| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃. တပနီယသုတ္တဝဏ္ဏနာ
3. Tapanīyasuttavaṇṇanā
၃. တတိယေ တပနီယာတိ ဧတ္ထ ကတ္တုအတ္ထေ အနီယ-သဒ္ဒောတိ အာဟ ‘‘တပန္တီတိ တပနီယာ’’တိ။ တပန္တီတိ ဝိဗာဓေန္တိ, ဝိဟေဌေန္တီတိ အတ္ထော။ တပနံ ဝာ ဒုက္ခံ, ဒိဋ္ဌေ စေဝ ဓမ္မေ အဘိသမ္ပရာယဉ္စ တသ္သ ဥပ္ပာဒနေန စေဝ အနုဗလပ္ပဒာနေန စ ဟိတာတိ တပနီယာ။ အထ ဝာ တပန္တိ တေနာတိ တပနံ, အနုတာပော, ဝိပ္ပဋိသာရောတိ အတ္ထော။ တသ္သ ဟေတုဘာဝတော ဟိတာတိ တပနီယာ။ အနုသောစတီတိ ဝိပ္ပဋိသာရီ ဟုတ္ဝာ ကတာကတံ အနုဂမ္မ သောစတိ။ သောစနဉ္ဟိ ကတတ္တာ စ ဟောတိ အကတတ္တာ စ။ တထာ စေဝ ပာဠိယံ ဝိဘတ္တံ။ နန္ဒယက္ခာဒီနံ ဝတ္ထူနိ ပာကဋာနီတိ တာနိ အဒသ္သေတ္ဝာ ဒ္ဝေဘာတိကဝတ္ထုံ ဒသ္သေန္တော ‘‘တေ ကိရာ’’တိ အာဒိမာဟ။ တတ္ထ တေတိ ဒ္ဝေ ဘာတရော။ ပုန ကိံ မဂ္ဂသီတိ ပုန ကိံ ဣစ္ဆသိ။
3. Tatiye tapanīyāti ettha kattuatthe anīya-saddoti āha ‘‘tapantīti tapanīyā’’ti. Tapantīti vibādhenti, viheṭhentīti attho. Tapanaṃ vā dukkhaṃ, diṭṭhe ceva dhamme abhisamparāyañca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, anutāpo, vippaṭisāroti attho. Tassa hetubhāvato hitāti tapanīyā. Anusocatīti vippaṭisārī hutvā katākataṃ anugamma socati. Socanañhi katattā ca hoti akatattā ca. Tathā ceva pāḷiyaṃ vibhattaṃ. Nandayakkhādīnaṃ vatthūni pākaṭānīti tāni adassetvā dvebhātikavatthuṃ dassento ‘‘te kirā’’ti ādimāha. Tattha teti dve bhātaro. Puna kiṃ maggasīti puna kiṃ icchasi.
တပနီယသုတ္တဝဏ္ဏနာ နိဋ္ဌိတာ။
Tapanīyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. တပနီယသုတ္တံ • 3. Tapanīyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. တပနီယသုတ္တဝဏ္ဏနာ • 3. Tapanīyasuttavaṇṇanā
