| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
තස්‌සපාපියසිකාවිනයකථා
Tassapāpiyasikāvinayakathā
238. පාරාජිකසාමන්‌තං නාමාති පාරාජිකස්‌ස ආසන්‌නං නාම. අදින්‌නාදානාදීසූති ආදිසද්‌දෙන මනුස්‌සවිග්‌ගහ උත්‌තරිමනුස්‌සධම්‌මපාරාජිකෙ සඞ්‌ගණ්‌හාති. නිබ්‌බෙඨයමානන්‌ති වෙඨනරහිතං, තමෙනං භික්‌ඛුන්‌ති සම්‌බන්‌ධො. ඉමිනා නිබ්‌බෙඨෙන්‌තන්‌ති එත්‌ථ අන්‌තසද්‌දො මානසද්‌දපරියායොති දස්‌සෙති. අතිවෙඨෙතීති එත්‌ථ කෙහි අතිවෙඨෙතීති ආහ ‘‘ඉඞ්‌ඝායස්‌මාතිආදිවචනෙහී’’ති. තෙනාති චොදකෙන. මන්‌ති මමං. ආහාති චුදිතකො ආහ. එතස්‌සාති අවජානනපටිජානනාදිකාරකස්‌ස පාපියස්‌ස පුග්‌ගලස්‌ස. සීලවා භවිස්‌සතීති පාපියො පුග්‌ගලො සචෙ සීලවා භවිස්‌සති. පටිප්‌පස්‌සද්‌ධින්‌ති පාපියභාවතො පටිප්‌පස්‌සම්‌භනං. නො චෙති සීලවා නො භවිස්‌සති චෙ. තථා නාසිතොති තෙන තස්‌ස පාපියසිකකම්‌මකරණෙන නාසං ගතො භවිස්‌සති. සබ්‌බත්‌ථාති සබ්‌බස්‌මිං සමථක්‌ඛන්‌ධකෙ.
238.Pārājikasāmantaṃnāmāti pārājikassa āsannaṃ nāma. Adinnādānādīsūti ādisaddena manussaviggaha uttarimanussadhammapārājike saṅgaṇhāti. Nibbeṭhayamānanti veṭhanarahitaṃ, tamenaṃ bhikkhunti sambandho. Iminā nibbeṭhentanti ettha antasaddo mānasaddapariyāyoti dasseti. Ativeṭhetīti ettha kehi ativeṭhetīti āha ‘‘iṅghāyasmātiādivacanehī’’ti. Tenāti codakena. Manti mamaṃ. Āhāti cuditako āha. Etassāti avajānanapaṭijānanādikārakassa pāpiyassa puggalassa. Sīlavā bhavissatīti pāpiyo puggalo sace sīlavā bhavissati. Paṭippassaddhinti pāpiyabhāvato paṭippassambhanaṃ. No ceti sīlavā no bhavissati ce. Tathā nāsitoti tena tassa pāpiyasikakammakaraṇena nāsaṃ gato bhavissati. Sabbatthāti sabbasmiṃ samathakkhandhake.
ඉති සමථක්‌ඛන්‌ධකවණ්‌ණනාය යොජනා සමත්‌තා.
Iti samathakkhandhakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / තස්‌සපාපියසිකාවිනයො • Tassapāpiyasikāvinayo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / තස්‌සපාපියසිකාවිනයකථා • Tassapāpiyasikāvinayakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අධිකරණවූපසමනසමථකථාවණ්‌ණනා • Adhikaraṇavūpasamanasamathakathāvaṇṇanā
