| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. д̇ад̇ияаад̇хаммасуд̇д̇ам̣
3. Tatiyaadhammasuttaṃ
115. ‘‘ад̇хаммо жа, бхигкавз, взд̣̇ид̇аб̣б̣о д̇хаммо жа; анад̇т̇о жа взд̣̇ид̇аб̣б̣о ад̇т̇о жа. ад̇хамман̃жа вид̣̇ид̇ваа д̇хамман̃жа, анад̇т̇ан̃жа вид̣̇ид̇ваа ад̇т̇ан̃жа яат̇аа д̇хаммо яат̇аа ад̇т̇о д̇ат̇аа бадибаж̇ж̇ид̇аб̣б̣а’’нд̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
115. ‘‘Adhammo ca, bhikkhave, veditabbo dhammo ca; anattho ca veditabbo attho ca. Adhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabba’’nti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
ат̇а ко д̇зсам̣ бхигкуунам̣ ажирабагганд̇асса бхаг̇авад̇о зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘ад̇хаммо жа, бхигкавз, взд̣̇ид̇аб̣б̣о д̇хаммо жа; анад̇т̇о жа взд̣̇ид̇аб̣б̣о ад̇т̇о жа . ад̇хамман̃жа вид̣̇ид̇ваа д̇хамман̃жа, анад̇т̇ан̃жа вид̣̇ид̇ваа ад̇т̇ан̃жа яат̇аа д̇хаммо яат̇аа ад̇т̇о д̇ат̇аа бадибаж̇ж̇ид̇аб̣б̣а’нд̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и?
Atha kho tesaṃ bhikkhūnaṃ acirapakkantassa bhagavato etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘adhammo ca, bhikkhave, veditabbo dhammo ca; anattho ca veditabbo attho ca . Adhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabba’nti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti?
ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаама 1. яат̇аа но ааяасмаа аананд̣̇о б̣яаагариссад̇и д̇ат̇аа нам̣ д̇хаарзссаамаа’’д̇и.
Atha kho tesaṃ bhikkhūnaṃ etadahosi – ‘‘ayaṃ kho āyasmā ānando satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāma 2. Yathā no āyasmā ānando byākarissati tathā naṃ dhāressāmā’’ti.
ат̇а ко д̇з бхигкуу язнааяасмаа аананд̣̇о д̇знубасан̇гамим̣су; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ аананд̣̇ам̣ зд̇ад̣̇авожум̣ –
Atha kho te bhikkhū yenāyasmā ānando tenupasaṅkamiṃsu; upasaṅkamitvā āyasmatā ānandena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ ānandaṃ etadavocuṃ –
‘‘ид̣̇ам̣ ко но, аавусо аананд̣̇а, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘ад̇хаммо жа…бз… д̇ат̇аа бадибаж̇ж̇ид̇аб̣б̣а’нд̇и.
‘‘Idaṃ kho no, āvuso ānanda, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘adhammo ca…pe… tathā paṭipajjitabba’nti.
‘‘д̇зсам̣ но, аавусо, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо, бхаг̇авад̇аа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ад̇хаммо жа…бз… д̇ат̇аа бадибаж̇ж̇ид̇аб̣б̣анд̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и?
‘‘Tesaṃ no, āvuso, amhākaṃ acirapakkantassa bhagavato etadahosi – ‘idaṃ kho no, āvuso, bhagavatā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – adhammo ca…pe… tathā paṭipajjitabbanti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti?
‘‘д̇зсам̣ но, аавусо, амхаагам̣ зд̇ад̣̇ахоси – ‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаама. яат̇аа но ааяасмаа аананд̣̇о б̣яаагариссад̇и д̇ат̇аа нам̣ д̇хаарзссаамаа’д̇и. вибхаж̇ад̇у ааяасмаа аананд̣̇о’’д̇и.
‘‘Tesaṃ no, āvuso, amhākaṃ etadahosi – ‘ayaṃ kho āyasmā ānando satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāma. Yathā no āyasmā ānando byākarissati tathā naṃ dhāressāmā’ti. Vibhajatu āyasmā ānando’’ti.
‘‘сзяяат̇ааби , аавусо, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва муулам̣ ад̇иггамма канд̇хам̣ саакаабалаасз саарам̣ бариязсид̇аб̣б̣ам̣ ман̃н̃зяяа; звам̣самбад̣̇амид̣̇ам̣ ааяасманд̇аанам̣ сад̇т̇ари саммукийбхууд̇з д̇ам̣ бхаг̇аванд̇ам̣ ад̇исид̇ваа амхз зд̇амад̇т̇ам̣ бадибужчид̇аб̣б̣ам̣ ман̃н̃ат̇а. со хаавусо, бхаг̇аваа ж̇аанам̣ ж̇аанаад̇и бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ д̇умхз бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаат̇а. яат̇аа во бхаг̇аваа б̣яаагарзяяа д̇ат̇аа нам̣ д̇хаарзяяаат̇аа’’д̇и.
‘‘Seyyathāpi , āvuso, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva mūlaṃ atikkamma khandhaṃ sākhāpalāse sāraṃ pariyesitabbaṃ maññeyya; evaṃsampadamidaṃ āyasmantānaṃ satthari sammukhībhūte taṃ bhagavantaṃ atisitvā amhe etamatthaṃ paṭipucchitabbaṃ maññatha. So hāvuso, bhagavā jānaṃ jānāti passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ tumhe bhagavantaṃyeva upasaṅkamitvā etamatthaṃ paṭipuccheyyātha. Yathā vo bhagavā byākareyya tathā naṃ dhāreyyāthā’’ti.
‘‘ад̣̇д̇хаавусо аананд̣̇а, бхаг̇аваа ж̇аанам̣ ж̇аанаад̇и бассам̣ бассад̇и жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ маяам̣ бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаама, яат̇аа но бхаг̇аваа б̣яаагарзяяа д̇ат̇аа нам̣ д̇хаарзяяаама. аби жааяасмаа аананд̣̇о сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. вибхаж̇ад̇ааяасмаа аананд̣̇о аг̇арум̣ гад̇ваа’’д̇и.
‘‘Addhāvuso ānanda, bhagavā jānaṃ jānāti passaṃ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ mayaṃ bhagavantaṃyeva upasaṅkamitvā etamatthaṃ paṭipuccheyyāma, yathā no bhagavā byākareyya tathā naṃ dhāreyyāma. Api cāyasmā ānando satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Vibhajatāyasmā ānando agaruṃ katvā’’ti.
‘‘д̇знахаавусо, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бажжассосум̣. ат̇ааяасмаа аананд̣̇о зд̇ад̣̇авожа –
‘‘Tenahāvuso, suṇātha, sādhukaṃ manasi karotha; bhāsissāmī’’ti. ‘‘Evamāvuso’’ti kho te bhikkhū āyasmato ānandassa paccassosuṃ. Athāyasmā ānando etadavoca –
‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘ад̇хаммо жа, бхигкавз, взд̣̇ид̇аб̣б̣о д̇хаммо жа; анад̇т̇о жа взд̣̇ид̇аб̣б̣о ад̇т̇о жа. ад̇хамман̃жа вид̣̇ид̇ваа д̇хамман̃жа, анад̇т̇ан̃жа вид̣̇ид̇ваа ад̇т̇ан̃жа яат̇аа д̇хаммо яат̇аа ад̇т̇о д̇ат̇аа бадибаж̇ж̇ид̇аб̣б̣а’нд̇и.
‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘adhammo ca, bhikkhave, veditabbo dhammo ca; anattho ca veditabbo attho ca. Adhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabba’nti.
гад̇амо жаавусо, ад̇хаммо, гад̇амо жа д̇хаммо, гад̇амо жа анад̇т̇о, гад̇амо жа ад̇т̇о?
Katamo cāvuso, adhammo, katamo ca dhammo, katamo ca anattho, katamo ca attho?
‘‘мижчаад̣̇идти, аавусо, ад̇хаммо; саммаад̣̇идти д̇хаммо; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и, аяам̣ анад̇т̇о; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и, аяам̣ ад̇т̇о.
‘‘Micchādiṭṭhi, āvuso, adhammo; sammādiṭṭhi dhammo; ye ca micchādiṭṭhipaccayā aneke pāpakā akusalā dhammā sambhavanti, ayaṃ anattho; sammādiṭṭhipaccayā ca aneke kusalā dhammā bhāvanāpāripūriṃ gacchanti, ayaṃ attho.
‘‘мижчаасан̇габбо, аавусо, ад̇хаммо; саммаасан̇габбо д̇хаммо… мижчааваажаа, аавусо, ад̇хаммо; саммааваажаа д̇хаммо … мижчаагамманд̇о, аавусо, ад̇хаммо; саммаагамманд̇о д̇хаммо… мижчааааж̇ийво, аавусо, ад̇хаммо; саммааааж̇ийво д̇хаммо… мижчаавааяаамо, аавусо, ад̇хаммо; саммаавааяаамо д̇хаммо… мижчаасад̇и, аавусо, ад̇хаммо; саммаасад̇и д̇хаммо… мижчаасамаад̇хи, аавусо, ад̇хаммо; саммаасамаад̇хи д̇хаммо… мижчаан̃аан̣ам̣, аавусо, ад̇хаммо; саммаан̃аан̣ам̣ д̇хаммо….
‘‘Micchāsaṅkappo, āvuso, adhammo; sammāsaṅkappo dhammo… micchāvācā, āvuso, adhammo; sammāvācā dhammo … micchākammanto, āvuso, adhammo; sammākammanto dhammo… micchāājīvo, āvuso, adhammo; sammāājīvo dhammo… micchāvāyāmo, āvuso, adhammo; sammāvāyāmo dhammo… micchāsati, āvuso, adhammo; sammāsati dhammo… micchāsamādhi, āvuso, adhammo; sammāsamādhi dhammo… micchāñāṇaṃ, āvuso, adhammo; sammāñāṇaṃ dhammo….
мижчаавимуд̇д̇и, аавусо, ад̇хаммо; саммаавимуд̇д̇и д̇хаммо; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и, аяам̣ анад̇т̇о; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и, аяам̣ ад̇т̇о.
Micchāvimutti, āvuso, adhammo; sammāvimutti dhammo; ye ca micchāvimuttipaccayā aneke pāpakā akusalā dhammā sambhavanti, ayaṃ anattho; sammāvimuttipaccayā ca aneke kusalā dhammā bhāvanāpāripūriṃ gacchanti, ayaṃ attho.
‘‘аяам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘ад̇хаммо жа, бхигкавз, взд̣̇ид̇аб̣б̣о д̇хаммо жа…бз… д̇ат̇аа бадибаж̇ж̇ид̇аб̣б̣а’нд̇и, имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз, аавусо, бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаат̇а. яат̇аа во бхаг̇аваа б̣яаагарод̇и 3 д̇ат̇аа нам̣ д̇хаарзяяаат̇аа’’д̇и.
‘‘Ayaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘adhammo ca, bhikkhave, veditabbo dhammo ca…pe… tathā paṭipajjitabba’nti, imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi. Ākaṅkhamānā ca pana tumhe, āvuso, bhagavantaṃyeva upasaṅkamitvā etamatthaṃ paṭipuccheyyātha. Yathā vo bhagavā byākaroti 4 tathā naṃ dhāreyyāthā’’ti.
‘‘звамаавусо’’д̇и ко д̇з бхигкуу ааяасмад̇о аананд̣̇асса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
‘‘Evamāvuso’’ti kho te bhikkhū āyasmato ānandassa bhāsitaṃ abhinanditvā anumoditvā uṭṭhāyāsanā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘яам̣ ко но бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘ад̇хаммо жа, бхигкавз, взд̣̇ид̇аб̣б̣о…бз… д̇ат̇аа бадиж̇ж̇ид̇аб̣б̣а’нд̇и.
‘‘Yaṃ kho no bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘adhammo ca, bhikkhave, veditabbo…pe… tathā paṭijjitabba’nti.
‘‘д̇зсам̣ но, бханд̇з, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ад̇хаммо жа, бхигкавз, взд̣̇ид̇аб̣б̣о…бз… д̇ат̇аа бадибаж̇ж̇ид̇аб̣б̣анд̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и?
‘‘Tesaṃ no, bhante, amhākaṃ acirapakkantassa bhagavato etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – adhammo ca, bhikkhave, veditabbo…pe… tathā paṭipajjitabbanti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti?
‘‘д̇зсам̣ но, бханд̇з, амхаагам̣ зд̇ад̣̇ахоси – ‘аяам̣ ко ааяасмаа аананд̣̇о сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа аананд̣̇о имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа аананд̣̇о д̇знубасан̇гамзяяаама; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ бадибужчзяяаама. яат̇аа но ааяасмаа аананд̣̇о б̣яаагариссад̇и д̇ат̇аа нам̣ д̇хаарзссаамаа’д̇и.
‘‘Tesaṃ no, bhante, amhākaṃ etadahosi – ‘ayaṃ kho āyasmā ānando satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā ānando tenupasaṅkameyyāma; upasaṅkamitvā āyasmantaṃ ānandaṃ etamatthaṃ paṭipuccheyyāma. Yathā no āyasmā ānando byākarissati tathā naṃ dhāressāmā’ti.
‘‘ат̇а ко маяам̣, бханд̇з, язнааяасмаа аананд̣̇о д̇знубасан̇гамимхаа; убасан̇гамид̇ваа ааяасманд̇ам̣ аананд̣̇ам̣ зд̇амад̇т̇ам̣ абужчимхаа. д̇зсам̣ но, бханд̇з, ааяасмад̇аа аананд̣̇зна имзхи аагаарзхи имзхи бад̣̇зхи имзхи б̣яан̃ж̇анзхи ад̇т̇о сувибхад̇д̇о’’д̇и 5.
‘‘Atha kho mayaṃ, bhante, yenāyasmā ānando tenupasaṅkamimhā; upasaṅkamitvā āyasmantaṃ ānandaṃ etamatthaṃ apucchimhā. Tesaṃ no, bhante, āyasmatā ānandena imehi ākārehi imehi padehi imehi byañjanehi attho suvibhatto’’ti 6.
‘‘саад̇ху саад̇ху, бхигкавз! бан̣д̣ид̇о, бхигкавз, аананд̣̇о. махаабан̃н̃о, бхигкавз, аананд̣̇о. мам̣ жзби д̇умхз, бхигкавз, убасан̇гамид̇ваа зд̇амад̇т̇ам̣ бадибужчзяяаат̇а, ахамби жзд̇ам̣ звамзвам̣ 7 б̣яаагарзяяам̣ яат̇аа д̇ам̣ аананд̣̇зна б̣яаагад̇ам̣. зсо жзва д̇асса 8 ад̇т̇о зван̃жа нам̣ д̇хаарзяяаат̇аа’’д̇и. д̇ад̇ияам̣.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. д̇ад̇ияаад̇хаммасуд̇д̇аван̣н̣анаа • 3. Tatiyaadhammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. батамаад̇хаммасуд̇д̇аад̣̇иван̣н̣анаа • 1-4. Paṭhamaadhammasuttādivaṇṇanā
