| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. তথসুত্তং
10. Tathasuttaṃ
১০৯০. ‘‘চত্তারিমানি, ভিক্খৰে, তথানি অৰিতথানি অনঞ্ঞথানি। কতমানি চত্তারি? ‘ইদং দুক্খ’ন্তি, ভিক্খৰে, তথমেতং অৰিতথমেতং অনঞ্ঞথমেতং ; ‘অযং দুক্খসমুদযো’তি তথমেতং অৰিতথমেতং অনঞ্ঞথমেতং; ‘অযং দুক্খনিরোধো’তি তথমেতং অৰিতথমেতং অনঞ্ঞথমেতং; ‘অযং দুক্খনিরোধগামিনী পটিপদা’তি তথমেতং অৰিতথমেতং অনঞ্ঞথমেতং – ইমানি খো, ভিক্খৰে, চত্তারি তথানি অৰিতথানি অনঞ্ঞথানি।
1090. ‘‘Cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathametaṃ ; ‘ayaṃ dukkhasamudayo’ti tathametaṃ avitathametaṃ anaññathametaṃ; ‘ayaṃ dukkhanirodho’ti tathametaṃ avitathametaṃ anaññathametaṃ; ‘ayaṃ dukkhanirodhagāminī paṭipadā’ti tathametaṃ avitathametaṃ anaññathametaṃ – imāni kho, bhikkhave, cattāri tathāni avitathāni anaññathāni.
‘‘তস্মাতিহ, ভিক্খৰে, ‘ইদং দুক্খ’ন্তি যোগো করণীযো…পে॰… ‘অযং দুক্খনিরোধগামিনী পটিপদা’তি যোগো করণীযো’’তি। দসমং।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dasamaṃ.
ধম্মচক্কপ্পৰত্তনৰগ্গো দুতিযো।
Dhammacakkappavattanavaggo dutiyo.
তস্সুদ্দানং –
Tassuddānaṃ –
ধম্মচক্কং তথাগতং, খন্ধা আযতনেন চ।
Dhammacakkaṃ tathāgataṃ, khandhā āyatanena ca;
ধারণা চ দ্ৰে অৰিজ্জা, ৰিজ্জা সঙ্কাসনা তথাতি॥
Dhāraṇā ca dve avijjā, vijjā saṅkāsanā tathāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. তথসুত্তৰণ্ণনা • 10. Tathasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. তথসুত্তৰণ্ণনা • 10. Tathasuttavaṇṇanā
