Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya

    ౩. తతియఅభిసన్దసుత్తం

    3. Tatiyaabhisandasuttaṃ

    ౧౦౩౯. ‘‘చత్తారోమే, భిక్ఖవే, పుఞ్ఞాభిసన్దా, కుసలాభిసన్దా, సుఖస్సాహారా. కతమే చత్తారో? ఇధ, భిక్ఖవే, అరియసావకో బుద్ధే అవేచ్చప్పసాదేన సమన్నాగతో హోతి – ఇతిపి సో భగవా…పే॰… సత్థా దేవమనుస్సానం బుద్ధో భగవాతి. అయం పఠమో పుఞ్ఞాభిసన్దో, కుసలాభిసన్దో, సుఖస్సాహారో.

    1039. ‘‘Cattārome, bhikkhave, puññābhisandā, kusalābhisandā, sukhassāhārā. Katame cattāro? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Ayaṃ paṭhamo puññābhisando, kusalābhisando, sukhassāhāro.

    ‘‘పున చపరం, భిక్ఖవే, అరియసావకో ధమ్మే…పే॰… సఙ్ఘే…పే॰….

    ‘‘Puna caparaṃ, bhikkhave, ariyasāvako dhamme…pe… saṅghe…pe….

    ‘‘పున చపరం, భిక్ఖవే, అరియసావకో పఞ్ఞవా హోతి ఉదయత్థగామినియా పఞ్ఞాయ సమన్నాగతో అరియాయ నిబ్బేధికాయ సమ్మా దుక్ఖక్ఖయగామినియా. అయం చతుత్థో పుఞ్ఞాభిసన్దో కుసలాభిసన్దో సుఖస్సాహారో. ఇమే ఖో, భిక్ఖవే, చత్తారో పుఞ్ఞాభిసన్దా కుసలాభిసన్దా సుఖస్సాహారా.

    ‘‘Puna caparaṃ, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Ayaṃ catuttho puññābhisando kusalābhisando sukhassāhāro. Ime kho, bhikkhave, cattāro puññābhisandā kusalābhisandā sukhassāhārā.

    ‘‘ఇమేహి ఖో, భిక్ఖవే, చతూహి పుఞ్ఞాభిసన్దేహి కుసలాభిసన్దేహి సమన్నాగతస్స అరియసావకస్స న సుకరం పుఞ్ఞస్స పమాణం గణేతుం – ‘ఏత్తకో పుఞ్ఞాభిసన్దో, కుసలాభిసన్దో, సుఖస్సాహారో’తి. అథ ఖో అసఙ్ఖ్యేయ్యో అప్పమేయ్యో మహాపుఞ్ఞక్ఖన్ధో త్వేవ సఙ్ఖ్యం గచ్ఛతీ’’తి. ఇదమవోచ భగవా…పే॰… సత్థా –

    ‘‘Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchatī’’ti. Idamavoca bhagavā…pe… satthā –

    ‘‘యో పుఞ్ఞకామో కుసలే పతిట్ఠితో,

    ‘‘Yo puññakāmo kusale patiṭṭhito,

    భావేతి మగ్గం అమతస్స పత్తియా;

    Bhāveti maggaṃ amatassa pattiyā;

    సో ధమ్మసారాధిగమో ఖయే రతో,

    So dhammasārādhigamo khaye rato,

    న వేధతి మచ్చురాజాగమనస్మి’’న్తి 1. తతియం;

    Na vedhati maccurājāgamanasmi’’nti 2. tatiyaṃ;







    Footnotes:
    1. మచ్చురాజాగమిస్సతీతి (సీ॰ పీ॰), మచ్చుజరాకమ్పిస్మిన్తి (క॰)
    2. maccurājāgamissatīti (sī. pī.), maccujarākampisminti (ka.)



    Related texts:



    అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩. తతియఅభిసన్దసుత్తవణ్ణనా • 3. Tatiyaabhisandasuttavaṇṇanā

    టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. తతియఅభిసన్దసుత్తవణ్ణనా • 3. Tatiyaabhisandasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact