| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਤਪੁਸ੍ਸਸੁਤ੍ਤવਣ੍ਣਨਾ
10. Tapussasuttavaṇṇanā
੪੧. ਦਸਮੇ ਮਲ੍ਲੇਸੂਤਿ ਮਲ੍ਲਰਟ੍ਠੇ। ਇਧੇવ ਤਾવ ਤ੍વਂ, ਆਨਨ੍ਦ, ਹੋਤੀਤਿ ਇਧ ਭਗવਾ ‘‘ਤਪੁਸ੍ਸਗਹਪਤਿਨੋ ਇਧ ਠਿਤੇਨ ਆਨਨ੍ਦੇਨ ਸਦ੍ਧਿਂ ਕਥਾਸਲ੍ਲਾਪੋ ਭવਿਸ੍ਸਤਿ, ਤਤੋਨਿਦਾਨਂ ਅਹਂ ਮਹਨ੍ਤਂ ਧਮ੍ਮਪਰਿਯਾਯਂ ਦੇਸੇਸ੍ਸਾਮੀ’’ਤਿ ਞਤ੍વਾ ਆਹ। ਉਪਸਙ੍ਕਮੀਤਿ ਸੋ ਕਿਰ ਭੁਤ੍ਤਪਾਤਰਾਸੋ ‘‘ਦਸਬਲਸ੍ਸ ਉਪਟ੍ਠਾਨਂ ਗਮਿਸ੍ਸਾਮੀ’’ਤਿ ਨਿਕ੍ਖਮਨ੍ਤੋ ਦੂਰਤੋવ ਥੇਰਂ ਦਿਸ੍વਾ ਯੇਨਾਯਸ੍ਮਾ ਆਨਨ੍ਦੋ ਤੇਨੁਪਸਙ੍ਕਮਿ। ਪਪਾਤੋ વਿਯ ਖਾਯਤਿ, ਯਦਿਦਂ ਨੇਕ੍ਖਮ੍ਮਨ੍ਤਿ ਯਮਿਦਂ ਪਬ੍ਬਜ੍ਜਾਸਙ੍ਖਾਤਂ ਨੇਕ੍ਖਮ੍ਮਂ, ਤਂ ਅਮ੍ਹਾਕਂ ਮਹਾਪਪਾਤੋ વਿਯ ਓਗਾਹਿਤ੍વਾ ਉਪਟ੍ਠਾਤਿ। ਨੇਕ੍ਖਮ੍ਮੇ ਚਿਤ੍ਤਂ ਪਕ੍ਖਨ੍ਦਤੀਤਿ ਪਬ੍ਬਜ੍ਜਾਯ ਚਿਤ੍ਤਂ ਆਰਮ੍ਮਣવਸੇਨ ਪਕ੍ਖਨ੍ਦਤਿ, ਤਦੇવ ਆਰਮ੍ਮਣਂ ਕਤ੍વਾ ਪਸੀਦਤਿ, ਤਦੇવ ਪਤਿਟ੍ਠਾਤਿ, ਪਚ੍ਚਨੀਕਧਮ੍ਮੇਹਿ ਚ વਿਮੁਚ੍ਚਤਿ। ‘ਏਤਂ ਸਨ੍ਤ’ਨ੍ਤਿ ਪਸ੍ਸਤੋਤਿ ਏਤਂ ਨੇਕ੍ਖਮ੍ਮਂ ਸਨ੍ਤਂ વਿਗਤਦਰਥਪਰਿਲ਼ਾਹਨ੍ਤਿ ਏવਂ ਪਸ੍ਸਨ੍ਤਾਨਂ ਭਿਕ੍ਖੂਨਂ। ਬਹੁਨਾ ਜਨੇਨ વਿਸਭਾਗੋਤਿ ਤਯਿਦਂ ਬਹੁਨਾ ਮਹਾਜਨੇਨ ਸਦ੍ਧਿਂ ਭਿਕ੍ਖੂਨਂ વਿਸਭਾਗਂ, ਅਸਦਿਸਨ੍ਤਿ ਅਤ੍ਥੋ।
41. Dasame mallesūti mallaraṭṭhe. Idheva tāva tvaṃ, ānanda, hotīti idha bhagavā ‘‘tapussagahapatino idha ṭhitena ānandena saddhiṃ kathāsallāpo bhavissati, tatonidānaṃ ahaṃ mahantaṃ dhammapariyāyaṃ desessāmī’’ti ñatvā āha. Upasaṅkamīti so kira bhuttapātarāso ‘‘dasabalassa upaṭṭhānaṃ gamissāmī’’ti nikkhamanto dūratova theraṃ disvā yenāyasmā ānando tenupasaṅkami. Papāto viya khāyati, yadidaṃ nekkhammanti yamidaṃ pabbajjāsaṅkhātaṃ nekkhammaṃ, taṃ amhākaṃ mahāpapāto viya ogāhitvā upaṭṭhāti. Nekkhamme cittaṃ pakkhandatīti pabbajjāya cittaṃ ārammaṇavasena pakkhandati, tadeva ārammaṇaṃ katvā pasīdati, tadeva patiṭṭhāti, paccanīkadhammehi ca vimuccati. ‘Etaṃ santa’nti passatoti etaṃ nekkhammaṃ santaṃ vigatadarathapariḷāhanti evaṃ passantānaṃ bhikkhūnaṃ. Bahunā janena visabhāgoti tayidaṃ bahunā mahājanena saddhiṃ bhikkhūnaṃ visabhāgaṃ, asadisanti attho.
ਕਥਾਪਾਭਤਨ੍ਤਿ ਕਥਾਮੂਲਂ। ਤਸ੍ਸ ਮਯ੍ਹਂ, ਆਨਨ੍ਦ, ਨੇਕ੍ਖਮ੍ਮੇ ਚਿਤ੍ਤਂ ਨ ਪਕ੍ਖਨ੍ਦਤੀਤਿ ਤਸ੍ਸ ਏવਂ વਿਤਕ੍ਕੇਨ੍ਤਸ੍ਸਾਪਿ ਮਯ੍ਹਂ ਪਬ੍ਬਜ੍ਜਾਯ ਚਿਤ੍ਤਂ ਨ ਓਤਰਤਿ। ‘‘ਏਤਂ ਸਨ੍ਤ’’ਨ੍ਤਿ ਪਸ੍ਸਤੋਤਿ ‘‘ਸਾਧੁ ਨੇਕ੍ਖਮ੍ਮ’’ਨ੍ਤਿ ਪਰਿવਿਤਕ੍ਕਨવਸੇਨ ‘‘ਏਤਂ ਨੇਕ੍ਖਮ੍ਮਂ ਸਨ੍ਤ’’ਨ੍ਤਿ ਪਸ੍ਸਨ੍ਤਸ੍ਸਪਿ। ਅਨਾਸੇવਿਤੋਤਿ ਨ ਆਸੇવਿਤੋ ਨ ਫਸ੍ਸਿਤੋ ਨ ਸਚ੍ਛਿਕਤੋ। ਅਧਿਗਮ੍ਮਾਤਿ ਅਧਿਗਨ੍ਤ੍વਾ ਪਤ੍વਾ ਸਚ੍ਛਿਕਤ੍વਾ। ਤਮਾਸੇવੇਯ੍ਯਨ੍ਤਿ ਤਂ ਆਨਿਸਂਸਂ ਸੇવੇਯ੍ਯਂ ਭਜੇਯ੍ਯਂ। ਯਂ ਮੇਤਿ ਯੇਨ ਕਾਰਣੇਨ ਮਯ੍ਹਂ। ਅਧਿਗਮ੍ਮਾਤਿ ਅਧਿਗਨ੍ਤ੍વਾ। ਸ੍વਾਸ੍ਸ ਮੇ ਹੋਤਿ ਆਬਾਧੋਤਿ ਸੋ ਮਯ੍ਹਂ ਆਬਾਧਨਟ੍ਠੇਨ ਆਬਾਧੋ ਹੋਤਿ। ਅવਿਤਕ੍ਕੇ ਚਿਤ੍ਤਂ ਨ ਪਕ੍ਖਨ੍ਦਤੀਤਿ ਅવਿਤਕ੍ਕવਿਚਾਰੇ ਦੁਤਿਯਜ੍ਝਾਨੇ ਆਰਮ੍ਮਣવਸੇਨ ਚਿਤ੍ਤਂ ਨ ਪਕ੍ਖਨ੍ਦਤਿ। વਿਤਕ੍ਕੇਸੂਤਿ વਿਤਕ੍ਕવਿਚਾਰੇਸੁ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
Kathāpābhatanti kathāmūlaṃ. Tassa mayhaṃ, ānanda, nekkhamme cittaṃ na pakkhandatīti tassa evaṃ vitakkentassāpi mayhaṃ pabbajjāya cittaṃ na otarati. ‘‘Etaṃsanta’’nti passatoti ‘‘sādhu nekkhamma’’nti parivitakkanavasena ‘‘etaṃ nekkhammaṃ santa’’nti passantassapi. Anāsevitoti na āsevito na phassito na sacchikato. Adhigammāti adhigantvā patvā sacchikatvā. Tamāseveyyanti taṃ ānisaṃsaṃ seveyyaṃ bhajeyyaṃ. Yaṃmeti yena kāraṇena mayhaṃ. Adhigammāti adhigantvā. Svāssa me hoti ābādhoti so mayhaṃ ābādhanaṭṭhena ābādho hoti. Avitakke cittaṃ na pakkhandatīti avitakkavicāre dutiyajjhāne ārammaṇavasena cittaṃ na pakkhandati. Vitakkesūti vitakkavicāresu. Sesaṃ sabbattha uttānatthamevāti.
ਮਹਾવਗ੍ਗੋ ਚਤੁਤ੍ਥੋ।
Mahāvaggo catuttho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਤਪੁਸ੍ਸਸੁਤ੍ਤਂ • 10. Tapussasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਤਪੁਸ੍ਸਸੁਤ੍ਤવਣ੍ਣਨਾ • 10. Tapussasuttavaṇṇanā
