| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๓. ตปนียสุตฺตวณฺณนา
3. Tapanīyasuttavaṇṇanā
๓. ตติเย ตปนียาติ เอตฺถ กตฺตุอเตฺถ อนีย-สโทฺทติ อาห ‘‘ตปนฺตีติ ตปนียา’’ติฯ ตปนฺตีติ วิพาเธนฺติ, วิเหเฐนฺตีติ อโตฺถฯ ตปนํ วา ทุกฺขํ, ทิเฎฺฐ เจว ธเมฺม อภิสมฺปรายญฺจ ตสฺส อุปฺปาทเนน เจว อนุพลปฺปทาเนน จ หิตาติ ตปนียาฯ อถ วา ตปนฺติ เตนาติ ตปนํ, อนุตาโป, วิปฺปฎิสาโรติ อโตฺถฯ ตสฺส เหตุภาวโต หิตาติ ตปนียาฯ อนุโสจตีติ วิปฺปฎิสารี หุตฺวา กตากตํ อนุคมฺม โสจติฯ โสจนญฺหิ กตตฺตา จ โหติ อกตตฺตา จฯ ตถา เจว ปาฬิยํ วิภตฺตํฯ นนฺทยกฺขาทีนํ วตฺถูนิ ปากฎานีติ ตานิ อทเสฺสตฺวา เทฺวภาติกวตฺถุํ ทเสฺสโนฺต ‘‘เต กิรา’’ติ อาทิมาหฯ ตตฺถ เตติ เทฺว ภาตโรฯ ปุน กิํ มคฺคสีติ ปุน กิํ อิจฺฉสิฯ
3. Tatiye tapanīyāti ettha kattuatthe anīya-saddoti āha ‘‘tapantīti tapanīyā’’ti. Tapantīti vibādhenti, viheṭhentīti attho. Tapanaṃ vā dukkhaṃ, diṭṭhe ceva dhamme abhisamparāyañca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, anutāpo, vippaṭisāroti attho. Tassa hetubhāvato hitāti tapanīyā. Anusocatīti vippaṭisārī hutvā katākataṃ anugamma socati. Socanañhi katattā ca hoti akatattā ca. Tathā ceva pāḷiyaṃ vibhattaṃ. Nandayakkhādīnaṃ vatthūni pākaṭānīti tāni adassetvā dvebhātikavatthuṃ dassento ‘‘te kirā’’ti ādimāha. Tattha teti dve bhātaro. Puna kiṃ maggasīti puna kiṃ icchasi.
ตปนียสุตฺตวณฺณนา นิฎฺฐิตาฯ
Tapanīyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ตปนียสุตฺตํ • 3. Tapanīyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓. ตปนียสุตฺตวณฺณนา • 3. Tapanīyasuttavaṇṇanā
