| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. තරණියත්‌ථෙරඅපදානං
10. Taraṇiyattheraapadānaṃ
39.
39.
‘‘සුවණ්‌ණවණ්‌ණො සම්‌බුද්‌ධො, විපස්‌සී දක්‌ඛිණාරහො;
‘‘Suvaṇṇavaṇṇo sambuddho, vipassī dakkhiṇāraho;
නදීතීරෙ ඨිතො සත්‌ථා, භික්‌ඛුසඞ්‌ඝපුරක්‌ඛතො.
Nadītīre ṭhito satthā, bhikkhusaṅghapurakkhato.
40.
40.
‘‘නාවා න විජ්‌ජතෙ තත්‌ථ, සන්‌තාරණී මහණ්‌ණවෙ;
‘‘Nāvā na vijjate tattha, santāraṇī mahaṇṇave;
නදියා අභිනික්‌ඛම්‌ම, තාරෙසිං ලොකනායකං.
Nadiyā abhinikkhamma, tāresiṃ lokanāyakaṃ.
41.
41.
‘‘එකනවුතිතො කප්‌පෙ, යං තාරෙසිං නරුත්‌තමං;
‘‘Ekanavutito kappe, yaṃ tāresiṃ naruttamaṃ;
දුග්‌ගතිං නාභිජානාමි, තරණාය ඉදං ඵලං.
Duggatiṃ nābhijānāmi, taraṇāya idaṃ phalaṃ.
42.
42.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තරණියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā taraṇiyo thero imā gāthāyo abhāsitthāti.
තරණියත්‌ථෙරස්‌සාපදානං දසමං.
Taraṇiyattherassāpadānaṃ dasamaṃ.
පදුමුක්‌ඛිපවග්‌ගො සත්‌තවීසතිමො.
Padumukkhipavaggo sattavīsatimo.
තස්‌සුද්‌දානං –
Tassuddānaṃ –
උක්‌ඛිපී තෙලචන්‌දී ච, දීපදො ච බිළාලිදො;
Ukkhipī telacandī ca, dīpado ca biḷālido;
මච්‌ඡො ජවො සළලදො, රක්‌ඛසො තරණො දස;
Maccho javo saḷalado, rakkhaso taraṇo dasa;
ගාථායො චෙත්‌ථ සඞ්‌ඛාතා, තාලීසං චෙකමෙව චාති.
Gāthāyo cettha saṅkhātā, tālīsaṃ cekameva cāti.
