| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৩. তপনীযসুত্তৰণ্ণনা
3. Tapanīyasuttavaṇṇanā
৩. ততিযে তপনীযাতি ইধ চেৰ সম্পরাযে চ তপন্তীতি তপনীযা। তপ্পতীতি চিত্তসন্তাপেন তপ্পতি অনুসোচতি কাযদুচ্চরিতং কত্ৰা নন্দযক্খো ৰিয নন্দমাণৰো ৰিয নন্দগোঘাতকো ৰিয দেৰদত্তো ৰিয দ্ৰেভাতিকা ৰিয চ। তে কির গাৰং ৰধিত্ৰা মংসং দ্ৰে কোট্ঠাসে অকংসু। ততো কনিট্ঠো জেট্ঠকং আহ – ‘‘ময্হং দারকা বহূ, ইমানি মে অন্তানি দেহী’’তি। অথ নং সো ‘‘সব্বং মংসং দ্ৰেধা ৰিভত্তং, পুন কিং মগ্গসী’’তি পহরিত্ৰা জীৰিতক্খযং পাপেসি। নিৰত্তিত্ৰা চ নং ওলোকেন্তো মতং দিস্ৰা ‘‘ভারিযং মে কম্মং কত’’ন্তি চিত্তং উপ্পাদেসি। অথস্স বলৰসোকো উপ্পজ্জি। সো ঠিতট্ঠানেপি নিসিন্নট্ঠানেপি তদেৰ কম্মং আৰজ্জেতি, চিত্তস্সাদং ন লভতি। অসিতপীতখাযিতসাযিতম্পিস্স সরীরে ওজং ন ফরতি, অট্ঠিচম্মমত্তমেৰ অহোসি। অথ নং একো থেরো দিস্ৰা – ‘‘উপাসক, ত্ৰং পহূতঅন্নপানো, অট্ঠিচম্মমত্তমেৰ তে অৰসিট্ঠং, অত্থি নু খো তে কিঞ্চি তপনীযকম্ম’’ন্তি? সো ‘‘আম, ভন্তে’’তি সব্বং আরোচেসি। অথ নং থেরো ‘‘ভারিযং তে উপাসক কম্মং কতং, অনপরাধট্ঠানে অপরদ্ধ’’ন্তি আহ। সো তেনেৰ কম্মেন কালং কত্ৰা নিরযে নিব্বত্তো। ৰচীদুচ্চরিতেন সুপ্পবুদ্ধসক্ককোকালিকচিঞ্চমাণৰিকাদযো ৰিয তপ্পতি। সেসমেত্থ চতুত্থে চ উত্তানত্থমেৰ। ততিযং।
3. Tatiye tapanīyāti idha ceva samparāye ca tapantīti tapanīyā. Tappatīti cittasantāpena tappati anusocati kāyaduccaritaṃ katvā nandayakkho viya nandamāṇavo viya nandagoghātako viya devadatto viya dvebhātikā viya ca. Te kira gāvaṃ vadhitvā maṃsaṃ dve koṭṭhāse akaṃsu. Tato kaniṭṭho jeṭṭhakaṃ āha – ‘‘mayhaṃ dārakā bahū, imāni me antāni dehī’’ti. Atha naṃ so ‘‘sabbaṃ maṃsaṃ dvedhā vibhattaṃ, puna kiṃ maggasī’’ti paharitvā jīvitakkhayaṃ pāpesi. Nivattitvā ca naṃ olokento mataṃ disvā ‘‘bhāriyaṃ me kammaṃ kata’’nti cittaṃ uppādesi. Athassa balavasoko uppajji. So ṭhitaṭṭhānepi nisinnaṭṭhānepi tadeva kammaṃ āvajjeti, cittassādaṃ na labhati. Asitapītakhāyitasāyitampissa sarīre ojaṃ na pharati, aṭṭhicammamattameva ahosi. Atha naṃ eko thero disvā – ‘‘upāsaka, tvaṃ pahūtaannapāno, aṭṭhicammamattameva te avasiṭṭhaṃ, atthi nu kho te kiñci tapanīyakamma’’nti? So ‘‘āma, bhante’’ti sabbaṃ ārocesi. Atha naṃ thero ‘‘bhāriyaṃ te upāsaka kammaṃ kataṃ, anaparādhaṭṭhāne aparaddha’’nti āha. So teneva kammena kālaṃ katvā niraye nibbatto. Vacīduccaritena suppabuddhasakkakokālikaciñcamāṇavikādayo viya tappati. Sesamettha catutthe ca uttānatthameva. Tatiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. তপনীযসুত্তং • 3. Tapanīyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩. তপনীযসুত্তৰণ্ণনা • 3. Tapanīyasuttavaṇṇanā
