| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
តស្សបាបិយសិកាវិនយកថា
Tassapāpiyasikāvinayakathā
២៣៨. បារាជិកសាមន្តំ នាមាតិ បារាជិកស្ស អាសន្នំ នាម។ អទិន្នាទានាទីសូតិ អាទិសទ្ទេន មនុស្សវិគ្គហ ឧត្តរិមនុស្សធម្មបារាជិកេ សង្គណ្ហាតិ។ និព្ពេឋយមានន្តិ វេឋនរហិតំ, តមេនំ ភិក្ខុន្តិ សម្ពន្ធោ។ ឥមិនា និព្ពេឋេន្តន្តិ ឯត្ថ អន្តសទ្ទោ មានសទ្ទបរិយាយោតិ ទស្សេតិ។ អតិវេឋេតីតិ ឯត្ថ កេហិ អតិវេឋេតីតិ អាហ ‘‘ឥង្ឃាយស្មាតិអាទិវចនេហី’’តិ។ តេនាតិ ចោទកេន។ មន្តិ មមំ។ អាហាតិ ចុទិតកោ អាហ។ ឯតស្សាតិ អវជាននបដិជាននាទិការកស្ស បាបិយស្ស បុគ្គលស្ស។ សីលវា ភវិស្សតីតិ បាបិយោ បុគ្គលោ សចេ សីលវា ភវិស្សតិ។ បដិប្បស្សទ្ធិន្តិ បាបិយភាវតោ បដិប្បស្សម្ភនំ។ នោ ចេតិ សីលវា នោ ភវិស្សតិ ចេ។ តថា នាសិតោតិ តេន តស្ស បាបិយសិកកម្មករណេន នាសំ គតោ ភវិស្សតិ។ សព្ពត្ថាតិ សព្ពស្មិំ សមថក្ខន្ធកេ។
238.Pārājikasāmantaṃnāmāti pārājikassa āsannaṃ nāma. Adinnādānādīsūti ādisaddena manussaviggaha uttarimanussadhammapārājike saṅgaṇhāti. Nibbeṭhayamānanti veṭhanarahitaṃ, tamenaṃ bhikkhunti sambandho. Iminā nibbeṭhentanti ettha antasaddo mānasaddapariyāyoti dasseti. Ativeṭhetīti ettha kehi ativeṭhetīti āha ‘‘iṅghāyasmātiādivacanehī’’ti. Tenāti codakena. Manti mamaṃ. Āhāti cuditako āha. Etassāti avajānanapaṭijānanādikārakassa pāpiyassa puggalassa. Sīlavā bhavissatīti pāpiyo puggalo sace sīlavā bhavissati. Paṭippassaddhinti pāpiyabhāvato paṭippassambhanaṃ. No ceti sīlavā no bhavissati ce. Tathā nāsitoti tena tassa pāpiyasikakammakaraṇena nāsaṃ gato bhavissati. Sabbatthāti sabbasmiṃ samathakkhandhake.
ឥតិ សមថក្ខន្ធកវណ្ណនាយ យោជនា សមត្តា។
Iti samathakkhandhakavaṇṇanāya yojanā samattā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / តស្សបាបិយសិកាវិនយោ • Tassapāpiyasikāvinayo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / តស្សបាបិយសិកាវិនយកថា • Tassapāpiyasikāvinayakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អធិករណវូបសមនសមថកថាវណ្ណនា • Adhikaraṇavūpasamanasamathakathāvaṇṇanā
