| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ตรณิยเตฺถรอปทานํ
10. Taraṇiyattheraapadānaṃ
๓๙.
39.
‘‘สุวณฺณวโณฺณ สมฺพุโทฺธ, วิปสฺสี ทกฺขิณารโห;
‘‘Suvaṇṇavaṇṇo sambuddho, vipassī dakkhiṇāraho;
นทีตีเร ฐิโต สตฺถา, ภิกฺขุสงฺฆปุรกฺขโตฯ
Nadītīre ṭhito satthā, bhikkhusaṅghapurakkhato.
๔๐.
40.
‘‘นาวา น วิชฺชเต ตตฺถ, สนฺตารณี มหณฺณเว;
‘‘Nāvā na vijjate tattha, santāraṇī mahaṇṇave;
นทิยา อภินิกฺขมฺม, ตาเรสิํ โลกนายกํฯ
Nadiyā abhinikkhamma, tāresiṃ lokanāyakaṃ.
๔๑.
41.
‘‘เอกนวุติโต กเปฺป, ยํ ตาเรสิํ นรุตฺตมํ;
‘‘Ekanavutito kappe, yaṃ tāresiṃ naruttamaṃ;
ทุคฺคติํ นาภิชานามิ, ตรณาย อิทํ ผลํฯ
Duggatiṃ nābhijānāmi, taraṇāya idaṃ phalaṃ.
๔๒.
42.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ตรณิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā taraṇiyo thero imā gāthāyo abhāsitthāti.
ตรณิยเตฺถรสฺสาปทานํ ทสมํฯ
Taraṇiyattherassāpadānaṃ dasamaṃ.
ปทุมุกฺขิปวโคฺค สตฺตวีสติโมฯ
Padumukkhipavaggo sattavīsatimo.
ตสฺสุทฺทานํ –
Tassuddānaṃ –
อุกฺขิปี เตลจนฺที จ, ทีปโท จ พิฬาลิโท;
Ukkhipī telacandī ca, dīpado ca biḷālido;
มโจฺฉ ชโว สฬลโท, รกฺขโส ตรโณ ทส;
Maccho javo saḷalado, rakkhaso taraṇo dasa;
คาถาโย เจตฺถ สงฺขาตา, ตาลีสํ เจกเมว จาติฯ
Gāthāyo cettha saṅkhātā, tālīsaṃ cekameva cāti.
