| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
တသ္သပာပိယသိကာဝိနယကထာ
Tassapāpiyasikāvinayakathā
၂၃၈. ပာရာဇိကသာမန္တံ နာမာတိ ပာရာဇိကသ္သ အာသန္နံ နာမ။ အဒိန္နာဒာနာဒီသူတိ အာဒိသဒ္ဒေန မနုသ္သဝိဂ္ဂဟ ဥတ္တရိမနုသ္သဓမ္မပာရာဇိကေ သင္ဂဏ္ဟာတိ။ နိဗ္ဗေဌယမာနန္တိ ဝေဌနရဟိတံ, တမေနံ ဘိက္ခုန္တိ သမ္ဗန္ဓော။ ဣမိနာ နိဗ္ဗေဌေန္တန္တိ ဧတ္ထ အန္တသဒ္ဒော မာနသဒ္ဒပရိယာယောတိ ဒသ္သေတိ။ အတိဝေဌေတီတိ ဧတ္ထ ကေဟိ အတိဝေဌေတီတိ အာဟ ‘‘ဣင္ဃာယသ္မာတိအာဒိဝစနေဟီ’’တိ။ တေနာတိ စောဒကေန။ မန္တိ မမံ။ အာဟာတိ စုဒိတကော အာဟ။ ဧတသ္သာတိ အဝဇာနနပဋိဇာနနာဒိကာရကသ္သ ပာပိယသ္သ ပုဂ္ဂလသ္သ။ သီလဝာ ဘဝိသ္သတီတိ ပာပိယော ပုဂ္ဂလော သစေ သီလဝာ ဘဝိသ္သတိ။ ပဋိပ္ပသ္သဒ္ဓိန္တိ ပာပိယဘာဝတော ပဋိပ္ပသ္သမ္ဘနံ။ နော စေတိ သီလဝာ နော ဘဝိသ္သတိ စေ။ တထာ နာသိတောတိ တေန တသ္သ ပာပိယသိကကမ္မကရဏေန နာသံ ဂတော ဘဝိသ္သတိ။ သဗ္ဗတ္ထာတိ သဗ္ဗသ္မိံ သမထက္ခန္ဓကေ။
238.Pārājikasāmantaṃnāmāti pārājikassa āsannaṃ nāma. Adinnādānādīsūti ādisaddena manussaviggaha uttarimanussadhammapārājike saṅgaṇhāti. Nibbeṭhayamānanti veṭhanarahitaṃ, tamenaṃ bhikkhunti sambandho. Iminā nibbeṭhentanti ettha antasaddo mānasaddapariyāyoti dasseti. Ativeṭhetīti ettha kehi ativeṭhetīti āha ‘‘iṅghāyasmātiādivacanehī’’ti. Tenāti codakena. Manti mamaṃ. Āhāti cuditako āha. Etassāti avajānanapaṭijānanādikārakassa pāpiyassa puggalassa. Sīlavā bhavissatīti pāpiyo puggalo sace sīlavā bhavissati. Paṭippassaddhinti pāpiyabhāvato paṭippassambhanaṃ. No ceti sīlavā no bhavissati ce. Tathā nāsitoti tena tassa pāpiyasikakammakaraṇena nāsaṃ gato bhavissati. Sabbatthāti sabbasmiṃ samathakkhandhake.
ဣတိ သမထက္ခန္ဓကဝဏ္ဏနာယ ယောဇနာ သမတ္တာ။
Iti samathakkhandhakavaṇṇanāya yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / တသ္သပာပိယသိကာဝိနယော • Tassapāpiyasikāvinayo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / တသ္သပာပိယသိကာဝိနယကထာ • Tassapāpiyasikāvinayakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဓိကရဏဝူပသမနသမထကထာဝဏ္ဏနာ • Adhikaraṇavūpasamanasamathakathāvaṇṇanā
