| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. д̇абанийяасуд̇д̇аван̣н̣анаа
3. Tapanīyasuttavaṇṇanā
30. д̇ад̇ияз д̇абанийяаад̇и ид̇ха жзва самбарааяз жа д̇абанд̇и виб̣аад̇хзнд̇и вихзтзнд̇ийд̇и д̇абанийяаа. д̇абанам̣ ваа д̣̇угкам̣ д̣̇идтз жзва д̇хаммз абхисамбарааяз жа д̇асса уббаад̣̇анзна жзва ануб̣алаббад̣̇аанзна жа хид̇аад̇и д̇абанийяаа. ат̇а ваа д̇абанд̇и д̇знаад̇и д̇абанам̣, бажчаануд̇аабо, виббадисаарод̇и ад̇т̇о, д̇асса хзд̇убхаавад̇о хид̇аад̇и д̇абанийяаа. агад̇агаляаан̣од̇и агад̇ам̣ галяаан̣ам̣ бхад̣̇д̣̇агам̣ бун̃н̃ам̣ зд̇знаад̇и агад̇агаляаан̣о. сзсабад̣̇ад̣̇ваяам̣ д̇ассзва взважанам̣. бун̃н̃ан̃хи бавад̇д̇ихид̇ад̇ааяа ааяад̇им̣сукад̇ааяа жа бхад̣̇д̣̇агадтзна галяаан̣анд̇и жа гужчид̇асаланаад̣̇иад̇т̇зна гусаланд̇и жа д̣̇угкабхийруунам̣ сам̣саарабхийруунан̃жа рагканадтзна бхийруд̇д̇аан̣анд̇и жа вужжад̇и. гад̇абаабод̇и гад̇ам̣ убажид̇ам̣ баабам̣ зд̇знаад̇и гад̇абаабо. сзсабад̣̇ад̣̇ваяам̣ д̇ассзва взважанам̣. агусалагамман̃хи лаамагадтзна баабанд̇и жа ад̇д̇ано бавад̇д̇игкан̣з вибаагагкан̣з жа гхорасабхаавад̇ааяа луд̣̇д̣̇анд̇и жа гилзсзхи д̣̇уусид̇абхаавзна гиб̣б̣исанд̇и жа вужжад̇и. ид̇и бхаг̇аваа ‘‘д̣̇вз д̇хаммаа д̇абанийяаа’’д̇и д̇хаммаад̇хидтаанзна уд̣̇д̣̇исид̇ваа агад̇ам̣ гусалам̣ д̇хаммам̣ гад̇ан̃жа агусалам̣ д̇хаммам̣ буг̇г̇алаад̇хидтаанзна нид̣̇д̣̇иси. ид̣̇аани д̇зсам̣ д̇абанийяабхаавам̣ д̣̇ассзнд̇о ‘‘со агад̇ам̣ мз галяаан̣анд̇иби д̇аббад̇и, гад̇ам̣ мз баабанд̇иби д̇аббад̇ий’’д̇и ааха. жид̇д̇асанд̇аасзна д̇аббад̇и ануд̇аббад̇и анусожад̇ийд̇и ад̇т̇о.
30. Tatiye tapanīyāti idha ceva samparāye ca tapanti vibādhenti viheṭhentīti tapanīyā. Tapanaṃ vā dukkhaṃ diṭṭhe ceva dhamme abhisamparāye ca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, pacchānutāpo, vippaṭisāroti attho, tassa hetubhāvato hitāti tapanīyā. Akatakalyāṇoti akataṃ kalyāṇaṃ bhaddakaṃ puññaṃ etenāti akatakalyāṇo. Sesapadadvayaṃ tasseva vevacanaṃ. Puññañhi pavattihitatāya āyatiṃsukhatāya ca bhaddakaṭṭhena kalyāṇanti ca kucchitasalanādiatthena kusalanti ca dukkhabhīrūnaṃ saṃsārabhīrūnañca rakkhanaṭṭhena bhīruttāṇanti ca vuccati. Katapāpoti kataṃ upacitaṃ pāpaṃ etenāti katapāpo. Sesapadadvayaṃ tasseva vevacanaṃ. Akusalakammañhi lāmakaṭṭhena pāpanti ca attano pavattikkhaṇe vipākakkhaṇe ca ghorasabhāvatāya luddanti ca kilesehi dūsitabhāvena kibbisanti ca vuccati. Iti bhagavā ‘‘dve dhammā tapanīyā’’ti dhammādhiṭṭhānena uddisitvā akataṃ kusalaṃ dhammaṃ katañca akusalaṃ dhammaṃ puggalādhiṭṭhānena niddisi. Idāni tesaṃ tapanīyabhāvaṃ dassento ‘‘so akataṃ me kalyāṇantipi tappati, kataṃ me pāpantipi tappatī’’ti āha. Cittasantāsena tappati anutappati anusocatīti attho.
г̇аат̇аасу д̣̇удту жарид̇ам̣, гилзсабууд̇игад̇д̇аа ваа д̣̇удтам̣ жарид̇анд̇и д̣̇ужжарид̇ам̣. гааязна д̣̇ужжарид̇ам̣, гааяад̇о ваа бавад̇д̇ам̣ д̣̇ужжарид̇ам̣ гааяад̣̇ужжарид̇ам̣. звам̣ важийманод̣̇ужжарид̇ааниби д̣̇адтаб̣б̣аани. имаани жа гааяад̣̇ужжарид̇аад̣̇ийни гаммабат̇аббад̇д̇аани ад̇хиббзд̇аанийд̇и яам̣ на гаммабат̇аббад̇д̇ам̣ агусалаж̇аад̇ам̣, д̇ам̣ санд̇хааяааха ‘‘яан̃жан̃н̃ам̣ д̣̇осасан̃хид̇а’’нд̇и. д̇ассад̇т̇о – яамби жа ан̃н̃ам̣ гаммабат̇абхаавам̣ аббад̇д̇ад̇д̇аа ниббарияааязна гааяагаммаад̣̇исан̇кам̣ на лабхад̇и, рааг̇аад̣̇игилзсасам̣садтад̇д̇аа д̣̇осасахид̇ам̣ агусалам̣ д̇амби гад̇ваад̇и ад̇т̇о. нираяанд̇и нирад̇иад̇т̇зна нирассаад̣̇адтзна ваа нираяанд̇и лад̣̇д̇ханаамам̣ саб̣б̣амби д̣̇уг̇г̇ад̇им̣, аяасан̇каад̇асукаббадигкзбзна ваа саб̣б̣ад̇т̇а суг̇ад̇ид̣̇уг̇г̇ад̇ийсу нираяад̣̇угкам̣. со д̇аад̣̇исо буг̇г̇ало убаг̇ажчад̇ийд̇и звамзд̇т̇а ад̇т̇о д̣̇адтаб̣б̣о.
Gāthāsu duṭṭhu caritaṃ, kilesapūtikattā vā duṭṭhaṃ caritanti duccaritaṃ. Kāyena duccaritaṃ, kāyato vā pavattaṃ duccaritaṃ kāyaduccaritaṃ. Evaṃ vacīmanoduccaritānipi daṭṭhabbāni. Imāni ca kāyaduccaritādīni kammapathappattāni adhippetānīti yaṃ na kammapathappattaṃ akusalajātaṃ, taṃ sandhāyāha ‘‘yañcaññaṃ dosasañhita’’nti. Tassattho – yampi ca aññaṃ kammapathabhāvaṃ appattattā nippariyāyena kāyakammādisaṅkhaṃ na labhati, rāgādikilesasaṃsaṭṭhattā dosasahitaṃ akusalaṃ tampi katvāti attho. Nirayanti niratiatthena nirassādaṭṭhena vā nirayanti laddhanāmaṃ sabbampi duggatiṃ, ayasaṅkhātasukhappaṭikkhepena vā sabbattha sugatiduggatīsu nirayadukkhaṃ. So tādiso puggalo upagacchatīti evamettha attho daṭṭhabbo.
зд̇т̇а жа гааяад̣̇ужжарид̇асса д̇абанийяабхаавз нанд̣̇о яагко нанд̣̇о маан̣аваго нанд̣̇о г̇огхаад̇аго д̣̇вз бхаад̇игаад̇и зд̇зсам̣ вад̇т̇ууни гат̇зд̇аб̣б̣аани. д̇з гира г̇аавим̣ вад̇хид̇ваа мам̣сам̣ д̣̇вз годтаасз агам̣су. д̇ад̇о ганидто ж̇здтам̣ ааха – ‘‘маяхам̣ д̣̇аарагаа б̣ахуу, имаани мз анд̇аани д̣̇зхий’’д̇и. ат̇а нам̣ ж̇здто – ‘‘саб̣б̣ам̣ мам̣сам̣ д̣̇взд̇хаа вибхад̇д̇ам̣, буна гимаг̇г̇ахзсий’’д̇и бахарид̇ваа ж̇ийвид̇агкаяам̣ баабзси. нивад̇д̇ид̇ваа жа нам̣ ологзнд̇о мад̇ам̣ д̣̇исваа ‘‘бхаарияам̣ вад̇а маяаа гад̇ам̣, сваахам̣ агааран̣знзва нам̣ маарзси’’нд̇и жид̇д̇ам̣ уббаад̣̇зси. ат̇асса б̣алававиббадисааро уббаж̇ж̇и. со тид̇адтаанзби нисиннадтаанзби д̇ад̣̇зва гаммам̣ ааваж̇ж̇зд̇и, жид̇д̇ассаад̣̇ам̣ на лабхад̇и, асид̇абийд̇акааяид̇амбисса сарийрз ож̇ам̣ на парад̇и, адтижаммамад̇д̇амзва ахоси. ат̇а нам̣ зго т̇зро бужчи ‘‘убаасага, д̇вам̣ ад̇ивияа гисо адтижаммамад̇д̇о ж̇аад̇о, гийд̣̇исо д̇з рог̇о, уд̣̇ааху ад̇т̇и гин̃жи д̇абанийяам̣ гаммам̣ гад̇а’’нд̇и? со ‘‘аама, бханд̇з’’д̇и саб̣б̣ам̣ аарожзси. ат̇асса со ‘‘бхаарияам̣ д̇з, убаасага, гаммам̣ гад̇ам̣, анабараад̇хадтаанз абарад̣̇д̇ха’’нд̇и ааха. со д̇знзва гаммунаа гаалам̣ гад̇ваа нираяз ниб̣б̣ад̇д̇и. важийд̣̇ужжарид̇асса бана суббаб̣уд̣̇д̇хасаггагогаалигажин̃жамаан̣авигаад̣̇ийнам̣ вад̇т̇ууни гат̇зд̇аб̣б̣аани, манод̣̇ужжарид̇асса уггалаж̇аяабхан̃н̃аад̣̇ийнам̣.
Ettha ca kāyaduccaritassa tapanīyabhāve nando yakkho nando māṇavako nando goghātako dve bhātikāti etesaṃ vatthūni kathetabbāni. Te kira gāviṃ vadhitvā maṃsaṃ dve koṭṭhāse akaṃsu. Tato kaniṭṭho jeṭṭhaṃ āha – ‘‘mayhaṃ dārakā bahū, imāni me antāni dehī’’ti. Atha naṃ jeṭṭho – ‘‘sabbaṃ maṃsaṃ dvedhā vibhattaṃ, puna kimaggahesī’’ti paharitvā jīvitakkhayaṃ pāpesi. Nivattitvā ca naṃ olokento mataṃ disvā ‘‘bhāriyaṃ vata mayā kataṃ, svāhaṃ akāraṇeneva naṃ māresi’’nti cittaṃ uppādesi. Athassa balavavippaṭisāro uppajji. So ṭhitaṭṭhānepi nisinnaṭṭhānepi tadeva kammaṃ āvajjeti, cittassādaṃ na labhati, asitapītakhāyitampissa sarīre ojaṃ na pharati, aṭṭhicammamattameva ahosi. Atha naṃ eko thero pucchi ‘‘upāsaka, tvaṃ ativiya kiso aṭṭhicammamatto jāto, kīdiso te rogo, udāhu atthi kiñci tapanīyaṃ kammaṃ kata’’nti? So ‘‘āma, bhante’’ti sabbaṃ ārocesi. Athassa so ‘‘bhāriyaṃ te, upāsaka, kammaṃ kataṃ, anaparādhaṭṭhāne aparaddha’’nti āha. So teneva kammunā kālaṃ katvā niraye nibbatti. Vacīduccaritassa pana suppabuddhasakkakokālikaciñcamāṇavikādīnaṃ vatthūni kathetabbāni, manoduccaritassa ukkalajayabhaññādīnaṃ.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. д̇абанийяасуд̇д̇ам̣ • 3. Tapanīyasuttaṃ
