| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೧೮೬. ತಸ್ಸುದ್ದಾನಂ
186. Tassuddānaṃ
ಸಾರದಿಕೇ ವಿಕಾಲೇಪಿ, ವಸಂ ಮೂಲೇ ಪಿಟ್ಠೇಹಿ ಚ।
Sāradike vikālepi, vasaṃ mūle piṭṭhehi ca;
ಕಸಾವೇಹಿ ಪಣ್ಣಂ ಫಲಂ, ಜತು ಲೋಣಂ ಛಕಣಞ್ಚ॥
Kasāvehi paṇṇaṃ phalaṃ, jatu loṇaṃ chakaṇañca.
ಥವಿಕಂಸಬದ್ಧಕಂ ಸುತ್ತಂ, ಮುದ್ಧನಿತೇಲನತ್ಥು ಚ।
Thavikaṃsabaddhakaṃ suttaṃ, muddhanitelanatthu ca;
ನತ್ಥುಕರಣೀ ಧೂಮಞ್ಚ, ನೇತ್ತಞ್ಚಾಪಿಧನತ್ಥವಿ॥
Natthukaraṇī dhūmañca, nettañcāpidhanatthavi.
ತೇಲಪಾಕೇಸು ಮಜ್ಜಞ್ಚ, ಅತಿಕ್ಖಿತ್ತಂ ಅಬ್ಭಞ್ಜನಂ।
Telapākesu majjañca, atikkhittaṃ abbhañjanaṃ;
ತುಮ್ಬಂ ಸೇದಂ ಸಮ್ಭಾರಞ್ಚ, ಮಹಾ ಭಙ್ಗೋದಕಂ ತಥಾ॥
Tumbaṃ sedaṃ sambhārañca, mahā bhaṅgodakaṃ tathā.
ದಕಕೋಟ್ಠಂ ಲೋಹಿತಞ್ಚ, ವಿಸಾಣಂ ಪಾದಬ್ಭಞ್ಜನಂ।
Dakakoṭṭhaṃ lohitañca, visāṇaṃ pādabbhañjanaṃ;
ಪಜ್ಜಂ ಸತ್ಥಂ ಕಸಾವಞ್ಚ, ತಿಲಕಕ್ಕಂ ಕಬಳಿಕಂ॥
Pajjaṃ satthaṃ kasāvañca, tilakakkaṃ kabaḷikaṃ.
ಚೋಳಂ ಸಾಸಪಕುಟ್ಟಞ್ಚ, ಧೂಮ ಸಕ್ಖರಿಕಾಯ ಚ।
Coḷaṃ sāsapakuṭṭañca, dhūma sakkharikāya ca;
ವಣತೇಲಂ ವಿಕಾಸಿಕಂ, ವಿಕಟಞ್ಚ ಪಟಿಗ್ಗಹಂ॥
Vaṇatelaṃ vikāsikaṃ, vikaṭañca paṭiggahaṃ.
ಗೂಥಂ ಕರೋನ್ತೋ ಲೋಳಿಞ್ಚ, ಖಾರಂ ಮುತ್ತಹರೀತಕಂ।
Gūthaṃ karonto loḷiñca, khāraṃ muttaharītakaṃ;
ಗನ್ಧಾ ವಿರೇಚನಞ್ಚೇವ, ಅಚ್ಛಾಕಟಂ ಕಟಾಕಟಂ॥
Gandhā virecanañceva, acchākaṭaṃ kaṭākaṭaṃ.
ಪಟಿಚ್ಛಾದನಿ ಪಬ್ಭಾರಾ, ಆರಾಮ ಸತ್ತಾಹೇನ ಚ।
Paṭicchādani pabbhārā, ārāma sattāhena ca;
ಗುಳಂ ಮುಗ್ಗಂ ಸೋವೀರಞ್ಚ, ಸಾಮಂಪಾಕಾ ಪುನಾಪಚೇ॥
Guḷaṃ muggaṃ sovīrañca, sāmaṃpākā punāpace.
ಪುನಾನುಞ್ಞಾಸಿ ದುಬ್ಭಿಕ್ಖೇ, ಫಲಞ್ಚ ತಿಲಖಾದನೀ।
Punānuññāsi dubbhikkhe, phalañca tilakhādanī;
ಪುರೇಭತ್ತಂ ಕಾಯಡಾಹೋ, ನಿಬ್ಬತ್ತಞ್ಚ ಭಗನ್ದಲಂ॥
Purebhattaṃ kāyaḍāho, nibbattañca bhagandalaṃ.
ವತ್ಥಿಕಮ್ಮಞ್ಚ ಸುಪ್ಪಿಞ್ಚ, ಮನುಸ್ಸಮಂಸಮೇವ ಚ।
Vatthikammañca suppiñca, manussamaṃsameva ca;
ಅಚ್ಛತರಚ್ಛಮಂಸಞ್ಚ, ಪಟಿಪಾಟಿ ಚ ಯಾಗು ಚ।
Acchataracchamaṃsañca, paṭipāṭi ca yāgu ca;
ತರುಣಂ ಅಞ್ಞತ್ರ ಗುಳಂ, ಸುನಿಧಾವಸಥಾಗಾರಂ॥
Taruṇaṃ aññatra guḷaṃ, sunidhāvasathāgāraṃ.
ಗಙ್ಗಾ ಕೋಟಿಸಚ್ಚಕಥಾ, ಅಮ್ಬಪಾಲೀ ಚ ಲಿಚ್ಛವೀ।
Gaṅgā koṭisaccakathā, ambapālī ca licchavī;
ಉದ್ದಿಸ್ಸ ಕತಂ ಸುಭಿಕ್ಖಂ, ಪುನದೇವ ಪಟಿಕ್ಖಿಪಿ॥
Uddissa kataṃ subhikkhaṃ, punadeva paṭikkhipi.
ಮೇಘೋ ಯಸೋ ಮೇಣ್ಡಕೋ, ಚ ಗೋರಸಂ ಪಾಥೇಯ್ಯಕೇನ ಚ।
Megho yaso meṇḍako, ca gorasaṃ pātheyyakena ca;
ಕೇಣಿ ಅಮ್ಬೋ ಜಮ್ಬು ಚೋಚ, ಮೋಚಮಧುಮುದ್ದಿಕಸಾಲುಕಂ॥
Keṇi ambo jambu coca, mocamadhumuddikasālukaṃ.
ಫಾರುಸಕಾ ಡಾಕಪಿಟ್ಠಂ, ಆತುಮಾಯಂ ನಹಾಪಿತೋ।
Phārusakā ḍākapiṭṭhaṃ, ātumāyaṃ nahāpito;
ಸಾವತ್ಥಿಯಂ ಫಲಂ ಬೀಜಂ, ಕಿಸ್ಮಿಂ ಠಾನೇ ಚ ಕಾಲಿಕೇತಿ॥
Sāvatthiyaṃ phalaṃ bījaṃ, kismiṃ ṭhāne ca kāliketi.
ಇಮಮ್ಹಿ ಖನ್ಧಕೇ ವತ್ಥೂ ಏಕಸತಂ ಛವತ್ಥು।
Imamhi khandhake vatthū ekasataṃ chavatthu.
ಭೇಸಜ್ಜಕ್ಖನ್ಧಕೋ ನಿಟ್ಠಿತೋ।
Bhesajjakkhandhako niṭṭhito.
Footnotes:
