| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. ตรุณรุกฺขสุตฺตวณฺณนา
7. Taruṇarukkhasuttavaṇṇanā
๕๗-๕๙. สตฺตเม ตรุโณติ อชาตผโลฯ ปลิมเชฺชยฺยาติ โสเธยฺยฯ ปํสุํ ทเทยฺยาติ ถทฺธผรุสปํสุํ หริตฺวา มุทุโคมยจุณฺณมิสฺสํ มธุรปํสุํ ปกฺขิเปยฺยฯ วุทฺธินฺติ วุทฺธิํ อาปชฺชิตฺวา ปุปฺผูปโค ปุปฺผํ, ผลูปโค ผลํ คเณฺหยฺยฯ อิทํ ปเนตฺถ โอปมฺมสํสนฺทนํ – ตรุณรุโกฺข วิย หิ เตภูมกวฎฺฎํ, รุกฺขชคฺคโก ปุริโส วิย วฎฺฎนิสฺสิโต ปุถุชฺชโน, มูลผลสนฺตานาทีนิ วิย ตีหิ ทฺวาเรหิ กุสลากุสลกมฺมายูหนํ, รุกฺขสฺส วุฑฺฒิอาปชฺชนํ วิย ปุถุชฺชนสฺส ตีหิ ทฺวาเรหิ กมฺมํ อายูหโต อปราปรํ วฎฺฎปฺปวตฺติฯ วิวฎฺฎํ วุตฺตนเยเนว เวทิตพฺพํฯ อฎฺฐมนวมานิ อุตฺตานตฺถาเนวฯ สตฺตมาทีนิฯ
57-59. Sattame taruṇoti ajātaphalo. Palimajjeyyāti sodheyya. Paṃsuṃ dadeyyāti thaddhapharusapaṃsuṃ haritvā mudugomayacuṇṇamissaṃ madhurapaṃsuṃ pakkhipeyya. Vuddhinti vuddhiṃ āpajjitvā pupphūpago pupphaṃ, phalūpago phalaṃ gaṇheyya. Idaṃ panettha opammasaṃsandanaṃ – taruṇarukkho viya hi tebhūmakavaṭṭaṃ, rukkhajaggako puriso viya vaṭṭanissito puthujjano, mūlaphalasantānādīni viya tīhi dvārehi kusalākusalakammāyūhanaṃ, rukkhassa vuḍḍhiāpajjanaṃ viya puthujjanassa tīhi dvārehi kammaṃ āyūhato aparāparaṃ vaṭṭappavatti. Vivaṭṭaṃ vuttanayeneva veditabbaṃ. Aṭṭhamanavamāni uttānatthāneva. Sattamādīni.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๗. ตรุณรุกฺขสุตฺตํ • 7. Taruṇarukkhasuttaṃ
๘. นามรูปสุตฺตํ • 8. Nāmarūpasuttaṃ
๙. วิญฺญาณสุตฺตํ • 9. Viññāṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. ตรุณรุกฺขสุตฺตวณฺณนา • 7. Taruṇarukkhasuttavaṇṇanā
