| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. маарасам̣яуд̇д̇ам̣
4. Mārasaṃyuttaṃ
1. батамаваг̇г̇о
1. Paṭhamavaggo
1. д̇абогаммасуд̇д̇аван̣н̣анаа
1. Tapokammasuttavaṇṇanā
137. урувзлааяа самийбз г̇аамо урувзлаг̇аамо, д̇ам̣ урувзлаг̇аамам̣ абхимукабхаавзна саммад̣̇зва саб̣б̣ад̇хаммз б̣уж̇жхад̇ийд̇и абхисамб̣од̇хи, саб̣б̣ан̃н̃уд̇ан̃н̃аан̣ам̣, д̇зна саманнааг̇ад̇ад̇д̇аа жа бхаг̇аваа абхисамб̣уд̣̇д̇ход̇и вужжад̇и. д̇асса бан̃жажад̇д̇аалийсааяа вассзсу аад̣̇ид̇о баннараса вассаани батамаб̣од̇хи, ид̇ха бана сад̇д̇аахаб̣бханд̇арамзва ад̇хиббзд̇анд̇и ааха ‘‘абхисамб̣уд̣̇д̇хо худ̇ваа анд̇осад̇д̇аахасмим̣ язваа’’д̇и. асукабхаавзна ан̃н̃зхи гаад̇ум̣ асаггун̣зяяад̇д̇аа д̣̇уггарам̣ гарод̇ийд̇и д̣̇уггарагааро, со зва ид̇т̇илин̇г̇авасзна д̣̇уггарагааригаа. д̇ааяа муд̇д̇о вад̇амхийд̇и жинд̇зси. яад̣̇и звам̣ гасмаа д̇ам̣ логанаат̇о чаб̣б̣ассаани самануяун̃ж̇ад̇и? гаммабийл̣ид̇авасзна. вуд̇д̇ан̃хзд̇ам̣ абад̣̇аанз (аба. т̇зра 1.39.92-94) –
137. Uruvelāya samīpe gāmo uruvelagāmo, taṃ uruvelagāmaṃ abhimukhabhāvena sammadeva sabbadhamme bujjhatīti abhisambodhi, sabbaññutaññāṇaṃ, tena samannāgatattā ca bhagavā abhisambuddhoti vuccati. Tassa pañcacattālīsāya vassesu ādito pannarasa vassāni paṭhamabodhi, idha pana sattāhabbhantarameva adhippetanti āha ‘‘abhisambuddho hutvā antosattāhasmiṃ yevā’’ti. Asukhabhāvena aññehi kātuṃ asakkuṇeyyattā dukkaraṃ karotīti dukkarakāro, so eva itthiliṅgavasena dukkarakārikā. Tāya mutto vatamhīti cintesi. Yadi evaṃ kasmā taṃ lokanātho chabbassāni samanuyuñjati? Kammapīḷitavasena. Vuttañhetaṃ apadāne (apa. thera 1.39.92-94) –
‘‘аважаахам̣ ж̇од̇ибаало, суг̇ад̇ам̣ гассабам̣ д̇ад̣̇аа;
‘‘Avacāhaṃ jotipālo, sugataṃ kassapaṃ tadā;
гуд̇о ну б̣од̇хи мун̣д̣асса, б̣од̇хи барамад̣̇уллабхаа.
Kuto nu bodhi muṇḍassa, bodhi paramadullabhā.
‘‘д̇зна гаммавибаагзна, ажарим̣ д̣̇уггарам̣ б̣ахум̣;
‘‘Tena kammavipākena, acariṃ dukkaraṃ bahuṃ;
чаб̣б̣ассаанурувзлааяам̣, д̇ад̇о б̣од̇химабаабун̣им̣.
Chabbassānuruvelāyaṃ, tato bodhimapāpuṇiṃ.
‘‘наахам̣ зд̇зна маг̇г̇зна, баабун̣им̣ б̣од̇химуд̇д̇амам̣;
‘‘Nāhaṃ etena maggena, pāpuṇiṃ bodhimuttamaṃ;
гуммаг̇г̇зна г̇авзсиссам̣, буб̣б̣агаммзна ваарид̇о’’д̇и.
Kummaggena gavesissaṃ, pubbakammena vārito’’ti.
маарзд̇ийд̇и виб̣аад̇хзд̇и. вибад̇д̇иаад̣̇исам̣яож̇анан̃хи саад̇хуунам̣ барамад̇т̇ад̇о маран̣ам̣ сажжабадивзд̇хамааран̣ад̇д̇аа, баабад̇арад̇д̇аа баабад̇амод̇и баабимаа. саа жасса баабад̇амад̇аа баабавуд̇д̇ид̇ааяаад̇и ааха ‘‘баабз нияуд̇д̇о’’д̇и. ад̇хибад̇ийд̇и гаамаад̇хибад̇и. аббахийнагаамарааг̇з ад̇д̇ано васз вад̇д̇зд̇ийд̇и васавад̇д̇ий. д̇зсам̣язва гусалагаммаанам̣ анд̇ам̣ гарод̇ийд̇и анд̇аго. ваддад̣̇угкад̇о абаримуд̇д̇абажжаяад̇д̇аа намужи. мад̇д̇аанам̣ бамад̇д̇аанам̣ б̣анд̇хууд̇и бамад̇д̇аб̣анд̇ху.
Māretīti vibādheti. Vipattiādisaṃyojanañhi sādhūnaṃ paramatthato maraṇaṃ saccapaṭivedhamāraṇattā, pāpatarattā pāpatamoti pāpimā. Sā cassa pāpatamatā pāpavuttitāyāti āha ‘‘pāpeniyutto’’ti. Adhipatīti kāmādhipati. Appahīnakāmarāge attano vase vattetīti vasavattī. Tesaṃyeva kusalakammānaṃ antaṃ karotīti antako. Vaṭṭadukkhato aparimuttapaccayattā namuci. Mattānaṃ pamattānaṃ bandhūti pamattabandhu.
д̇абогаммаад̇и ад̇д̇агиламат̇аануяог̇ад̇о. абарад̣̇д̇ход̇и вираж̇жхаси. ‘‘абараад̇хо’’д̇иби ад̇т̇и, соязва ад̇т̇о. гааяагиламат̇ам̣ ануяун̃ж̇анд̇о язбхуяязна амарад̇т̇ааяа ануяун̃ж̇ад̇и, со жа гаммаваад̣̇ийхи ануяун̃ж̇ияамаано д̣̇звад̇т̇ааяа сияаад̇и ааха ‘‘амарабхаавад̇т̇ааяаа’’д̇и. саб̣б̣ам̣ д̇абанд̇и саб̣б̣ам̣ ад̇д̇абарид̇аабанам̣. ад̇т̇аавахам̣ на бхавад̇и б̣од̇хияаа анубааяад̇д̇аа. гин̃жассаад̇и гин̃жи сияаад̇и ад̇т̇о. пияаарид̇д̇ам̣ва д̇хамманийд̇и д̇хаммам̣ вужжад̇и ван̣н̣у, со ид̇ха ‘‘д̇хамма’’нд̇и вуд̇д̇о, д̇хаммани ван̣н̣убад̣̇зсзд̇и ад̇т̇о. д̇знааха ‘‘аран̃н̃з’’д̇и. убхосу бассзсу пияаахи аагад̣дхзяяа жзва арид̇д̇зхи уббийл̣зяяа жа.
Tapokammāti attakilamathānuyogato. Aparaddhoti virajjhasi. ‘‘Aparādho’’tipi atthi, soyeva attho. Kāyakilamathaṃ anuyuñjanto yebhuyyena amaratthāya anuyuñjati, so ca kammavādīhi anuyuñjiyamāno devatthāya siyāti āha ‘‘amarabhāvatthāyā’’ti. Sabbaṃ tapanti sabbaṃ attaparitāpanaṃ. Atthāvahaṃ na bhavati bodhiyā anupāyattā. Kiñcassāti kiñci siyāti attho. Phiyārittaṃva dhammanīti dhammaṃ vuccati vaṇṇu, so idha ‘‘dhamma’’nti vutto, dhammani vaṇṇupadeseti attho. Tenāha ‘‘araññe’’ti. Ubhosu passesu phiyāhi ākaḍḍheyya ceva arittehi uppīḷeyya ca.
саммааваажаагамманд̇ааж̇ийваа г̇ахид̇аа маг̇г̇асийласса ад̇хиббзд̇ад̇д̇аа. самаад̇хино хи г̇ахан̣зна саммаавааяаамасад̇исамаад̇хаяо г̇ахид̇аа убагаарабхаавад̇о. бан̃н̃ааяаад̇и зд̇т̇ааби зсзва наяо. б̣уж̇жхад̇и зд̇знаад̇и б̣од̇хо. маг̇г̇од̇и ааха ‘‘б̣од̇хааяаад̇и маг̇г̇ад̇т̇ааяаа’’д̇и. гат̇ам̣ бана маг̇г̇ам̣ маг̇г̇ад̇т̇ааяа бхаавзд̇ийд̇и ааха ‘‘яат̇аа хий’’д̇иаад̣̇и. д̇зна яат̇аа яааг̇убажанаарамбхо яаавад̣̇зва яааг̇уад̇т̇о, звам̣ маг̇г̇абхааванаарамбхо маг̇г̇аад̇хиг̇амад̇т̇ааяаад̇и д̣̇ассзд̇и. аарамбход̇и жа арияамаг̇г̇абхааванааяа б̣анд̇хаабанам̣ д̣̇адтаб̣б̣ам̣. гзжи бана ‘‘маг̇г̇анд̇и арияамаг̇г̇ам̣, б̣од̇хааяаад̇и арахад̇д̇асамб̣од̇хааяа, зван̃жа гад̇ваа ‘бад̇д̇осми барамасуд̣̇д̇хи’нд̇и ид̣̇амби важанам̣ самад̇т̇ид̇а’’нд̇и вад̣̇анд̇и, абарз бана ‘‘саб̣б̣ан̃н̃уд̇ан̃н̃аан̣асамб̣од̇хааяаад̇и. со хи саб̣б̣асмааби б̣од̇хид̇о уд̇д̇арид̇аро’’д̇и. нихад̇о ниб̣б̣исзванабхаавам̣ баабид̇о. д̇знааха ‘‘барааж̇ид̇о’’д̇и.
Sammāvācākammantājīvā gahitā maggasīlassa adhippetattā. Samādhino hi gahaṇena sammāvāyāmasatisamādhayo gahitā upakārabhāvato. Paññāyāti etthāpi eseva nayo. Bujjhati etenāti bodho. Maggoti āha ‘‘bodhāyāti maggatthāyā’’ti. Kathaṃ pana maggaṃ maggatthāya bhāvetīti āha ‘‘yathā hī’’tiādi. Tena yathā yāgupacanārambho yāvadeva yāguattho, evaṃ maggabhāvanārambho maggādhigamatthāyāti dasseti. Ārambhoti ca ariyamaggabhāvanāya bandhāpanaṃ daṭṭhabbaṃ. Keci pana ‘‘magganti ariyamaggaṃ, bodhāyāti arahattasambodhāya, evañca katvā ‘pattosmi paramasuddhi’nti idampi vacanaṃ samatthita’’nti vadanti, apare pana ‘‘sabbaññutaññāṇasambodhāyāti. So hi sabbasmāpi bodhito uttaritaro’’ti. Nihato nibbisevanabhāvaṃ pāpito. Tenāha ‘‘parājito’’ti.
д̇абогаммасуд̇д̇аван̣н̣анаа нидтид̇аа.
Tapokammasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇абогаммасуд̇д̇ам̣ • 1. Tapokammasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̇абогаммасуд̇д̇аван̣н̣анаа • 1. Tapokammasuttavaṇṇanā
