| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਤਣ੍ਹੁਪ੍ਪਾਦਸੁਤ੍ਤવਣ੍ਣਨਾ
9. Taṇhuppādasuttavaṇṇanā
੯. ਨવਮੇ ਉਪ੍ਪਜ੍ਜਤਿ ਏਤੇਸੂਤਿ ਉਪ੍ਪਾਦਾ। ਕਾ ਉਪ੍ਪਜ੍ਜਤਿ? ਤਣ੍ਹਾ। ਤਣ੍ਹਾਯ ਉਪ੍ਪਾਦਾ ਤਣ੍ਹੁਪ੍ਪਾਦਾ, ਤਣ੍ਹਾવਤ੍ਥੂਨਿ ਤਣ੍ਹਾਕਾਰਣਾਨੀਤਿ ਅਤ੍ਥੋ। ਚੀવਰਹੇਤੂਤਿ ‘‘ਕਤ੍ਥ ਮਨਾਪਂ ਚੀવਰਂ ਲਭਿਸ੍ਸਾਮੀ’’ਤਿ ਚੀવਰਕਾਰਣਾ ਉਪ੍ਪਜ੍ਜਤਿ। ਇਤਿਭવਾਭવਹੇਤੂਤਿ ਏਤ੍ਥ ਇਤੀਤਿ ਨਿਦਸ੍ਸਨਤ੍ਥੇ ਨਿਪਾਤੋ। ਯਥਾ ਚੀવਰਾਦਿਹੇਤੁ, ਏવਂ ਭવਾਭવਹੇਤੁਪੀਤਿ ਅਤ੍ਥੋ। ਭવਾਭવੋਤਿ ਚੇਤ੍ਥ ਪਣੀਤਤਰਾਨਿ ਸਪ੍ਪਿਨવਨੀਤਾਦੀਨਿ ਅਧਿਪ੍ਪੇਤਾਨਿ। ਸਮ੍ਪਤ੍ਤਿਭવੇਸੁ ਪਣੀਤਤਰਪਣੀਤਤਮਭવੋਤਿਪਿ વਦਨ੍ਤਿਯੇવ।
9. Navame uppajjati etesūti uppādā. Kā uppajjati? Taṇhā. Taṇhāya uppādā taṇhuppādā, taṇhāvatthūni taṇhākāraṇānīti attho. Cīvarahetūti ‘‘kattha manāpaṃ cīvaraṃ labhissāmī’’ti cīvarakāraṇā uppajjati. Itibhavābhavahetūti ettha itīti nidassanatthe nipāto. Yathā cīvarādihetu, evaṃ bhavābhavahetupīti attho. Bhavābhavoti cettha paṇītatarāni sappinavanītādīni adhippetāni. Sampattibhavesu paṇītatarapaṇītatamabhavotipi vadantiyeva.
ਤਣ੍ਹਾਦੁਤਿਯੋਤਿ ਅਯਞ੍ਹਿ ਸਤ੍ਤੋ ਅਨਮਤਗ੍ਗੇ ਸਂਸਾਰવਟ੍ਟੇ ਸਂਸਰਨ੍ਤੋ ਨ ਏਕਕੋવ ਸਂਸਰਤਿ, ਤਣ੍ਹਂ ਪਨ ਦੁਤਿਯਿਕਂ ਲਭਨ੍ਤੋવ ਸਂਸਰਤਿ। ਤੇਨ વੁਤ੍ਤਂ ‘‘ਤਣ੍ਹਾਦੁਤਿਯੋ’’ਤਿ। ਇਤ੍ਥਭਾવਞ੍ਞਥਾਭਾવਨ੍ਤਿ ਏਤ੍ਥ ਇਤ੍ਥਭਾવੋ ਨਾਮ ਅਯਂ ਅਤ੍ਤਭਾવੋ, ਅਞ੍ਞਥਾਭਾવੋ ਨਾਮ ਅਨਾਗਤਤ੍ਤਭਾવੋ। ਏવਰੂਪੋ વਾ ਅਞ੍ਞੋਪਿ ਅਤ੍ਤਭਾવੋ ਇਤ੍ਥਭਾવੋ ਨਾਮ, ਨ ਏવਰੂਪੋ ਅਞ੍ਞਥਾਭਾવੋ ਨਾਮ। ਤਂ ਇਤ੍ਥਭਾવਞ੍ਞਥਾਭਾવਂ। ਸਂਸਾਰਨ੍ਤਿ ਖਨ੍ਧਧਾਤੁਆਯਤਨਾਨਂ ਪਟਿਪਾਟਿਂ। ਨਾਤਿવਤ੍ਤਤੀਤਿ ਨਾਤਿਕ੍ਕਮਤਿ। ਏવਮਾਦੀਨવਂ ਞਤ੍વਾਤਿ ਏવਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨੇਸੁ ਖਨ੍ਧੇਸੁ ਆਦੀਨવਂ ਜਾਨਿਤ੍વਾ। ਤਣ੍ਹਂ ਦੁਕ੍ਖਸ੍ਸ ਸਮ੍ਭવਨ੍ਤਿ ਤਣ੍ਹਂ ਚ ‘‘ਅਯਂ વਟ੍ਟਦੁਕ੍ਖਸਮ੍ਭੂਤੋ ਸਭਾવੋ ਕਾਰਣ’’ਨ੍ਤਿ ਏવਂ ਜਾਨਿਤ੍વਾ। ਏਤ੍ਤਾવਤਾ ਇਮਸ੍ਸ ਭਿਕ੍ਖੁਨੋ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਤ੍ਤਭਾવੋ ਦਸ੍ਸਿਤੋ। ਇਦਾਨਿ ਤਂ ਖੀਣਾਸવਂ ਥੋਮੇਨ੍ਤੋ વੀਤਤਣ੍ਹੋਤਿਆਦਿਮਾਹ। ਤਤ੍ਥ ਅਨਾਦਾਨੋਤਿ ਨਿਗ੍ਗਹਣੋ। ਸਤੋ ਭਿਕ੍ਖੁ ਪਰਿਬ੍ਬਜੇਤਿ ਸਤਿਸਮ੍ਪਜਞ੍ਞੇ વੇਪੁਲ੍ਲਪ੍ਪਤ੍ਤੋ ਖੀਣਾਸવੋ ਭਿਕ੍ਖੁ ਸਤੋ ਸਮ੍ਪਜਾਨੋ ਚਰੇਯ੍ਯ વਿਹਰੇਯ੍ਯਾਤਿ ਅਤ੍ਥੋ। ਇਤਿ ਸੁਤ੍ਤਨ੍ਤੇ વਟ੍ਟਂ ਕਥੇਤ੍વਾ ਗਾਥਾਸੁ વਟ੍ਟવਿવਟ੍ਟਂ ਕਥਿਤਨ੍ਤਿ।
Taṇhādutiyoti ayañhi satto anamatagge saṃsāravaṭṭe saṃsaranto na ekakova saṃsarati, taṇhaṃ pana dutiyikaṃ labhantova saṃsarati. Tena vuttaṃ ‘‘taṇhādutiyo’’ti. Itthabhāvaññathābhāvanti ettha itthabhāvo nāma ayaṃ attabhāvo, aññathābhāvo nāma anāgatattabhāvo. Evarūpo vā aññopi attabhāvo itthabhāvo nāma, na evarūpo aññathābhāvo nāma. Taṃ itthabhāvaññathābhāvaṃ. Saṃsāranti khandhadhātuāyatanānaṃ paṭipāṭiṃ. Nātivattatīti nātikkamati. Evamādīnavaṃ ñatvāti evaṃ atītānāgatapaccuppannesu khandhesu ādīnavaṃ jānitvā. Taṇhaṃ dukkhassa sambhavanti taṇhaṃ ca ‘‘ayaṃ vaṭṭadukkhasambhūto sabhāvo kāraṇa’’nti evaṃ jānitvā. Ettāvatā imassa bhikkhuno vipassanaṃ vaḍḍhetvā arahattaṃ pattabhāvo dassito. Idāni taṃ khīṇāsavaṃ thomento vītataṇhotiādimāha. Tattha anādānoti niggahaṇo. Sato bhikkhu paribbajeti satisampajaññe vepullappatto khīṇāsavo bhikkhu sato sampajāno careyya vihareyyāti attho. Iti suttante vaṭṭaṃ kathetvā gāthāsu vaṭṭavivaṭṭaṃ kathitanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਤਣ੍ਹੁਪ੍ਪਾਦਸੁਤ੍ਤਂ • 9. Taṇhuppādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਤਣ੍ਹੁਪ੍ਪਾਦਸੁਤ੍ਤવਣ੍ਣਨਾ • 9. Taṇhuppādasuttavaṇṇanā
