| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. தபனீயஸுத்தவண்ணனா
3. Tapanīyasuttavaṇṇanā
3. ததியே தபனீயாதி எத்த² கத்துஅத்தே² அனீய-ஸத்³தோ³தி ஆஹ ‘‘தபந்தீதி தபனீயா’’தி. தபந்தீதி விபா³தெ⁴ந்தி, விஹேடெ²ந்தீதி அத்தோ². தபனங் வா து³க்க²ங், தி³ட்டே² சேவ த⁴ம்மே அபி⁴ஸம்பராயஞ்ச தஸ்ஸ உப்பாத³னேன சேவ அனுப³லப்பதா³னேன ச ஹிதாதி தபனீயா. அத² வா தபந்தி தேனாதி தபனங், அனுதாபோ, விப்படிஸாரோதி அத்தோ². தஸ்ஸ ஹேதுபா⁴வதோ ஹிதாதி தபனீயா. அனுஸோசதீதி விப்படிஸாரீ ஹுத்வா கதாகதங் அனுக³ம்ம ஸோசதி. ஸோசனஞ்ஹி கதத்தா ச ஹோதி அகதத்தா ச. ததா² சேவ பாளியங் விப⁴த்தங். நந்த³யக்கா²தீ³னங் வத்தூ²னி பாகடானீதி தானி அத³ஸ்ஸெத்வா த்³வேபா⁴திகவத்து²ங் த³ஸ்ஸெந்தோ ‘‘தே கிரா’’தி ஆதி³மாஹ. தத்த² தேதி த்³வே பா⁴தரோ. புன கிங் மக்³க³ஸீதி புன கிங் இச்ச²ஸி.
3. Tatiye tapanīyāti ettha kattuatthe anīya-saddoti āha ‘‘tapantīti tapanīyā’’ti. Tapantīti vibādhenti, viheṭhentīti attho. Tapanaṃ vā dukkhaṃ, diṭṭhe ceva dhamme abhisamparāyañca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, anutāpo, vippaṭisāroti attho. Tassa hetubhāvato hitāti tapanīyā. Anusocatīti vippaṭisārī hutvā katākataṃ anugamma socati. Socanañhi katattā ca hoti akatattā ca. Tathā ceva pāḷiyaṃ vibhattaṃ. Nandayakkhādīnaṃ vatthūni pākaṭānīti tāni adassetvā dvebhātikavatthuṃ dassento ‘‘te kirā’’ti ādimāha. Tattha teti dve bhātaro. Puna kiṃ maggasīti puna kiṃ icchasi.
தபனீயஸுத்தவண்ணனா நிட்டி²தா.
Tapanīyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. தபனீயஸுத்தங் • 3. Tapanīyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. தபனீயஸுத்தவண்ணனா • 3. Tapanīyasuttavaṇṇanā
