| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3. තපනීයසුත්‌තවණ්‌ණනා
3. Tapanīyasuttavaṇṇanā
3. තතියෙ තපනීයාති එත්‌ථ කත්‌තුඅත්‌ථෙ අනීය-සද්‌දොති ආහ ‘‘තපන්‌තීති තපනීයා’’ති. තපන්‌තීති විබාධෙන්‌ති, විහෙඨෙන්‌තීති අත්‌ථො. තපනං වා දුක්‌ඛං, දිට්‌ඨෙ චෙව ධම්‌මෙ අභිසම්‌පරායඤ්‌ච තස්‌ස උප්‌පාදනෙන චෙව අනුබලප්‌පදානෙන ච හිතාති තපනීයා. අථ වා තපන්‌ති තෙනාති තපනං, අනුතාපො, විප්‌පටිසාරොති අත්‌ථො. තස්‌ස හෙතුභාවතො හිතාති තපනීයා. අනුසොචතීති විප්‌පටිසාරී හුත්‌වා කතාකතං අනුගම්‌ම සොචති. සොචනඤ්‌හි කතත්‌තා ච හොති අකතත්‌තා ච. තථා චෙව පාළියං විභත්‌තං. නන්‌දයක්‌ඛාදීනං වත්‌ථූනි පාකටානීති තානි අදස්‌සෙත්‌වා ද්‌වෙභාතිකවත්‌ථුං දස්‌සෙන්‌තො ‘‘තෙ කිරා’’ති ආදිමාහ. තත්‌ථ තෙති ද්‌වෙ භාතරො. පුන කිං මග්‌ගසීති පුන කිං ඉච්‌ඡසි.
3. Tatiye tapanīyāti ettha kattuatthe anīya-saddoti āha ‘‘tapantīti tapanīyā’’ti. Tapantīti vibādhenti, viheṭhentīti attho. Tapanaṃ vā dukkhaṃ, diṭṭhe ceva dhamme abhisamparāyañca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, anutāpo, vippaṭisāroti attho. Tassa hetubhāvato hitāti tapanīyā. Anusocatīti vippaṭisārī hutvā katākataṃ anugamma socati. Socanañhi katattā ca hoti akatattā ca. Tathā ceva pāḷiyaṃ vibhattaṃ. Nandayakkhādīnaṃ vatthūni pākaṭānīti tāni adassetvā dvebhātikavatthuṃ dassento ‘‘te kirā’’ti ādimāha. Tattha teti dve bhātaro. Puna kiṃ maggasīti puna kiṃ icchasi.
තපනීයසුත්‌තවණ්‌ණනා නිට්‌ඨිතා.
Tapanīyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. තපනීයසුත්‌තං • 3. Tapanīyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3. තපනීයසුත්‌තවණ්‌ණනා • 3. Tapanīyasuttavaṇṇanā
