| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
171. д̇арун̣абасаннамахаамад̇д̇авад̇т̇у
171. Taruṇapasannamahāmattavatthu
283. ассосум̣ ко мануссаа бхаг̇авад̇аа гира яааг̇у анун̃н̃аад̇аа мад̇хуг̇ол̣аган̃жаад̇и. д̇з гаалассзва, бхож̇ж̇аяааг̇ум̣ бадияаад̣̇знд̇и мад̇хуг̇ол̣аган̃жа. бхигкуу гаалассзва бхож̇ж̇аяааг̇уяаа д̇хаад̇аа мад̇хуг̇ол̣агзна жа бхад̇д̇аг̇г̇з на жид̇д̇аруубам̣ барибхун̃ж̇анд̇и. д̇зна ко бана самаязна ан̃н̃ад̇арзна д̇арун̣абасаннзна махаамад̇д̇зна сваад̇анааяа б̣уд̣̇д̇хаббамуко бхигкусан̇гхо ниманд̇ид̇о ход̇и. ат̇а ко д̇асса д̇арун̣абасаннасса махаамад̇д̇асса зд̇ад̣̇ахоси – ‘‘яам̣нуунаахам̣ ад̣дхад̇зласаннам̣ бхигкусад̇аанам̣ ад̣дхад̇зласаани мам̣сабаад̇исад̇аани бадияаад̣̇зяяам̣, згамзгасса бхигкуно згамзгам̣ мам̣сабаад̇им̣ убанаамзяяа’’нд̇и. ат̇а ко со д̇арун̣абасанно махаамад̇д̇о д̇ассаа рад̇д̇ияаа ажжаязна бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа ад̣дхад̇зласаани жа мам̣сабаад̇исад̇аани, бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇асса д̇арун̣абасаннасса махаамад̇д̇асса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и, сад̣̇д̇хим̣ бхигкусан̇гхзна. ат̇а ко со д̇арун̣абасанно махаамад̇д̇о бхад̇д̇аг̇г̇з бхигкуу баривисад̇и. бхигкуу звамаахам̣су – ‘‘т̇огам̣, аавусо, д̣̇зхи; т̇огам̣, аавусо, д̣̇зхий’’д̇и. ‘‘маа ко д̇умхз, бханд̇з, – ‘аяам̣ д̇арун̣абасанно махаамад̇д̇о’д̇и – т̇огам̣ т̇огам̣ бадиг̇г̇ан̣хат̇а. б̣ахум̣ мз каад̣̇анийяам̣ бхож̇анийяам̣ бадияад̇д̇ам̣, ад̣дхад̇зласаани жа мам̣сабаад̇исад̇аани. згамзгасса бхигкуно згамзгам̣ мам̣сабаад̇им̣ убанаамзссаамийд̇и. бадиг̇г̇ан̣хат̇а, бханд̇з, яаавад̣̇ад̇т̇а’’нд̇и. ‘‘на ко маяам̣, аавусо, зд̇ам̣гааран̣аа т̇огам̣ т̇огам̣ бадиг̇г̇ан̣хаама, аби жа маяам̣ гаалассзва бхож̇ж̇аяааг̇уяаа д̇хаад̇аа мад̇хуг̇ол̣агзна жа. д̇зна маяам̣ т̇огам̣ т̇огам̣ бадиг̇г̇ан̣хаамаа’’д̇и. ат̇а ко со д̇арун̣абасанно махаамад̇д̇о уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа маяаа ниманд̇ид̇аа ан̃н̃асса бхож̇ж̇аяааг̇ум̣ барибхун̃ж̇иссанд̇и, на жаахам̣ бадиб̣ало яаавад̣̇ад̇т̇ам̣ д̣̇аад̇у’’нд̇и губид̇о анад̇д̇амано аасаад̣̇анаабзгко бхигкуунам̣ бад̇д̇з буурзнд̇о аг̇амааси – бхун̃ж̇ат̇а ваа харат̇а ваад̇и. ат̇а ко со д̇арун̣абасанно махаамад̇д̇о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ д̇арун̣абасаннам̣ махаамад̇д̇ам̣ бхаг̇аваа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.
283. Assosuṃ kho manussā bhagavatā kira yāgu anuññātā madhugoḷakañcāti. Te kālasseva, bhojjayāguṃ paṭiyādenti madhugoḷakañca. Bhikkhū kālasseva bhojjayāguyā dhātā madhugoḷakena ca bhattagge na cittarūpaṃ paribhuñjanti. Tena kho pana samayena aññatarena taruṇapasannena mahāmattena svātanāya buddhappamukho bhikkhusaṅgho nimantito hoti. Atha kho tassa taruṇapasannassa mahāmattassa etadahosi – ‘‘yaṃnūnāhaṃ aḍḍhatelasannaṃ bhikkhusatānaṃ aḍḍhatelasāni maṃsapātisatāni paṭiyādeyyaṃ, ekamekassa bhikkhuno ekamekaṃ maṃsapātiṃ upanāmeyya’’nti. Atha kho so taruṇapasanno mahāmatto tassā rattiyā accayena paṇītaṃ khādanīyaṃ bhojanīyaṃ paṭiyādāpetvā aḍḍhatelasāni ca maṃsapātisatāni, bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena tassa taruṇapasannassa mahāmattassa nivesanaṃ tenupasaṅkami, upasaṅkamitvā paññatte āsane nisīdi, saddhiṃ bhikkhusaṅghena. Atha kho so taruṇapasanno mahāmatto bhattagge bhikkhū parivisati. Bhikkhū evamāhaṃsu – ‘‘thokaṃ, āvuso, dehi; thokaṃ, āvuso, dehī’’ti. ‘‘Mā kho tumhe, bhante, – ‘ayaṃ taruṇapasanno mahāmatto’ti – thokaṃ thokaṃ paṭiggaṇhatha. Bahuṃ me khādanīyaṃ bhojanīyaṃ paṭiyattaṃ, aḍḍhatelasāni ca maṃsapātisatāni. Ekamekassa bhikkhuno ekamekaṃ maṃsapātiṃ upanāmessāmīti. Paṭiggaṇhatha, bhante, yāvadattha’’nti. ‘‘Na kho mayaṃ, āvuso, etaṃkāraṇā thokaṃ thokaṃ paṭiggaṇhāma, api ca mayaṃ kālasseva bhojjayāguyā dhātā madhugoḷakena ca. Tena mayaṃ thokaṃ thokaṃ paṭiggaṇhāmā’’ti. Atha kho so taruṇapasanno mahāmatto ujjhāyati khiyyati vipāceti – ‘‘kathañhi nāma bhadantā mayā nimantitā aññassa bhojjayāguṃ paribhuñjissanti, na cāhaṃ paṭibalo yāvadatthaṃ dātu’’nti kupito anattamano āsādanāpekkho bhikkhūnaṃ patte pūrento agamāsi – bhuñjatha vā haratha vāti. Atha kho so taruṇapasanno mahāmatto buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnaṃ kho taṃ taruṇapasannaṃ mahāmattaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.
ат̇а ко д̇асса д̇арун̣абасаннасса махаамад̇д̇асса ажирабагганд̇асса бхаг̇авад̇о ахуд̣̇зва гуггужжам̣, аху виббадисааро – ‘‘алаабхаа вад̇а мз, на вад̇а мз лаабхаа; д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣; яохам̣ губид̇о анад̇д̇амано аасаад̣̇анаабзгко бхигкуунам̣ бад̇д̇з буурзнд̇о аг̇амаасим̣ – ‘бхун̃ж̇ат̇а ваа харат̇а ваа’д̇и. гим̣ ну ко маяаа б̣ахум̣ басуд̇ам̣ бун̃н̃ам̣ ваа абун̃н̃ам̣ ваа’’д̇и? ат̇а ко со д̇арун̣абасанно махаамад̇д̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со д̇арун̣абасанно махаамад̇д̇о бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, ажирабагганд̇асса бхаг̇авад̇о ахуд̣̇зва гуггужжам̣, аху виббадисааро ‘алаабхаа вад̇а мз, на вад̇а мз лаабхаа; д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣; яохам̣ губид̇о анад̇д̇амано аасаад̣̇анаабзгко бхигкуунам̣ бад̇д̇з буурзнд̇о аг̇амаасим̣ – бхун̃ж̇ат̇а ваа харат̇а ваад̇и. гим̣ ну ко маяаа б̣ахум̣ басуд̇ам̣, бун̃н̃ам̣ ваа абун̃н̃ам̣ ваа’д̇и. гим̣ ну ко маяаа, бханд̇з, б̣ахум̣ басуд̇ам̣, бун̃н̃ам̣ ваа абун̃н̃ам̣ ваа’’д̇и? ‘‘яад̣̇аг̇г̇зна д̇аяаа, аавусо, сваад̇анааяа б̣уд̣̇д̇хаббамуко бхигкусан̇гхо ниманд̇ид̇о д̇ад̣̇аг̇г̇зна д̇з б̣ахум̣ бун̃н̃ам̣ басуд̇ам̣. яад̣̇аг̇г̇зна д̇з згамзгзна бхигкунаа згамзгам̣ сид̇т̇ам̣ бадиг̇г̇ахид̇ам̣ д̇ад̣̇аг̇г̇зна д̇з б̣ахум̣ бун̃н̃ам̣ басуд̇ам̣, саг̇г̇аа д̇з аарад̣̇д̇хаа’’д̇и. ат̇а ко со д̇арун̣абасанно махаамад̇д̇о – ‘‘лаабхаа гира мз, сулад̣̇д̇хам̣ гира мз, б̣ахум̣ гира маяаа бун̃н̃ам̣ басуд̇ам̣, саг̇г̇аа гира мз аарад̣̇д̇хаа’’д̇и – хадто уд̣̇аг̇г̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, бхигкуу ан̃н̃ад̇ра ниманд̇ид̇аа ан̃н̃асса бхож̇ж̇аяааг̇ум̣ барибхун̃ж̇анд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа ан̃н̃ад̇ра ниманд̇ид̇аа ан̃н̃асса бхож̇ж̇аяааг̇ум̣ барибхун̃ж̇иссанд̇и. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, ан̃н̃ад̇ра ниманд̇ид̇зна ан̃н̃асса бхож̇ж̇аяааг̇у барибхун̃ж̇ид̇аб̣б̣аа. яо барибхун̃ж̇зяяа, яат̇аад̇хаммо гаарзд̇аб̣б̣о’’д̇и.
Atha kho tassa taruṇapasannassa mahāmattassa acirapakkantassa bhagavato ahudeva kukkuccaṃ, ahu vippaṭisāro – ‘‘alābhā vata me, na vata me lābhā; dulladdhaṃ vata me, na vata me suladdhaṃ; yohaṃ kupito anattamano āsādanāpekkho bhikkhūnaṃ patte pūrento agamāsiṃ – ‘bhuñjatha vā haratha vā’ti. Kiṃ nu kho mayā bahuṃ pasutaṃ puññaṃ vā apuññaṃ vā’’ti? Atha kho so taruṇapasanno mahāmatto yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so taruṇapasanno mahāmatto bhagavantaṃ etadavoca – ‘‘idha mayhaṃ, bhante, acirapakkantassa bhagavato ahudeva kukkuccaṃ, ahu vippaṭisāro ‘alābhā vata me, na vata me lābhā; dulladdhaṃ vata me, na vata me suladdhaṃ; yohaṃ kupito anattamano āsādanāpekkho bhikkhūnaṃ patte pūrento agamāsiṃ – bhuñjatha vā haratha vāti. Kiṃ nu kho mayā bahuṃ pasutaṃ, puññaṃ vā apuññaṃ vā’ti. Kiṃ nu kho mayā, bhante, bahuṃ pasutaṃ, puññaṃ vā apuññaṃ vā’’ti? ‘‘Yadaggena tayā, āvuso, svātanāya buddhappamukho bhikkhusaṅgho nimantito tadaggena te bahuṃ puññaṃ pasutaṃ. Yadaggena te ekamekena bhikkhunā ekamekaṃ sitthaṃ paṭiggahitaṃ tadaggena te bahuṃ puññaṃ pasutaṃ, saggā te āraddhā’’ti. Atha kho so taruṇapasanno mahāmatto – ‘‘lābhā kira me, suladdhaṃ kira me, bahuṃ kira mayā puññaṃ pasutaṃ, saggā kira me āraddhā’’ti – haṭṭho udaggo uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, bhikkhū aññatra nimantitā aññassa bhojjayāguṃ paribhuñjantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā aññatra nimantitā aññassa bhojjayāguṃ paribhuñjissanti. Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, aññatra nimantitena aññassa bhojjayāgu paribhuñjitabbā. Yo paribhuñjeyya, yathādhammo kāretabbo’’ti.
д̇арун̣абасаннамахаамад̇д̇авад̇т̇у нидтид̇ам̣.
Taruṇapasannamahāmattavatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яааг̇умад̇хуг̇ол̣агаад̣̇игат̇аа • Yāgumadhugoḷakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 170. яааг̇умад̇хуг̇ол̣агаад̣̇игат̇аа • 170. Yāgumadhugoḷakādikathā
