| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. තරණියත්‌ථෙරඅපදානං
4. Taraṇiyattheraapadānaṃ
15.
15.
‘‘අත්‌ථදස්‌සී තු භගවා, ද්‌විපදින්‌දො නරාසභො;
‘‘Atthadassī tu bhagavā, dvipadindo narāsabho;
පුරක්‌ඛතො සාවකෙහි, ගඞ්‌ගාතීරමුපාගමි.
Purakkhato sāvakehi, gaṅgātīramupāgami.
16.
16.
‘‘සමතිත්‌ති කාකපෙය්‍යා, ගඞ්‌ගා ආසි දුරුත්‌තරා;
‘‘Samatitti kākapeyyā, gaṅgā āsi duruttarā;
උත්‌තාරයිං භික්‌ඛුසඞ්‌ඝං, බුද්‌ධඤ්‌ච ද්‌විපදුත්‌තමං.
Uttārayiṃ bhikkhusaṅghaṃ, buddhañca dvipaduttamaṃ.
17.
17.
‘‘අට්‌ඨාරසෙ කප්‌පසතෙ, යං කම්‌මමකරිං තදා;
‘‘Aṭṭhārase kappasate, yaṃ kammamakariṃ tadā;
දුග්‌ගතිං නාභිජානාමි, තරණාය ඉදං ඵලං.
Duggatiṃ nābhijānāmi, taraṇāya idaṃ phalaṃ.
18.
18.
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
19.
19.
‘‘පච්‌ඡිමෙ ච භවෙ අස්‌මිං, ජාතොහං බ්‍රාහ්‌මණෙ කුලෙ;
‘‘Pacchime ca bhave asmiṃ, jātohaṃ brāhmaṇe kule;
සද්‌ධිං තීහි සහායෙහි, පබ්‌බජිං සත්‌ථු සාසනෙ.
Saddhiṃ tīhi sahāyehi, pabbajiṃ satthu sāsane.
20.
20.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තරණියො ථෙරො ඉමා ගාථායො අභාසිත්‌ථාති;
Itthaṃ sudaṃ āyasmā taraṇiyo thero imā gāthāyo abhāsitthāti;
තරණියත්‌ථෙරස්‌සාපදානං චතුත්‌ථං.
Taraṇiyattherassāpadānaṃ catutthaṃ.
Footnotes:
