| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
6. д̇ан̣хуббаад̣̇асуд̇д̇аван̣н̣анаа
6. Taṇhuppādasuttavaṇṇanā
105. чадтз д̇ан̣хуббаад̣̇аад̇и зд̇т̇а уббаж̇ж̇ад̇и зд̇зсууд̇и уббаад̣̇аа. гаа уббаж̇ж̇ад̇и? д̇ан̣хаа. д̇ан̣хааяа уббаад̣̇аа д̇ан̣хуббаад̣̇аа, д̇ан̣хаавад̇т̇ууни д̇ан̣хаагааран̣аанийд̇и ад̇т̇о. яад̇т̇аад̇и язсу нимид̇д̇абхууд̇зсу . уббаж̇ж̇амаанаад̇и уббаж̇ж̇анасийлаа. жийварахзд̇ууд̇и ‘‘гад̇т̇а манаабам̣ жийварам̣ лабхиссаамий’’д̇и жийварагааран̣аа уббаж̇ж̇ад̇и. сзсабад̣̇зсуби зсзва наяо. ид̇ибхаваабхавахзд̇ууд̇и зд̇т̇а бана ид̇ийд̇и нид̣̇ассанад̇т̇з нибаад̇о. яат̇аа жийвараад̣̇ихзд̇у, звам̣ бхаваабхавахзд̇убийд̇и ад̇т̇о. бхаваабхаваад̇и жзд̇т̇а бан̣ийд̇аббан̣ийд̇аани саббинаванийд̇аад̣̇ийни ад̇хиббзд̇аани бхавад̇и аарог̇яам̣ зд̇знаад̇и гад̇ваа. ‘‘самбад̇д̇ибхавзсу бан̣ийд̇аббан̣ийд̇ад̇аро бхаваабхаво’’д̇иби вад̣̇анд̇и. бхавод̇и ваа самбад̇д̇и, абхавод̇и вибад̇д̇и. бхавод̇и вуд̣дхи, абхавод̇и хаани. д̇ам̣ нимид̇д̇ан̃жа д̇ан̣хаа уббаж̇ж̇ад̇ийд̇и вуд̇д̇ам̣ ‘‘бхаваабхавахзд̇у ваа’’д̇и.
105. Chaṭṭhe taṇhuppādāti ettha uppajjati etesūti uppādā. Kā uppajjati? Taṇhā. Taṇhāya uppādā taṇhuppādā, taṇhāvatthūni taṇhākāraṇānīti attho. Yatthāti yesu nimittabhūtesu . Uppajjamānāti uppajjanasīlā. Cīvarahetūti ‘‘kattha manāpaṃ cīvaraṃ labhissāmī’’ti cīvarakāraṇā uppajjati. Sesapadesupi eseva nayo. Itibhavābhavahetūti ettha pana itīti nidassanatthe nipāto. Yathā cīvarādihetu, evaṃ bhavābhavahetupīti attho. Bhavābhavāti cettha paṇītappaṇītāni sappinavanītādīni adhippetāni bhavati ārogyaṃ etenāti katvā. ‘‘Sampattibhavesu paṇītappaṇītataro bhavābhavo’’tipi vadanti. Bhavoti vā sampatti, abhavoti vipatti. Bhavoti vuḍḍhi, abhavoti hāni. Taṃ nimittañca taṇhā uppajjatīti vuttaṃ ‘‘bhavābhavahetu vā’’ti.
г̇аат̇аа хздтаа вуд̇д̇ад̇т̇аа зва. абижа д̇ан̣хаад̣̇уд̇ияод̇и д̇ан̣хаасахааяо. аяан̃хи сад̇д̇о анамад̇аг̇г̇з сам̣саараваддз сам̣саранд̇о на згагова сам̣сарад̇и, д̇ан̣хам̣ бана д̣̇уд̇ияигам̣ сахааяигам̣ лабхид̇ваава сам̣сарад̇и. д̇ат̇аа хи д̇ам̣ бабаад̇абаад̇ам̣ ажинд̇зд̇ваа мад̇хуг̇ан̣ханагалуд̣̇д̣̇агам̣ вияа анзгаад̣̇ийнаваагулзсуби бхавзсу аанисам̣самзва д̣̇ассзнд̇ий анад̇т̇аж̇аалз саа бариб̣бхамаабзд̇и. зд̇амаад̣̇ийнавам̣ н̃ад̇ваад̇и зд̇ам̣ ад̇ийд̇аанааг̇ад̇абажжуббаннзсу канд̇хзсу ид̇т̇абхааван̃н̃ат̇аабхаавасан̃н̃ид̇ам̣ аад̣̇ийнавам̣ ж̇аанид̇ваа. д̇ан̣хам̣ д̣̇угкасса самбхаванд̇и ‘‘д̇ан̣хаа жааяам̣ ваддад̣̇угкасса самбхаво бабхаво гааран̣а’’нд̇и ж̇аанид̇ваа. зд̇д̇аавад̇аа жа згасса бхигкуно вибассанам̣ вад̣дхзд̇ваа арахад̇д̇уббад̇д̇и д̣̇ассид̇аа. ид̣̇аани д̇ам̣ кийн̣аасавам̣ т̇омзнд̇о ‘‘вийд̇ад̇ан̣хо’’д̇иаад̣̇имааха. яам̣ банзд̇т̇а авуд̇д̇ам̣, д̇ам̣ хздтаа вуд̇д̇анаяамзва.
Gāthā heṭṭhā vuttatthā eva. Apica taṇhādutiyoti taṇhāsahāyo. Ayañhi satto anamatagge saṃsāravaṭṭe saṃsaranto na ekakova saṃsarati, taṇhaṃ pana dutiyikaṃ sahāyikaṃ labhitvāva saṃsarati. Tathā hi taṃ papātapātaṃ acintetvā madhugaṇhanakaluddakaṃ viya anekādīnavākulesupi bhavesu ānisaṃsameva dassentī anatthajāle sā paribbhamāpeti. Etamādīnavaṃ ñatvāti etaṃ atītānāgatapaccuppannesu khandhesu itthabhāvaññathābhāvasaññitaṃ ādīnavaṃ jānitvā. Taṇhaṃ dukkhassa sambhavanti ‘‘taṇhā cāyaṃ vaṭṭadukkhassa sambhavo pabhavo kāraṇa’’nti jānitvā. Ettāvatā ca ekassa bhikkhuno vipassanaṃ vaḍḍhetvā arahattuppatti dassitā. Idāni taṃ khīṇāsavaṃ thomento ‘‘vītataṇho’’tiādimāha. Yaṃ panettha avuttaṃ, taṃ heṭṭhā vuttanayameva.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 6. д̇ан̣хуббаад̣̇асуд̇д̇ам̣ • 6. Taṇhuppādasuttaṃ
