| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ตรณียเตฺถรอปทานํ
10. Taraṇīyattheraapadānaṃ
๓๘.
38.
‘‘มหาปถมฺหิ วิสเม, เสตุ การาปิโต มยา;
‘‘Mahāpathamhi visame, setu kārāpito mayā;
ตรณตฺถาย โลกสฺส, ปสโนฺน เสหิ ปาณิภิฯ
Taraṇatthāya lokassa, pasanno sehi pāṇibhi.
๓๙.
39.
‘‘เอกนวุติโต กเปฺป, โย เสตุ การิโต มยา;
‘‘Ekanavutito kappe, yo setu kārito mayā;
ทุคฺคติํ นาภิชานามิ, เสตุทานสฺสิทํ ผลํฯ
Duggatiṃ nābhijānāmi, setudānassidaṃ phalaṃ.
๔๐.
40.
‘‘ปญฺจปญฺญาสิโต กเปฺป, เอโก อาสิํ สโมคโธ;
‘‘Pañcapaññāsito kappe, eko āsiṃ samogadho;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔๑.
41.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ตรณีโย เถโร อิมา คาถาโย อภาสิตฺถาติฯ
Itthaṃ sudaṃ āyasmā taraṇīyo thero imā gāthāyo abhāsitthāti.
ตรณียเตฺถรสฺสาปทานํ ทสมํฯ
Taraṇīyattherassāpadānaṃ dasamaṃ.
สุวณฺณพิโพฺพหนวโคฺค อฎฺฐวีสติโมฯ
Suvaṇṇabibbohanavaggo aṭṭhavīsatimo.
ตสฺสุทฺทานํ –
Tassuddānaṃ –
สุวณฺณํ ติลมุฎฺฐิ จ, จโงฺกฎพฺภญฺชนญฺชลี;
Suvaṇṇaṃ tilamuṭṭhi ca, caṅkoṭabbhañjanañjalī;
โปตฺถโก จิตมาลุวา, เอกปุณฺฑรี เสตุนา;
Potthako citamāluvā, ekapuṇḍarī setunā;
เทฺวจตฺตาลีส คาถาโย, คณิตาโย วิภาวิภีติฯ
Dvecattālīsa gāthāyo, gaṇitāyo vibhāvibhīti.
เอกาทสมํ ภาณวารํฯ
Ekādasamaṃ bhāṇavāraṃ.
