๑. ตโปกมฺมสุตฺตํ

1. Tapokammasuttaṃ

๑๓๗. เอวํ เม สุตํ – เอกํ สมยํ ภควา อุรุเวลายํ วิหรติ นชฺชา เนรญฺชราย ตีเร อชปาลนิโคฺรธมูเล ปฐมาภิสมฺพุโทฺธฯ อถ โข ภควโต รโหคตสฺส ปฎิสลฺลีนสฺส เอวํ เจตโส ปริวิตโกฺก อุทปาทิ – ‘‘มุโตฺต วตมฺหิ ตาย ทุกฺกรการิกายฯ สาธุ มุโตฺต วตมฺหิ ตาย อนตฺถสํหิตาย ทุกฺกรการิกายฯ สาธุ วตมฺหิ มุโตฺต โพธิํ สมชฺฌค’’นฺติ ¹ฯ

137. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘mutto vatamhi tāya dukkarakārikāya. Sādhu mutto vatamhi tāya anatthasaṃhitāya dukkarakārikāya. Sādhu vatamhi mutto bodhiṃ samajjhaga’’nti ².

อถ โข มาโร ปาปิมา ภควโต เจตสา เจโตปริวิตกฺกมญฺญาย เยน ภควา เตนุปสงฺกมิ; อุปสงฺกมิตฺวา ภควนฺตํ คาถาย อชฺฌภาสิ –

Atha kho māro pāpimā bhagavato cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –

‘‘ตโปกมฺมา อปกฺกมฺม, เยน น สุชฺฌนฺติ มาณวา;

‘‘Tapokammā apakkamma, yena na sujjhanti māṇavā;

อสุโทฺธ มญฺญสิ สุโทฺธ, สุทฺธิมคฺคา อปรโทฺธ’’ ³ ติฯ

Asuddho maññasi suddho, suddhimaggā aparaddho’’ ⁴ ti.

อถ โข ภควา ‘‘มาโร อยํ ปาปิมา’’ อิติ วิทิตฺวา มารํ ปาปิมนฺตํ คาถาหิ อชฺฌภาสิ –

Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –

‘‘อนตฺถสํหิตํ ญตฺวา, ยํ กิญฺจิ อมรํ ตปํ ⁵;

‘‘Anatthasaṃhitaṃ ñatvā, yaṃ kiñci amaraṃ tapaṃ ⁶;

สพฺพํ นตฺถาวหํ โหติ, ผิยาริตฺตํว ธมฺมนิ ⁷ฯ

Sabbaṃ natthāvahaṃ hoti, phiyārittaṃva dhammani ⁸.

‘‘สีลํ สมาธิ ปญฺญญฺจ, มคฺคํ โพธาย ภาวยํ;

‘‘Sīlaṃ samādhi paññañca, maggaṃ bodhāya bhāvayaṃ;

ปโตฺตสฺมิ ปรมํ สุทฺธิํ, นิหโต ตฺวมสิ อนฺตกา’’ติฯ

Pattosmi paramaṃ suddhiṃ, nihato tvamasi antakā’’ti.

อถ โข มาโร ปาปิมา ‘‘ชานาติ มํ ภควา, ชานาติ มํ สุคโต’’ติ, ทุกฺขี ทุมฺมโน ตเตฺถวนฺตรธายีติฯ

Atha kho māro pāpimā ‘‘jānāti maṃ bhagavā, jānāti maṃ sugato’’ti, dukkhī dummano tatthevantaradhāyīti.

Next: ๒. หตฺถิราชวณฺณสุตฺตํ • 2. Hatthirājavaṇṇasuttaṃ

Footnotes:

1. สาธุ ฐิโต สโต โพธิํ สมเชฺฌคนฺติ (สี. ปี.), สาธุ วตมฺหิ สโตฺต โพธิสมชฺฌคูติ (สฺยา. กํ.)

2. sādhu ṭhito sato bodhiṃ samajjheganti (sī. pī.), sādhu vatamhi satto bodhisamajjhagūti (syā. kaṃ.)

3. สุทฺธิมคฺคมปรโทฺธ (สี. สฺยา. กํ. ปี.)

4. suddhimaggamaparaddho (sī. syā. kaṃ. pī.)

5. อปรํ ตปํ (ก.)

6. aparaṃ tapaṃ (ka.)

7. วมฺมนิ (สี.), ธมฺมนิํ (ปี.), ชมฺมนิํ (ก.) เอตฺถายํ ธมฺมสโทฺท สกฺกเต ธนฺวนํ-สเทฺทน สทิโส มรุวาจโกติ เวทิตโพฺพ, ยถา ทฬฺหธมฺมาติปทํ

8. vammani (sī.), dhammaniṃ (pī.), jammaniṃ (ka.) etthāyaṃ dhammasaddo sakkate dhanvanaṃ-saddena sadiso maruvācakoti veditabbo, yathā daḷhadhammātipadaṃ

Related texts:

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. ตโปกมฺมสุตฺตวณฺณนา • 1. Tapokammasuttavaṇṇanā

ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. ตโปกมฺมสุตฺตวณฺณนา • 1. Tapokammasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact