| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. д̇ан̣хуббаад̣̇асуд̇д̇аван̣н̣анаа
9. Taṇhuppādasuttavaṇṇanā
9. навамз уббаж̇ж̇ад̇и зд̇зсууд̇и уббаад̣̇аа. гаа уббаж̇ж̇ад̇и? д̇ан̣хаа. д̇ан̣хааяа уббаад̣̇аа д̇ан̣хуббаад̣̇аа, д̇ан̣хаавад̇т̇ууни д̇ан̣хаагааран̣аанийд̇и ад̇т̇о. жийварахзд̇ууд̇и ‘‘гад̇т̇а манаабам̣ жийварам̣ лабхиссаамий’’д̇и жийварагааран̣аа уббаж̇ж̇ад̇и. ид̇ибхаваабхавахзд̇ууд̇и зд̇т̇а ид̇ийд̇и нид̣̇ассанад̇т̇з нибаад̇о. яат̇аа жийвараад̣̇ихзд̇у, звам̣ бхаваабхавахзд̇убийд̇и ад̇т̇о. бхаваабхавод̇и жзд̇т̇а бан̣ийд̇ад̇араани саббинаванийд̇аад̣̇ийни ад̇хиббзд̇аани. самбад̇д̇ибхавзсу бан̣ийд̇ад̇арабан̣ийд̇ад̇амабхавод̇иби вад̣̇анд̇иязва.
9. Navame uppajjati etesūti uppādā. Kā uppajjati? Taṇhā. Taṇhāya uppādā taṇhuppādā, taṇhāvatthūni taṇhākāraṇānīti attho. Cīvarahetūti ‘‘kattha manāpaṃ cīvaraṃ labhissāmī’’ti cīvarakāraṇā uppajjati. Itibhavābhavahetūti ettha itīti nidassanatthe nipāto. Yathā cīvarādihetu, evaṃ bhavābhavahetupīti attho. Bhavābhavoti cettha paṇītatarāni sappinavanītādīni adhippetāni. Sampattibhavesu paṇītatarapaṇītatamabhavotipi vadantiyeva.
д̇ан̣хаад̣̇уд̇ияод̇и аяан̃хи сад̇д̇о анамад̇аг̇г̇з сам̣саараваддз сам̣саранд̇о на згагова сам̣сарад̇и, д̇ан̣хам̣ бана д̣̇уд̇ияигам̣ лабханд̇ова сам̣сарад̇и. д̇зна вуд̇д̇ам̣ ‘‘д̇ан̣хаад̣̇уд̇ияо’’д̇и. ид̇т̇абхааван̃н̃ат̇аабхааванд̇и зд̇т̇а ид̇т̇абхааво наама аяам̣ ад̇д̇абхааво, ан̃н̃ат̇аабхааво наама анааг̇ад̇ад̇д̇абхааво. зваруубо ваа ан̃н̃оби ад̇д̇абхааво ид̇т̇абхааво наама, на зваруубо ан̃н̃ат̇аабхааво наама. д̇ам̣ ид̇т̇абхааван̃н̃ат̇аабхаавам̣. сам̣сааранд̇и канд̇хад̇хаад̇уааяад̇анаанам̣ бадибаадим̣. наад̇ивад̇д̇ад̇ийд̇и наад̇иггамад̇и. звамаад̣̇ийнавам̣ н̃ад̇ваад̇и звам̣ ад̇ийд̇аанааг̇ад̇абажжуббаннзсу канд̇хзсу аад̣̇ийнавам̣ ж̇аанид̇ваа. д̇ан̣хам̣ д̣̇угкасса самбхаванд̇и д̇ан̣хам̣ жа ‘‘аяам̣ ваддад̣̇угкасамбхууд̇о сабхааво гааран̣а’’нд̇и звам̣ ж̇аанид̇ваа. зд̇д̇аавад̇аа имасса бхигкуно вибассанам̣ вад̣дхзд̇ваа арахад̇д̇ам̣ бад̇д̇абхааво д̣̇ассид̇о. ид̣̇аани д̇ам̣ кийн̣аасавам̣ т̇омзнд̇о вийд̇ад̇ан̣ход̇иаад̣̇имааха. д̇ад̇т̇а анаад̣̇аанод̇и ниг̇г̇ахан̣о. сад̇о бхигку бариб̣б̣аж̇зд̇и сад̇исамбаж̇ан̃н̃з взбуллаббад̇д̇о кийн̣аасаво бхигку сад̇о самбаж̇аано жарзяяа вихарзяяаад̇и ад̇т̇о. ид̇и суд̇д̇анд̇з ваддам̣ гат̇зд̇ваа г̇аат̇аасу ваддавиваддам̣ гат̇ид̇анд̇и.
Taṇhādutiyoti ayañhi satto anamatagge saṃsāravaṭṭe saṃsaranto na ekakova saṃsarati, taṇhaṃ pana dutiyikaṃ labhantova saṃsarati. Tena vuttaṃ ‘‘taṇhādutiyo’’ti. Itthabhāvaññathābhāvanti ettha itthabhāvo nāma ayaṃ attabhāvo, aññathābhāvo nāma anāgatattabhāvo. Evarūpo vā aññopi attabhāvo itthabhāvo nāma, na evarūpo aññathābhāvo nāma. Taṃ itthabhāvaññathābhāvaṃ. Saṃsāranti khandhadhātuāyatanānaṃ paṭipāṭiṃ. Nātivattatīti nātikkamati. Evamādīnavaṃ ñatvāti evaṃ atītānāgatapaccuppannesu khandhesu ādīnavaṃ jānitvā. Taṇhaṃ dukkhassa sambhavanti taṇhaṃ ca ‘‘ayaṃ vaṭṭadukkhasambhūto sabhāvo kāraṇa’’nti evaṃ jānitvā. Ettāvatā imassa bhikkhuno vipassanaṃ vaḍḍhetvā arahattaṃ pattabhāvo dassito. Idāni taṃ khīṇāsavaṃ thomento vītataṇhotiādimāha. Tattha anādānoti niggahaṇo. Sato bhikkhu paribbajeti satisampajaññe vepullappatto khīṇāsavo bhikkhu sato sampajāno careyya vihareyyāti attho. Iti suttante vaṭṭaṃ kathetvā gāthāsu vaṭṭavivaṭṭaṃ kathitanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. д̇ан̣хуббаад̣̇асуд̇д̇ам̣ • 9. Taṇhuppādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. д̇ан̣хуббаад̣̇асуд̇д̇аван̣н̣анаа • 9. Taṇhuppādasuttavaṇṇanā
