| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৩. তপনীযসুত্তং
3. Tapanīyasuttaṃ
৩০. ৰুত্তঞ্হেতং ভগৰতা, ৰুত্তমরহতাতি মে সুতং –
30. Vuttañhetaṃ bhagavatā, vuttamarahatāti me sutaṃ –
‘‘দ্ৰেমে, ভিক্খৰে, ধম্মা তপনীযা। কতমে দ্ৰে? ইধ, ভিক্খৰে, একচ্চো অকতকল্যাণো হোতি, অকতকুসলো, অকতভীরুত্তাণো, কতপাপো, কতলুদ্দো, কতকিব্বিসো। সো ‘অকতং মে কল্যাণ’ন্তিপি তপ্পতি, ‘কতং মে পাপ’ন্তিপি তপ্পতি। ইমে খো, ভিক্খৰে, দ্ৰে ধম্মা তপনীযা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Dveme, bhikkhave, dhammā tapanīyā. Katame dve? Idha, bhikkhave, ekacco akatakalyāṇo hoti, akatakusalo, akatabhīruttāṇo, katapāpo, kataluddo, katakibbiso. So ‘akataṃ me kalyāṇa’ntipi tappati, ‘kataṃ me pāpa’ntipi tappati. Ime kho, bhikkhave, dve dhammā tapanīyā’’ti. Etamatthaṃ bhagavā avoca. Tatthetaṃ iti vuccati –
‘‘কাযদুচ্চরিতং কত্ৰা, ৰচীদুচ্চরিতানি চ।
‘‘Kāyaduccaritaṃ katvā, vacīduccaritāni ca;
মনোদুচ্চরিতং কত্ৰা, যঞ্চঞ্ঞং দোসসঞ্হিতং॥
Manoduccaritaṃ katvā, yañcaññaṃ dosasañhitaṃ.
‘‘অকত্ৰা কুসলং কম্মং, কত্ৰানাকুসলং বহুং।
‘‘Akatvā kusalaṃ kammaṃ, katvānākusalaṃ bahuṃ;
অযম্পি অত্থো ৰুত্তো ভগৰতা, ইতি মে সুতন্তি। ততিযং।
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৩. তপনীযসুত্তৰণ্ণনা • 3. Tapanīyasuttavaṇṇanā
