| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. д̇абуссасуд̇д̇ам̣
10. Tapussasuttaṃ
41. згам̣ самаяам̣ бхаг̇аваа маллзсу вихарад̇и урувзлагаббам̣ наама маллаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа урувзлагаббам̣ бин̣д̣ааяа баависи. урувзлагаббз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ааяасманд̇ам̣ аананд̣̇ам̣ ааманд̇зси – ‘‘ид̇хзва д̇аава д̇вам̣, аананд̣̇а, хохи, яааваахам̣ махааванам̣ аж̇жхог̇аахаами д̣̇иваавихаарааяаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махааванам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и.
41. Ekaṃ samayaṃ bhagavā mallesu viharati uruvelakappaṃ nāma mallānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya uruvelakappaṃ piṇḍāya pāvisi. Uruvelakappe piṇḍāya caritvā pacchābhattaṃ piṇḍapātapaṭikkanto āyasmantaṃ ānandaṃ āmantesi – ‘‘idheva tāva tvaṃ, ānanda, hohi, yāvāhaṃ mahāvanaṃ ajjhogāhāmi divāvihārāyā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahāvanaṃ ajjhogāhetvā aññatarasmiṃ rukkhamūle divāvihāraṃ nisīdi.
ат̇а ко д̇абуссо г̇ахабад̇и язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко д̇абуссо г̇ахабад̇и ааяасманд̇ам̣ аананд̣̇ам̣ зд̇ад̣̇авожа –
Atha kho tapusso gahapati yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinno kho tapusso gahapati āyasmantaṃ ānandaṃ etadavoca –
‘‘маяам̣, бханд̇з аананд̣̇а, г̇ихий гаамабхог̇ино гаамаараамаа гаамарад̇аа гаамасаммуд̣̇ид̇аа. д̇зсам̣ но, бханд̇з, амхаагам̣ г̇ихийнам̣ гаамабхог̇ийнам̣ гаамаараамаанам̣ гаамарад̇аанам̣ гаамасаммуд̣̇ид̇аанам̣ бабаад̇о вияа кааяад̇и, яад̣̇ид̣̇ам̣ нзгкаммам̣. суд̇ам̣ мзд̇ам̣, бханд̇з, ‘имасмим̣ д̇хаммавинаяз д̣̇ахараанам̣ д̣̇ахараанам̣ бхигкуунам̣ нзгкаммз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о’ 1. д̇аяид̣̇ам̣, бханд̇з, имасмим̣ д̇хаммавинаяз бхигкуунам̣ б̣ахунаа ж̇анзна висабхааг̇о, яад̣̇ид̣̇ам̣ нзгкамма’’нд̇и.
‘‘Mayaṃ, bhante ānanda, gihī kāmabhogino kāmārāmā kāmaratā kāmasammuditā. Tesaṃ no, bhante, amhākaṃ gihīnaṃ kāmabhogīnaṃ kāmārāmānaṃ kāmaratānaṃ kāmasammuditānaṃ papāto viya khāyati, yadidaṃ nekkhammaṃ. Sutaṃ metaṃ, bhante, ‘imasmiṃ dhammavinaye daharānaṃ daharānaṃ bhikkhūnaṃ nekkhamme cittaṃ pakkhandati pasīdati santiṭṭhati vimuccati etaṃ santanti passato’ 2. Tayidaṃ, bhante, imasmiṃ dhammavinaye bhikkhūnaṃ bahunā janena visabhāgo, yadidaṃ nekkhamma’’nti.
‘‘ад̇т̇и ко зд̇ам̣, г̇ахабад̇и, гат̇аабаабхад̇ам̣ бхаг̇аванд̇ам̣ д̣̇ассанааяа. ааяаама, г̇ахабад̇и, язна бхаг̇аваа д̇знубасан̇гамиссаама; убасан̇гамид̇ваа бхаг̇авад̇о зд̇амад̇т̇ам̣ аарожзссаама. яат̇аа но бхаг̇аваа б̣яаагариссад̇и д̇ат̇аа нам̣ д̇хаарзссаамаа’’д̇и.
‘‘Atthi kho etaṃ, gahapati, kathāpābhataṃ bhagavantaṃ dassanāya. Āyāma, gahapati, yena bhagavā tenupasaṅkamissāma; upasaṅkamitvā bhagavato etamatthaṃ ārocessāma. Yathā no bhagavā byākarissati tathā naṃ dhāressāmā’’ti.
‘‘звам̣, бханд̇з’’д̇и ко д̇абуссо г̇ахабад̇и ааяасмад̇о аананд̣̇асса бажжассоси. ат̇а ко ааяасмаа аананд̣̇о д̇абуссзна г̇ахабад̇инаа сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
‘‘Evaṃ, bhante’’ti kho tapusso gahapati āyasmato ānandassa paccassosi. Atha kho āyasmā ānando tapussena gahapatinā saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘аяам̣ , бханд̇з, д̇абуссо г̇ахабад̇и звамааха – ‘маяам̣, бханд̇з аананд̣̇а, г̇ихий гаамабхог̇ино гаамаараамаа гаамарад̇аа гаамасаммуд̣̇ид̇аа, д̇зсам̣ но бханд̇з, амхаагам̣ г̇ихийнам̣ гаамабхог̇ийнам̣ гаамаараамаанам̣ гаамарад̇аанам̣ гаамасаммуд̣̇ид̇аанам̣ бабаад̇о вияа кааяад̇и, яад̣̇ид̣̇ам̣ нзгкаммам̣’. суд̇ам̣ мзд̇ам̣, бханд̇з, ‘имасмим̣ д̇хаммавинаяз д̣̇ахараанам̣ д̣̇ахараанам̣ бхигкуунам̣ нзгкаммз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. д̇аяид̣̇ам̣, бханд̇з, имасмим̣ д̇хаммавинаяз бхигкуунам̣ б̣ахунаа ж̇анзна висабхааг̇о яад̣̇ид̣̇ам̣ нзгкамма’’’нд̇и.
‘‘Ayaṃ , bhante, tapusso gahapati evamāha – ‘mayaṃ, bhante ānanda, gihī kāmabhogino kāmārāmā kāmaratā kāmasammuditā, tesaṃ no bhante, amhākaṃ gihīnaṃ kāmabhogīnaṃ kāmārāmānaṃ kāmaratānaṃ kāmasammuditānaṃ papāto viya khāyati, yadidaṃ nekkhammaṃ’. Sutaṃ metaṃ, bhante, ‘imasmiṃ dhammavinaye daharānaṃ daharānaṃ bhikkhūnaṃ nekkhamme cittaṃ pakkhandati pasīdati santiṭṭhati vimuccati etaṃ santanti passato. Tayidaṃ, bhante, imasmiṃ dhammavinaye bhikkhūnaṃ bahunā janena visabhāgo yadidaṃ nekkhamma’’’nti.
‘‘звамзд̇ам̣, аананд̣̇а, звамзд̇ам̣, аананд̣̇а! маяхамби ко, аананд̣̇а, буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘саад̇ху нзгкаммам̣ , саад̇ху бавивзго’д̇и. д̇асса маяхам̣, аананд̣̇а, нзгкаммз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз нзгкаммз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘гаамзсу ко мз аад̣̇ийнаво ад̣̇идто, со жа мз аб̣ахулийгад̇о, нзгкаммз жа аанисам̣со анад̇хиг̇ад̇о, со жа мз анаасзвид̇о . д̇асмаа мз нзгкаммз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ гаамзсу аад̣̇ийнавам̣ д̣̇исваа д̇ам̣ б̣ахулам̣ гарзяяам̣ 3, нзгкаммз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз нзгкаммз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна гаамзсу аад̣̇ийнавам̣ д̣̇исваа д̇ам̣ б̣ахуламагаасим̣, нзгкаммз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, нзгкаммз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о гаамасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо . сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз гаамасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Evametaṃ, ānanda, evametaṃ, ānanda! Mayhampi kho, ānanda, pubbeva sambodhā anabhisambuddhassa bodhisattasseva sato etadahosi – ‘sādhu nekkhammaṃ , sādhu paviveko’ti. Tassa mayhaṃ, ānanda, nekkhamme cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me nekkhamme cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘kāmesu kho me ādīnavo adiṭṭho, so ca me abahulīkato, nekkhamme ca ānisaṃso anadhigato, so ca me anāsevito . Tasmā me nekkhamme cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ kāmesu ādīnavaṃ disvā taṃ bahulaṃ kareyyaṃ 4, nekkhamme ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me nekkhamme cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena kāmesu ādīnavaṃ disvā taṃ bahulamakāsiṃ, nekkhamme ānisaṃsaṃ adhigamma tamāseviṃ. Tassa mayhaṃ, ānanda, nekkhamme cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi. Tassa mayhaṃ, ānanda, iminā vihārena viharato kāmasahagatā saññāmanasikārā samudācaranti. Svassa me hoti ābādho . Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me kāmasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, авид̇аггз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз авид̇аггз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘вид̇аггзсу ко мз аад̣̇ийнаво ад̣̇идто, со жа мз аб̣ахулийгад̇о, авид̇аггз жа аанисам̣со анад̇хиг̇ад̇о, со жа мз анаасзвид̇о. д̇асмаа мз авид̇аггз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ вид̇аггзсу аад̣̇ийнавам̣ д̣̇исваа д̇ам̣ б̣ахулам̣ гарзяяам̣, авид̇аггз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз авид̇аггз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна вид̇аггзсу аад̣̇ийнавам̣ д̣̇исваа д̇ам̣ б̣ахуламагаасим̣, авид̇аггз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, авид̇аггз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о вид̇аггасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз вид̇аггасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ vitakkavicārānaṃ vūpasamā…pe… dutiyaṃ jhānaṃ upasampajja vihareyya’nti. Tassa mayhaṃ, ānanda, avitakke cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me avitakke cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘vitakkesu kho me ādīnavo adiṭṭho, so ca me abahulīkato, avitakke ca ānisaṃso anadhigato, so ca me anāsevito. Tasmā me avitakke cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ vitakkesu ādīnavaṃ disvā taṃ bahulaṃ kareyyaṃ, avitakke ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me avitakke cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena vitakkesu ādīnavaṃ disvā taṃ bahulamakāsiṃ, avitakke ānisaṃsaṃ adhigamma tamāseviṃ. Tassa mayhaṃ, ānanda, avitakke cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, vitakkavicārānaṃ vūpasamā…pe… dutiyaṃ jhānaṃ upasampajja viharāmi. Tassa mayhaṃ, ānanda, iminā vihārena viharato vitakkasahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me vitakkasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ бийд̇ияаа жа вирааг̇аа убзгкаго жа вихарзяяам̣ сад̇о жа самбаж̇аано сукан̃жа гааязна бадисам̣взд̣̇зяяам̣ яам̣ д̇ам̣ арияаа аажигканд̇и – убзгкаго сад̇имаа сукавихаарийд̇и д̇ад̇ияам̣ жхаанам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, ниббийд̇игз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо , язна мз ниббийд̇игз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘бийд̇ияаа ко мз аад̣̇ийнаво ад̣̇идто, со жа мз аб̣ахулийгад̇о, ниббийд̇игз жа аанисам̣со анад̇хиг̇ад̇о, со жа мз анаасзвид̇о. д̇асмаа мз ниббийд̇игз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ бийд̇ияаа аад̣̇ийнавам̣ д̣̇исваа д̇ам̣ б̣ахулам̣ гарзяяам̣, ниббийд̇игз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз ниббийд̇игз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна бийд̇ияаа аад̣̇ийнавам̣ д̣̇исваа д̇ам̣ б̣ахуламагаасим̣, ниббийд̇игз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, ниббийд̇игз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о бийд̇исахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз бийд̇исахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ pītiyā ca virāgā upekkhako ca vihareyyaṃ sato ca sampajāno sukhañca kāyena paṭisaṃvedeyyaṃ yaṃ taṃ ariyā ācikkhanti – upekkhako satimā sukhavihārīti tatiyaṃ jhānaṃ upasampajja vihareyya’nti. Tassa mayhaṃ, ānanda, nippītike cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo , yena me nippītike cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘pītiyā kho me ādīnavo adiṭṭho, so ca me abahulīkato, nippītike ca ānisaṃso anadhigato, so ca me anāsevito. Tasmā me nippītike cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ pītiyā ādīnavaṃ disvā taṃ bahulaṃ kareyyaṃ, nippītike ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me nippītike cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena pītiyā ādīnavaṃ disvā taṃ bahulamakāsiṃ, nippītike ānisaṃsaṃ adhigamma tamāseviṃ. Tassa mayhaṃ, ānanda, nippītike cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, pītiyā ca virāgā…pe… tatiyaṃ jhānaṃ upasampajja viharāmi. Tassa mayhaṃ, ānanda, iminā vihārena viharato pītisahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me pītisahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, ад̣̇угкамасукз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз ад̣̇угкамасукз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘убзгкаасукз ко мз аад̣̇ийнаво ад̣̇идто, со жа мз аб̣ахулийгад̇о, ад̣̇угкамасукз жа аанисам̣со анад̇хиг̇ад̇о, со жа мз анаасзвид̇о. д̇асмаа мз ад̣̇угкамасукз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ убзгкаасукз аад̣̇ийнавам̣ д̣̇исваа д̇ам̣ б̣ахулам̣ гарзяяам̣, ад̣̇угкамасукз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз ад̣̇угкамасукз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна убзгкаасукз аад̣̇ийнавам̣ д̣̇исваа д̇ам̣ б̣ахуламагаасим̣ ад̣̇угкамасукз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, ад̣̇угкамасукз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о убзгкаасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз убзгкаасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihareyya’nti. Tassa mayhaṃ, ānanda, adukkhamasukhe cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me adukkhamasukhe cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘upekkhāsukhe kho me ādīnavo adiṭṭho, so ca me abahulīkato, adukkhamasukhe ca ānisaṃso anadhigato, so ca me anāsevito. Tasmā me adukkhamasukhe cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ upekkhāsukhe ādīnavaṃ disvā taṃ bahulaṃ kareyyaṃ, adukkhamasukhe ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me adukkhamasukhe cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena upekkhāsukhe ādīnavaṃ disvā taṃ bahulamakāsiṃ adukkhamasukhe ānisaṃsaṃ adhigamma tamāseviṃ. Tassa mayhaṃ, ānanda, adukkhamasukhe cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sukhassa ca pahānā…pe… catutthaṃ jhānaṃ upasampajja viharāmi. Tassa mayhaṃ, ānanda, iminā vihārena viharato upekkhāsahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me upekkhāsahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘‘ананд̇о аагаасо’’д̇и аагаасаанан̃жааяад̇анам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, аагаасаанан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз аагаасаанан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘руубзсу ко мз аад̣̇ийнаво ад̣̇идто, со жа аб̣ахулийгад̇о, аагаасаанан̃жааяад̇анз жа аанисам̣со анад̇хиг̇ад̇о, со жа мз анаасзвид̇о. д̇асмаа мз аагаасаанан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ руубзсу аад̣̇ийнавам̣ д̣̇исваа д̇ам̣ б̣ахулам̣ гарзяяам̣, аагаасаанан̃жааяад̇анз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз аагаасаанан̃жааяад̇анз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна руубзсу аад̣̇ийнавам̣ д̣̇исваа д̇ам̣ б̣ахуламагаасим̣, аагаасаанан̃жааяад̇анз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, аагаасаанан̃жааяад̇анз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о руубасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз руубасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘‘ananto ākāso’’ti ākāsānañcāyatanaṃ upasampajja vihareyya’nti. Tassa mayhaṃ, ānanda, ākāsānañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me ākāsānañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘rūpesu kho me ādīnavo adiṭṭho, so ca abahulīkato, ākāsānañcāyatane ca ānisaṃso anadhigato, so ca me anāsevito. Tasmā me ākāsānañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ rūpesu ādīnavaṃ disvā taṃ bahulaṃ kareyyaṃ, ākāsānañcāyatane ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me ākāsānañcāyatane cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena rūpesu ādīnavaṃ disvā taṃ bahulamakāsiṃ, ākāsānañcāyatane ānisaṃsaṃ adhigamma tamāseviṃ. Tassa mayhaṃ, ānanda, ākāsānañcāyatane cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharāmi. Tassa mayhaṃ, ānanda, iminā vihārena viharato rūpasahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me rūpasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ саб̣б̣асо аагаасаанан̃жааяад̇анам̣ самад̇иггамма ‘‘ананд̇ам̣ вин̃н̃аан̣а’’нд̇и вин̃н̃аан̣ан̃жааяад̇анам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, вин̃н̃аан̣ан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз вин̃н̃аан̣ан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘аагаасаанан̃жааяад̇анз ко мз аад̣̇ийнаво ад̣̇идто, со жа аб̣ахулийгад̇о, вин̃н̃аан̣ан̃жааяад̇анз жа аанисам̣со анад̇хиг̇ад̇о, со жа мз анаасзвид̇о. д̇асмаа мз вин̃н̃аан̣ан̃жааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ аагаасаанан̃жааяад̇анз аад̣̇ийнавам̣ д̣̇исваа д̇ам̣ б̣ахулам̣ гарзяяам̣, вин̃н̃аан̣ан̃жааяад̇анз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз вин̃н̃аан̣ан̃жааяад̇анз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна аагаасаанан̃жааяад̇анз аад̣̇ийнавам̣ д̣̇исваа д̇ам̣ б̣ахуламагаасим̣, вин̃н̃аан̣ан̃жааяад̇анз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, вин̃н̃аан̣ан̃жааяад̇анз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о аагаасаанан̃жааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа ; звамзвасса мз аагаасаанан̃жааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ sabbaso ākāsānañcāyatanaṃ samatikkamma ‘‘anantaṃ viññāṇa’’nti viññāṇañcāyatanaṃ upasampajja vihareyya’nti. Tassa mayhaṃ, ānanda, viññāṇañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me viññāṇañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘ākāsānañcāyatane kho me ādīnavo adiṭṭho, so ca abahulīkato, viññāṇañcāyatane ca ānisaṃso anadhigato, so ca me anāsevito. Tasmā me viññāṇañcāyatane cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ ākāsānañcāyatane ādīnavaṃ disvā taṃ bahulaṃ kareyyaṃ, viññāṇañcāyatane ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me viññāṇañcāyatane cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena ākāsānañcāyatane ādīnavaṃ disvā taṃ bahulamakāsiṃ, viññāṇañcāyatane ānisaṃsaṃ adhigamma tamāseviṃ. Tassa mayhaṃ, ānanda, viññāṇañcāyatane cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharāmi. Tassa mayhaṃ, ānanda, iminā vihārena viharato ākāsānañcāyatanasahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya ; evamevassa me ākāsānañcāyatanasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, аагин̃жан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз аагин̃жан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘вин̃н̃аан̣ан̃жааяад̇анз ко мз аад̣̇ийнаво ад̣̇идто, со жа мз аб̣ахулийгад̇о, аагин̃жан̃н̃ааяад̇анз жа аанисам̣со анад̇хиг̇ад̇о, со жа мз анаасзвид̇о. д̇асмаа мз аагин̃жан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ вин̃н̃аан̣ан̃жааяад̇анз аад̣̇ийнавам̣ д̣̇исваа д̇ам̣ б̣ахулам̣ гарзяяам̣, аагин̃жан̃н̃ааяад̇анз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз аагин̃жан̃н̃ааяад̇анз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна вин̃н̃аан̣ан̃жааяад̇анз аад̣̇ийнавам̣ д̣̇исваа д̇ам̣ б̣ахуламагаасим̣, аагин̃жан̃н̃ааяад̇анз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, аагин̃жан̃н̃ааяад̇анз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о вин̃н̃аан̣ан̃жааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз вин̃н̃аан̣ан̃жааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja vihareyya’nti. Tassa mayhaṃ, ānanda, ākiñcaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me ākiñcaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘viññāṇañcāyatane kho me ādīnavo adiṭṭho, so ca me abahulīkato, ākiñcaññāyatane ca ānisaṃso anadhigato, so ca me anāsevito. Tasmā me ākiñcaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ viññāṇañcāyatane ādīnavaṃ disvā taṃ bahulaṃ kareyyaṃ, ākiñcaññāyatane ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me ākiñcaññāyatane cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena viññāṇañcāyatane ādīnavaṃ disvā taṃ bahulamakāsiṃ, ākiñcaññāyatane ānisaṃsaṃ adhigamma tamāseviṃ. Tassa mayhaṃ, ānanda, ākiñcaññāyatane cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharāmi. Tassa mayhaṃ, ānanda, iminā vihārena viharato viññāṇañcāyatanasahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me viññāṇañcāyatanasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, нзвасан̃н̃аанаасан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у го бажжаяо, язна мз нзвасан̃н̃аанаасан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘аагин̃жан̃н̃ааяад̇анз ко мз аад̣̇ийнаво ад̣̇идто, со жа мз аб̣ахулийгад̇о, нзвасан̃н̃аанаасан̃н̃ааяад̇анз жа аанисам̣со анад̇хиг̇ад̇о, со жа мз анаасзвид̇о. д̇асмаа мз нзвасан̃н̃аанаасан̃н̃ааяад̇анз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ аагин̃жан̃н̃ааяад̇анз аад̣̇ийнавам̣ д̣̇исваа д̇ам̣ б̣ахулам̣ гарзяяам̣, нзвасан̃н̃аанаасан̃н̃ааяад̇анз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз нзвасан̃н̃аанаасан̃н̃ааяад̇анз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна аагин̃жан̃н̃ааяад̇анз аад̣̇ийнавам̣ д̣̇исваа д̇ам̣ б̣ахуламагаасим̣, нзвасан̃н̃аанаасан̃н̃ааяад̇анз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, нзвасан̃н̃аанаасан̃н̃ааяад̇анз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихараами. д̇асса маяхам̣, аананд̣̇а, иминаа вихаарзна вихарад̇о аагин̃жан̃н̃ааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо. сзяяат̇ааби, аананд̣̇а, сукино д̣̇угкам̣ уббаж̇ж̇зяяа яаавад̣̇зва ааб̣аад̇хааяа; звамзвасса мз аагин̃жан̃н̃ааяад̇анасахаг̇ад̇аа сан̃н̃ааманасигаараа самуд̣̇аажаранд̇и. свасса мз ход̇и ааб̣аад̇хо.
‘‘Tassa mayhaṃ, ānanda, etadahosi – ‘yaṃnūnāhaṃ sabbaso ākiñcaññāyatanaṃ samatikkamma nevasaññānāsaññāyatanaṃ upasampajja vihareyya’nti. Tassa mayhaṃ, ānanda, nevasaññānāsaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu ko paccayo, yena me nevasaññānāsaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘ākiñcaññāyatane kho me ādīnavo adiṭṭho, so ca me abahulīkato, nevasaññānāsaññāyatane ca ānisaṃso anadhigato, so ca me anāsevito. Tasmā me nevasaññānāsaññāyatane cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ ākiñcaññāyatane ādīnavaṃ disvā taṃ bahulaṃ kareyyaṃ, nevasaññānāsaññāyatane ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me nevasaññānāsaññāyatane cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena ākiñcaññāyatane ādīnavaṃ disvā taṃ bahulamakāsiṃ, nevasaññānāsaññāyatane ānisaṃsaṃ adhigamma tamāseviṃ. Tassa mayhaṃ, ānanda, nevasaññānāsaññāyatane cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharāmi. Tassa mayhaṃ, ānanda, iminā vihārena viharato ākiñcaññāyatanasahagatā saññāmanasikārā samudācaranti. Svassa me hoti ābādho. Seyyathāpi, ānanda, sukhino dukkhaṃ uppajjeyya yāvadeva ābādhāya; evamevassa me ākiñcaññāyatanasahagatā saññāmanasikārā samudācaranti. Svassa me hoti ābādho.
‘‘д̇асса маяхам̣, аананд̣̇а, зд̇ад̣̇ахоси – ‘яам̣нуунаахам̣ нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарзяяа’нд̇и. д̇асса маяхам̣, аананд̣̇а, сан̃н̃аавзд̣̇аяид̇анирод̇хз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о. д̇асса маяхам̣, аананд̣̇а, зд̇ад̣̇ахоси – ‘го ну ко хзд̇у, го бажжаяо, язна мз сан̃н̃аавзд̣̇аяид̇анирод̇хз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’? д̇асса маяхам̣, аананд̣̇а, зд̇ад̣̇ахоси – ‘нзвасан̃н̃аанаасан̃н̃ааяад̇анз ко мз аад̣̇ийнаво ад̣̇идто, со жа мз аб̣ахулийгад̇о, сан̃н̃аавзд̣̇аяид̇анирод̇хз жа аанисам̣со анад̇хиг̇ад̇о, со жа мз анаасзвид̇о. д̇асмаа мз сан̃н̃аавзд̣̇аяид̇анирод̇хз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и зд̇ам̣ санд̇анд̇и бассад̇о’. д̇асса маяхам̣, аананд̣̇а, зд̇ад̣̇ахоси – ‘сажз ко ахам̣ нзвасан̃н̃аанаасан̃н̃ааяад̇анз аад̣̇ийнавам̣ д̣̇исваа д̇ам̣ б̣ахулам̣ гарзяяам̣, сан̃н̃аавзд̣̇аяид̇анирод̇хз аанисам̣сам̣ ад̇хиг̇амма д̇амаасзвзяяам̣, таанам̣ ко банзд̇ам̣ виж̇ж̇ад̇и яам̣ мз сан̃н̃аавзд̣̇аяид̇анирод̇хз жид̇д̇ам̣ багканд̣̇зяяа басийд̣̇зяяа санд̇идтзяяа вимужжзяяа зд̇ам̣ санд̇анд̇и бассад̇о’. со ко ахам̣, аананд̣̇а, абарзна самаязна нзвасан̃н̃аанаасан̃н̃ааяад̇анз аад̣̇ийнавам̣ д̣̇исваа д̇ам̣ б̣ахуламагаасим̣ , сан̃н̃аавзд̣̇аяид̇анирод̇хз аанисам̣сам̣ ад̇хиг̇амма д̇амаасзвим̣. д̇асса маяхам̣, аананд̣̇а, сан̃н̃аавзд̣̇аяид̇анирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и зд̇ам̣ санд̇анд̇и бассад̇о. со ко ахам̣, аананд̣̇а, саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихараами, бан̃н̃ааяа жа мз д̣̇исваа аасаваа баригкаяам̣ аг̇амам̣су.
‘‘Tassa mayhaṃ, ānanda, etadahosi – ‘yaṃnūnāhaṃ nevasaññānāsaññāyatanaṃ samatikkamma saññāvedayitanirodhaṃ upasampajja vihareyya’nti. Tassa mayhaṃ, ānanda, saññāvedayitanirodhe cittaṃ na pakkhandati nappasīdati na santiṭṭhati na vimuccati etaṃ santanti passato. Tassa mayhaṃ, ānanda, etadahosi – ‘ko nu kho hetu, ko paccayo, yena me saññāvedayitanirodhe cittaṃ na pakkhandati nappasīdati na santiṭṭhati na vimuccati etaṃ santanti passato’? Tassa mayhaṃ, ānanda, etadahosi – ‘nevasaññānāsaññāyatane kho me ādīnavo adiṭṭho, so ca me abahulīkato, saññāvedayitanirodhe ca ānisaṃso anadhigato, so ca me anāsevito. Tasmā me saññāvedayitanirodhe cittaṃ na pakkhandati nappasīdati na santiṭṭhati na vimuccati etaṃ santanti passato’. Tassa mayhaṃ, ānanda, etadahosi – ‘sace kho ahaṃ nevasaññānāsaññāyatane ādīnavaṃ disvā taṃ bahulaṃ kareyyaṃ, saññāvedayitanirodhe ānisaṃsaṃ adhigamma tamāseveyyaṃ, ṭhānaṃ kho panetaṃ vijjati yaṃ me saññāvedayitanirodhe cittaṃ pakkhandeyya pasīdeyya santiṭṭheyya vimucceyya etaṃ santanti passato’. So kho ahaṃ, ānanda, aparena samayena nevasaññānāsaññāyatane ādīnavaṃ disvā taṃ bahulamakāsiṃ , saññāvedayitanirodhe ānisaṃsaṃ adhigamma tamāseviṃ. Tassa mayhaṃ, ānanda, saññāvedayitanirodhe cittaṃ pakkhandati pasīdati santiṭṭhati vimuccati etaṃ santanti passato. So kho ahaṃ, ānanda, sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharāmi, paññāya ca me disvā āsavā parikkhayaṃ agamaṃsu.
‘‘яаавагийван̃жаахам̣ , аананд̣̇а, имаа нава анубуб̣б̣авихаарасамаабад̇д̇ияо на звам̣ ануломабадиломам̣ самаабаж̇ж̇имби вудтахимби, нзва д̇ааваахам̣, аананд̣̇а, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и бажжан̃н̃аасим̣. яад̇о жа ко ахам̣, аананд̣̇а, имаа нава анубуб̣б̣авихаарасамаабад̇д̇ияо звам̣ ануломабадиломам̣ самаабаж̇ж̇имби вудтахимби, ат̇аахам̣, аананд̣̇а, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз жзд̇овимуд̇д̇и 5, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и. д̣̇асамам̣.
‘‘Yāvakīvañcāhaṃ , ānanda, imā nava anupubbavihārasamāpattiyo na evaṃ anulomapaṭilomaṃ samāpajjimpi vuṭṭhahimpi, neva tāvāhaṃ, ānanda, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Yato ca kho ahaṃ, ānanda, imā nava anupubbavihārasamāpattiyo evaṃ anulomapaṭilomaṃ samāpajjimpi vuṭṭhahimpi, athāhaṃ, ānanda, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Ñāṇañca pana me dassanaṃ udapādi – ‘akuppā me cetovimutti 6, ayamantimā jāti, natthi dāni punabbhavo’’’ti. Dasamaṃ.
махааваг̇г̇о жад̇уд̇т̇о.
Mahāvaggo catuttho.
д̇ассуд̣̇д̣̇аанам̣ –
Tassuddānaṃ –
д̣̇вз вихаараа жа ниб̣б̣аанам̣, г̇аавий жхаанзна бан̃жамам̣;
Dve vihārā ca nibbānaṃ, gāvī jhānena pañcamaṃ;
аананд̣̇о б̣раахман̣аа д̣̇зво, нааг̇зна д̇абуссзна жаад̇и.
Ānando brāhmaṇā devo, nāgena tapussena cāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̇абуссасуд̇д̇аван̣н̣анаа • 10. Tapussasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. д̇абуссасуд̇д̇аван̣н̣анаа • 10. Tapussasuttavaṇṇanā
