| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. தருணருக்க²ஸுத்தவண்ணனா
7. Taruṇarukkhasuttavaṇṇanā
57-59. ஸத்தமே தருணோதி அஜாதப²லோ. பலிமஜ்ஜெய்யாதி ஸோதெ⁴ய்ய. பங்ஸுங் த³தெ³ய்யாதி த²த்³த⁴ப²ருஸபங்ஸுங் ஹரித்வா முது³கோ³மயசுண்ணமிஸ்ஸங் மது⁴ரபங்ஸுங் பக்கி²பெய்ய. வுத்³தி⁴ந்தி வுத்³தி⁴ங் ஆபஜ்ஜித்வா புப்பூ²பகோ³ புப்ப²ங், ப²லூபகோ³ ப²லங் க³ண்ஹெய்ய. இத³ங் பனெத்த² ஓபம்மஸங்ஸந்த³னங் – தருணருக்கோ² விய ஹி தேபூ⁴மகவட்டங், ருக்க²ஜக்³க³கோ புரிஸோ விய வட்டனிஸ்ஸிதோ புது²ஜ்ஜனோ, மூலப²லஸந்தானாதீ³னி விய தீஹி த்³வாரேஹி குஸலாகுஸலகம்மாயூஹனங், ருக்க²ஸ்ஸ வுட்³டி⁴ஆபஜ்ஜனங் விய புது²ஜ்ஜனஸ்ஸ தீஹி த்³வாரேஹி கம்மங் ஆயூஹதோ அபராபரங் வட்டப்பவத்தி. விவட்டங் வுத்தனயேனேவ வேதி³தப்³ப³ங். அட்ட²மனவமானி உத்தானத்தா²னேவ. ஸத்தமாதீ³னி.
57-59. Sattame taruṇoti ajātaphalo. Palimajjeyyāti sodheyya. Paṃsuṃ dadeyyāti thaddhapharusapaṃsuṃ haritvā mudugomayacuṇṇamissaṃ madhurapaṃsuṃ pakkhipeyya. Vuddhinti vuddhiṃ āpajjitvā pupphūpago pupphaṃ, phalūpago phalaṃ gaṇheyya. Idaṃ panettha opammasaṃsandanaṃ – taruṇarukkho viya hi tebhūmakavaṭṭaṃ, rukkhajaggako puriso viya vaṭṭanissito puthujjano, mūlaphalasantānādīni viya tīhi dvārehi kusalākusalakammāyūhanaṃ, rukkhassa vuḍḍhiāpajjanaṃ viya puthujjanassa tīhi dvārehi kammaṃ āyūhato aparāparaṃ vaṭṭappavatti. Vivaṭṭaṃ vuttanayeneva veditabbaṃ. Aṭṭhamanavamāni uttānatthāneva. Sattamādīni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
7. தருணருக்க²ஸுத்தங் • 7. Taruṇarukkhasuttaṃ
8. நாமரூபஸுத்தங் • 8. Nāmarūpasuttaṃ
9. விஞ்ஞாணஸுத்தங் • 9. Viññāṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. தருணருக்க²ஸுத்தவண்ணனா • 7. Taruṇarukkhasuttavaṇṇanā
