| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
তস্সপাপিযসিকাৰিনযকথা
Tassapāpiyasikāvinayakathā
২৩৮. পারাজিকসামন্তং ৰাতি এত্থ মেথুনধম্মে পারাজিকসামন্তং নাম দুক্কটং হোতি। অদিন্নাদানাদীসু থুল্লচ্চযং। নিব্বেঠেন্তন্তি ‘‘ন সরামী’’তি ৰচনেন নিব্বেঠযমানং। অতিৰেঠেতীতি ‘‘ইঙ্ঘাযস্মা’’তিআদিৰচনেহি অতিৰেঠিযতি। সরামি খো অহং আৰুসোতি পারাজিকপটিচ্ছাদনত্থায এৰং পটিজানাতি। পুন তেন অতিৰেঠিযমানো ‘‘সরামি খো’’তি পটিঞ্ঞং দত্ৰা ‘‘ইদানি মং নাসেস্সন্তী’’তি ভযেন ‘‘দৰায মে’’তিআদিমাহ। এতস্স তস্সপাপিযসিকাকম্মং কাতব্বং। সচে সীলৰা ভৰিস্সতি, ৰত্তং পরিপূরেত্ৰা পটিপ্পস্সদ্ধিং লভতি, নো চে তথা নাসিতকোৰ ভৰিস্সতি। সেসং সব্বত্থ উত্তানত্থমেৰাতি।
238.Pārājikasāmantaṃvāti ettha methunadhamme pārājikasāmantaṃ nāma dukkaṭaṃ hoti. Adinnādānādīsu thullaccayaṃ. Nibbeṭhentanti ‘‘na sarāmī’’ti vacanena nibbeṭhayamānaṃ. Ativeṭhetīti ‘‘iṅghāyasmā’’tiādivacanehi ativeṭhiyati. Sarāmi kho ahaṃ āvusoti pārājikapaṭicchādanatthāya evaṃ paṭijānāti. Puna tena ativeṭhiyamāno ‘‘sarāmi kho’’ti paṭiññaṃ datvā ‘‘idāni maṃ nāsessantī’’ti bhayena ‘‘davāya me’’tiādimāha. Etassa tassapāpiyasikākammaṃ kātabbaṃ. Sace sīlavā bhavissati, vattaṃ paripūretvā paṭippassaddhiṃ labhati, no ce tathā nāsitakova bhavissati. Sesaṃ sabbattha uttānatthamevāti.
তস্সপাপিযসিকাৰিনযকথা নিট্ঠিতা।
Tassapāpiyasikāvinayakathā niṭṭhitā.
সমথক্খন্ধকৰণ্ণনা নিট্ঠিতা।
Samathakkhandhakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / তস্সপাপিযসিকাৰিনযো • Tassapāpiyasikāvinayo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অধিকরণৰূপসমনসমথকথাৰণ্ণনা • Adhikaraṇavūpasamanasamathakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অধিকরণকথাৰণ্ণনা • Adhikaraṇakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / তস্সপাপিযসিকাৰিনযকথা • Tassapāpiyasikāvinayakathā
