| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
ཏསྶཔཱཔིཡསིཀཱཝིནཡཀཐཱ
Tassapāpiyasikāvinayakathā
༢༣༨. པཱརཱཛིཀསཱམནྟཾ ཝཱཏི ཨེཏྠ མེཐུནདྷམྨེ པཱརཱཛིཀསཱམནྟཾ ནཱམ དུཀྐཊཾ ཧོཏི། ཨདིནྣཱདཱནཱདཱིསུ ཐུལླཙྩཡཾ། ནིབྦེཋེནྟནྟི ‘‘ན སརཱམཱི’’ཏི ཝཙནེན ནིབྦེཋཡམཱནཾ། ཨཏིཝེཋེཏཱིཏི ‘‘ཨིངྒྷཱཡསྨཱ’’ཏིཨཱདིཝཙནེཧི ཨཏིཝེཋིཡཏི། སརཱམི ཁོ ཨཧཾ ཨཱཝུསོཏི པཱརཱཛིཀཔཊིཙྪཱདནཏྠཱཡ ཨེཝཾ པཊིཛཱནཱཏི། པུན ཏེན ཨཏིཝེཋིཡམཱནོ ‘‘སརཱམི ཁོ’’ཏི པཊིཉྙཾ དཏྭཱ ‘‘ཨིདཱནི མཾ ནཱསེསྶནྟཱི’’ཏི བྷཡེན ‘‘དཝཱཡ མེ’’ཏིཨཱདིམཱཧ། ཨེཏསྶ ཏསྶཔཱཔིཡསིཀཱཀམྨཾ ཀཱཏབྦཾ། སཙེ སཱིལཝཱ བྷཝིསྶཏི, ཝཏྟཾ པརིཔཱུརེཏྭཱ པཊིཔྤསྶདྡྷིཾ ལབྷཏི, ནོ ཙེ ཏཐཱ ནཱསིཏཀོཝ བྷཝིསྶཏི། སེསཾ སབྦཏྠ ཨུཏྟཱནཏྠམེཝཱཏི།
238.Pārājikasāmantaṃvāti ettha methunadhamme pārājikasāmantaṃ nāma dukkaṭaṃ hoti. Adinnādānādīsu thullaccayaṃ. Nibbeṭhentanti ‘‘na sarāmī’’ti vacanena nibbeṭhayamānaṃ. Ativeṭhetīti ‘‘iṅghāyasmā’’tiādivacanehi ativeṭhiyati. Sarāmi kho ahaṃ āvusoti pārājikapaṭicchādanatthāya evaṃ paṭijānāti. Puna tena ativeṭhiyamāno ‘‘sarāmi kho’’ti paṭiññaṃ datvā ‘‘idāni maṃ nāsessantī’’ti bhayena ‘‘davāya me’’tiādimāha. Etassa tassapāpiyasikākammaṃ kātabbaṃ. Sace sīlavā bhavissati, vattaṃ paripūretvā paṭippassaddhiṃ labhati, no ce tathā nāsitakova bhavissati. Sesaṃ sabbattha uttānatthamevāti.
ཏསྶཔཱཔིཡསིཀཱཝིནཡཀཐཱ ནིཊྛིཏཱ།
Tassapāpiyasikāvinayakathā niṭṭhitā.
སམཐཀྑནྡྷཀཝཎྞནཱ ནིཊྛིཏཱ།
Samathakkhandhakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ཏསྶཔཱཔིཡསིཀཱཝིནཡོ • Tassapāpiyasikāvinayo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིཀརཎཝཱུཔསམནསམཐཀཐཱཝཎྞནཱ • Adhikaraṇavūpasamanasamathakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨདྷིཀརཎཀཐཱཝཎྞནཱ • Adhikaraṇakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཏསྶཔཱཔིཡསིཀཱཝིནཡཀཐཱ • Tassapāpiyasikāvinayakathā
