| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਮਾਰਸਂਯੁਤ੍ਤਂ
4. Mārasaṃyuttaṃ
੧. ਪਠਮવਗ੍ਗੋ
1. Paṭhamavaggo
੧. ਤਪੋਕਮ੍ਮਸੁਤ੍ਤવਣ੍ਣਨਾ
1. Tapokammasuttavaṇṇanā
੧੩੭. ਮਾਰਸਂਯੁਤ੍ਤਸ੍ਸ ਪਠਮੇ ਉਰੁવੇਲਾਯਂ વਿਹਰਤੀਤਿ ਪਟਿવਿਦ੍ਧਸਬ੍ਬਞ੍ਞੁਤਞ੍ਞਾਣੋ ਉਰੁવੇਲਗਾਮਂ ਉਪਨਿਸ੍ਸਾਯ વਿਹਰਤਿ। ਪਠਮਾਭਿਸਮ੍ਬੁਦ੍ਧੋਤਿ ਅਭਿਸਮ੍ਬੁਦ੍ਧੋ ਹੁਤ੍વਾ ਪਠਮਂ ਅਨ੍ਤੋਸਤ੍ਤਾਹਸ੍ਮਿਂਯੇવ। ਦੁਕ੍ਕਰਕਾਰਿਕਾਯਾਤਿ ਛਬ੍ਬਸ੍ਸਾਨਿ ਕਤਾਯ ਦੁਕ੍ਕਰਕਾਰਿਕਾਯ। ਮਾਰੋ ਪਾਪਿਮਾਤਿ ਅਤ੍ਤਨੋ વਿਸਯਂ ਅਤਿਕ੍ਕਮਿਤੁਂ ਪਟਿਪਨ੍ਨੇ ਸਤ੍ਤੇ ਮਾਰੇਤੀਤਿ ਮਾਰੋ। ਪਾਪੇ ਨਿਯੋਜੇਤਿ, ਸਯਂ વਾ ਪਾਪੇ ਨਿਯੁਤ੍ਤੋਤਿ ਪਾਪਿਮਾ। ਅਞ੍ਞਾਨਿਪਿਸ੍ਸ ਕਣ੍ਹੋ, ਅਧਿਪਤਿ, વਸવਤ੍ਤੀ, ਅਨ੍ਤਕੋ, ਨਮੁਚਿ, ਪਮਤ੍ਤਬਨ੍ਧੂਤਿਆਦੀਨਿ ਬਹੂਨਿ ਨਾਮਾਨਿ, ਇਧ ਪਨ ਨਾਮਦ੍વਯਮੇવ ਗਹਿਤਂ। ਉਪਸਙ੍ਕਮੀਤਿ – ‘‘ਅਯਂ ਸਮਣੋ ਗੋਤਮੋ ‘ਮੁਤ੍ਤੋਸ੍ਮੀ’ਤਿ ਮਞ੍ਞਤਿ, ਅਮੁਤ੍ਤਭਾવਮਸ੍ਸ ਕਥੇਸ੍ਸਾਮੀ’’ਤਿ ਚਿਨ੍ਤੇਤ੍વਾ ਉਪਸਙ੍ਕਮਿ।
137. Mārasaṃyuttassa paṭhame uruvelāyaṃ viharatīti paṭividdhasabbaññutaññāṇo uruvelagāmaṃ upanissāya viharati. Paṭhamābhisambuddhoti abhisambuddho hutvā paṭhamaṃ antosattāhasmiṃyeva. Dukkarakārikāyāti chabbassāni katāya dukkarakārikāya. Māro pāpimāti attano visayaṃ atikkamituṃ paṭipanne satte māretīti māro. Pāpe niyojeti, sayaṃ vā pāpe niyuttoti pāpimā. Aññānipissa kaṇho, adhipati, vasavattī, antako, namuci, pamattabandhūtiādīni bahūni nāmāni, idha pana nāmadvayameva gahitaṃ. Upasaṅkamīti – ‘‘ayaṃ samaṇo gotamo ‘muttosmī’ti maññati, amuttabhāvamassa kathessāmī’’ti cintetvā upasaṅkami.
ਤਪੋਕਮ੍ਮਾ ਅਪਕ੍ਕਮ੍ਮਾਤਿ ਤਪੋਕਮ੍ਮਤੋ ਅਪਕ੍ਕਮਿਤ੍વਾ। ਅਪਰਦ੍ਧੋਤਿ ‘‘ਦੂਰੇ ਤ੍વਂ ਸੁਦ੍ਧਿਮਗ੍ਗਾ’’ਤਿ વਦਤਿ। ਅਮਰਂ ਤਪਨ੍ਤਿ ਅਮਰਤਪਂ ਅਮਰਭਾવਤ੍ਥਾਯ ਕਤਂ ਲੂਖਤਪਂ, ਅਤ੍ਤਕਿਲਮਥਾਨੁਯੋਗੋ। ਸਬ੍ਬਾਨਤ੍ਥਾવਹਂ ਹੋਤੀਤਿ, ‘‘ਸਬ੍ਬਂ ਤਪਂ ਮਯ੍ਹਂ ਅਤ੍ਥਾવਹਂ ਨ ਭવਤੀ’’ਤਿ ਞਤ੍વਾ। ਫਿਯਾਰਿਤ੍ਤਂવ ਧਮ੍ਮਨੀਤਿ ਅਰਞ੍ਞੇ ਥਲੇ ਫਿਯਾਰਿਤ੍ਤਂ વਿਯ। ਇਦਂ વੁਤ੍ਤਂ ਹੋਤਿ – ਯਥਾ ਅਰਞ੍ਞੇ ਥਲੇ ਨਾવਂ ਠਪੇਤ੍વਾ ਭਣ੍ਡਸ੍ਸ ਪੂਰੇਤ੍વਾ ਮਹਾਜਨਾ ਅਭਿਰੂਹਿਤ੍વਾ ਫਿਯਾਰਿਤ੍ਤਂ ਗਹੇਤ੍વਾ ਸਂਕਡ੍ਢੇਯ੍ਯੁਂ ਚੇવ ਉਪ੍ਪੀਲੇਯ੍ਯੁਂ ਚ, ਸੋ ਮਹਾਜਨਸ੍ਸ વਾਯਾਮੋ ਏਕਙ੍ਗੁਲਦ੍વਙ੍ਗੁਲਮਤ੍ਤਮ੍ਪਿ ਨਾવਾਯ ਗਮਨਂ ਅਸਾਧੇਨ੍ਤੋ ਨਿਰਤ੍ਥਕੋ ਭવੇਯ੍ਯ ਨ ਅਨਤ੍ਥਾવਹੋ, ਏવਮੇવ ਅਹਂ ‘ਸਬ੍ਬਂ ਅਮਰਂ ਤਪਂ ਅਨਤ੍ਥਾવਹਂ ਹੋਤੀ’ਤਿ ਞਤ੍વਾ વਿਸ੍ਸਜ੍ਜੇਸਿਨ੍ਤਿ।
Tapokammā apakkammāti tapokammato apakkamitvā. Aparaddhoti ‘‘dūre tvaṃ suddhimaggā’’ti vadati. Amaraṃ tapanti amaratapaṃ amarabhāvatthāya kataṃ lūkhatapaṃ, attakilamathānuyogo. Sabbānatthāvahaṃ hotīti, ‘‘sabbaṃ tapaṃ mayhaṃ atthāvahaṃ na bhavatī’’ti ñatvā. Phiyārittaṃva dhammanīti araññe thale phiyārittaṃ viya. Idaṃ vuttaṃ hoti – yathā araññe thale nāvaṃ ṭhapetvā bhaṇḍassa pūretvā mahājanā abhirūhitvā phiyārittaṃ gahetvā saṃkaḍḍheyyuṃ ceva uppīleyyuṃ ca, so mahājanassa vāyāmo ekaṅguladvaṅgulamattampi nāvāya gamanaṃ asādhento niratthako bhaveyya na anatthāvaho, evameva ahaṃ ‘sabbaṃ amaraṃ tapaṃ anatthāvahaṃ hotī’ti ñatvā vissajjesinti.
ਇਦਾਨਿ ਤਂ ਅਮਰਂ ਤਪਂ ਪਹਾਯ ਯੇਨ ਮਗ੍ਗੇਨ ਬੁਦ੍ਧੋ ਜਾਤੋ, ਤਂ ਦਸ੍ਸੇਨ੍ਤੋ ਸੀਲਨ੍ਤਿਆਦਿਮਾਹ । ਤਤ੍ਥ ਸੀਲਨ੍ਤਿ વਚਨੇਨ ਸਮ੍ਮਾવਾਚਾਕਮ੍ਮਨ੍ਤਾਜੀવਾ ਗਹਿਤਾ, ਸਮਾਧਿਨਾ ਸਮ੍ਮਾવਾਯਾਮਸਤਿਸਮਾਧਯੋ, ਪਞ੍ਞਾਯ ਸਮ੍ਮਾਦਿਟ੍ਠਿਸਙ੍ਕਪ੍ਪਾ। ਮਗ੍ਗਂ ਬੋਧਾਯ ਭਾવਯਨ੍ਤਿ ਇਮਂ ਅਟ੍ਠਙ੍ਗਿਕਮੇવ ਅਰਿਯਮਗ੍ਗਂ ਬੋਧਤ੍ਥਾਯ ਭਾવਯਨ੍ਤੋ। ਏਤ੍ਥ ਚ ਬੋਧਾਯਾਤਿ ਮਗ੍ਗਤ੍ਥਾਯ। ਯਥਾ ਹਿ ਯਾਗੁਤ੍ਥਾਯ ਯਾਗੁਮੇવ ਪਚਨ੍ਤਿ, ਪੂવਤ੍ਥਾਯ ਪੂવਮੇવ ਪਚਨ੍ਤਿ, ਨ ਅਞ੍ਞਂ ਕਿਞ੍ਚਿ ਕਰੋਨ੍ਤਿ, ਏવਂ ਮਗ੍ਗਮੇવ ਮਗ੍ਗਤ੍ਥਾਯ ਭਾવੇਤਿ। ਤੇਨਾਹ ‘‘ਮਗ੍ਗਂ ਬੋਧਾਯ ਭਾવਯ’’ਨ੍ਤਿ। ਪਰਮਂ ਸੁਦ੍ਧਿਨ੍ਤਿ ਅਰਹਤ੍ਤਂ। ਨਿਹਤੋਤਿ ਤ੍વਂ ਮਯਾ ਨਿਹਤੋ ਪਰਾਜਿਤੋ। ਪਠਮਂ।
Idāni taṃ amaraṃ tapaṃ pahāya yena maggena buddho jāto, taṃ dassento sīlantiādimāha . Tattha sīlanti vacanena sammāvācākammantājīvā gahitā, samādhinā sammāvāyāmasatisamādhayo, paññāya sammādiṭṭhisaṅkappā. Maggaṃ bodhāya bhāvayanti imaṃ aṭṭhaṅgikameva ariyamaggaṃ bodhatthāya bhāvayanto. Ettha ca bodhāyāti maggatthāya. Yathā hi yāgutthāya yāgumeva pacanti, pūvatthāya pūvameva pacanti, na aññaṃ kiñci karonti, evaṃ maggameva maggatthāya bhāveti. Tenāha ‘‘maggaṃ bodhāya bhāvaya’’nti. Paramaṃ suddhinti arahattaṃ. Nihatoti tvaṃ mayā nihato parājito. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਤਪੋਕਮ੍ਮਸੁਤ੍ਤਂ • 1. Tapokammasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਤਪੋਕਮ੍ਮਸੁਤ੍ਤવਣ੍ਣਨਾ • 1. Tapokammasuttavaṇṇanā
