| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. д̇ат̇ааг̇ад̇асуд̇д̇ам̣
12. Tathāgatasuttaṃ
844. д̇ад̇ра ко бхаг̇аваа бхигкуу ааманд̇зси – ‘‘д̇ам̣ гим̣ ман̃н̃ат̇а, бхигкавз, гад̇амзсам̣ д̇хаммаанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇о звам̣махид̣̇д̇хиго звам̣махаанубхааво’’д̇и? бхаг̇авам̣муулагаа но, бханд̇з, д̇хаммаа…бз… ‘‘жад̇уннам̣ ко, бхигкавз, ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇о звам̣махид̣̇д̇хиго звам̣махаанубхааво’’.
844. Tatra kho bhagavā bhikkhū āmantesi – ‘‘taṃ kiṃ maññatha, bhikkhave, katamesaṃ dhammānaṃ bhāvitattā bahulīkatattā tathāgato evaṃmahiddhiko evaṃmahānubhāvo’’ti? Bhagavaṃmūlakā no, bhante, dhammā…pe… ‘‘catunnaṃ kho, bhikkhave, iddhipādānaṃ bhāvitattā bahulīkatattā tathāgato evaṃmahiddhiko evaṃmahānubhāvo’’.
‘‘гад̇амзсам̣ жад̇уннам̣? ид̇ха, бхигкавз, д̇ат̇ааг̇ад̇о чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – ‘ид̇и мз чанд̣̇о на жа ад̇илийно бхависсад̇и, на жа ад̇иббаг̇г̇ахид̇о бхависсад̇и, на жа аж̇жхад̇д̇ам̣ сам̣кид̇д̇о бхависсад̇и, на жа б̣ахид̣̇д̇хаа вигкид̇д̇о бхависсад̇и’. бажчаабурзсан̃н̃ий жа вихарад̇и – ‘яат̇аа бурз д̇ат̇аа бажчаа, яат̇аа бажчаа д̇ат̇аа бурз; яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо; яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа’. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – ‘ид̇и мз виймам̣саа на жа ад̇илийнаа бхависсад̇и, на жа ад̇ибаг̇г̇ахид̇аа бхависсад̇и, на жа аж̇жхад̇д̇ам̣ сам̣кид̇д̇аа бхависсад̇и, на жа б̣ахид̣̇д̇хаа вигкид̇д̇аа бхависсад̇и’. бажчаабурзсан̃н̃ий жа вихарад̇и – ‘яат̇аа бурз д̇ат̇аа бажчаа, яат̇аа бажчаа д̇ат̇аа бурз; яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо; яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа’. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. имзсам̣ ко, бхигкавз, жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇о звам̣махид̣̇д̇хиго звам̣махаанубхааво.
‘‘Katamesaṃ catunnaṃ? Idha, bhikkhave, tathāgato chandasamādhippadhānasaṅkhārasamannāgataṃ iddhipādaṃ bhāveti – ‘iti me chando na ca atilīno bhavissati, na ca atippaggahito bhavissati, na ca ajjhattaṃ saṃkhitto bhavissati, na ca bahiddhā vikkhitto bhavissati’. Pacchāpuresaññī ca viharati – ‘yathā pure tathā pacchā, yathā pacchā tathā pure; yathā adho tathā uddhaṃ, yathā uddhaṃ tathā adho; yathā divā tathā rattiṃ, yathā rattiṃ tathā divā’. Iti vivaṭena cetasā apariyonaddhena sappabhāsaṃ cittaṃ bhāveti. Vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ‘iti me vīmaṃsā na ca atilīnā bhavissati, na ca atipaggahitā bhavissati, na ca ajjhattaṃ saṃkhittā bhavissati, na ca bahiddhā vikkhittā bhavissati’. Pacchāpuresaññī ca viharati – ‘yathā pure tathā pacchā, yathā pacchā tathā pure; yathā adho tathā uddhaṃ, yathā uddhaṃ tathā adho; yathā divā tathā rattiṃ, yathā rattiṃ tathā divā’. Iti vivaṭena cetasā apariyonaddhena sappabhāsaṃ cittaṃ bhāveti. Imesaṃ kho, bhikkhave, catunnaṃ iddhipādānaṃ bhāvitattā bahulīkatattā tathāgato evaṃmahiddhiko evaṃmahānubhāvo.
‘‘имзсан̃жа бана, бхигкавз, жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇о анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и…бз… яаава б̣рахмалогааби гааязна васам̣ вад̇д̇зд̇и. имзсан̃жа бана, бхигкавз, жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̣̇ваад̣̇асамам̣.
‘‘Imesañca pana, bhikkhave, catunnaṃ iddhipādānaṃ bhāvitattā bahulīkatattā tathāgato anekavihitaṃ iddhividhaṃ paccanubhoti – ekopi hutvā bahudhā hoti…pe… yāva brahmalokāpi kāyena vasaṃ vatteti. Imesañca pana, bhikkhave, catunnaṃ iddhipādānaṃ bhāvitattā bahulīkatattā tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Dvādasamaṃ.
(чаби абхин̃н̃ааяо вид̇т̇аарзд̇аб̣б̣аа).
(Chapi abhiññāyo vitthāretabbā).
аяог̇ул̣аваг̇г̇о д̇ад̇ияо.
Ayoguḷavaggo tatiyo.
д̇ассуд̣̇д̣̇аанам̣ –
Tassuddānaṃ –
маг̇г̇о аяог̇ул̣о бхигку, суд̣̇д̇хиган̃жааби д̣̇вз палаа;
Maggo ayoguḷo bhikkhu, suddhikañcāpi dve phalā;
д̣̇вз жаананд̣̇аа д̣̇увз бхигкуу, мог̇г̇аллаано д̇ат̇ааг̇ад̇од̇и.
Dve cānandā duve bhikkhū, moggallāno tathāgatoti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11-12. мог̇г̇аллаанасуд̇д̇аад̣̇иван̣н̣анаа • 11-12. Moggallānasuttādivaṇṇanā
