| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
११. तसिनासुत्तं
11. Tasināsuttaṃ
१७१. ‘‘तिस्सो इमा, भिक्खवे, तसिना। कतमा तिस्सो? कामतसिना, भवतसिना, विभवतसिना। इमासं खो, भिक्खवे, तिस्सन्नं तसिनानं अभिञ्ञाय परिञ्ञाय परिक्खयाय पहानाय…पे॰… रागविनयपरियोसानं दोसविनयपरियोसानं मोहविनयपरियोसानं…पे॰… अमतोगधं अमतपरायनं अमतपरियोसानं…पे॰… निब्बाननिन्नं निब्बानपोणं निब्बानपब्भारं। इमासं खो, भिक्खवे, तिस्सन्नं तसिनानं अभिञ्ञाय परिञ्ञाय परिक्खयाय पहानाय…पे॰… अयं अरियो अट्ठङ्गिको मग्गो भावेतब्बो’’ति। एकादसमं।
171. ‘‘Tisso imā, bhikkhave, tasinā. Katamā tisso? Kāmatasinā, bhavatasinā, vibhavatasinā. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… rāgavinayapariyosānaṃ dosavinayapariyosānaṃ mohavinayapariyosānaṃ…pe… amatogadhaṃ amataparāyanaṃ amatapariyosānaṃ…pe… nibbānaninnaṃ nibbānapoṇaṃ nibbānapabbhāraṃ. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Ekādasamaṃ.
एसनावग्गो सत्तमो।
Esanāvaggo sattamo.
तस्सुद्दानं –
Tassuddānaṃ –
एसना विधा आसवो, भवो च दुक्खता खिला।
Esanā vidhā āsavo, bhavo ca dukkhatā khilā;
मलं नीघो च वेदना, द्वे तण्हा तसिनाय चाति॥
Malaṃ nīgho ca vedanā, dve taṇhā tasināya cāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २-११. विधासुत्तादिवण्णना • 2-11. Vidhāsuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २-११. विधासुत्तादिवण्णना • 2-11. Vidhāsuttādivaṇṇanā
