| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
д̇ассабаабияасигаавинаяо
Tassapāpiyasikāvinayo
238. ‘‘сияаа ануваад̣̇аад̇хигаран̣ам̣ д̣̇вз самат̇з анааг̇амма – сад̇ивинаяан̃жа, амуул̣хавинаяан̃жа ; д̣̇вийхи самат̇зхи саммзяяа – саммукаавинаязна жа, д̇ассабаабияасигааяа жаад̇и? сияаад̇исса важанийяам̣. яат̇аа гат̇ам̣ вияа? ид̇ха бана, бхигкавз, бхигку бхигкум̣ сан̇гхамаж̇жхз г̇аругааяа аабад̇д̇ияаа жод̣̇зд̇и – ‘сарад̇ааяасмаа зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. со звам̣ вад̣̇зд̇и – ‘на ко ахам̣, аавусо, сараами зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. д̇амзнам̣ со ниб̣б̣зтзнд̇ам̣ ад̇ивзтзд̇и – ‘ин̇гхааяасмаа саад̇хугамзва ж̇аанаахи, яад̣̇и сараси зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. со звам̣ вад̣̇зд̇и – ‘на ко ахам̣, аавусо, сараами зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа. сараами жа ко ахам̣, аавусо, зваруубим̣ аббамад̇д̇игам̣ аабад̇д̇им̣ аабаж̇ж̇ид̇аа’д̇и. д̇амзнам̣ со ниб̣б̣зтзнд̇ам̣ ад̇ивзтзд̇и – ‘ин̇гхааяасмаа саад̇хугамзва ж̇аанаахи, яад̣̇и сараси зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. со звам̣ вад̣̇зд̇и – ‘иман̃хи наамаахам̣, аавусо, аббамад̇д̇игам̣ аабад̇д̇им̣ аабаж̇ж̇ид̇ваа абудто бадиж̇ааниссаами. гим̣ банаахам̣ зваруубим̣ г̇аругам̣ аабад̇д̇им̣ аабаж̇ж̇ид̇ваа, баарааж̇игам̣ ваа баарааж̇игасааманд̇ам̣ ваа, будто на бадиж̇ааниссаамий’д̇и? со звам̣ вад̣̇зд̇и – ‘иман̃хи наама д̇вам̣, аавусо, аббамад̇д̇игам̣ аабад̇д̇им̣ аабаж̇ж̇ид̇ваа абудто на бадиж̇ааниссаси. гим̣ бана д̇вам̣ зваруубим̣ г̇аругам̣ аабад̇д̇им̣ аабаж̇ж̇ид̇ваа, баарааж̇игам̣ ваа баарааж̇игасааманд̇ам̣ ваа, абудто бадиж̇ааниссаси? ин̇гхааяасмаа саад̇хугамзва ж̇аанаахи, яад̣̇и сараси зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. со звам̣ вад̣̇зси – ‘сараами ко ахам̣, аавусо, зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа. д̣̇аваа мз зд̇ам̣ вуд̇д̇ам̣, раваа мз зд̇ам̣ вуд̇д̇ам̣ – наахам̣ д̇ам̣ сараами зваруубим̣ г̇аругам̣ аабад̇д̇им̣ аабаж̇ж̇ид̇аа, баарааж̇игам̣ ваа баарааж̇игасааманд̇ам̣ ваа’д̇и. д̇асса ко, бхигкавз 1, бхигкуно д̇ассабаабияасигаагаммам̣ гаад̇аб̣б̣ам̣. зван̃жа бана, бхигкавз, гаад̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
238. ‘‘Siyā anuvādādhikaraṇaṃ dve samathe anāgamma – sativinayañca, amūḷhavinayañca ; dvīhi samathehi sammeyya – sammukhāvinayena ca, tassapāpiyasikāya cāti? Siyātissa vacanīyaṃ. Yathā kathaṃ viya? Idha pana, bhikkhave, bhikkhu bhikkhuṃ saṅghamajjhe garukāya āpattiyā codeti – ‘saratāyasmā evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. So evaṃ vadeti – ‘na kho ahaṃ, āvuso, sarāmi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. Tamenaṃ so nibbeṭhentaṃ ativeṭheti – ‘iṅghāyasmā sādhukameva jānāhi, yadi sarasi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. So evaṃ vadeti – ‘na kho ahaṃ, āvuso, sarāmi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā. Sarāmi ca kho ahaṃ, āvuso, evarūpiṃ appamattikaṃ āpattiṃ āpajjitā’ti. Tamenaṃ so nibbeṭhentaṃ ativeṭheti – ‘iṅghāyasmā sādhukameva jānāhi, yadi sarasi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. So evaṃ vadeti – ‘imañhi nāmāhaṃ, āvuso, appamattikaṃ āpattiṃ āpajjitvā apuṭṭho paṭijānissāmi. Kiṃ panāhaṃ evarūpiṃ garukaṃ āpattiṃ āpajjitvā, pārājikaṃ vā pārājikasāmantaṃ vā, puṭṭho na paṭijānissāmī’ti? So evaṃ vadeti – ‘imañhi nāma tvaṃ, āvuso, appamattikaṃ āpattiṃ āpajjitvā apuṭṭho na paṭijānissasi. Kiṃ pana tvaṃ evarūpiṃ garukaṃ āpattiṃ āpajjitvā, pārājikaṃ vā pārājikasāmantaṃ vā, apuṭṭho paṭijānissasi? Iṅghāyasmā sādhukameva jānāhi, yadi sarasi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. So evaṃ vadesi – ‘sarāmi kho ahaṃ, āvuso, evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā. Davā me etaṃ vuttaṃ, ravā me etaṃ vuttaṃ – nāhaṃ taṃ sarāmi evarūpiṃ garukaṃ āpattiṃ āpajjitā, pārājikaṃ vā pārājikasāmantaṃ vā’ti. Tassa kho, bhikkhave 2, bhikkhuno tassapāpiyasikākammaṃ kātabbaṃ. Evañca pana, bhikkhave, kātabbaṃ. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з сан̇гхо. аяам̣ ид̇т̇аннаамо бхигку сан̇гхамаж̇жхз г̇аругааяа аабад̇д̇ияаа ануяун̃ж̇ияамаано аваж̇аанид̇ваа бадиж̇аанаад̇и, бадиж̇аанид̇ваа аваж̇аанаад̇и, ан̃н̃знаан̃н̃ам̣ бадижарад̇и, самбаж̇аанамусаа бхаасад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно д̇ассабаабияасигаагаммам̣ гарзяяа. зсаа н̃ад̇д̇и.
‘‘Suṇātu me, bhante saṅgho. Ayaṃ itthannāmo bhikkhu saṅghamajjhe garukāya āpattiyā anuyuñjiyamāno avajānitvā paṭijānāti, paṭijānitvā avajānāti, aññenāññaṃ paṭicarati, sampajānamusā bhāsati. Yadi saṅghassa pattakallaṃ, saṅgho itthannāmassa bhikkhuno tassapāpiyasikākammaṃ kareyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку сан̇гхамаж̇жхз г̇аругааяа аабад̇д̇ияаа ануяун̃ж̇ияамаано аваж̇аанид̇ваа бадиж̇аанаад̇и, бадиж̇аанид̇ваа аваж̇аанаад̇и, ан̃н̃знаан̃н̃ам̣ бадижарад̇и, самбаж̇аанамусаа бхаасад̇и. сан̇гхо ид̇т̇аннаамасса бхигкуно д̇ассабаабияасигаагаммам̣ гарод̇и. яассааяасмад̇о камад̇и ид̇т̇аннаамасса бхигкуно д̇ассабаабияасигаагаммасса гаран̣ам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu saṅghamajjhe garukāya āpattiyā anuyuñjiyamāno avajānitvā paṭijānāti, paṭijānitvā avajānāti, aññenāññaṃ paṭicarati, sampajānamusā bhāsati. Saṅgho itthannāmassa bhikkhuno tassapāpiyasikākammaṃ karoti. Yassāyasmato khamati itthannāmassa bhikkhuno tassapāpiyasikākammassa karaṇaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘гад̇ам̣ сан̇гхзна ид̇т̇аннаамасса бхигкуно д̇ассабаабияасигаагаммам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Kataṃ saṅghena itthannāmassa bhikkhuno tassapāpiyasikākammaṃ. Khamati saṅghassa, tasmā tuṇhī, evametaṃ dhārayāmī’’ti.
‘‘ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна жа, д̇ассабаабияасигааяа жа. гин̃жа д̇ад̇т̇а саммукаавинаяасмим̣? сан̇гхасаммукад̇аа, д̇хаммасаммукад̇аа, винаяасаммукад̇аа…бз… гаа жа д̇ад̇т̇а д̇ассабаабияасигааяа? яаа д̇ассабаабияасигаагаммасса гирияаа гаран̣ам̣ убаг̇аманам̣ аж̇жхубаг̇аманам̣ ад̇хиваасанаа аббадиггосанаа – аяам̣ д̇ад̇т̇а д̇ассабаабияасигааяа. звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣; чанд̣̇ад̣̇ааяаго кийяад̇и, кийяанагам̣ баажид̇д̇ияам̣.
‘‘Idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena ca, tassapāpiyasikāya ca. Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā…pe… kā ca tattha tassapāpiyasikāya? Yā tassapāpiyasikākammassa kiriyā karaṇaṃ upagamanaṃ ajjhupagamanaṃ adhivāsanā appaṭikkosanā – ayaṃ tattha tassapāpiyasikāya. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇ассабаабияасигаавинаяагат̇аа • Tassapāpiyasikāvinayakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасаманасамат̇агат̇ааван̣н̣анаа • Adhikaraṇavūpasamanasamathakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̇ассабаабияасигаавинаяагат̇аа • Tassapāpiyasikāvinayakathā
