан̃н̃о имзсам̣ ад̇т̇ам̣ ж̇аанид̇ум̣ самад̇т̇о наама над̇т̇и, имзсам̣ но ад̇т̇ам̣ багаасзт̇аа’’д̇и ааха.

Ekasmiñhi samaye tāvatiṃsadevaloke devatā sannipatitvā cattāro pañhe samuṭṭhāpesuṃ ‘‘kataraṃ dānaṃ nu kho dānesu, kataro raso rasesu, katarā rati ratīsu jeṭṭhakā, taṇhakkhayova kasmā jeṭṭhakoti vuccatī’’ti? Te pañhe ekā devatāpi vinicchituṃ nāsakkhi. Eko pana devo ekaṃ devaṃ, sopi aparanti evaṃ aññamaññaṃ pucchantā dasasu cakkavāḷasahassesu dvādasa saṃvaccharāni vicariṃsu. Ettakenāpi kālena pañhānaṃ atthaṃ adisvā dasasahassacakkavāḷadevatā sannipatitvā catunnaṃ mahārājānaṃ santikaṃ gantvā ‘‘kiṃ, tātā, mahādevatāsannipāto’’ti vutte ‘‘cattāro pañhe samuṭṭhāpetvā vinicchituṃ asakkontā tumhākaṃ santikaṃ āgatamhā’’ti. ‘‘Kiṃ pañhaṃ nāmetaṃ, tātā’’ti. ‘‘Dānarasaratīsu katamā dānarasaratī nu kho seṭṭhā, taṇhakkhayova kasmā seṭṭho’’ti ime pañhe vinicchituṃ asakkontā āgatamhāti. Tātā, mayampi imesaṃ atthe na jānāma, amhākaṃ pana rājā janasahassena cintite atthe cintetvā taṅkhaṇeneva jānāti, so amhehi paññāya ca puññena ca visiṭṭho, etha, tassa santikaṃ gacchāmāti tameva devagaṇaṃ ādāya sakkassa devarañño santikaṃ gantvā tenāpi ‘‘kiṃ, tātā, mahanto devasannipāto’’ti vutte tamatthaṃ ārocesuṃ. ‘‘Tātā, imesaṃ pañhānaṃ atthaṃ aññopi jānituṃ na sakkoti, buddhavisayā hete. Satthā panetarahi kahaṃ viharatī’’ti pucchitvā ‘‘jetavane’’ti sutvā ‘‘etha, tassa santikaṃ gamissāmā’’ti devagaṇena saddhiṃ rattibhāge sakalaṃ jetavanaṃ obhāsetvā satthāraṃ upasaṅkamitvā vanditvā ekamantaṃ ṭhito ‘‘kiṃ, mahārāja, mahatā devasaṅghena āgatosī’’ti vutte, ‘‘bhante, devagaṇena ime nāma pañhā samuṭṭhāpitā, añño imesaṃ atthaṃ jānituṃ samattho nāma natthi, imesaṃ no atthaṃ pakāsethā’’ti āha.

сад̇т̇аа ‘‘саад̇ху махаарааж̇а, маяаа хи баарамияо буурзд̇ваа махаабарижжааг̇з барижжаж̇ид̇ваа д̇умхаад̣̇исаанам̣ ган̇кажчзд̣̇анад̇т̇амзва саб̣б̣ан̃н̃уд̇ан̃н̃аан̣ам̣ бадивид̣̇д̇хам̣, д̇аяаа бужчид̇абан̃хзсу хи саб̣б̣ад̣̇аанаанам̣ д̇хаммад̣̇аанам̣ сздтам̣, саб̣б̣арасаанам̣ д̇хаммарасо сздто, саб̣б̣арад̇ийнам̣ д̇хаммарад̇и сздтаа, д̇ан̣хагкаяо бана арахад̇д̇ам̣ самбаабагад̇д̇аа сздтоязваа’’д̇и вад̇ваа имам̣ г̇аат̇амааха –

Satthā ‘‘sādhu mahārāja, mayā hi pāramiyo pūretvā mahāpariccāge pariccajitvā tumhādisānaṃ kaṅkhacchedanatthameva sabbaññutaññāṇaṃ paṭividdhaṃ, tayā pucchitapañhesu hi sabbadānānaṃ dhammadānaṃ seṭṭhaṃ, sabbarasānaṃ dhammaraso seṭṭho, sabbaratīnaṃ dhammarati seṭṭhā, taṇhakkhayo pana arahattaṃ sampāpakattā seṭṭhoyevā’’ti vatvā imaṃ gāthamāha –

354.

‘‘саб̣б̣ад̣̇аанам̣ д̇хаммад̣̇аанам̣ ж̇инаад̇и,

‘‘Sabbadānaṃ dhammadānaṃ jināti,

саб̣б̣арасам̣ д̇хаммарасо ж̇инаад̇и;

Sabbarasaṃ dhammaraso jināti;

саб̣б̣арад̇им̣ д̇хаммарад̇и ж̇инаад̇и,

Sabbaratiṃ dhammarati jināti,

д̇ан̣хагкаяо саб̣б̣ад̣̇угкам̣ ж̇инаад̇ий’’д̇и.

Taṇhakkhayo sabbadukkhaṃ jinātī’’ti.

д̇ад̇т̇а саб̣б̣ад̣̇аанам̣ д̇хаммад̣̇аананд̇и сажзби хи жаггаваал̣аг̇аб̣бхз яаава б̣рахмалогаа ниранд̇арам̣ гад̇ваа саннисиннаанам̣ б̣уд̣̇д̇хабажжзгаб̣уд̣̇д̇хакийн̣аасаваанам̣ гад̣̇алиг̇аб̣бхасад̣̇исаани жийвараани д̣̇ад̣̇зяяа, д̇асмим̣ самааг̇амз жад̇уббад̣̇игааяа г̇аат̇ааяа гад̇аанумод̣̇анаава сздтаа. д̇ан̃хи д̣̇аанам̣ д̇ассаа г̇аат̇ааяа сол̣асим̣ галам̣ нааг̇гхад̇и. звам̣ д̇хаммасса д̣̇зсанааби ваажанамби саванамби маханд̇ам̣. язна жа буг̇г̇алзна б̣ахуунам̣ д̇ам̣ д̇хаммассаванам̣ гаарид̇ам̣, д̇ассзва аанисам̣со махаа. д̇ат̇ааруубааяа зва барисааяа бан̣ийд̇абин̣д̣абаад̇асса бад̇д̇з буурзд̇ваа д̣̇иннад̣̇аанад̇оби саббид̇злаад̣̇ийнам̣ бад̇д̇з буурзд̇ваа д̣̇иннабхзсаж̇ж̇ад̣̇аанад̇оби махаавихаарасад̣̇исаанам̣ вихаараанан̃жа лохабаасаад̣̇асад̣̇исаанан̃жа баасаад̣̇аанам̣ анзгаани сад̇асахассаани гаарзд̇ваа д̣̇иннасзнаасанад̣̇аанад̇оби анаат̇абин̣д̣игаад̣̇ийхи вихаарз аараб̣бха гад̇абарижжааг̇ад̇оби анд̇амасо жад̇уббад̣̇игааяа г̇аат̇ааяа анумод̣̇анаавасзнааби бавад̇д̇ид̇ам̣ д̇хаммад̣̇аанамзва варам̣ сздтам̣. гим̣ гааран̣аа? зваруубаани хи бун̃н̃аани гаронд̇аа д̇хаммам̣ суд̇ваава гаронд̇и, но асуд̇ваа. сажз хи имз сад̇д̇аа д̇хаммам̣ на сун̣зяяум̣, ул̣ун̇гамад̇д̇ам̣ яааг̇умби гадажчумад̇д̇ам̣ бхад̇д̇амби на д̣̇ад̣̇зяяум̣. иминаа гааран̣зна саб̣б̣ад̣̇аанзхи д̇хаммад̣̇аанамзва сздтам̣. абижа табзд̇ваа б̣уд̣̇д̇хз жа бажжзгаб̣уд̣̇д̇хз жа сагалагаббам̣ д̣̇звз вассанд̇з уд̣̇агаб̣инд̣̇ууни г̇ан̣зд̇ум̣ самад̇т̇ааяа бан̃н̃ааяа саманнааг̇ад̇аа саарибуд̇д̇аад̣̇аяоби ад̇д̇ано д̇хаммад̇ааяа сод̇аабад̇д̇ипалаад̣̇ийни ад̇хиг̇анд̇ум̣ наасагким̣су, ассаж̇ид̇т̇зраад̣̇ийхи гат̇ид̇ад̇хаммам̣ суд̇ваа сод̇аабад̇д̇ипалам̣ сажчигарим̣су, сад̇т̇у д̇хаммад̣̇зсанааяа саавагабаарамийн̃аан̣ам̣ сажчигарим̣су. иминааби гааран̣зна, махаарааж̇а, д̇хаммад̣̇аанамзва сздтам̣. д̇зна вуд̇д̇ам̣ – ‘‘саб̣б̣ад̣̇аанам̣ д̇хаммад̣̇аанам̣ ж̇инаад̇ий’’д̇и.

Tattha sabbadānaṃ dhammadānanti sacepi hi cakkavāḷagabbhe yāva brahmalokā nirantaraṃ katvā sannisinnānaṃ buddhapaccekabuddhakhīṇāsavānaṃ kadaligabbhasadisāni cīvarāni dadeyya, tasmiṃ samāgame catuppadikāya gāthāya katānumodanāva seṭṭhā. Tañhi dānaṃ tassā gāthāya soḷasiṃ kalaṃ nāgghati. Evaṃ dhammassa desanāpi vācanampi savanampi mahantaṃ. Yena ca puggalena bahūnaṃ taṃ dhammassavanaṃ kāritaṃ, tasseva ānisaṃso mahā. Tathārūpāya eva parisāya paṇītapiṇḍapātassa patte pūretvā dinnadānatopi sappitelādīnaṃ patte pūretvā dinnabhesajjadānatopi mahāvihārasadisānaṃ vihārānañca lohapāsādasadisānañca pāsādānaṃ anekāni satasahassāni kāretvā dinnasenāsanadānatopi anāthapiṇḍikādīhi vihāre ārabbha katapariccāgatopi antamaso catuppadikāya gāthāya anumodanāvasenāpi pavattitaṃ dhammadānameva varaṃ seṭṭhaṃ. Kiṃ kāraṇā? Evarūpāni hi puññāni karontā dhammaṃ sutvāva karonti, no asutvā. Sace hi ime sattā dhammaṃ na suṇeyyuṃ, uḷuṅkamattaṃ yāgumpi kaṭacchumattaṃ bhattampi na dadeyyuṃ. Iminā kāraṇena sabbadānehi dhammadānameva seṭṭhaṃ. Apica ṭhapetvā buddhe ca paccekabuddhe ca sakalakappaṃ deve vassante udakabindūni gaṇetuṃ samatthāya paññāya samannāgatā sāriputtādayopi attano dhammatāya sotāpattiphalādīni adhigantuṃ nāsakkhiṃsu, assajittherādīhi kathitadhammaṃ sutvā sotāpattiphalaṃ sacchikariṃsu, satthu dhammadesanāya sāvakapāramīñāṇaṃ sacchikariṃsu. Imināpi kāraṇena, mahārāja, dhammadānameva seṭṭhaṃ. Tena vuttaṃ – ‘‘sabbadānaṃ dhammadānaṃ jinātī’’ti.

саб̣б̣з бана г̇анд̇харасаад̣̇аяоби расаа уггам̣сад̇о д̣̇звад̇аанам̣ суд̇хаабхож̇анарасоби сам̣саараваддз баад̇зд̇ваа д̣̇угкаанубхаванассзва бажжаяо. яо банзса сад̇д̇ад̇им̣саб̣од̇хибагкияад̇хаммасан̇каад̇о жа навалогуд̇д̇арад̇хаммасан̇каад̇о жа д̇хаммарасо, аяамзва саб̣б̣арасаанам̣ сздто. д̇зна вуд̇д̇ам̣ – ‘‘саб̣б̣арасам̣ д̇хаммарасо ж̇инаад̇ий’’д̇и . яаабзсаа буд̇д̇арад̇ид̇хийд̇урад̇ид̇ханарад̇иид̇т̇ирад̇инажжаг̇ийд̇аваад̣̇ид̇аад̣̇ирад̇ибабхзд̣̇аа жа анзгаббабхзд̣̇аа рад̇ий, сааби сам̣саараваддз баад̇зд̇ваа д̣̇угкаанубхаванассзва бажжаяо. яаа банзсаа д̇хаммам̣ гат̇знд̇асса ваа сун̣анд̇асса ваа ваажзнд̇асса ваа анд̇о уббаж̇ж̇амаанаа бийд̇и уд̣̇аг̇г̇абхаавам̣ ж̇анзд̇и, ассууни бавад̇д̇зд̇и, ломахам̣сам̣ ж̇анзд̇и, сааяам̣ сам̣саараваддасса анд̇ам̣ гад̇ваа арахад̇д̇абарияосаанаа ход̇и. д̇асмаа саб̣б̣арад̇ийнам̣ зваруубаа д̇хаммарад̇иязва сздтаа. д̇зна вуд̇д̇ам̣ – ‘‘саб̣б̣арад̇им̣ д̇хаммарад̇и ж̇инаад̇ий’’д̇и д̇ан̣хагкаяо бана д̇ан̣хааяа каяанд̇з уббаннам̣ арахад̇д̇ам̣ сагалассаби ваддад̣̇угкасса абхибхаванад̇о саб̣б̣асздтамзва. д̇зна вуд̇д̇ам̣ – ‘‘д̇ан̣хагкаяо саб̣б̣ад̣̇угкам̣ ж̇инаад̇ий’’д̇и.

Sabbe pana gandharasādayopi rasā ukkaṃsato devatānaṃ sudhābhojanarasopi saṃsāravaṭṭe pātetvā dukkhānubhavanasseva paccayo. Yo panesa sattatiṃsabodhipakkhiyadhammasaṅkhāto ca navalokuttaradhammasaṅkhāto ca dhammaraso, ayameva sabbarasānaṃ seṭṭho. Tena vuttaṃ – ‘‘sabbarasaṃ dhammaraso jinātī’’ti . Yāpesā puttaratidhīturatidhanaratiitthiratinaccagītavāditādiratipabhedā ca anekappabhedā ratī, sāpi saṃsāravaṭṭe pātetvā dukkhānubhavanasseva paccayo. Yā panesā dhammaṃ kathentassa vā suṇantassa vā vācentassa vā anto uppajjamānā pīti udaggabhāvaṃ janeti, assūni pavatteti, lomahaṃsaṃ janeti, sāyaṃ saṃsāravaṭṭassa antaṃ katvā arahattapariyosānā hoti. Tasmā sabbaratīnaṃ evarūpā dhammaratiyeva seṭṭhā. Tena vuttaṃ – ‘‘sabbaratiṃ dhammarati jinātī’’ti taṇhakkhayo pana taṇhāya khayante uppannaṃ arahattaṃ sakalassapi vaṭṭadukkhassa abhibhavanato sabbaseṭṭhameva. Tena vuttaṃ – ‘‘taṇhakkhayo sabbadukkhaṃ jinātī’’ti.

звам̣ сад̇т̇ари имиссаа г̇аат̇ааяа ад̇т̇ам̣ гат̇знд̇зязва жад̇ураасийд̇ияаа баан̣асахассаанам̣ д̇хаммаабхисамаяо ахоси. саггоби сад̇т̇у д̇хаммагат̇ам̣ суд̇ваа сад̇т̇аарам̣ ванд̣̇ид̇ваа звамааха – ‘‘бханд̇з, звам̣ж̇здтагз наама д̇хаммад̣̇аанз гимад̇т̇ам̣ амхаагам̣ бад̇д̇им̣ на д̣̇аабзт̇а, ид̇о бадтааяа но бхигкусан̇гхасса гат̇зд̇ваа бад̇д̇им̣ д̣̇аабзт̇а, бханд̇з’’д̇и. сад̇т̇аа д̇асса важанам̣ суд̇ваа бхигкусан̇гхам̣ саннибаад̇зд̇ваа, ‘‘бхигкавз, аж̇ж̇аад̣̇им̣ гад̇ваа махаад̇хаммассаванам̣ ваа баагад̇игад̇хаммассаванам̣ ваа убанисиннагат̇ам̣ ваа анд̇амасо анумод̣̇анамби гат̇зд̇ваа саб̣б̣асад̇д̇аанам̣ бад̇д̇им̣ д̣̇ад̣̇зяяаат̇аа’’д̇и ааха.

Evaṃ satthari imissā gāthāya atthaṃ kathenteyeva caturāsītiyā pāṇasahassānaṃ dhammābhisamayo ahosi. Sakkopi satthu dhammakathaṃ sutvā satthāraṃ vanditvā evamāha – ‘‘bhante, evaṃjeṭṭhake nāma dhammadāne kimatthaṃ amhākaṃ pattiṃ na dāpetha, ito paṭṭhāya no bhikkhusaṅghassa kathetvā pattiṃ dāpetha, bhante’’ti. Satthā tassa vacanaṃ sutvā bhikkhusaṅghaṃ sannipātetvā, ‘‘bhikkhave, ajjādiṃ katvā mahādhammassavanaṃ vā pākatikadhammassavanaṃ vā upanisinnakathaṃ vā antamaso anumodanampi kathetvā sabbasattānaṃ pattiṃ dadeyyāthā’’ti āha.

саггабан̃хавад̇т̇у д̣̇асамам̣.

Sakkapañhavatthu dasamaṃ.

11. абуд̇д̇агасздтивад̇т̇у

11. Aputtakaseṭṭhivatthu

хананд̇и бхог̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о абуд̇д̇агасздтим̣ наама аараб̣бха гат̇зси.

Hananti bhogāti imaṃ dhammadesanaṃ satthā jetavane viharanto aputtakaseṭṭhiṃ nāma ārabbha kathesi.

д̇асса гира гаалагирияам̣ суд̇ваа рааж̇аа басзнад̣̇и госало ‘‘абуд̇д̇агам̣ саабад̇зяяам̣ гасса баабун̣аад̇ий’’д̇и бужчид̇ваа ‘‘ран̃н̃о’’д̇и суд̇ваа сад̇д̇ахи д̣̇ивасзхи д̇асса г̇зхад̇о д̇ханам̣ рааж̇агулам̣ абхихараабзд̇ваа сад̇т̇у санд̇игам̣ убасан̇гамид̇ваа ‘‘ханд̣̇а гуд̇о ну д̇вам̣, махаарааж̇а, ааг̇ажчаси д̣̇иваад̣̇ивассаа’’д̇и вуд̇д̇з ‘‘ид̇ха, бханд̇з, саавад̇т̇ияам̣ сздти, г̇ахабад̇и, гаалагад̇о, д̇амахам̣ абуд̇д̇агам̣ саабад̇зяяам̣ рааж̇анд̇збурам̣ абхихарид̇ваа ааг̇ажчаамий’’д̇и ааха. саб̣б̣ам̣ суд̇д̇з (сам̣. ни. 1.130) ааг̇ад̇анаязнзва взд̣̇ид̇аб̣б̣ам̣.

Tassa kira kālakiriyaṃ sutvā rājā pasenadi kosalo ‘‘aputtakaṃ sāpateyyaṃ kassa pāpuṇātī’’ti pucchitvā ‘‘rañño’’ti sutvā sattahi divasehi tassa gehato dhanaṃ rājakulaṃ abhiharāpetvā satthu santikaṃ upasaṅkamitvā ‘‘handa kuto nu tvaṃ, mahārāja, āgacchasi divādivassā’’ti vutte ‘‘idha, bhante, sāvatthiyaṃ seṭṭhi, gahapati, kālakato, tamahaṃ aputtakaṃ sāpateyyaṃ rājantepuraṃ abhiharitvā āgacchāmī’’ti āha. Sabbaṃ sutte (saṃ. ni. 1.130) āgatanayeneva veditabbaṃ.

со гира суван̣н̣абаад̇ияаа наанаг̇г̇арасабхож̇анз убанийд̇з ‘‘зваруубам̣ наама мануссаа бхун̃ж̇анд̇и, гим̣ д̇умхз маяаа сад̣̇д̇хим̣ имасмим̣ г̇зхз гзл̣им̣ гарот̇аа’’д̇и бхож̇анз убадтид̇з лзд̣д̣уд̣̇ан̣д̣аад̣̇ийхи бахарид̇ваа балаабзд̇ваа ‘‘ид̣̇ам̣ мануссаанам̣ бхож̇ана’’нд̇и ган̣ааж̇агам̣ бхун̃ж̇ад̇и б̣ил̣ан̇г̇ад̣̇уд̇ияам̣. вад̇т̇аяааначад̇д̇зсуби манаабзсу убадтаабид̇зсу д̇з мануссз лзд̣д̣уд̣̇ан̣д̣аад̣̇ийхи бахаранд̇о балаабзд̇ваа саан̣аани д̇хаарзд̇и, ж̇аж̇ж̇арарат̇агзна яаад̇и бан̣н̣ачад̇д̇агзна д̇хаарияамаанзнаад̇и звам̣ ран̃н̃аа аарожид̇з сад̇т̇аа д̇асса буб̣б̣агаммам̣ гат̇зси.

So kira suvaṇṇapātiyā nānaggarasabhojane upanīte ‘‘evarūpaṃ nāma manussā bhuñjanti, kiṃ tumhe mayā saddhiṃ imasmiṃ gehe keḷiṃ karothā’’ti bhojane upaṭṭhite leḍḍudaṇḍādīhi paharitvā palāpetvā ‘‘idaṃ manussānaṃ bhojana’’nti kaṇājakaṃ bhuñjati biḷaṅgadutiyaṃ. Vatthayānachattesupi manāpesu upaṭṭhāpitesu te manusse leḍḍudaṇḍādīhi paharanto palāpetvā sāṇāni dhāreti, jajjararathakena yāti paṇṇachattakena dhāriyamānenāti evaṃ raññā ārocite satthā tassa pubbakammaṃ kathesi.

бхууд̇абуб̣б̣ам̣ со, махаарааж̇а, сздти, г̇ахабад̇и, д̇аг̇арасиким̣ наама бажжзгаб̣уд̣̇д̇хам̣ бин̣д̣абаад̇зна бадибаад̣̇зси. ‘‘д̣̇зт̇а саман̣асса бин̣д̣а’’нд̇и вад̇ваа со удтааяаасанаа баггаами. д̇асмим̣ гира ассад̣̇д̇хз б̣аалз звам̣ вад̇ваа багганд̇з д̇асса бхарияаа сад̣̇д̇хаа басаннаа ‘‘жирассам̣ вад̇а мз имасса мукад̇о ‘д̣̇зхий’д̇и важанам̣ суд̇ам̣, аж̇ж̇а мама манорат̇ам̣ буурзнд̇ий бин̣д̣абаад̇ам̣ д̣̇ассаамий’’д̇и бажжзгаб̣уд̣̇д̇хасса бад̇д̇ам̣ г̇ахзд̇ваа бан̣ийд̇абхож̇анасса буурзд̇ваа ад̣̇ааси. соби нивад̇д̇амаано д̇ам̣ д̣̇исваа ‘‘гим̣, саман̣а, гин̃жи д̇з лад̣̇д̇ха’’нд̇и бад̇д̇ам̣ г̇ахзд̇ваа бан̣ийд̇абин̣д̣абаад̇ам̣ д̣̇исваа виббадисаарий худ̇ваа звам̣ жинд̇зси – ‘‘варамзд̇ам̣ бин̣д̣абаад̇ам̣ д̣̇аасаа ваа гаммагараа ваа бхун̃ж̇зяяум̣. д̇з хи имам̣ бхун̃ж̇ид̇ваа маяхам̣ гаммам̣ гариссанд̇и, аяам̣ бана г̇анд̇ваа бхун̃ж̇ид̇ваа нид̣̇д̣̇ааяиссад̇и, надто мз со бин̣д̣абаад̇о’’д̇и. со бхаад̇у жа бана згабуд̇д̇агам̣ саабад̇зяяасса гааран̣аа ж̇ийвид̇аа воробзси. со гирасса ан̇г̇улим̣ г̇ахзд̇ваа вижаранд̇о ‘‘ид̣̇ам̣ маяхам̣ бид̇усанд̇агам̣ яаанагам̣, аяам̣ д̇асса г̇он̣о’’д̇иаад̣̇ийни ааха. ат̇а нам̣ со сздти ‘‘ид̣̇аани д̇аавзса звам̣ вад̣̇зд̇и, имасса бана вуд̣дхиббад̇д̇агаалз имасмим̣ г̇зхз бхог̇з го рагкиссад̇ий’’д̇и д̇ам̣ аран̃н̃ам̣ нзд̇ваа згасмим̣ г̇ажчамуулз г̇ийвааяа г̇ахзд̇ваа муулаганд̣̇ам̣ вияа г̇ийвам̣ паалзд̇ваа маарзд̇ваа д̇ад̇т̇зва чад̣д̣зси. ид̣̇амасса буб̣б̣агаммам̣. д̇зна вуд̇д̇ам̣ –

Bhūtapubbaṃ so, mahārāja, seṭṭhi, gahapati, tagarasikhiṃ nāma paccekabuddhaṃ piṇḍapātena paṭipādesi. ‘‘Detha samaṇassa piṇḍa’’nti vatvā so uṭṭhāyāsanā pakkāmi. Tasmiṃ kira assaddhe bāle evaṃ vatvā pakkante tassa bhariyā saddhā pasannā ‘‘cirassaṃ vata me imassa mukhato ‘dehī’ti vacanaṃ sutaṃ, ajja mama manorathaṃ pūrentī piṇḍapātaṃ dassāmī’’ti paccekabuddhassa pattaṃ gahetvā paṇītabhojanassa pūretvā adāsi. Sopi nivattamāno taṃ disvā ‘‘kiṃ, samaṇa, kiñci te laddha’’nti pattaṃ gahetvā paṇītapiṇḍapātaṃ disvā vippaṭisārī hutvā evaṃ cintesi – ‘‘varametaṃ piṇḍapātaṃ dāsā vā kammakarā vā bhuñjeyyuṃ. Te hi imaṃ bhuñjitvā mayhaṃ kammaṃ karissanti, ayaṃ pana gantvā bhuñjitvā niddāyissati, naṭṭho me so piṇḍapāto’’ti. So bhātu ca pana ekaputtakaṃ sāpateyyassa kāraṇā jīvitā voropesi. So kirassa aṅguliṃ gahetvā vicaranto ‘‘idaṃ mayhaṃ pitusantakaṃ yānakaṃ, ayaṃ tassa goṇo’’tiādīni āha. Atha naṃ so seṭṭhi ‘‘idāni tāvesa evaṃ vadeti, imassa pana vuḍḍhippattakāle imasmiṃ gehe bhoge ko rakkhissatī’’ti taṃ araññaṃ netvā ekasmiṃ gacchamūle gīvāya gahetvā mūlakandaṃ viya gīvaṃ phāletvā māretvā tattheva chaḍḍesi. Idamassa pubbakammaṃ. Tena vuttaṃ –

‘‘яам̣ ко со, махаарааж̇а, сздти, г̇ахабад̇и, д̇аг̇арасиким̣ бажжзгаб̣уд̣̇д̇хам̣ бин̣д̣абаад̇зна бадибаад̣̇зси, д̇асса гаммасса вибаагзна сад̇д̇агкад̇д̇ум̣ суг̇ад̇им̣ саг̇г̇ам̣ логам̣ убабаж̇ж̇и, д̇ассзва гаммасса вибаагаавасзсзна имиссааязва саавад̇т̇ияаа сад̇д̇агкад̇д̇ум̣ сздтид̇д̇ам̣ гаарзси. яам̣ ко со, махаарааж̇а, сздти, г̇ахабад̇и, д̣̇ад̇ваа бажчаа виббадисаарий ахоси ‘варамзд̇ам̣ бин̣д̣абаад̇ам̣ д̣̇аасаа ваа гаммагараа ваа бхун̃ж̇зяяу’нд̇и, д̇асса гаммасса вибаагзна наассул̣аарааяа бхад̇д̇абхог̇ааяа жид̇д̇ам̣ намад̇и, наассул̣аарааяа вад̇т̇абхог̇ааяа, наассул̣аарааяа яаанабхог̇ааяа, наассул̣аараанам̣ бан̃жаннам̣ гаамаг̇ун̣аанам̣ бхог̇ааяа жид̇д̇ам̣ намад̇и. яам̣ ко со, махаарааж̇а, сздти, г̇ахабад̇и, бхаад̇у жа бана згабуд̇д̇ам̣ саабад̇зяяасса гааран̣аа ж̇ийвид̇аа воробзси, д̇асса гаммасса вибаагзна б̣ахууни вассасад̇аани б̣ахууни вассасахассаани б̣ахууни вассасад̇асахассаани нираяз бажжид̇т̇а, д̇ассзва гаммасса вибаагаавасзсзна ид̣̇ам̣ сад̇д̇амам̣ абуд̇д̇агам̣ саабад̇зяяам̣ рааж̇агосам̣ бавзсзд̇и. д̇асса ко бана, махаарааж̇а, сздтисса г̇ахабад̇исса бураан̣ан̃жа бун̃н̃ам̣ баригкийн̣ам̣, наван̃жа бун̃н̃ам̣ анубажид̇ам̣. аж̇ж̇а бана, махаарааж̇а, сздти, г̇ахабад̇и, махаарорувз нираяз бажжад̇ий’’д̇и (сам̣. ни. 1.131).

‘‘Yaṃ kho so, mahārāja, seṭṭhi, gahapati, tagarasikhiṃ paccekabuddhaṃ piṇḍapātena paṭipādesi, tassa kammassa vipākena sattakkhattuṃ sugatiṃ saggaṃ lokaṃ upapajji, tasseva kammassa vipākāvasesena imissāyeva sāvatthiyā sattakkhattuṃ seṭṭhittaṃ kāresi. Yaṃ kho so, mahārāja, seṭṭhi, gahapati, datvā pacchā vippaṭisārī ahosi ‘varametaṃ piṇḍapātaṃ dāsā vā kammakarā vā bhuñjeyyu’nti, tassa kammassa vipākena nāssuḷārāya bhattabhogāya cittaṃ namati, nāssuḷārāya vatthabhogāya, nāssuḷārāya yānabhogāya, nāssuḷārānaṃ pañcannaṃ kāmaguṇānaṃ bhogāya cittaṃ namati. Yaṃ kho so, mahārāja, seṭṭhi, gahapati, bhātu ca pana ekaputtaṃ sāpateyyassa kāraṇā jīvitā voropesi, tassa kammassa vipākena bahūni vassasatāni bahūni vassasahassāni bahūni vassasatasahassāni niraye paccittha, tasseva kammassa vipākāvasesena idaṃ sattamaṃ aputtakaṃ sāpateyyaṃ rājakosaṃ paveseti. Tassa kho pana, mahārāja, seṭṭhissa gahapatissa purāṇañca puññaṃ parikkhīṇaṃ, navañca puññaṃ anupacitaṃ. Ajja pana, mahārāja, seṭṭhi, gahapati, mahāroruve niraye paccatī’’ti (saṃ. ni. 1.131).

рааж̇аа сад̇т̇у важанам̣ суд̇ваа ‘‘ахо, бханд̇з, бхаарияам̣ гаммам̣, зд̇д̇агз наама бхог̇з виж̇ж̇амаанз нзва ад̇д̇анаа барибхун̃ж̇и, на д̇умхаад̣̇исз б̣уд̣̇д̇хз д̇хуравихаарз вихаранд̇з бун̃н̃агаммам̣ агаасий’’д̇и ааха . сад̇т̇аа ‘‘звамзд̇ам̣, махаарааж̇а, д̣̇уммзд̇хабуг̇г̇алаа наама бхог̇з лабхид̇ваа ниб̣б̣аанам̣ на г̇авзсанд̇и, бхог̇з ниссааяа уббаннад̇ан̣хаа банзд̇з д̣̇ийгхарад̇д̇ам̣ ханад̇ий’’д̇и вад̇ваа имам̣ г̇аат̇амааха –

Rājā satthu vacanaṃ sutvā ‘‘aho, bhante, bhāriyaṃ kammaṃ, ettake nāma bhoge vijjamāne neva attanā paribhuñji, na tumhādise buddhe dhuravihāre viharante puññakammaṃ akāsī’’ti āha . Satthā ‘‘evametaṃ, mahārāja, dummedhapuggalā nāma bhoge labhitvā nibbānaṃ na gavesanti, bhoge nissāya uppannataṇhā panete dīgharattaṃ hanatī’’ti vatvā imaṃ gāthamāha –

355.

‘‘хананд̇и бхог̇аа д̣̇уммзд̇хам̣, но жа баараг̇авзсино;

‘‘Hananti bhogā dummedhaṃ, no ca pāragavesino;

бхог̇ад̇ан̣хааяа д̣̇уммзд̇хо, ханд̇и ан̃н̃зва ад̇д̇ана’’нд̇и.

Bhogataṇhāya dummedho, hanti aññeva attana’’nti.

д̇ад̇т̇а но жа баараг̇авзсинод̇и яз бана ниб̣б̣аанабаараг̇авзсино буг̇г̇алаа, на д̇з бхог̇аа хананд̇и. ан̃н̃зва ад̇д̇ананд̇и бхог̇з ниссааяа уббаннааяа д̇ан̣хааяа д̣̇уббан̃н̃о буг̇г̇ало барз вияа ад̇д̇аанамзва ханад̇ийд̇и ад̇т̇о.

Tattha no ca pāragavesinoti ye pana nibbānapāragavesino puggalā, na te bhogā hananti. Aññeva attananti bhoge nissāya uppannāya taṇhāya duppañño puggalo pare viya attānameva hanatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

абуд̇д̇агасздтивад̇т̇у згаад̣̇асамам̣.

Aputtakaseṭṭhivatthu ekādasamaṃ.

12. ан̇гуравад̇т̇у

12. Aṅkuravatthu

д̇ин̣ад̣̇осаанийд̇и имам̣ д̇хаммад̣̇зсанам̣ сад̇т̇аа бан̣д̣угамб̣аласилааяам̣ вихаранд̇о ан̇гурам̣ аараб̣бха гат̇зси. вад̇т̇у ‘‘яз жхаанаббасуд̇аа д̇хийраа’’д̇и (д̇ха. ба. 181) г̇аат̇ааяа вид̇т̇аарид̇амзва. вуд̇д̇ан̃хзд̇ам̣ д̇ад̇т̇а инд̣̇агам̣ аараб̣бха. со гира ануруд̣̇д̇хад̇т̇зрасса анд̇ог̇аамам̣ бин̣д̣ааяа бавидтасса ад̇д̇ано аабхад̇ам̣ гадажчумад̇д̇агам̣ бхигкам̣ д̣̇аабзси. д̇ад̣̇асса бун̃н̃ам̣ ан̇гурзна д̣̇асавассасахассаани д̣̇ваад̣̇асаяож̇анигам̣ уд̣̇д̇ханабанд̇им̣ гад̇ваа д̣̇иннад̣̇аанад̇о махабпалад̇арам̣ ж̇аад̇ам̣. д̇асмаа звамааха. звам̣ вуд̇д̇з сад̇т̇аа, ‘‘ан̇гура, д̣̇аанам̣ наама вижзяяа д̣̇аад̇ум̣ ваддад̇и, звам̣ д̇ам̣ сукзд̇д̇з сувуд̇д̇аб̣ийж̇ам̣ вияа махабпалам̣ ход̇и. д̇вам̣ бана д̇ат̇аа наагааси, д̇зна д̇з д̣̇аанам̣ на махабпалам̣ ж̇аад̇а’’нд̇и имамад̇т̇ам̣ вибхаавзнд̇о –

Tiṇadosānīti imaṃ dhammadesanaṃ satthā paṇḍukambalasilāyaṃ viharanto aṅkuraṃ ārabbha kathesi. Vatthu ‘‘ye jhānappasutā dhīrā’’ti (dha. pa. 181) gāthāya vitthāritameva. Vuttañhetaṃ tattha indakaṃ ārabbha. So kira anuruddhattherassa antogāmaṃ piṇḍāya paviṭṭhassa attano ābhataṃ kaṭacchumattakaṃ bhikkhaṃ dāpesi. Tadassa puññaṃ aṅkurena dasavassasahassāni dvādasayojanikaṃ uddhanapantiṃ katvā dinnadānato mahapphalataraṃ jātaṃ. Tasmā evamāha. Evaṃ vutte satthā, ‘‘aṅkura, dānaṃ nāma viceyya dātuṃ vaṭṭati, evaṃ taṃ sukhette suvuttabījaṃ viya mahapphalaṃ hoti. Tvaṃ pana tathā nākāsi, tena te dānaṃ na mahapphalaṃ jāta’’nti imamatthaṃ vibhāvento –

‘‘вижзяяа д̣̇аанам̣ д̣̇аад̇аб̣б̣ам̣, яад̇т̇а д̣̇иннам̣ махабпалам̣;

‘‘Viceyya dānaṃ dātabbaṃ, yattha dinnaṃ mahapphalaṃ;

вижзяяа д̣̇аанам̣ суг̇ад̇аббасад̇т̇ам̣,

Viceyya dānaṃ sugatappasatthaṃ,

яз д̣̇агкин̣зяяаа ид̇ха ж̇ийвалогз;

Ye dakkhiṇeyyā idha jīvaloke;

зд̇зсу д̣̇иннаани махабпалаани,

Etesu dinnāni mahapphalāni,

б̣ийж̇аани вуд̇д̇аани яат̇аасукзд̇д̇з’’д̇и. (бз. ва. 329) –

Bījāni vuttāni yathāsukhette’’ti. (pe. va. 329) –

вад̇ваа уд̇д̇аримби д̇хаммам̣ д̣̇зсзнд̇о имаа г̇аат̇аа абхааси –

Vatvā uttarimpi dhammaṃ desento imā gāthā abhāsi –

356.

‘‘д̇ин̣ад̣̇осаани кзд̇д̇аани, рааг̇ад̣̇осаа аяам̣ баж̇аа;

‘‘Tiṇadosāni khettāni, rāgadosā ayaṃ pajā;

д̇асмаа хи вийд̇арааг̇зсу, д̣̇иннам̣ ход̇и махабпалам̣.

Tasmā hi vītarāgesu, dinnaṃ hoti mahapphalaṃ.

357.

‘‘д̇ин̣ад̣̇осаани кзд̇д̇аани, д̣̇осад̣̇осаа аяам̣ баж̇аа;

‘‘Tiṇadosāni khettāni, dosadosā ayaṃ pajā;

д̇асмаа хи вийд̇ад̣̇осзсу, д̣̇иннам̣ ход̇и махабпалам̣.

Tasmā hi vītadosesu, dinnaṃ hoti mahapphalaṃ.

358.

‘‘д̇ин̣ад̣̇осаани кзд̇д̇аани, мохад̣̇осаа аяам̣ баж̇аа;

‘‘Tiṇadosāni khettāni, mohadosā ayaṃ pajā;

д̇асмаа хи вийд̇амохзсу, д̣̇иннам̣ ход̇и махабпалам̣.

Tasmā hi vītamohesu, dinnaṃ hoti mahapphalaṃ.

359.

‘‘д̇ин̣ад̣̇осаани кзд̇д̇аани, ижчаад̣̇осаа аяам̣ баж̇аа;

‘‘Tiṇadosāni khettāni, icchādosā ayaṃ pajā;

д̇асмаа хи виг̇ад̇ижчзсу, д̣̇иннам̣ ход̇и махабпала’’нд̇и.

Tasmā hi vigaticchesu, dinnaṃ hoti mahapphala’’nti.

д̇ад̇т̇а д̇ин̣ад̣̇осаанийд̇и саамаагаад̣̇ийни д̇ин̣аани удтаханд̇аани буб̣б̣ан̣н̣аабаран̣н̣аани кзд̇д̇аани д̣̇уусзнд̇и, д̇зна д̇аани на б̣ахупалаани хонд̇и. звам̣ сад̇д̇аанамби анд̇о рааг̇о уббаж̇ж̇анд̇о сад̇д̇з д̣̇уусзд̇и, д̇зна д̇зсу д̣̇иннам̣ махабпалам̣ на ход̇и . кийн̣аасавзсу д̣̇иннам̣ бана махабпалам̣ ход̇и. д̇зна вуд̇д̇ам̣ –

Tattha tiṇadosānīti sāmākādīni tiṇāni uṭṭhahantāni pubbaṇṇāparaṇṇāni khettāni dūsenti, tena tāni na bahuphalāni honti. Evaṃ sattānampi anto rāgo uppajjanto satte dūseti, tena tesu dinnaṃ mahapphalaṃ na hoti . Khīṇāsavesu dinnaṃ pana mahapphalaṃ hoti. Tena vuttaṃ –

‘‘д̇ин̣ад̣̇осаани кзд̇д̇аани, рааг̇ад̣̇осаа аяам̣ баж̇аа;

‘‘Tiṇadosāni khettāni, rāgadosā ayaṃ pajā;

д̇асмаа хи вийд̇арааг̇зсу, д̣̇иннам̣ ход̇и махабпала’’нд̇и. –

Tasmā hi vītarāgesu, dinnaṃ hoti mahapphala’’nti. –

сзсаг̇аат̇аасуби зсзва наяо.

Sesagāthāsupi eseva nayo.

д̣̇зсанаавасаанз ан̇гуро жа инд̣̇аго жа сод̇аабад̇д̇ипалз бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne aṅkuro ca indako ca sotāpattiphale patiṭṭhahiṃsu, sampattānampi sātthikā dhammadesanā ahosīti.

ан̇гуравад̇т̇у д̣̇ваад̣̇асамам̣.

Aṅkuravatthu dvādasamaṃ.

д̇ан̣хааваг̇г̇аван̣н̣анаа нидтид̇аа.

Taṇhāvaggavaṇṇanā niṭṭhitā.

жад̇увийсад̇имо ваг̇г̇о.

Catuvīsatimo vaggo.

Next: 25. бхигкуваг̇г̇о • 25. Bhikkhuvaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 24. д̇ан̣хааваг̇г̇о • 24. Taṇhāvaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact