| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. தபனீயஸுத்தவண்ணனா
3. Tapanīyasuttavaṇṇanā
3. ததியே தபனீயாதி இத⁴ சேவ ஸம்பராயே ச தபந்தீதி தபனீயா. தப்பதீதி சித்தஸந்தாபேன தப்பதி அனுஸோசதி காயது³ச்சரிதங் கத்வா நந்த³யக்கோ² விய நந்த³மாணவோ விய நந்த³கோ³கா⁴தகோ விய தே³வத³த்தோ விய த்³வேபா⁴திகா விய ச. தே கிர கா³வங் வதி⁴த்வா மங்ஸங் த்³வே கொட்டா²ஸே அகங்ஸு. ததோ கனிட்டோ² ஜெட்ட²கங் ஆஹ – ‘‘மய்ஹங் தா³ரகா ப³ஹூ, இமானி மே அந்தானி தே³ஹீ’’தி. அத² நங் ஸோ ‘‘ஸப்³ப³ங் மங்ஸங் த்³வேதா⁴ விப⁴த்தங், புன கிங் மக்³க³ஸீ’’தி பஹரித்வா ஜீவிதக்க²யங் பாபேஸி. நிவத்தித்வா ச நங் ஓலோகெந்தோ மதங் தி³ஸ்வா ‘‘பா⁴ரியங் மே கம்மங் கத’’ந்தி சித்தங் உப்பாதே³ஸி. அத²ஸ்ஸ ப³லவஸோகோ உப்பஜ்ஜி. ஸோ டி²தட்டா²னேபி நிஸின்னட்டா²னேபி ததே³வ கம்மங் ஆவஜ்ஜேதி, சித்தஸ்ஸாத³ங் ந லப⁴தி. அஸிதபீதகா²யிதஸாயிதம்பிஸ்ஸ ஸரீரே ஓஜங் ந ப²ரதி, அட்டி²சம்மமத்தமேவ அஹோஸி. அத² நங் ஏகோ தே²ரோ தி³ஸ்வா – ‘‘உபாஸக, த்வங் பஹூதஅன்னபானோ, அட்டி²சம்மமத்தமேவ தே அவஸிட்ட²ங், அத்தி² நு கோ² தே கிஞ்சி தபனீயகம்ம’’ந்தி? ஸோ ‘‘ஆம, ப⁴ந்தே’’தி ஸப்³ப³ங் ஆரோசேஸி. அத² நங் தே²ரோ ‘‘பா⁴ரியங் தே உபாஸக கம்மங் கதங், அனபராத⁴ட்டா²னே அபரத்³த⁴’’ந்தி ஆஹ. ஸோ தேனேவ கம்மேன காலங் கத்வா நிரயே நிப்³ப³த்தோ. வசீது³ச்சரிதேன ஸுப்பபு³த்³த⁴ஸக்ககோகாலிகசிஞ்சமாணவிகாத³யோ விய தப்பதி. ஸேஸமெத்த² சதுத்தே² ச உத்தானத்த²மேவ. ததியங்.
3. Tatiye tapanīyāti idha ceva samparāye ca tapantīti tapanīyā. Tappatīti cittasantāpena tappati anusocati kāyaduccaritaṃ katvā nandayakkho viya nandamāṇavo viya nandagoghātako viya devadatto viya dvebhātikā viya ca. Te kira gāvaṃ vadhitvā maṃsaṃ dve koṭṭhāse akaṃsu. Tato kaniṭṭho jeṭṭhakaṃ āha – ‘‘mayhaṃ dārakā bahū, imāni me antāni dehī’’ti. Atha naṃ so ‘‘sabbaṃ maṃsaṃ dvedhā vibhattaṃ, puna kiṃ maggasī’’ti paharitvā jīvitakkhayaṃ pāpesi. Nivattitvā ca naṃ olokento mataṃ disvā ‘‘bhāriyaṃ me kammaṃ kata’’nti cittaṃ uppādesi. Athassa balavasoko uppajji. So ṭhitaṭṭhānepi nisinnaṭṭhānepi tadeva kammaṃ āvajjeti, cittassādaṃ na labhati. Asitapītakhāyitasāyitampissa sarīre ojaṃ na pharati, aṭṭhicammamattameva ahosi. Atha naṃ eko thero disvā – ‘‘upāsaka, tvaṃ pahūtaannapāno, aṭṭhicammamattameva te avasiṭṭhaṃ, atthi nu kho te kiñci tapanīyakamma’’nti? So ‘‘āma, bhante’’ti sabbaṃ ārocesi. Atha naṃ thero ‘‘bhāriyaṃ te upāsaka kammaṃ kataṃ, anaparādhaṭṭhāne aparaddha’’nti āha. So teneva kammena kālaṃ katvā niraye nibbatto. Vacīduccaritena suppabuddhasakkakokālikaciñcamāṇavikādayo viya tappati. Sesamettha catutthe ca uttānatthameva. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. தபனீயஸுத்தங் • 3. Tapanīyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. தபனீயஸுத்தவண்ணனா • 3. Tapanīyasuttavaṇṇanā
