| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. д̇ад̇ияаанааг̇ад̇абхаяасуд̇д̇аван̣н̣анаа
9. Tatiyaanāgatabhayasuttavaṇṇanā
79. навамз д̇хаммасанд̣̇осаа винаяасанд̣̇осод̇и д̇хаммасанд̣̇осзна винаяасанд̣̇осо ход̇и. гат̇ам̣ бана д̇хаммасмим̣ д̣̇уссанд̇з винаяо д̣̇уссад̇и наама? самат̇авибассанаад̇хаммзсу г̇аб̣бхам̣ аг̇г̇ан̣ханд̇зсу бан̃жавид̇хо винаяо на ход̇и , звам̣ д̇хаммз д̣̇уссанд̇з винаяо д̣̇уссад̇и. д̣̇уссийласса бана сам̣варавинаяо наама на ход̇и, д̇асмим̣ асад̇и самат̇авибассанаа г̇аб̣бхам̣ на г̇ан̣хаад̇и. звам̣ винаяасанд̣̇осзнаби д̇хаммасанд̣̇осо взд̣̇ид̇аб̣б̣о. абхид̇хаммагат̇анд̇и сийлаад̣̇иуд̇д̇амад̇хаммагат̇ам̣. взд̣̇аллагат̇анд̇и взд̣̇абадисам̣яуд̇д̇ам̣ н̃аан̣амиссагагат̇ам̣. ган̣хад̇хаммам̣ оггамамаанаад̇и ранд̇хаг̇авзсид̇ааяа убаарамбхабариязсанавасзна гаал̣агад̇хаммам̣ оггамамаанаа. абижа д̣̇удтажид̇д̇зна буг̇г̇алам̣ гхаддзнд̇ааби д̇ам̣ ган̣хад̇хаммам̣ ад̇д̇ано д̣̇аханд̇ааби лаабхасаггаарад̇т̇ам̣ гат̇знд̇ааби ган̣хад̇хаммам̣ оггаманд̇иязва.
79. Navame dhammasandosā vinayasandosoti dhammasandosena vinayasandoso hoti. Kathaṃ pana dhammasmiṃ dussante vinayo dussati nāma? Samathavipassanādhammesu gabbhaṃ aggaṇhantesu pañcavidho vinayo na hoti , evaṃ dhamme dussante vinayo dussati. Dussīlassa pana saṃvaravinayo nāma na hoti, tasmiṃ asati samathavipassanā gabbhaṃ na gaṇhāti. Evaṃ vinayasandosenapi dhammasandoso veditabbo. Abhidhammakathanti sīlādiuttamadhammakathaṃ. Vedallakathanti vedapaṭisaṃyuttaṃ ñāṇamissakakathaṃ. Kaṇhadhammaṃ okkamamānāti randhagavesitāya upārambhapariyesanavasena kāḷakadhammaṃ okkamamānā. Apica duṭṭhacittena puggalaṃ ghaṭṭentāpi taṃ kaṇhadhammaṃ attano dahantāpi lābhasakkāratthaṃ kathentāpi kaṇhadhammaṃ okkamantiyeva.
г̇амбхийраад̇и баал̣иг̇амбхийраа. г̇амбхийрад̇т̇аад̇и ад̇т̇аг̇амбхийраа. логуд̇д̇араад̇и логуд̇д̇арад̇хаммад̣̇ийбагаа. сун̃н̃ад̇аабадисам̣яуд̇д̇аад̇и канд̇хад̇хаад̇уааяад̇анабажжаяаагаарабадисам̣яуд̇д̇аа. на ан̃н̃аа жид̇д̇ам̣ убадтабзссанд̇ийд̇и ж̇аананад̇т̇ааяа жид̇д̇ам̣ на табзссанд̇и. уг̇г̇ахзд̇аб̣б̣ам̣ барияаабун̣ид̇аб̣б̣анд̇и уг̇г̇ахзд̇аб̣б̣з жа вал̣ан̃ж̇зд̇аб̣б̣з жа. гавид̇аад̇и силогаад̣̇иб̣анд̇ханавасзна гавийхи гад̇аа. гаавзяяаад̇и д̇ассзва взважанам̣. б̣аахирагаад̇и саасанад̇о б̣ахид̣̇д̇хаа тид̇аа. саавагабхаасид̇аад̇и б̣аахирасаавагзхи бхаасид̇аа. сзсамзд̇т̇а хздтаа вуд̇д̇анаяад̇д̇аа сувин̃н̃зяяад̇д̇аа жа уд̇д̇аанад̇т̇амзва.
Gambhīrāti pāḷigambhīrā. Gambhīratthāti atthagambhīrā. Lokuttarāti lokuttaradhammadīpakā. Suññatāpaṭisaṃyuttāti khandhadhātuāyatanapaccayākārapaṭisaṃyuttā. Na aññā cittaṃ upaṭṭhapessantīti jānanatthāya cittaṃ na ṭhapessanti. Uggahetabbaṃ pariyāpuṇitabbanti uggahetabbe ca vaḷañjetabbe ca. Kavitāti silokādibandhanavasena kavīhi katā. Kāveyyāti tasseva vevacanaṃ. Bāhirakāti sāsanato bahiddhā ṭhitā. Sāvakabhāsitāti bāhirasāvakehi bhāsitā. Sesamettha heṭṭhā vuttanayattā suviññeyyattā ca uttānatthameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. д̇ад̇ияаанааг̇ад̇абхаяасуд̇д̇ам̣ • 9. Tatiyaanāgatabhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. д̇ад̇ияаанааг̇ад̇абхаяасуд̇д̇аван̣н̣анаа • 9. Tatiyaanāgatabhayasuttavaṇṇanā
