| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
ตสฺสปาปิยสิกาวินยกถา
Tassapāpiyasikāvinayakathā
๒๓๘. ปาราชิกสามนฺตํ นามาติ ปาราชิกสฺส อาสนฺนํ นามฯ อทินฺนาทานาทีสูติ อาทิสเทฺทน มนุสฺสวิคฺคห อุตฺตริมนุสฺสธมฺมปาราชิเก สงฺคณฺหาติฯ นิเพฺพฐยมานนฺติ เวฐนรหิตํ, ตเมนํ ภิกฺขุนฺติ สมฺพโนฺธฯ อิมินา นิเพฺพเฐนฺตนฺติ เอตฺถ อนฺตสโทฺท มานสทฺทปริยาโยติ ทเสฺสติฯ อติเวเฐตีติ เอตฺถ เกหิ อติเวเฐตีติ อาห ‘‘อิงฺฆายสฺมาติอาทิวจเนหี’’ติฯ เตนาติ โจทเกนฯ มนฺติ มมํฯ อาหาติ จุทิตโก อาหฯ เอตสฺสาติ อวชานนปฎิชานนาทิการกสฺส ปาปิยสฺส ปุคฺคลสฺสฯ สีลวา ภวิสฺสตีติ ปาปิโย ปุคฺคโล สเจ สีลวา ภวิสฺสติฯ ปฎิปฺปสฺสทฺธินฺติ ปาปิยภาวโต ปฎิปฺปสฺสมฺภนํฯ โน เจติ สีลวา โน ภวิสฺสติ เจฯ ตถา นาสิโตติ เตน ตสฺส ปาปิยสิกกมฺมกรเณน นาสํ คโต ภวิสฺสติฯ สพฺพตฺถาติ สพฺพสฺมิํ สมถกฺขนฺธเกฯ
238.Pārājikasāmantaṃnāmāti pārājikassa āsannaṃ nāma. Adinnādānādīsūti ādisaddena manussaviggaha uttarimanussadhammapārājike saṅgaṇhāti. Nibbeṭhayamānanti veṭhanarahitaṃ, tamenaṃ bhikkhunti sambandho. Iminā nibbeṭhentanti ettha antasaddo mānasaddapariyāyoti dasseti. Ativeṭhetīti ettha kehi ativeṭhetīti āha ‘‘iṅghāyasmātiādivacanehī’’ti. Tenāti codakena. Manti mamaṃ. Āhāti cuditako āha. Etassāti avajānanapaṭijānanādikārakassa pāpiyassa puggalassa. Sīlavā bhavissatīti pāpiyo puggalo sace sīlavā bhavissati. Paṭippassaddhinti pāpiyabhāvato paṭippassambhanaṃ. No ceti sīlavā no bhavissati ce. Tathā nāsitoti tena tassa pāpiyasikakammakaraṇena nāsaṃ gato bhavissati. Sabbatthāti sabbasmiṃ samathakkhandhake.
อิติ สมถกฺขนฺธกวณฺณนาย โยชนา สมตฺตาฯ
Iti samathakkhandhakavaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ตสฺสปาปิยสิกาวินโย • Tassapāpiyasikāvinayo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ตสฺสปาปิยสิกาวินยกถา • Tassapāpiyasikāvinayakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อธิกรณวูปสมนสมถกถาวณฺณนา • Adhikaraṇavūpasamanasamathakathāvaṇṇanā
