| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
5. තථතාකථාවණ්‌ණනා
5. Tathatākathāvaṇṇanā
841-843. ඉදානි තථතාකථා නාම හොති. තත්‌ථ යෙසං ‘‘රූපාදීනං සබ්‌බධම්‌මානං රූපාදිසභාවතාසඞ්‌ඛාතා තථතා නාම අත්‌ථි, සා ච සඞ්‌ඛතෙසු රූපාදීසු අපරියාපන්‌නත්‌තා අසඞ්‌ඛතා’’ති ලද්‌ධි, සෙය්‍යථාපි එකච්‌චානං උත්‌තරාපථකානං, තෙ සන්‌ධාය පුච්‌ඡා සකවාදිස්‌ස , පටිඤ්‌ඤා ඉතරස්‌ස. සෙසමිධාපි හෙට්‌ඨා වුත්‌තනයත්‌තා පාකටමෙවාති.
841-843. Idāni tathatākathā nāma hoti. Tattha yesaṃ ‘‘rūpādīnaṃ sabbadhammānaṃ rūpādisabhāvatāsaṅkhātā tathatā nāma atthi, sā ca saṅkhatesu rūpādīsu apariyāpannattā asaṅkhatā’’ti laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa , paṭiññā itarassa. Sesamidhāpi heṭṭhā vuttanayattā pākaṭamevāti.
තථතාකථාවණ්‌ණනා.
Tathatākathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (190) 5. තථතාකථා • (190) 5. Tathatākathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 5. තථතාකථාවණ්‌ණනා • 5. Tathatākathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. තථතාකථාවණ්‌ණනා • 5. Tathatākathāvaṇṇanā
