| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. д̇абанийяасуд̇д̇аван̣н̣анаа
3. Tapanīyasuttavaṇṇanā
3. д̇ад̇ияз д̇абанийяаад̇и ид̇ха жзва самбарааяз жа д̇абанд̇ийд̇и д̇абанийяаа. д̇аббад̇ийд̇и жид̇д̇асанд̇аабзна д̇аббад̇и анусожад̇и гааяад̣̇ужжарид̇ам̣ гад̇ваа нанд̣̇аяагко вияа нанд̣̇амаан̣аво вияа нанд̣̇аг̇огхаад̇аго вияа д̣̇звад̣̇ад̇д̇о вияа д̣̇взбхаад̇игаа вияа жа. д̇з гира г̇аавам̣ вад̇хид̇ваа мам̣сам̣ д̣̇вз годтаасз агам̣су. д̇ад̇о ганидто ж̇здтагам̣ ааха – ‘‘маяхам̣ д̣̇аарагаа б̣ахуу, имаани мз анд̇аани д̣̇зхий’’д̇и. ат̇а нам̣ со ‘‘саб̣б̣ам̣ мам̣сам̣ д̣̇взд̇хаа вибхад̇д̇ам̣, буна гим̣ маг̇г̇асий’’д̇и бахарид̇ваа ж̇ийвид̇агкаяам̣ баабзси. нивад̇д̇ид̇ваа жа нам̣ ологзнд̇о мад̇ам̣ д̣̇исваа ‘‘бхаарияам̣ мз гаммам̣ гад̇а’’нд̇и жид̇д̇ам̣ уббаад̣̇зси. ат̇асса б̣алавасого уббаж̇ж̇и. со тид̇адтаанзби нисиннадтаанзби д̇ад̣̇зва гаммам̣ ааваж̇ж̇зд̇и, жид̇д̇ассаад̣̇ам̣ на лабхад̇и. асид̇абийд̇акааяид̇асааяид̇амбисса сарийрз ож̇ам̣ на парад̇и, адтижаммамад̇д̇амзва ахоси. ат̇а нам̣ зго т̇зро д̣̇исваа – ‘‘убаасага, д̇вам̣ бахууд̇ааннабаано, адтижаммамад̇д̇амзва д̇з авасидтам̣, ад̇т̇и ну ко д̇з гин̃жи д̇абанийяагамма’’нд̇и? со ‘‘аама, бханд̇з’’д̇и саб̣б̣ам̣ аарожзси. ат̇а нам̣ т̇зро ‘‘бхаарияам̣ д̇з убаасага гаммам̣ гад̇ам̣, анабараад̇хадтаанз абарад̣̇д̇ха’’нд̇и ааха. со д̇знзва гаммзна гаалам̣ гад̇ваа нираяз ниб̣б̣ад̇д̇о. важийд̣̇ужжарид̇зна суббаб̣уд̣̇д̇хасаггагогаалигажин̃жамаан̣авигаад̣̇аяо вияа д̇аббад̇и. сзсамзд̇т̇а жад̇уд̇т̇з жа уд̇д̇аанад̇т̇амзва. д̇ад̇ияам̣.
3. Tatiye tapanīyāti idha ceva samparāye ca tapantīti tapanīyā. Tappatīti cittasantāpena tappati anusocati kāyaduccaritaṃ katvā nandayakkho viya nandamāṇavo viya nandagoghātako viya devadatto viya dvebhātikā viya ca. Te kira gāvaṃ vadhitvā maṃsaṃ dve koṭṭhāse akaṃsu. Tato kaniṭṭho jeṭṭhakaṃ āha – ‘‘mayhaṃ dārakā bahū, imāni me antāni dehī’’ti. Atha naṃ so ‘‘sabbaṃ maṃsaṃ dvedhā vibhattaṃ, puna kiṃ maggasī’’ti paharitvā jīvitakkhayaṃ pāpesi. Nivattitvā ca naṃ olokento mataṃ disvā ‘‘bhāriyaṃ me kammaṃ kata’’nti cittaṃ uppādesi. Athassa balavasoko uppajji. So ṭhitaṭṭhānepi nisinnaṭṭhānepi tadeva kammaṃ āvajjeti, cittassādaṃ na labhati. Asitapītakhāyitasāyitampissa sarīre ojaṃ na pharati, aṭṭhicammamattameva ahosi. Atha naṃ eko thero disvā – ‘‘upāsaka, tvaṃ pahūtaannapāno, aṭṭhicammamattameva te avasiṭṭhaṃ, atthi nu kho te kiñci tapanīyakamma’’nti? So ‘‘āma, bhante’’ti sabbaṃ ārocesi. Atha naṃ thero ‘‘bhāriyaṃ te upāsaka kammaṃ kataṃ, anaparādhaṭṭhāne aparaddha’’nti āha. So teneva kammena kālaṃ katvā niraye nibbatto. Vacīduccaritena suppabuddhasakkakokālikaciñcamāṇavikādayo viya tappati. Sesamettha catutthe ca uttānatthameva. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. д̇абанийяасуд̇д̇ам̣ • 3. Tapanīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. д̇абанийяасуд̇д̇аван̣н̣анаа • 3. Tapanīyasuttavaṇṇanā
