| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. తరుణరుక్ఖసుత్తవణ్ణనా
7. Taruṇarukkhasuttavaṇṇanā
౫౭-౫౯. సత్తమే తరుణోతి అజాతఫలో. పలిమజ్జేయ్యాతి సోధేయ్య. పంసుం దదేయ్యాతి థద్ధఫరుసపంసుం హరిత్వా ముదుగోమయచుణ్ణమిస్సం మధురపంసుం పక్ఖిపేయ్య. వుద్ధిన్తి వుద్ధిం ఆపజ్జిత్వా పుప్ఫూపగో పుప్ఫం, ఫలూపగో ఫలం గణ్హేయ్య. ఇదం పనేత్థ ఓపమ్మసంసన్దనం – తరుణరుక్ఖో వియ హి తేభూమకవట్టం, రుక్ఖజగ్గకో పురిసో వియ వట్టనిస్సితో పుథుజ్జనో, మూలఫలసన్తానాదీని వియ తీహి ద్వారేహి కుసలాకుసలకమ్మాయూహనం, రుక్ఖస్స వుడ్ఢిఆపజ్జనం వియ పుథుజ్జనస్స తీహి ద్వారేహి కమ్మం ఆయూహతో అపరాపరం వట్టప్పవత్తి. వివట్టం వుత్తనయేనేవ వేదితబ్బం. అట్ఠమనవమాని ఉత్తానత్థానేవ. సత్తమాదీని.
57-59. Sattame taruṇoti ajātaphalo. Palimajjeyyāti sodheyya. Paṃsuṃ dadeyyāti thaddhapharusapaṃsuṃ haritvā mudugomayacuṇṇamissaṃ madhurapaṃsuṃ pakkhipeyya. Vuddhinti vuddhiṃ āpajjitvā pupphūpago pupphaṃ, phalūpago phalaṃ gaṇheyya. Idaṃ panettha opammasaṃsandanaṃ – taruṇarukkho viya hi tebhūmakavaṭṭaṃ, rukkhajaggako puriso viya vaṭṭanissito puthujjano, mūlaphalasantānādīni viya tīhi dvārehi kusalākusalakammāyūhanaṃ, rukkhassa vuḍḍhiāpajjanaṃ viya puthujjanassa tīhi dvārehi kammaṃ āyūhato aparāparaṃ vaṭṭappavatti. Vivaṭṭaṃ vuttanayeneva veditabbaṃ. Aṭṭhamanavamāni uttānatthāneva. Sattamādīni.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౭. తరుణరుక్ఖసుత్తం • 7. Taruṇarukkhasuttaṃ
౮. నామరూపసుత్తం • 8. Nāmarūpasuttaṃ
౯. విఞ్ఞాణసుత్తం • 9. Viññāṇasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. తరుణరుక్ఖసుత్తవణ్ణనా • 7. Taruṇarukkhasuttavaṇṇanā
