| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
८. अप्पमादपेय्यालवग्गो
8. Appamādapeyyālavaggo
१. तथागतसुत्तवण्णना
1. Tathāgatasuttavaṇṇanā
१३९. अप्पमादपेय्याले एवमेव खोति एत्थ यथा सब्बसत्तानं सम्मासम्बुद्धो अग्गो, एवं सब्बेसं कुसलधम्मानं कारापकअप्पमादो अग्गोति दट्ठब्बो। ननु चेस लोकियोव, कुसलधम्मा पन लोकुत्तरापि। अयञ्च कामावचरोव, कुसलधम्मा पन चतुभूमका। कथमेस तेसं अग्गोति? पटिलाभकट्ठेन। अप्पमादेन हि ते पटिलब्भन्ति, तस्मा सो तेसं अग्गो। तेनेतं वुत्तं सब्बे ते अप्पमादमूलकातिआदि।
139. Appamādapeyyāle evameva khoti ettha yathā sabbasattānaṃ sammāsambuddho aggo, evaṃ sabbesaṃ kusaladhammānaṃ kārāpakaappamādo aggoti daṭṭhabbo. Nanu cesa lokiyova, kusaladhammā pana lokuttarāpi. Ayañca kāmāvacarova, kusaladhammā pana catubhūmakā. Kathamesa tesaṃ aggoti? Paṭilābhakaṭṭhena. Appamādena hi te paṭilabbhanti, tasmā so tesaṃ aggo. Tenetaṃ vuttaṃ sabbe te appamādamūlakātiādi.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. तथागतसुत्तं • 1. Tathāgatasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १. तथागतसुत्तवण्णना • 1. Tathāgatasuttavaṇṇanā
