| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. தஸ்ஸபாபியஸிகாகதா²
6. Tassapāpiyasikākathā
207. அஸுசீதி எத்த² நத்தி² ஸுசீனி காயவசீகம்மானி ஏதஸ்ஸாதி அஸுசீதி வசனத்த²ங் த³ஸ்ஸெந்தோ ஆஹ ‘‘அஸுசீஹி காயவசீகம்மேஹி ஸமன்னாக³தோ’’தி . ஏஸேவ நயோ அலஜ்ஜீதி எத்தா²பி. ஸானுவாதோ³தி எத்த² அனுவாத³உபவாத³ஸத்³தா³னங் பரியாயத்தா வுத்தங் ‘‘ஸஉபவாதோ³’’தி. இதி பஞ்சாதி இமானி பஞ்ச அங்கா³னி. எத்தா²தி தஸ்ஸபாபியஸிககம்மே. இத³ந்தி கம்மங் வுச்சதீதி ஸம்ப³ந்தோ⁴. ஹீதி வித்தா²ரோ. யோ புக்³க³லோ பாபியோதி யோஜனா. பாபுஸ்ஸன்னதாயாதி லாமகுஸ்ஸன்னதாய. இமினா அயஞ்ச பாபோ அயஞ்ச பாபோ, அயமிமேஸங் விஸேஸேன பாபோதி பாபியோதி ச பாபானங் அதிஸயேன பாபோதி பாபியோதி ச வசனத்தோ² த³ஸ்ஸிதோ. தஸ்ஸாதி புக்³க³லஸ்ஸ. இமினா தஸ்ஸ பாபியஸ்ஸ கத்தப்³ப³ங் தஸ்ஸபாபியஸிகங், தமேவ கம்மங் தஸ்ஸபாபியஸிககம்மந்தி வசனத்த²ங் த³ஸ்ஸேதி. கேஸுசி பொத்த²கேஸு யகாரே த்³வேபா⁴வோ அத்தி², ஸோ அயுத்தோயேவ. ‘‘யேபு⁴ய்யஸிகா’’தி எத்த² யகாரே த்³வேபா⁴வஸ்ஸ த³ஸ்ஸனதோ எத்தா²பி த்³வேபா⁴வோ யுத்தோ ப⁴வெய்யாதி லிக²ந்தீதி த³ட்ட²ப்³ப³ங்.
207.Asucīti ettha natthi sucīni kāyavacīkammāni etassāti asucīti vacanatthaṃ dassento āha ‘‘asucīhi kāyavacīkammehi samannāgato’’ti . Eseva nayo alajjīti etthāpi. Sānuvādoti ettha anuvādaupavādasaddānaṃ pariyāyattā vuttaṃ ‘‘saupavādo’’ti. Iti pañcāti imāni pañca aṅgāni. Etthāti tassapāpiyasikakamme. Idanti kammaṃ vuccatīti sambandho. Hīti vitthāro. Yo puggalo pāpiyoti yojanā. Pāpussannatāyāti lāmakussannatāya. Iminā ayañca pāpo ayañca pāpo, ayamimesaṃ visesena pāpoti pāpiyoti ca pāpānaṃ atisayena pāpoti pāpiyoti ca vacanattho dassito. Tassāti puggalassa. Iminā tassa pāpiyassa kattabbaṃ tassapāpiyasikaṃ, tameva kammaṃ tassapāpiyasikakammanti vacanatthaṃ dasseti. Kesuci potthakesu yakāre dvebhāvo atthi, so ayuttoyeva. ‘‘Yebhuyyasikā’’ti ettha yakāre dvebhāvassa dassanato etthāpi dvebhāvo yutto bhaveyyāti likhantīti daṭṭhabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 6. தஸ்ஸபாபியஸிகா • 6. Tassapāpiyasikā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / தஸ்ஸபாபியஸிகாகதா² • Tassapāpiyasikākathā
