| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
6. д̇ан̣хуббаад̣̇асуд̇д̇ам̣
6. Taṇhuppādasuttaṃ
105. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
105. Vuttañhetaṃ bhagavatā, vuttamarahatāti me sutaṃ –
‘‘жад̇д̇ааромз, бхигкавз, д̇ан̣хуббаад̣̇аа, яад̇т̇а бхигкуно д̇ан̣хаа уббаж̇ж̇амаанаа уббаж̇ж̇ад̇и. гад̇амз жад̇д̇ааро? жийварахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇и; бин̣д̣абаад̇ахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇и; сзнаасанахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇и; ид̇ибхаваабхавахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇и. имз ко, бхигкавз, жад̇д̇ааро д̇ан̣хуббаад̣̇аа яад̇т̇а бхигкуно д̇ан̣хаа уббаж̇ж̇амаанаа уббаж̇ж̇ад̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Cattārome, bhikkhave, taṇhuppādā, yattha bhikkhuno taṇhā uppajjamānā uppajjati. Katame cattāro? Cīvarahetu vā, bhikkhave, bhikkhuno taṇhā uppajjamānā uppajjati; piṇḍapātahetu vā, bhikkhave, bhikkhuno taṇhā uppajjamānā uppajjati; senāsanahetu vā, bhikkhave, bhikkhuno taṇhā uppajjamānā uppajjati; itibhavābhavahetu vā, bhikkhave, bhikkhuno taṇhā uppajjamānā uppajjati. Ime kho, bhikkhave, cattāro taṇhuppādā yattha bhikkhuno taṇhā uppajjamānā uppajjatī’’ti. Etamatthaṃ bhagavā avoca. Tatthetaṃ iti vuccati –
‘‘д̇ан̣хаад̣̇уд̇ияо бурисо, д̣̇ийгхамад̣̇д̇хаана сам̣сарам̣;
‘‘Taṇhādutiyo puriso, dīghamaddhāna saṃsaraṃ;
ид̇т̇абхааван̃н̃ат̇аабхаавам̣, сам̣саарам̣ наад̇ивад̇д̇ад̇и.
Itthabhāvaññathābhāvaṃ, saṃsāraṃ nātivattati.
‘‘зд̇амаад̣̇ийнавам̣ н̃ад̇ваа, д̇ан̣хам̣ д̣̇угкасса самбхавам̣;
‘‘Etamādīnavaṃ ñatvā, taṇhaṃ dukkhassa sambhavaṃ;
вийд̇ад̇ан̣хо анаад̣̇аано, сад̇о бхигку бариб̣б̣аж̇з’’д̇и.
Vītataṇho anādāno, sato bhikkhu paribbaje’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. чадтам̣.
Ayampi attho vutto bhagavatā, iti me sutanti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 6. д̇ан̣хуббаад̣̇асуд̇д̇аван̣н̣анаа • 6. Taṇhuppādasuttavaṇṇanā
