| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
11. තසිනාසුත්‌තං
11. Tasināsuttaṃ
171. ‘‘තිස්‌සො ඉමා, භික්‌ඛවෙ, තසිනා. කතමා තිස්‌සො? කාමතසිනා, භවතසිනා, විභවතසිනා. ඉමාසං ඛො, භික්‌ඛවෙ, තිස්‌සන්‌නං තසිනානං අභිඤ්‌ඤාය පරිඤ්‌ඤාය පරික්‌ඛයාය පහානාය…පෙ.… රාගවිනයපරියොසානං දොසවිනයපරියොසානං මොහවිනයපරියොසානං…පෙ.… අමතොගධං අමතපරායනං අමතපරියොසානං…පෙ.… නිබ්‌බානනින්‌නං නිබ්‌බානපොණං නිබ්‌බානපබ්‌භාරං. ඉමාසං ඛො, භික්‌ඛවෙ, තිස්‌සන්‌නං තසිනානං අභිඤ්‌ඤාය පරිඤ්‌ඤාය පරික්‌ඛයාය පහානාය…පෙ.… අයං අරියො අට්‌ඨඞ්‌ගිකො මග්‌ගො භාවෙතබ්‌බො’’ති. එකාදසමං.
171. ‘‘Tisso imā, bhikkhave, tasinā. Katamā tisso? Kāmatasinā, bhavatasinā, vibhavatasinā. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… rāgavinayapariyosānaṃ dosavinayapariyosānaṃ mohavinayapariyosānaṃ…pe… amatogadhaṃ amataparāyanaṃ amatapariyosānaṃ…pe… nibbānaninnaṃ nibbānapoṇaṃ nibbānapabbhāraṃ. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Ekādasamaṃ.
එසනාවග්‌ගො සත්‌තමො.
Esanāvaggo sattamo.
තස්‌සුද්‌දානං –
Tassuddānaṃ –
එසනා විධා ආසවො, භවො ච දුක්‌ඛතා ඛිලා;
Esanā vidhā āsavo, bhavo ca dukkhatā khilā;
මලං නීඝො ච වෙදනා, ද්‌වෙ තණ්‌හා තසිනාය චාති.
Malaṃ nīgho ca vedanā, dve taṇhā tasināya cāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-11. විධාසුත්‌තාදිවණ්‌ණනා • 2-11. Vidhāsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-11. විධාසුත්‌තාදිවණ්‌ණනා • 2-11. Vidhāsuttādivaṇṇanā
